Doktrinal nga Kahanas: Pagsukod sa Nakat-onan 2
1 Mga Taga-Corinto 6:19–20 hangtod sa Pinadayag 20:12
Panahon sa ikaduhang katungang bahin niini nga kurso, ang mga estudyante mituon sa 13 ka mga tudling sa doktrinal nga kahanas nga anaa makita sa 1 Mga Taga-Corinto hangtod sa Pinadayag. Kini nga pagsukod gidisenyo aron sukdon ang abilidad sa mga estudyante sa pagpangita niini nga mga tudling ug sa paggamit niini sa tinuod nga mga sitwasyon sa kinabuhi. Masukod usab niini ang ilang pagsabot sa mga baroganan sa pag-angkon og espirituhanong kahibalo.
Buhata kini nga pagsukod sa doktrinal nga kahanas sa bisan unsang panahon human matudlo ang tanang mga tudling sa doktrinal nga kahanas gikan sa 1 Mga Taga-Corinto hangtod sa Pinadayag. Mahimong gikinahanglan nga itudlo ang pipila sa mga leksiyon sa doktrinal nga kahanas una pa kini moabot sa pagkasunod-sunod sa mga kasulatan aron ang pagsukod mahimong mabuhat sa dili pa matapos ang semester.
Kon mahimo, buhata kini nga pagsukod sa personal aron ang mga estudyante makakorek dayon sa pagsukod isip usa ka klase human nila kini makompleto.
Agi og dugang sa pagsukod sa kasamtangang kahibalo sa mga estudyante, ang kasinatian sa pagtubag ug pagkorek sa maong pagsukod gilaoman nga mahimong makahuluganon, makapalig-on sa pagmatuod nga kasinatian alang sa mga estudyante. Samtang nagkorek sa mga pangutana 7–12, awhaga ang mga estudyante sa pagpahayag nganong ilang gipili ang maong tubag ug sa pagpasabot giunsa sa maong tudling nga ilang gipili pagtabang sa mga sitwasyon nga nahulagway sa maong pagsukod. Tabangi ang mga estudyante nga makasabot sa bisan unsang mga pangutana nga lagmit ilang natubagan og sayop. Paggahin og higayon sa pagtubag sa bisan unsang dugang nga mga pangutana nga lagmit aduna ang mga estudyante.
Doktrinal nga Kahanas sa Bag-ong Tugon: Pagsukod sa Nakat-onan 2
Mga pakisayran sa doktrinal nga kahanas
Alang sa mga pangutana 1–3, isulat ang letra nga nahiuyon sa pakisayran diha sa blangko sunod sa matag hugpong sa mga pulong. Palihog ayaw gamita ang imong mga kasulatan alang niini nga bahin sa pagsukod sa nakat-onan.
1. _____ “Ang hugot nga pagtuo patay kon kini walay binuhatan.” | |
2. _____ “Usa ka laraw nga pagatumanon inig-abot sa tukma nga panahon, laraw sa paghiusa diha kang Kristo sa tanang mga butang.” | |
3. _____ “Hinoon diha sa Ginoo ang babaye dili gawas sa lalaki ni ang lalaki gawas sa babaye.” | |
Mahinungdanong hugpong sa mga pulong sa kasulatan
Alang sa mga pangutana 4–6, ibutang ang nawalang mga pulong sa mga mahinungdanong hugpong sa mga pulong sa kasulatan sa doktrinal nga kahanas. Palihog ayaw gamita ang imong mga kasulatan alang niini nga bahin sa pagsukod sa nakat-onan.
4. “Ang inyong __________ __________ sa __________ __________” ( 1 Mga Taga-Corinto 6:19–20).
5. Ang Simbahan “[gi]tukod ibabaw sa __________ nga mao ang __________ __________ ug mga propeta, nga niini si __________ mao ang ulohang bato sa pamag-ang” ( Mga Taga Efeso 2:19–20).
6. “Ang adlaw ni Kristo … dili pa ________, hangtod mahitabo _________ ang ________” ( 2 Mga Taga-Tesalonica 2:1–3).
Mahimo kang mogamit sa imong mga kasulatan alang sa nahibilin nga pagsukod sa nakat-onan.
Alang sa mga pangutana 7–9, ilha ang usa o daghan pang mga tudling sa doktrinal nga kahanas nga mahimong makatabang sa usa ka tawo sa mosunod nga mga sitwasyon.
7. Usa ka minahal sa kinabuhi sa imong higala bag-o lang mipanaw. Ang imong higala adunay daghang mga pangutana mahitungod sa unsa ang mahitabo kanato human sa kamatayon. | |
8. Ang imong igsoong lalaki murag nagkalisod ug mikwestiyon kon ang Dios nagpakabana ba gayod kaniya. | |
9. Usa ka lider sa Simbahan ang naghangyo kanimo nga mohatag og tambag sa imong mga kauban sa umaabot nga leksiyon sa Sunday School kon unsaon nila pagpabiling matinud-anon kon mahiatubang og bakak nga mga ideya ug mga tintasyon. |
Sa mga pangutana 10–11, ihulagway ang imong kahibalo ug abilidad sa paggamit sa mga baroganan sa pag-angkon og espirituhanong kahibalo.
10. Unsaon nimo pagpasabot sa mosunod nga tulo ka baroganan sa pag-angkon og espirituhanong kahibalo sa usa ka tawo nga dili sinati niini?
-
Lihok inubanan sa hugot nga pagtuo.
-
Susihon ang mga konsepto ug mga pangutana inubanan sa mahangtorong panglantaw.
-
Tinguhaa ang dugang nga panabot pinaagi sa balaanong gitudlo nga mga tinubdan.
11. Aduna kay higala nga hapit na mohuman sa hayskul ug gikulbaan mahitungod sa importanteng mga desisyon nga iya unyang himoon sa iyang kinabuhi sa mosunod nga pipila ka mga tuig. Tubaga ang mosunod nga mga pangutana:
-
Unsa nga piho nga mga butang ang imong iawhag kaniya nga buhaton aron molihok inubanan sa hugot nga pagtuo?
-
Unsaon nimo pagtabang kaniya nga makita ang iyang sitwasyon nga adunay mahangtoron nga panglantaw?
-
Ang mga tudling sa doktrinal nga kahanas mao ang mga ehemplo sa balaanong gitudlo nga mga tinubdan. Unsa nga (mga) tudling sa doktrinal nga kahanas ang lagmit nimong mapaambit sa imong higala? Ngano man?
12. Sa 13 ka mga tudling sa doktrinal nga kahanas nga imong natun-an karon nga semester, hain ang labing naka-impluwensiya kanimo, ug ngano? Unsa ang gitudlo niini nga baroganan diha kanimo mahitungod sa Langitnong Amahan ug ni Jesukristo?
Hatagi ang mga estudyante og igo nga panahon sa paghuman sa pagsukod sa nakat-onan. Kon mahuman na ang mga estudyante, rebyoha kini isip usa ka klase. Isip ang magtutudlo, hukmi kon mas makatabang ba sa mga estudyante ang pagkorek sa ilang kaugalingong trabaho o ipasa kini ngadto sa klasmeyt aron ilang ikorek.
Mga Tubag
-
lawas; templo; Espiritu Santo
-
patukoranan, mga apostoles, Jesukristo
-
moabot, una; pagsupil
-
Posibleng mga tubag naglakip sa 1 Mga Taga-Corinto 15:20–22 ug 1 Pedro 4:6 , apan ang mga estudyante mahimong makadawat og puntos alang sa paggamit sa bisan unsang tudling sa doktrinal nga kahanas aron matabangan sila sa pagpasabot sa plano sa Dios alang kanato human sa pisikal nga kamatayon.
-
Posibleng mga tubag naglakip sa Mga Hebreohanon 12:9 ug Santiago 1:5–6 , apan ang mga estudyante mahimong makadawat og puntos alang sa paggamit sa bisan unsang tudling sa doktrinal nga kahanas aron matabangan sila sa pagpasabot nga ang Dios nasayod kanato.
-
Posibleng mga tubag naglakip sa 1 Mga Taga-Corinto 6:19–20 ug Pinadayag 20:12 , apan ang mga estudyante mahimong makadawat og puntos alang sa paggamit sa bisan unsang tudling sa doktrinal nga kahanas nga naglakip og mga kamatuoran nga mahimong makatabang kanato sa pagpabilin nga matinud-anon kon mahiatubang og bakak nga mga ideya ug mga tintasyon.
-
Ang mga estudyante kinahanglan makapasabot sa mubo nga paagi sa mga baroganan sa pag-angkon og espirituhanong kahibalo. Ikonsiderar ang pagdapit kanila sa pagtandi sa ilang mga tubag ngadto sa mga parapo 5–12 sa “Pag-angkon og Espirituhanong Kahibalo” nga seksiyon sa Mahinungdanon nga Dokumento sa Doktrinal nga Kahanas (2022).
-
Ang mga estudyante kinahanglang makapasabot sa mga buhat nga may kalabotan sa paglihok nga may hugot nga pagtuo ug pagsusi sa mga konsepto ug mga pangutana nga adunay mahangtoron nga panglantaw. Kinahanglan usab nilang maila ang usa ka tudling sa doktrinal nga kahanas nga magtabang kanato aron masabtan unsaon pagdawat sa giya alang sa importanteng mga desisyon sa atong kinabuhi. Pipila sa mga tudling nga mahimong gamiton sa mga estudyante naglakip sa Mga Taga-Efeso 2:19–20 ug 2 Timoteo 3:15–17 .
-
Basta sinsero ug kompleto ang pagtubag sa mga estudyante niini nga pangutana, sila mahimong hatagan og kredito.
Aron matabangan ang mga estudyante sa pagpasabot, pagpaambit, ug pagmatuod, awhaga sila sa paghisgot sa tudling sa doktrinal nga kahanas nga ilang gipili alang sa pangutana 12 ug nganong gipili nila kini. Mahimong epektibo kini ang pagpaambit sa mas daghang estudyante kutob sa mahimo sa nahibilin nga oras. Dapita sila sa pagpaambit unsa ang gitudlo kanila sa tudling nga ilang gipili mahitungod sa Langitnong Amahan ug kang Jesukristo. Isip ang magtutudlo, mahimo ka usab mopaambit og usa ka makahuluganong tudling sa doktrinal nga kahanas.Taposa ang pagsukod pinaagi sa pagpaambit og pagpamatuod sa gahom sa pagkasayod sa doktrina ni Jesukristo nga anaa makita sa Iyang mga kasulatan ug pagkaandam sa paggamit sa Iyang mga pagtulon-an sa tinuod nga mga sitwasyon sa kinabuhi.