Doktrinal nga Kahanas: Rebyo sa Pagsukod sa Nakat-onan 2
1 Mga Taga-Corinto 6:19–20 hangtod sa Pinadayag 20:12
Kini nga pagsukod sa nakat-onan sa doktrinal nga kahanas gidisenyo isip usa ka kasinatian sa pagkat-on aron matabangan ang mga estudyante sa pagrebyo sa 13 ka mga tudling sa doktrinal nga kahanas nga anaa makita sa 1 Mga Taga-Corinto hangtod sa Pinadayag. Makatabang usab kini sa pag-andam sa mga estudyante alang sa umaabot nga pagsukod sa nakat-onan (“Doktrinal nga Kahanas: Pagsukod sa Nakat-onan 2”) ug sa pagtugot kanila sa pagpakita sa pagsabot ug paggamit niini nga mga tudling.
Kini nga rebyo nga leksiyon gituyo nga gamiton sa personal o sa videoconference nga kasinatian sa pagkat-on.
Gamita kini nga rebyo ug buhata ang pagsukod sa nakat-onan sa doktrinal nga kahanas bisan kanus-a human nga natudlo ang tanang mga tudling sa doktrinal nga kahanas gikan sa 1 Mga Taga-Corinto hangtod sa Pinadayag. Mahimong gikinahanglan nga itudlo ang pipila sa mga leksiyon sa doktrinal nga kahanas una pa kini moabot sa pagkasunod-sunod sa mga kasulatan aron ang pagsukod mahimong mabuhat sa dili pa matapos ang semester.
Posible nga mga Kalihokan sa Pagkat-on
Doktrinal nga kahanas sa imong kinabuhi
Ikonsiderar ang panginahanglan sa mga estudyante, ug pagpili og mga bahin niini nga rebyo nga labing makatabang kanila sa pagpangandam alang sa “Doktrinal nga Kahanas: Pagsukod sa Nakat-onan 2.” Dapita ang mga estudyante sa kinatibuk-an niini nga rebyo nga timan-an ang mga tudling nga wala nila mailhi usab ug aron makahimo og mga plano sa pagtuon ug pagrebyo niining mga tudling isip pagpangandam alang sa pagsukod sa nakat-onan.
Hangyoa ang mga estudyante sa pagpamalandong sa mosunod nga mga pangutana.
-
Sa unsang paagi ka napanalanginan pinaagi sa pagtuon sa mga tudling sa doktrinal nga kahanas gikan sa 1 Mga Taga-Corinto hangtod sa Pinadayag?
-
Kanus-a nimo nagamit ang imong nakat-onan gikan niini nga mga tudling sa imong kinabuhi?
Ang mosunod nga mga pasulit sa pagrebyo nga mga kalihokan 1 ug 2 sa ubos gituyo aron matabangan ang mga estudyante sa pagrebyo sa mga pakisayran ug sa mahinungdanong hugpong sa mga pulong sa kasulatan sa doktrinal nga kahanas. Lain-laing mga kalihokan ang mahimo usab nga magamit aron makatabang sa pagrebyo sa mga pakisayran ug sa mahinungdanong hugpong sa mga pulong sa kasulatan sumala sa mga panginahanglanon sa mga estudyante.
Rebyo nga kalihokan 1: Hibaloi ang mga pakisayran sa kasulatan ug ang mahinungdanong hugpong sa mga pulong sa kasulatan
Ipakita ang mosunod nga pasulit, o paghatag og mga kopya niini ngadto sa mga estudyante.
Isip usa ka alternatibo sa pagpakita sa pasulit o paghatag og mga kopya niini ngadto sa mga estudyante, isulat ang matag pakisayran sa managlahi, gagmayng mga piraso sa papel, ug ibutang kini sa usa ka panaksan. Dayon isulat ang matag mahinungdanong hugpong sa mga pulong sa managlahi, gagmayng mga piraso sa papel, ug ibutang kini sa lain nga panaksan. Pagdapit og usa ka estudyante sa panulagma nga mopili og usa ka papel gikan sa bisan asa nga panaksan ug sa pagbasa niini ngadto sa klase. Pangutan-a ang mga miyembro sa klase kon nahibalo ba sila sa tukma nga pakisayran o sa mahinungdanong hugpong sa pulong. Dayon pagdapit og lahi nga estudyante nga panulagmang mopili og usa ka papel gikan sa lain nga panaksan. Aron makadugang sa kadasig sa pagpaabot, mahimong sultihan ang mga estudyante nga kon sila maswertehan nga makapili sa tukma nga pakisayran o mahinungdanong hugpong sa pulong, makadawat sila og gamay nga pahalipay. Kon wala sila makakuha sa katukma, pangutan-a ang klase unsa ang tukma nga pakisayran o mahinungdanong hugpong sa pulong. Ipadayon kini nga proseso sa lain pang mga estudyante nga mopili og usa ka piraso sa papel gikan sa bisan asa nga panaksan hangtod nga wala nay mga piraso sa papel ang mahibilin sa bisan asa nga panaksan.
Giya sa tubag: 1-d, 2-g, 3-c, 4-h, 5-e, 6-k, 7-j, 8-a, 9-f, 10-b, 11-i, 12-m, 13-l
Ipares ang mosunod nga mahinungdanong mga hugpong sa mga pulong sa wala nga kolum ngadto sa saktong tudling sa doktrinal nga kahanas sa tuo nga kolum.
|
1. ____ Diha sa Pagkabanhaw, adunay tulo ka ang-ang sa himaya. | |
|
2. ____ “Ang adlaw ni Kristo … dili pa moabot, hangtod nga mahitabo una ang pagsupil.” | |
|
3. ____ “Kay ingon nga nangamatay ang tanang mga tawo tungod sa ilang pagkahiusa kang Adan, banhawon usab ang tanan tungod sa ilang pagkahiusa kang Kristo.” | |
|
4. ____ “Ang balaan nga kasulatan … makagagahom sa pagtudlo kanimo ngadto sa kaluwasan.” | |
|
5. ____ “Usa ka laraw nga pagatumanon inig-abot sa tukma nga panahon, laraw sa paghiusa diha kang Kristo sa tanang mga butang.” | |
|
6. ____ “Ang hugot nga pagtuo patay kon kini walay binuhatan.” | |
|
7. ____ “Kon aduna man kaninyoy nakulangan og kaalam, papangayoa siya sa Dios.” | |
|
8. ____ “Ang inyong lawas templo sa Espiritu Santo.” | |
|
9. ____ Ang Simbahan “tinukod ibabaw sa patukoranan nga mao ang mga apostoles ug mga propeta, nga niini si Jesukristo mao ang ulohang bato sa pamag-ang.” | |
|
10. ____ “Hinoon diha sa Ginoo ang babaye dili gawas sa lalaki ni ang lalaki gawas sa babaye.” | |
|
11. ____ Ang Langitnong Amahan mao “ang Amahan sa mga espiritu.” | |
|
12. ____ “Ug ang mga patay gipanaghukman … pinasikad sa ilang mga binuhatan.” |
l. 1 Pedro 4:6 |
|
13. ____ “Ang maayong balita [gi]wali usab ngadto sa mga patay.” |
Rebyo nga kalihokan 2: Hibaloi ang mga pakisayran sa kasulatan ug ang mahinungdanong hugpong sa mga pulong sa kasulatan
Ipakita ang mosunod nga pasulit, o paghatag og mga kopya niini ngadto sa mga estudyante.
Isip alternatibo sa pagpakita sa pasulit o paghatag og mga kopya niini ngadto sa mga estudyante, i-assign ang matag estudyante og lain-laing tudling sa doktrinal nga kahanas. Pahibaloa sila nga ang ilang tumong mao ang paggamit sa pinaka-pipila ka mga pulong nga posible isip mga pahibalo aron matabangan ang klase sa pag-ila sa katugbang nga pakisayran sa kasulatan. Dapita ang usa ka estudyante sa pagbarog ug pagpakigbahin og bag-ong pulong gikan sa ilang mahinungdanong hugpong sa mga pulong sa kasulatan matag lima ka segundo hangtod nga ang klase tukma nga makaila sa pakisayran. Dayon dapita ang klase sa pag-recite sa mahinungdanong hugpong sa mga pulong sa kasulatan nga magdungan sa dili pa ang sunod nga estudyante mobarog aron sa pagpakigbahin sa mahinungdanong mga pulong gikan sa iyang na-assign nga tudling. Mahimong makatabang sa mga estudyante ang pagrebyo sa tanang 13 ka mahinungdanong hugpong sa mga pulong sa kasulatan niining paagiha kay sa mosunod lamang sa gisugyot nga mga tudling.
Giya sa tubag: (1) lawas; templo; Espiritu Santo; (2) patukoranan; mga apostoles; Jesukristo; (3) moabot; una; pagsupil; (4) kaalam; papangayoa; Dios; (5) maayong balita; [gi]wali; patay
Pun-a ang mga blangko sa nawala nga mga pulong gikan sa mahinungdanong mga hugpong sa mga pulong sa kasulatan.
-
“Ang inyong __________ __________ sa _________ ___________” ( 1 Mga Taga-Corinto 6:19–20).
-
Ang Simbahan “tinukod ibabaw sa ________ nga mao ang _______ _______ ug mga propeta, nga niini si _________ mao ang ulohang bato sa pamag-ang” ( Mga Taga-Efeso 2:19–20).
-
“Ang adlaw ni Kristo … dili pa _________, hangtod mahitabo _______________ ang _________” ( 2 Mga Taga-Tesalonica 2:1–3).
-
“Kon aduna man kaninyoy nakulangan og ___________, __________ siya sa _______” ( Santiago 1:5–6).
-
“Ang __________ __________ __________ usab ngadto sa mga __________” ( 1 Pedro 4:6).
Rebyo nga kalihokan 3: Paggamit sa doktrina
Ang mosunod nga kalihokan motabang sa mga estudyante sa pagpakita og pagsabot sa mga tudling sa doktrinal nga kahanas pinaagi sa pagtugot kanila sa pagpasabot kon unsaon nila sa paggamit ang mga tudling sa tinuod nga mga sitwasyon sa kinabuhi. Tugoti ang mga estudyante sa paggamit sa ilang mga kasulatan aron matabangan sila sa pagpili og usa o daghan pang mga tudling sa doktrinal nga kahanas nga nabati nilang makatabang sa tawo nga gihulagway sa kalihokan. Dapita sila sa pagpasabot giunsa sa tudling nga ilang napili nga mahimong makatabang sa maong tawo. Mahimong sobra pa sa usa ka mga tudling sa doktrinal nga kahanas ang magamit sa matag senaryo.
Kini nga kalihokan mahimong himoon nga magtinagsa, diha sa grupo, isip usa ka klase, o mahimong ang kombinasyon sa tulo. Ang mga estudyante mahimo usab nga makabuhat sa ilang kaugalingon nga mga sitwasyon alang sa mga tudling sa doktrinal nga kahanas.
-
Usa ka minahal sa kinabuhi sa imong higala bag-o lang mipanaw. Ang imong higala adunay daghang mga pangutana mahitungod sa unsa ang mahitabo kanato human sa kamatayon.
-
Ang imong igsoong lalaki murag nagkalisod ug mikwestiyon kon ang Dios nagpakabana ba gayod kaniya.
-
Usa ka lider sa Simbahan ang naghangyo kanimo nga mohatag og tambag sa imong mga kauban sa umaabot nga leksiyon sa Sunday School kon unsaon nila pagpabiling matinud-anon kon mahiatubang og bakak nga mga ideya ug mga tintasyon.
Rebyo nga kalihokan 4: Gamita ang mga baroganan sa pag-angkon og espirituhanong kahibalo
Ikonsiderar ang paggamit sa mosunod nga sitwasyon aron matabangan ang mga estudyante sa pagrebyo sa mga baroganan sa pag-angkon og espirituhanong kahibalo. Mahimong epektibo alang sa mga estudyante nga magbuhat niini nga kalihokan nga managpares o diha sa ginagmay nga mga grupo.
Aduna kay higala nga hapit na mohuman sa hayskul ug gikulbaan mahitungod sa importanteng mga desisyon nga iya unyang himoon sa iyang kinabuhi sa mosunod nga pipila ka mga tuig.
Tudloi ang imong higala mahitungod sa mosunod nga tulo ka mga baroganan sa pag-angkon og espirituhanong kahibalo ug unsaon niya paggamit niini aron makakuha og panabang sa Langitnong Amahan niining iyang kabalaka:
Lihok inubanan sa hugot nga pagtuo.
Susihon ang mga konsepto ug mga pangutana inubanan sa mahangtorong panglantaw.
Tinguhaa ang dugang nga panabot pinaagi sa balaanong gitudlo nga mga tinubdan.
-
Unsa nga mga tudling sa doktrinal nga kahanas gikan sa katunga niini nga kurso mahimong makatabang sa imong higala? Sa unsang paagi kini nga mga tudling makatabang kaniya?
-
Sa unsang paagi makatabang ang paggamit sa mga baroganan sa pag-angkon og espirituhanong kahibalo diha sa atong pagpangita og mga tubag sa atong mga pangutana o mga kabalaka?
-
Giunsa nimo paggamit kini nga mga baroganan aron matabangan ang uban o aron masulbad ang imong kaugalingong mga kabalaka?
Rebyo nga kalihokan 5: Mga tudling nga adunay espesyal nga kahulogan sa imong kinabuhi
Dapita ang mga estudyante nga mamalandong hain sa tudling sa doktrinal nga kahanas ang labing nakaapekto kanila ug nakatabang sa pagpalambo sa ilang pagsabot o paghigugma sa Langitnong Amahan ug kang Jesukristo. Ipasabot nga aduna silay kahigayonan sa pagpaambit sa tudling nga ilang napili isip kabahin sa pagsukod.
Ikonsiderar ang pag-apud-apod sa mosunod nga handout ngadto sa mga estudyante aron matabangan sila sa pagpangandam alang sa pagsukod sa nakat-onan (“Doktrinal nga Kahanas: Pagsukod sa Nakat-onan 2”).
Doktrinal nga Kahanas: Pagsukod sa Nakat-onan 2—Giya sa Pagtuon
Sag-uloha ang pakisayran ug ang mahinungdanong hugpong sa mga pulong sa kasulatan
Sinatia ang mga tudling sa kasulatan sa doktrinal nga kahanas ug ang mahinungdanong hugpong sa mga pulong sa kasulatan. Mahimo nimong i-download ug magamit ang Doktrinal nga Kahanas sa mobile nga app nga magtabang kanimo sa pagrebyo.
|
“Ang inyong lawas templo sa Espiritu Santo.” | |
|
“Hinoon diha sa Ginoo ang babaye dili gawas sa lalaki ni ang lalaki gawas sa babaye.” | |
|
“Kay ingon nga nangamatay ang tanang mga tawo tungod sa ilang pagkahiusa kang Adan, banhawon usab ang tanan tungod sa ilang pagkahiusa kang Kristo.” | |
|
Diha sa Pagkabanhaw, adunay tulo ka ang-ang sa himaya. | |
|
“Usa ka laraw nga pagatumanon inig-abot sa tukma nga panahon, laraw sa paghiusa diha kang Kristo sa tanang mga butang.” | |
|
Ang Simbahan “tinukod ibabaw sa patukoranan nga mao ang mga apostoles ug mga propeta, nga niini si Jesukristo mao ang ulohang bato sa pamag-ang.” | |
|
“Ang adlaw ni Kristo … dili pa moabot, hangtod nga mahitabo una ang pagsupil.” | |
|
“Ang balaan nga kasulatan … makagagahom sa pagtudlo kanimo ngadto sa kaluwasan.” | |
|
Ang Langitnong Amahan mao “ang Amahan sa mga espiritu.” | |
|
“Kon aduna man kaninyoy nakulangan og kaalam, papangayoa siya sa Dios.” | |
|
“Ang hugot nga pagtuo patay kon kini walay binuhatan.” | |
|
“Ang maayong balita [gi]wali hangtod ngadto sa mga patay.” | |
|
“Ug ang mga patay gipanaghukman … sumala sa ilang mga binuhatan.” |
Gamita ang doktrina sa tinuod nga mga sitwasyon sa kinabuhi
-
Gamita ang usa o daghan pang mga tudling sa kasulatan sa doktrinal nga kahanas aron matabangan ang usa ka tawo nga nagtinguha og giya alang sa paghimo og importanteng mga desisyon sa iyang kinabuhi.
-
Kon magtudlo ka sa usa ka tawo mahitungod kon unsa ang mahitabo sa plano sa Dios alang sa iyang mga anak human sa kamatayon, unsa nga mga tudling sa doktrinal nga kahanas sa Bag-ong Tugon ang mahimo nimong gamiton? Unsaon nimo paggamit kini nga mga tudling sa pagpakita sa gugma sa Dios alang kanato?
Pangandam sa pagpaambit og bisan hain sa mga tudling sa doktrinal nga kahanas nga labing nakaapekto kanimo. Unsa ang gitudlo niini nga tudling diha kanimo mahitungod sa Langitnong Amahan ug ni Jesukristo?
Mga Baroganan sa pag-angkon og espirituhanon nga kahibalo
Rebyoha ang mga parapo 5–12 sa “Pag-angkon og Espirituhanong Kahibalo” nga seksiyon sa Mahinungdanon nga Dokumento sa Doktrinal nga Kahanas (2022).