Doktrinal nga Kahanas: Rebyo sa Pagsukod sa Nakat-onan 1

Mateo 5:14–16 hangtod Juan 17:3

Kini nga pagsukod sa nakat-onan sa doktrinal nga kahanas gidisenyo isip usa ka kasinatian sa pagkat-on aron matabangan ang mga estudyante sa pagrebyo sa 11 ka mga tudling sa doktrinal nga kahanas nga anaa makita sa Mateo, Lucas ug Juan. Makatabang usab ang pag-andam sa mga estudyante alang sa umaabot nga pagsukod sa nakat-onan (“Doktrinal nga Kahanas: Pagsukod sa Nakat-onan 1”) ug tugoti sila sa pagpakita sa pagsabot ug paggamit niini nga mga tudling.

Kini nga rebyo nga leksiyon gituyo nga gamiton isip usa ka in-person o videoconference nga kasinatian sa pagkat-on.

Gamita kini nga rebyo ug buhata ang pagsukod sa nakat-onan sa doktrinal nga kahanas bisan kanus-a human sa pagtudlo sa tanang mga tudling sa doktrinal nga kahanas sa Mateo, Lucas, ug Juan. Mahimong gikinahanglan nga itudlo ang pipila sa mga leksiyon sa doktrinal nga kahanas sa dili pa magbuhat og pagkasunod-sunod sa mga kasulatan aron ang pagsukod mahimong mabuhat sa dili pa matapos ang semester.

Posible nga mga Kalihokan sa Pagkat-on

Ang importansiya sa doktrinal nga kahanas

Ikonsiderar ang panginahanglan sa mga estudyante, ug pagpili og mga bahin niini nga rebyo nga labing maayong makatabang nila sa pagpangandam alang sa unang pagsukod sa nakat-onan sa doktrinal nga kahanas (“Doktrinal nga Kahanas: Pagsukod sa Nakat-onan 1”). Awhaga ang mga estudyante sa kinatibuk-an niini nga rebyo nga timan-an ang mga tudling nga wala nila mailhi usab ug aron makahimo og mga plano sa pagtuon ug pagrebyo niining mga tudling isip pagpangandam alang sa pagsukod sa nakat-onan.

Ipangutana ang mosunod nga pangutana, ug ikonsiderar ang pagsulat sa pisara og usa o duha sa mga sitwasyon nga gipaambit sa mga estudyante o yanong awhagon ang mga estudyante nga hinumdoman ang mga sitwasyon. Ang ikatulong rebyo nga kalihokan naghatag og kahigayonan sa paggamit niining mga sitwasyon.

Unsa ang pipila sa mga sitwasyon diin ang kahibalo kong asa makita ang mga tudling sa doktrinal nga kahanas mahimong makatabang kaninyo?

Ang mga pasulit sa rebyo nga mga kalihokan 1 ug 2 sa ubos mao ang mga sugyot aron matabangan ang mga estudyante sa pagrebyo sa mga pakisayran ug sa labing importante nga hugpong sa mga pulong sa kasulatan. Lainlain nga mga kalihokan ang mahimong gamiton aron sa pagtuman niini sumala sa panginahanglanon sa mga estudyante.

Rebyo nga Kalihokan 1: Hibalo-i ang mga pakisayran sa kasulatan ug nag-unang hugpong sa mga pulong sa kasulatan

Ipakita ang mosunod nga pasulit, o paghatag og mga kopya niini ngadto sa mga estudyante.

Usa ka lahi nga paagi sa paggamit sa mosunod nga kalihokan mao ang pagsulat sa 11 ka mga pakisayran sa kasulatan ngadto sa pisara. Dayon basaha og kusog ang matag nag-unang hugpong sa mga pulong sa kasulatan aron makita kon ang mga estudyante makakita sa saktong tudling sulod sa 15 ka segundo (o lain nga gitas-on sa panahon). Sa dihang mapupos na ang oras, awhaga ang mga estudyante sa pagsaysay sa pakisayran.

Isip lahi nga pamaagi aron matabangan ang mga estudyante nga mas mahimong aktibo, isulat ang 11 ka pakisayran sa kasulatan sa pisara. I-printa ug ipapilit ang matag nag-unang hugpong sa mga pulong sa kasulatan sa lainlain nga lugar palibot sa kwarto. Awhaga ang mga estudyante sa paglakaw palibot sa kwarto, pangitaon ang 11 ka mga hugpong sa mga pulong, ug lantawa kon mailhan ba nila unsa nga pakisayran ang may kalabotan sa matag hugpong sa mga pulong dihang makit-an nila kini.

Giya sa tubag: 1-d, 2-g, 3-c, 4-h, 5-e, 6-k, 7-j, 8-a, 9-f, 10-b, 11-i

Ipares ang mosunod nga nag-unang mga hugpong sa mga pulong sa wala nga kolum ngadto sa saktong tudling sa doktrinal nga kahanas sa tuo nga kolum.

1. ____ “Higugmaa ang Ginoo nga inyong Dios. … Higugmaa ang imong sigkatawo.”	a. Mateo 5:14–16
2. ____ “Kay ang espiritu walay unod ug mga bukog, ingon sa inyong nakita nga anaa kanako.”	b. Mateo 11:28–30
3. ____ Si Jesus miingon, “Hatagan ko ikaw sa mga yawe sa gingharian.”	c. Mateo 16:15–19
4. ____ “Gawas kon ang tawo igaanak sa tubig ug sa Espiritu, dili siya makasulod sa gingharian sa Dios.”	d. Mateo 22:36–39
5. ____ “Kay alang kaninyo natawo karon sa lungsod ni David ang Manluluwas, nga mao ang Kristo nga Ginoo.“	e. Lucas 2:10–12
6. ____ “Ug mao kini ang kinabuhing dayon, ang ilang pagpakaila kanimo nga mao ang bugtong tinuod nga Dios, ug kang Jesukristo.”	f. Lucas 22:19–20
7. ____ “Ang buot magbuhat sa gisugo sa Dios mahibalo [sa] akong gitudlo.”	g. Lucas 24:36–39
8. ____ “Pasigaa ninyo ang inyong kahayag sa atubangan sa mga tawo.”	h. Juan 3:5
9. ____ Si Jesukristo nagsugo, moambit sa sakramento “sa paghandom kanako.”	i. Juan 3:16
10. ____ “Umari kanako, kamong tanan nga nabudlay ug nabug-atan, ug papahulayon ko kamo.”	j. Juan 7:17
11. ____ “Kay gihigugma gayod sa Dios ang kalibotan, nga tungod niana gihatag niya ang iyang bugtong Anak.”	k. Juan 17:3

Rebyo nga Kalihokan 2: Hibalo-i ang mga pakisayran sa kasulatan ug nag-unang hugpong sa mga pulong sa kasulatan

Ipakita ang mosunod nga pasulit, o paghatag og mga kopya niini ngadto sa mga estudyante.

Ikonsiderar ang pagsulat diha sa pisara sa tanang 15 ka saktong mga tubag sa mosunod nga lima ka mga pangutana sa wala nagkasunod nga pagkahan-ay. Awhaga ang mga estudyante nga moputol og usa ka piraso nga papel aron mahimong 15 ka gagmayng piraso ug sulati og usa ka saktong tubag sa matag gamay nga piraso. Dayon hatagi ang mga estudyante sa mosunod nga lima ka mga pangutana isip usa ka handout, ug awhaga sila nga sulayan pagbutang ang 15 ka piraso nga papel didto sa saktong mga blangko aron mahuman ang matag hugpong sa mga pulong.

Giya sa tubag: (1) duol; gikapuyan; papahulayon; (2) ihatag; mga yawi; gingharian; (3) natawo; Manluluwas; Ginoo; (4) espiritu; unod; mga bukog; (5) dayon; moila; Dios

Sulati ang mga blangko sa nawala nga mga pulong gikan sa importanteng mga hugpong sa mga pulong sa kasulatan.

“_________ kamo kanako, kamong tanan nga ________ ug nabug-atan, ug _________ ko kamo” ( Mateo 11:28–30).
Si Jesus miingon, “__________ ko kanimo ang __________ sa__________” ( Mateo 16:15–19).
“Kay karong gabhiona, _______ sa lungsod ni David ang inyong _________, ang Kristo nga ______!” ( Lucas 2:10–12).
“Alang sa usa ka __________ wala __________ ug__________, ingon sa inyong nakita nako” ( Luke 24:36–39).
“Ug kini mao ang kinabuhing _______, nga ang mga tawo ________ kanimo nga mao ang bugtong matuod nga_________, ug kang Jesukristo” ( Juan 17:3).

Rebyo nga kalihokan 3: Paggamit sa doktrina

Ang mosunod nga kalihokan motabang sa mga estudyante sa pagpakita og pagsabot sa mga tudling sa doktrinal nga kahanas pinaagi sa pagtugot kanila sa pagpasabot unsaon nila sa paggamit sa tinuod nga kinabuhi. Tugoti ang mga estudyante sa paggamit sa ilang mga kasulatan aron matabangan sila sa pagpili og usa o daghan pang mga tudling sa doktrinal nga kahanas nga nabati nilang makatabang sa tawo nga gihulagway sa kalihokan. Awhaga sila sa pagpasabot giunsa sa tudling nga ilang napili nga mahimong makatabang sa maong tawo. Mahimong sobra pa sa usa ka doktrinal nga kahanas nga mga bersikulo ang mahimong magamit sa matag senaryo.

Kini nga kalihokan mahimong himoon sa mga grupo, sa indibidwal, o isip usa ka klase, o mahimong ang kombinasyon sa tulo. Kaysa sa paggamit sa mosunod nga gisugyot nga mga senaryo, ikonsiderar ang pag-awhag sa mga estudyante sa paggamit sa mga senaryo nga ilang gipaambit sa pagsugod sa klase.

Usa ka tawo nga nagkat-on mahitungod sa Simbahan gustong mahibalo kon siya nagkinahanglan ba gayod nga bunyagan kon iyaha nang nadawat si Jesukristo isip iyang Manluluwas.
Aduna kay usa ka higala nga nagpangutana kon ang Langitnong Amahan nahigugma kaniya.
Ang imong igsoong babaye naghunahuna unsaon niya pagkahimong mas maayong disipulo ni Jesukristo.

Rebyo nga kalihokan 4: Gamita ang mga baroganan sa pag-angkon og espirituhanong kahibalo

Ikonsiderar ang paggamit sa mosunod nga sitwasyon aron matabangan ang mga estudyante sa pagrebyo sa mga baroganan sa pag-angkon og espirituhanong kahibalo. Mahimong mas epektibo alang sa mga estudyante nga magbuhat nga managpares o sa ginagmay nga mga grupo.

Ang imong higala nanlimbasog nga makaangkon og usa ka personal nga pagpamatuod nga ang doktrina nga gitudlo sa Simbahan gikan sa Dios.

Todlui ang imong higala mahitungod sa mosunod nga tulo ka mga baroganan sa pag-angkon og espirituhanong kahibalo ug unsaon niya paggamit kanila aron makakuha og panabang sa Langitnong Amahan niining iyang kabalaka:

Lihok uban sa hugot nga pagtuo.

Susiha ang mga konsepto ug mga pangutana uban sa mahangtoron nga panglantaw.

Pagtinguha pa og dugang nga panabot pinaagi sa balaang gitudlo nga mga tinubdan.

Unsa nga mga tudling sa doktrinal nga kahanas gikan sa katunga niini nga kurso mahimong makatabang sa imong higala? Unsaon niini nga mga tudling pagtabang kaniya?
Sa unsang paagi makatabang ang paggamit sa mga baroganan sa pag-angkon og espirituhanong kahibalo sa dihang nangita kita og mga tubag sa atong mga pangutana o mga kabalaka?
Giunsa nimo paggamit kini nga mga baroganan aron matabangan ang uban o aron masulbad ang imong kaugalingong mga kabalaka?

New Testament Seminary Teacher Manual - 2023

Doktrinal nga Kahanas: Pagsukod sa Nakat-onan 1—Giya sa Pagtuon

Sag-uloha ang pakisayran ug ang importanteng hugpong sa mga pulong sa kasulatan

Sinatia ang mga tudling sa doktrinal nga kahanas sa kasulatan ug importanteng mga hugpong sa mga pulong sa kasulatan. Mahimo ninyo kining i-download ug mogamit sa Doktrinal nga Kahanas sa mobile nga app sa pagtabang kaninyo sa pagribyo.

Mateo 5:14–16 . “Ipadan-ag ang inyong kahayag sa atubangan sa mga tawo.”

Mateo 11:28–30 . “Duol kamo kanako, kamong tanan nga gikapuyan ug gibug-atan sa inyong gipas-an ug papahulayon ko kamo.”

Mateo 16:15–19 . Si Jesus miingon, “Ihatag ko kanimo ang mga yawe sa gingharian sa langit.”

Mateo 22:36–39 . “Higugmaa ang Ginoo nga imong Dios. … Higugmaa ang imong sigkatawo.”

Lucas 2:10–12 . “Kay karong gabhiona, natawo sa lungsod ni David ang inyong Manluluwas, ang Kristo nga Ginoo.”

Lucas 22:19–20 . Si Jesukristo nagsugo, moambit sa sakramento “aron paghandom kanako.”

Lucas 24:36–39 . “Kay ang espiritu walay unod ug mga bukog sama sa nakita ninyo nga ania kanako.”

Juan 3:5 . “Walay makasulod sa gingharian sa Dios gawas kon matawo siya pinaagi sa tubig ug sa Espiritu.”

Juan 3:16 . “Kay gihigugma pag-ayo sa Dios ang kalibotan ug tungod niini gihatag niya ang iyang bugtong Anak.”

Juan 7:17 . “Ang buot magbuhat sa gisugo sa Dios mahibalo kon ang akong gitudlo gikan ba sa Dios.”

Juan 17:3 . “Ug kini mao ang kinabuhing dayon: nga ang mga tawo moila kanimo nga mao ang bugtong matuod nga Dios ug kang Jesukristo nga imong gipadalaga ang mga tawo moila kanimo nga mao ang bugtong matuod nga Dios ug kang Jesukristo nga imong gipadala.”

Gamita ang doktrina sa mga sitwasyon sa tinuod nga kinabuhi

Paggamit og usa o daghan pang mga tudling sa kasulatan sa doktrinal nga kahanas aron sa pagtubag sa usa ka tawo nga mangutana, “Unsa ang gitudlo sa Bag-ong Tugon mahitungod sa pag-angkon og usa ka personal nga pagpamatuod nga ang doktrina nga gitudlo sa Simbahan gikan sa Dios?”
Kon magtudlo mo sa usa ka tawo mahitungod sa gugma sa Ginoo alang kanila, unsa nga mga tudling sa doktrinal nga kahanas sa Bag-ong Tugon ang mahimo ninyong gamiton? Unsaon nimo paggamit kini nga mga tudling sa pagpasabot sa gugma sa Dios?

Pag-andam sa pagpaambit asa nga mga tudling sa doktrinal nga kahanas ang labing nakapekto kanimo. Unsa ang gitudlo niini nga tudling diha kaninyo mahitungod sa Langitnong Amahan ug ni Jesukristo?

Mga Baroganan sa pag-angkon og espirituhanon nga kahibalo

Rebyoha ang mga parapo 5–12 sa seksiyon nga “Pag-angkon og Espirituhanong Kahibalo sa Mahinungdanon nga Dokumento sa Doktrinal nga Kahanas (2022).