Төгс эзэмших сургаал: Матай 11:28–30
“Над дээр ир. Би та нарыг амраая”
Хэрэв биднийг Өөр дээр нь ирэх юм бол ачааг маань хөнгөлж, амраана хэмээн Есүс Христ заасан.Энэ хичээл нь сүнслэг мэдлэг олж авах зарчмуудыг өөрийн амьдрал дахь туршлагатай төстэй жишээн дээр авч хэрэгжүүлснээр энэ сургаалын талаарх ойлголтоо тайлбарлах боломжийг танд олгох болно.
Илчлэлтээр дамжуулан төгс эзэмших сургаалыг эзэмших. Далын ахлагч Ким Б.Kларк төгс эзэмших сургаалын талаар “Энэ нь Их Эзэнээс илчлэлтээр ирсэн бөгөөд энэ бол гайхамшиг гэдгийг та нар мэдэж авч, зүрх сэтгэлдээ мэдрээсэй хэмээн хүсэж байна. Би үүний хэрхэн, хэзээ, яагаад ирсэн талаар эргэцүүлэн бодсон. Би төгс эзэмших сургаалыг Сүмийн боловсролын томоохон хэсэг бөгөөд энэ дэлхий дээрх Их Эзэний агуу ажил гэдгийг ойлгосон” гэж хуваалцсан (Ким Б.Kларк, “Төгс эзэмших сургаал ба гүн бат мэдлэг” [Ерөнхий эрх мэдэлтэнтэй хамт нэгэн үдэш, 2017 оны 2-р сарын 17], broadcasts.ChurchofJesusChrist.org).
Суралцагчийн бэлтгэл: Суралцагчдыг Матай 11:28–30 -ийн төгс эзэмших сургаалын судрын эшлэл, түлхүүр үг хэллэгийг (эсвэл суралцагчид чадах бол судрын хэсгийг бүхэлд нь) цээжлэх дадлага хийхэд урь. Түүн рүү очиход ачааг нь хөнгөлөх Есүс Христийн чадварын тухай олж мэдсэн зүйлсээ амьдралд хэрхэн хэрэгжүүлж болох тухай бодохыг тэднээс хүс.
Боломжит суралцах үйл ажиллагаа
Энэхүү төгс эзэмших сургаалын хичээлийг төгс эзэмших сургаалын судрын хэсэг Матай 11:28–30 -ийн хам сэдвийн талаарх хичээл болох Матай 11:28–30-ийн дараа заахаар зориулсан болно. Хэрэв энэхүү төгс эзэмших сургаалын хичээлийг өөр долоо хоног руу шилжүүлэх шаардлагатай бол тухайн долоо хоногийн холбогдох хам сэдвийн талаарх хичээлийг заасан байхад анхаар.
Цээжил мөн тайлбарла
Суралцагчдад Матай 11:28–30 -ийн судрын эшлэл, түлхүүр үг хэллэгийг цээжлэх боломж олго (Хэрэв суралцагчид чадах бол судрын хэсгийг бүхэлд нь цээжлэхэд урь.)
Нэг сонголт нь гэвэл, дараахыг самбарт бичээд, тухайн мэдэгдлийг ангиараа эсвэл ганцаараа хэлэх дадлага хийхэд суралцагчдыг урьж болно.
“Матай __:28–__: Зүдэж зүтгэгсэд х___ х__ ачаа үүрсэн бүгд ээ, Н__ д___ ир. Би т__ н___ а___.”
Түүнчлэн судрын түлхүүр үг хэллэгийг цээжлэхэд тань Doctrinal Mastery аппликэйшн тусална.
Үнэнийг тайлбарлах
Хэрэв бид Есүс Христ рүү ирэх юм бол Тэр бидний ачааг хөнгөлж, амралтыг өгнө гэсэн өмнөх хичээлээр заасан сургаалыг тайлбарлах боломжийг суралцагчдад олго.
Үүнийг үйлдэх нэг арга зам бол дараах зургийг үзүүлээд, буулга гэж юу болохыг эсвэл буулгыг хэрхэн ашигладгийг эргэн санахад суралцагчдыг урих явдал мөн.
Буулга гэж юу болохыг эргэн сана (дараах зургийг үзнэ үү). Матай 11:28–30 -ийг уншаад, Аврагчийн заасан үнэнүүдийг олж мэд.
Буулганы зургийг хараад, Аврагч бидний ачаа дарамтыг хэрхэн хөнгөлж тусалдгийг тайлбарла. Есүстэй хамтарснаар бид ямар үүрэг гүйцэтгэхийг багтаахаа бүү март.
Амьдралд хэрэгжүүлэх дадлага
Хэрэв суралцагчид сүнслэг мэдлэг олж авах зарчмуудыг давтах хэрэгтэй бол тэднийг гурван хүнтэй бүлэг болж ажиллахад урьж болно. Гурван хүнтэй бүлэг бүрийн гишүүн бүр өөр өөр зарчмыг харж болно. Хүн бүр өөрсдийн бүлэгт оногдсон зарчмаа өөрийн үгээр тайлбарлах боломжтой. Дараа нь дараах үйл ажиллагааг харуулж эсвэл тарааж өгөөд, зарчмыг тайлбартай нь тааруулахыг суралцагчдаас хүс. (Зөв хариултууд нь 1. В; 2. A; 3. Б.)
Шаардлагатай бол Төгс эзэмших сургаалыг судлах үндсэн материалын (2020) “Сүнслэг мэдлэг олж авах” хэсгийн 5–12-р догол мөрийг судлан, сүнслэг мэдлэг олж авах зарчмуудыг давт. Дараа нь дараах өгүүлбэр тус бүрийг сүнслэг мэдлэг олж авах зөв зарчимтай тааруул.
1. Найдваргүй эх сурвалжийг таньж мэдэн, зайлсхийж сурах нь биднийг буруу ташаа мэдээллээс болон итгэлийг устгахыг эрэлхийлэгчдээс хамгаална.
2. Бид ойлголтоо хөгжүүлж, асуудлыг шийдвэрлэхээр эрэлхийлж байхдаа Есүс Христ, Түүний сайн мэдээний Сэргээлт болон томилогдсон бошиглогчдынх нь сургаалын талаар аль хэдийн бий болсон гэрчлэл дээрээ тулгуурлах нь зүйтэй.
3. Бид аливаа зүйлийг Их Эзэний мэлмийгээр харахын тулд Ариун Сүнснээс тусламж эрэлхийлдэг.
A. Итгэлээр үйлдэх
Б. Утга санаа болон асуултыг мөнхийн талаас нь шинжлэн судлах
В. Тэнгэрээс томилогдсон эх сурвалжаар дамжуулан илүү гүн гүнзгий ойлголт олж авахыг эрэлхийлэх
Жишээ
Өмнөх хичээлээр бодож олсон ачаа дарамтуудыг эргэн санахад суралцагчдыг урих нь тустай байж болох юм.
Яг одоо ачаандаа дарагдсан өөртэйгөө ойролцоо насны зохиомол хүний талаар төсөөлөн гаргасан жишээг хоёроос гурван өгүүлбэрт багтаан зохио. Тухайн хүний нэр, ямар ачаа дарамт байгаа мөн тухайн хүнд ямар байгаа талаар нэгээс хоёр мэдээллийг багтаа.
Суралцагчдыг жишээгээ өөр хоорондоо солилцоход урих талаар бодож үз. Дараа нь суралцагчид сүнслэг мэдлэг олж авах зарчмуудыг ашиглан авсан жишээнд өгөх хариултаа бичиж болно. Эсвэл арай сонирхолтой болгохын тулд суралцагчид жишээгээ өөр суралцагчтай солихоосоо өмнө сүнслэг мэдлэг олж авах нэг зарчмыг нь ашиглан хариулж болох юм. Тухайн суралцагч жишээгээ дахин солилцохоосоо өмнө өөр зарчмыг ашиглан хариулж болно. Суралцагчид бүх гурван зарчмыг ашиглахын тулд жишээгээ гурван удаа солилцох боломжтой. Дараа нь суралцагчдыг бичсэн жишээгээ аваад, ангийнхныхаа бичсэн хариултуудыг шалгахад урь.
Сүнслэг мэдлэг олж авах
Тухайн жишээн дээрх хүнд туслахын тулд сүнслэг мэдлэг олж авах зарчмуудыг хэрхэн ашиглаж болохоо бод. Өөрт тань туслах дараах асуултуудад хариул.
Итгэлээр үйлдэх
-
Та зовлон бэрхшээлтэй тулгарах үедээ Бурханд итгэж, Түүнд хандахын тулд юу хийсэн бэ?
-
Өмнө нь Есүс Христэд итгэх итгэлээ хэрэгжүүлснээр авсан ямар сургамж энэ нөхцөл байдалд танд тусалж болох вэ? Яаж?
Утга санаа болон асуултыг мөнхийн талаас нь шинжлэн судлах
-
Чухам юу Есүс Христэд ачаа дарамтыг хөнгөлөх боломжийг олгодог талаар та юу мэдэх вэ?
-
Амьдрал дахь ачаа дарамт, зовлон бэрхшээлийг даван туулах нь хэрхэн Тэнгэрлэг Эцэгийн маань төлөвлөгөөний нэг чухал хэсэг байдаг вэ?
Тэнгэрээс томилогдсон эх сурвалжаар дамжуулан илүү гүн гүнзгий ойлголт олж авахыг эрэлхийлэх
-
Матай 11:28–30 дахь сургаалыг ойлгож мэдэх нь энэхүү ачаа дарамт эсвэл зовлон бэрхшээлийг даван туулахад хэрхэн туслах вэ?
-
Үүнд тус болж болох өөр ямар судар эсвэл бошиглогчийн мэдэгдэл байгаа вэ? Хэрхэн?
Ачаа дарамтыг хөнгөлөх
Тодорхойлсон зүйлээ ашиглан, жишээн дээрх хүндээ захиа бич. Матай 11:28–30 дээрх үнэнүүд болон тайтгарал , урам зориг өгөх бусад эх сурвалжийг дурд.
Хэрэв суралцагчид жишээнүүдээ солилцсон бол хариултыг нь өгч буй жишээг бичсэн ангийнхаа гишүүнтэй захиагаа хуваалцахад тэднийг урь.
-
Сүнслэг мэдлэг олж авах аль зарчим энэ жишээнд хариулахад танд хамгийн их тусалсан гэж та бодож байна вэ? Яагаад?
Давт
Суралцагчдад Матай 11:28–30 -ийн судрын эшлэл, түлхүүр үг хэллэгийг давтахад нь тусал.
Суралцагчдад давтахад нь туслах нэг арга зам бол дараахыг самбарт бичих явдал юм. Боломжтой бол Doctrinal Mastery аппликэйшныг ашиглаж болно. Ангийнхаа гишүүнтэй хамтран ажиллаж, судрын эшлэл, түлхүүр үг хэллэгийг ээлжлэн давтаж хэлэх нь суралцагчдад тустай байж болох юм.
“Матай __:28–__: Зүдэж зүтгэгсэд х____ х___ ачаа үүрсэн бүгд ээ, Н__ д___ ир. Би т__ н___ а___.”
Нэмэлт суралцах үйл ажиллагаа
Боломжит жишээ
Хэрэв суралцагчид энэ хичээлийн жишээг зохих үйл ажиллагааны үеэр бодож олж чадахгүй бол дараах жишээг хуваалцаж болно.
“Би яг одоо маш их бухимдаж байна. Би Их Эзэнтэй ойр байхыг хичээж байгаа ч бүх юм болж бүтэхгүй байх юм. Хичээл хүнд, гэр бүлийн уур амьсгал одоогоор тийм ч сайнгүй байгаа бөгөөд би энэ бүхнийг яаж давж гарахаа сайн мэдэхгүй байна. Сайжирна гэж харагдахгүй л байна. Би энэ бүхэнд санаа зовж байгаа ч юу хийхээ мэдэхгүй байна.”