ចំណេះចំណានខាងគោលលទ្ធិ ៖ ការវាយតម្លៃទី ២
កូរិនថូស ទី១ ៦:១៩–២០ រហូតដល់ វិវរណៈ ២០:១២
ក្នុងអំឡុងពាក់កណ្តាលទីពីរនៃវគ្គសិក្សានេះ សិស្សបានសិក្សាវគ្គបទគម្ពីរចំណេះចំណានខាងគោលលទ្ធិចំនួន ១៣ ដែលមានចាប់ពីគម្ពីរ កូរិនថូស ទី១ រហូតដល់ វិវរណៈ ។ ការវាយតម្លៃនេះត្រូវបានរចនាឡើងដើម្បីវាយតម្លៃពីសមត្ថភាពរបស់សិស្សក្នុងការស្វែងរកវគ្គបទគម្ពីរទាំងនេះ និងប្រើប្រាស់វាក្នុងស្ថានភាពជីវិតពិត ។ វាក៏នឹងវាយតម្លៃពីការយល់ដឹងរបស់ពួកគេអំពីគោលការណ៍នៃការទទួលបានចំណេះដឹងខាងវិញ្ញាណផងដែរ ។
សូមចាត់ចែងធ្វើការវាយតម្លៃចំណេះចំណានខាងគោលលទ្ធិនេះនៅពេលណាមួយក៏បាន បន្ទាប់ពីបានបង្រៀនវគ្គបទគម្ពីរចំណេះចំណានខាងគោលលទ្ធិទាំងអស់ចាប់ពីគម្ពីរ កូរិនថូស ទី១ រហូតដល់ វិវរណៈ ចប់អស់ហើយ ។ វាប្រហែលជាចាំបាច់ដើម្បីបង្រៀនមេរៀនចំណេះចំណានខាងគោលលទ្ធិមួយចំនួន មុនពេលមេរៀនទាំងនេះបង្រៀនតាមលំដាប់លំដោយបទគម្ពីរ ដូច្នេះការវាយតម្លៃអាចធ្វើឡើងមុនបញ្ចប់ឆមាសនេះបាន ។
ប្រសិនបើអាចធ្វើបាន សូមធ្វើការវាយតម្លៃនេះដោយផ្ទាល់ ដើម្បីឲ្យសិស្សអាចកែតម្រូវការវាយតម្លៃនេះក្នុងថ្នាក់រួមគ្នាភ្លាមៗ បន្ទាប់ពីពួកគេធ្វើការវាយតម្លៃនេះរួច ។
បន្ថែមពីលើការវាយតម្លៃចំណេះដឹងបច្ចុប្បន្នរបស់សិស្ស នោះបទពិសោធន៍នៃការធ្វើ និងការកែតម្រូវការវាយតម្លៃនេះមានបំណងឲ្យក្លាយជាបទពិសោធន៍នៃការស្ថាបនាទីបន្ទាល់ដ៏មានអត្ថន័យសម្រាប់សិស្ស ។ ខណៈពេលកំពុងកែសំណួរទី ៧–១២ សូមអញ្ជើញសិស្សឲ្យបង្ហាញពីមូលហេតុដែលពួកគេជ្រើសរើសចម្លើយដែលពួកគេបានរើសនោះ ហើយពន្យល់ពីរបៀបដែលវគ្គបទគម្ពីរដែលពួកគេបានជ្រើសរើសអាចជួយក្នុងស្ថានភាពដែលបានពិពណ៌នានៅក្នុងការវាយតម្លៃនេះ ។ សូមជួយសិស្សឲ្យយល់ពីសំណួរណាមួយដែលពួកគេប្រហែលជាបានឆ្លើយមិនត្រឹមត្រូវ ។ សូមចំណាយពេលដើម្បីឆ្លើយសំណួរបន្ថែមណាមួយដែលសិស្សអាចមាន ។
ចំណេះចំណានខាងគោលលទ្ធិនៃព្រះគម្ពីរសញ្ញាថ្មី ៖ ការវាយតម្លៃទី ២
សេចក្ដីយោងចំណេះចំណានខាងគោលលទ្ធិ
សម្រាប់សំណួរទី ១–៣ សូមសរសេរអក្សរនៃសេចក្ដីយោងដែលត្រូវគ្នាក្នុងចន្លោះទទេនៅជាប់នឹងឃ្លានីមួយៗ ។ សូមកុំប្រើព្រះគម្ពីររបស់អ្នកដើម្បីធ្វើការវាយតម្លៃនៅផ្នែកនេះឡើយ ។
|
១. ____ « សេចក្ដីជំនឿ បើគ្មានការប្រព្រឹត្តតាមទេ នោះក៏ស្លាប់ » ។ | |
|
២. ____ « សម្រាប់ការកាន់កាប់ត្រួតត្រា ក្នុងកាលដែលពេលពេញកំណត់បានមកដល់ ដើម្បីនឹងបំព្រួមគ្រប់ទាំងអស់ក្នុងព្រះគ្រីស្ទ » ។ |
ខ. អេភេសូរ ១:១០ |
|
៣. ____ « ក្នុងព្រះអម្ចាស់ នោះបុរសមិនមែនជាឥតពឹងអាស្រ័យដល់ស្ត្រីឡើយ ហើយស្ត្រីក៏មិនមែនជាឥតពឹងអាស្រ័យដល់បុរសដែរ » ។ | |
|
ង. វិវរណៈ ២០:១២ |
ឃ្លាបទគម្ពីរគន្លឹះ
សម្រាប់សំណួរទី ៤–៦ សូមបំពេញពាក្យដែលបាត់ក្នុងឃ្លាបទគម្ពីរគន្លឹះនៃចំណេះចំណានខាងគោលលទ្ធិនេះ ។ សូមកុំប្រើព្រះគម្ពីររបស់អ្នកដើម្បីធ្វើការវាយតម្លៃនៅផ្នែកនេះឡើយ ។
៤. « __________ អ្នករាល់គ្នាជា __________ នៃ __________ __________ » ( កូរិនថូស ទី១ ៦:១៩–២០ ) ។
៥. សាសនាចក្រត្រូវបាន « ស្អាងឡើងលើ __________ នៃ __________ និងពួកហោរា ហើយ __________ __________ នោះឯង ទ្រង់ជាថ្មជ្រុងយ៉ាងឯក » ( អេភេសូរ ២:១៩–២០ ) ។
៦. « ថ្ងៃនៃព្រះអម្ចាស់ … មិន __________ ឡើយ ទាល់តែមាន __________ មកជាមុន __________ » ( ថែស្សាឡូនីច ទី២ ២:១–៣ ) ។
អ្នកអាចប្រើប្រាស់ព្រះគម្ពីររបស់អ្នកសម្រាប់ការវាយតម្លៃដែលនៅសល់ទាំងប៉ុន្មានទៀត ។
សម្រាប់សំណួរទី ៧–៩ សូមរកមើលវគ្គបទគម្ពីរចំណេះចំណានខាងគោលលទ្ធិមួយ ឬច្រើនដែលអាចជួយនរណាម្នាក់ក្នុងស្ថានភាពដូចខាងក្រោម ។
|
៧. មនុស្សជាទីស្រឡាញ់របស់មិត្តអ្នកបានទទួលមរណភាពនាពេលថ្មីៗនេះ ។ មិត្តរបស់អ្នកមានសំណួរជាច្រើនអំពីអ្វីដែលនឹងកើតឡើងចំពោះយើងបន្ទាប់ពីការស្លាប់ ។ | |
|
៨. បងប្រុសរបស់អ្នកហាក់ដូចជាពិបាក ហើយកំពុងសួរថាតើព្រះពិតជាជ្រាបពីគាត់មែនឬ ។ | |
|
៩. អ្នកដឹកនាំសាសនាចក្រសុំឲ្យអ្នកផ្តល់ដំបូន្មានដល់មិត្តភក្ដិរបស់អ្នកនៅក្នុងមេរៀនសាលាថ្ងៃអាទិត្យនាពេលខាងមុខ អំពីរបៀបដែលពួកគេអាចបន្ដមានភាពស្មោះត្រង់ នៅពេលប្រឈមមុខនឹងគំនិតមិនពិត និងការល្បួងនានា ។ |
នៅក្នុងសំណួរទី ១០–១១ សូមបង្ហាញចំណេះដឹងរបស់អ្នកអំពីសមត្ថភាពក្នុងការប្រើប្រាស់គោលការណ៍នៃការទទួលបានចំណេះដឹងខាងវិញ្ញាណ ។
១០. តើអ្នកនឹងពន្យល់ពីគោលការណ៍នៃការទទួលបានចំណេះដឹងខាងវិញ្ញាណបីខាងក្រោមនេះដល់នរណាម្នាក់ ដែលមិនស្គាល់គោលការណ៍ទាំងនោះដោយរបៀបណា ?
-
ធ្វើសកម្មភាពដោយសេចក្ដីជំនឿ ។
-
ពិនិត្យមើលគោលគំនិត និងសំណួរទាំងឡាយដោយទស្សនវិស័យដ៏នៅអស់កល្បជានិច្ច ។
-
ស្វែងរកការយល់ដឹងបន្ថែមតាមរយៈប្រភពដែលបានតែងតាំងដ៏ទេវភាព ។
១១. អ្នកមានមិត្តម្នាក់ដែលហៀបនឹងបញ្ចប់ការសិក្សានៅវិទ្យាល័យ ហើយមានការភ័យខ្លាចចំពោះការសម្រេចចិត្តសំខាន់ៗ ដែលនាងនឹងធ្វើនៅក្នុងជីវិតរបស់នាងក្នុងរយៈពេលប៉ុន្មានឆ្នាំខាងមុខទៀត ។ សូមឆ្លើយសំណួរខាងក្រោមនេះ ៖
-
តើរឿងជាក់លាក់អ្វីខ្លះដែលអ្នកនឹងអញ្ជើញនាងឲ្យធ្វើ ដើម្បីធ្វើសកម្មភាពដោយសេចក្ដីជំនឿ ?
-
តើអ្នកអាចជួយនាងឲ្យមើលឃើញស្ថានភាពរបស់នាងដោយមានទស្សវិស័យដ៏នៅអស់កល្បជានិច្ចបានយ៉ាងដូចម្តេច ?
-
វគ្គបទគម្ពីរចំណេះចំណានខាងគោលលទ្ធិគឺជាឧទាហរណ៍នៃប្រភពដែលបានតែងតាំងដ៏ទេវភាព ។ តើវគ្គបទគម្ពីរចំណេះចំណានខាងគោលលទ្ធិ ( នានា ) អ្វីខ្លះ ដែលអ្នកអាចចែកចាយជាមួយមិត្តរបស់អ្នកបាន ? ហេតុអ្វីទៅ ?
១២. ក្នុងចំណោមវគ្គបទគម្ពីរចំណេះចំណានខាងគោលលទ្ធិទាំង ១៣ ដែលអ្នកបានសិក្សារួចកន្លងមកនៅក្នុងឆមាសនេះ តើវគ្គមួយណាដែលជះឥទ្ធិពលលើអ្នកខ្លាំងបំផុត ហើយហេតុអ្វី ? តើវគ្គនេះបង្រៀនអ្នកអ្វីខ្លះអំពីព្រះវរបិតាសួគ៌ និងព្រះយេស៊ូវគ្រីស្ទ ?
សូមទុកពេលគ្រប់គ្រាន់ឲ្យសិស្សបំពេញការវាយតម្លៃនេះ ។ បន្ទាប់ពីសិស្សបានបញ្ចប់ការវាយតម្លៃនេះហើយ សូមរំឭកវាឡើងវិញជាមួយនឹងសិស្សនៅក្នុងថ្នាក់ ។ ក្នុងនាមជាគ្រូ សូមសម្រេចថា តើការកែកិច្ចការរបស់ពួកគេដោយផ្ទាល់ ឬបញ្ជូនកិច្ចការនេះទៅឲ្យមិត្តរួមថ្នាក់កែ មួយណាមានប្រយោជន៍ជាង ។
គន្លឹះចម្លើយ
-
ខ. អេភេសូរ ១:១០
-
រូបកាយ; វិហារ; ព្រះវិញ្ញាណបរិសុទ្ធ
-
គ្រឺះ; សាវក; ព្រះយេស៊ូវគ្រីស្ទ
-
មក; សេចក្ដីក្បត់សាសនា; ជាមុនសិន
-
ចម្លើយដែលអាចមានរួមមាន កូរិនថូស ទី១ ១៥:២០–២២ និង ពេត្រុស ទី១ ៤:៦ ប៉ុន្តែសិស្សអាចទទួលបានពិន្ទុសម្រាប់ការប្រើប្រាស់វគ្គបទគម្ពីរចំណេះចំណានខាងគោលលទ្ធិណាមួយ ដើម្បីជួយពួកគេឲ្យពន្យល់អំពីផែនការរបស់ព្រះសម្រាប់យើងបន្ទាប់ពីការស្លាប់ខាងរូបកាយ ។
-
ចម្លើយដែលអាចមានរួមមាន ហេព្រើរ ១២:៩ និង យ៉ាកុប ១:៥–៦ ប៉ុន្តែសិស្សអាចទទួលបានពិន្ទុសម្រាប់ការប្រើប្រាស់វគ្គបទគម្ពីរចំណេះចំណានខាងគោលលទ្ធិ ដើម្បីជួយពួកគេឲ្យពន្យល់ថា ព្រះទ្រង់ញាណអំពីយើង ។
-
ចម្លើយដែលអាចមានរួមមាន កូរិនថូស ទី១ ៦:១៩–២០ និង វិវរណៈ ២០:១២ ប៉ុន្តែសិស្សអាចទទួលបានពិន្ទុសម្រាប់ការប្រើប្រាស់វគ្គបទគម្ពីរចំណេះចំណានខាងគោលលទ្ធិណាមួយ ដែលរួមបញ្ចូលសេចក្តីពិត ដែលអាចជួយយើងឲ្យបន្ដមានភាពស្មោះត្រង់ នៅពេលប្រឈមមុខនឹងគំនិតមិនពិត និងការល្បួងនានា ។
-
សិស្សគួរតែអាចពន្យល់ដោយសង្ខេបៗអំពីគោលការណ៍នៃការទទួលបានចំណេះដឹងខាងវិញ្ញាណ ។ សូមពិចារណាអញ្ជើញឲ្យពួកគេប្រៀបធៀបចម្លើយរបស់ពួកគេជាមួយនឹងកថាខណ្ឌទី ៥–១២ នៃផ្នែក « ការទទួលបានចំណេះដឹងខាងវិញ្ញាណ » នៅក្នុង ឯកសារគោលនៃចំណេះចំណានខាងគោលលទ្ធិ ( ឆ្នាំ ២០២២ ) ។
-
សិស្សគួរតែអាចពន្យល់បានពីសកម្មភាពដែលទាក់ទងនឹងការធ្វើសកម្មភាពដោយសេចក្តីជំនឿ និងពិនិត្យមើលគោលគំនិត និងសំណួរទាំងឡាយដោយទស្សនវិស័យដ៏នៅអស់កល្បជានិច្ច ។ ពួកគេក៏គួរស្គាល់វគ្គបទគម្ពីរចំណេះចំណានខាងគោលលទ្ធិ ដែលជួយយើងឲ្យយល់ពីរបៀបទទួលការណែនាំសម្រាប់ការសម្រេចចិត្តសំខាន់ៗនៅក្នុងជីវិតរបស់យើងផងដែរ ។ វគ្គបទគម្ពីរខ្លះដែលសិស្សអាចប្រើរួមមាន អេភេសូរ ២:១៩–២០ និង ធីម៉ូថេ ទី២ ៣:១៥–១៧ ។
-
ដរាបណាសិស្សឆ្លើយសំណួរនេះដោយស្មោះសរ និងពេញលេញ នោះពួកគេគួរតែបានក្រេដីឌ ។
ដើម្បីជួយសិស្សឲ្យពន្យល់ ចែកចាយ និងថ្លែងទីបន្ទាល់ សូមអញ្ជើញពួកគេឲ្យពិភាក្សាអំពីវគ្គបទគម្ពីរចំណេះចំណានខាងគោលលទ្ធិ ដែលពួកគេបានជ្រើសរើសសម្រាប់សំណួរទី ១២ និងមូលហេតុដែលពួកគេជ្រើសរើសសំណួរនេះ ។ វាអាចមានប្រសិទ្ធភាពក្នុងការឲ្យសិស្សចែកចាយឲ្យបានច្រើនបំផុតតាមដែលអាចធ្វើបាន បើអ្នកមានពេលនៅសល់ ។ សូមអញ្ជើញពួកគេឲ្យចែកចាយនូវអ្វីដែលបទគម្ពីរដែលពួកគេបានជ្រើសរើសនោះ បង្រៀនពួកគេអំពីព្រះវរបិតាសួគ៌ និងព្រះយេស៊ូវគ្រីស្ទ ។ ក្នុងនាមជាគ្រូបង្រៀន សូមពិចារណាចែកចាយវគ្គបទគម្ពីរចំណេះចំណានខាងគោលលទ្ធិដ៏មានអត្ថន័យមួយផងដែរ ។សូមបញ្ចប់ការវាយតម្លៃនេះដោយការចែកចាយទីបន្ទាល់អំពីអំណាចនៃការស្គាល់គោលលទ្ធិរបស់ព្រះយេស៊ូវគ្រីស្ទ ដូចដែលមាននៅក្នុងព្រះគម្ពីររបស់ទ្រង់ ហើយរៀបចំខ្លួនជាស្រេចដើម្បីអនុវត្តតាមការបង្រៀនរបស់ទ្រង់នៅក្នុងស្ថានភាពជីវិតពិត ។