Toe Faamanatu 15 o le Atamai i Aoaoga Faavae
Faaaoga Fuaitau o le Atamai i Aoaoga Faavae
O se tasi o faamoemoega o le atamai i aoaoga faavae o le fesoasoani lea ia te oe e aoao pe faapefea ona faaaoga ma le talafeagai ia fuaitau o le atamai i aoaoga faavae a o e aoao atu le talalelei a Iesu Keriso i isi. O lenei lesona o le a tuuina atu ia te oe ni avanoa e faataitai ai ona faaaoga nisi o fuaitau o le atamai i aoaoga faavae i ni tulaga eseese faafaiaoga.
Gaoioiga e ono Mafai Ona Aoao Ai
Sauniuniga a le tagata aoga: Valaaulia tagata aoga e mafaufau i ni aafiaga masani na latou maua i le faaaogaina o mau e tali ai fesili pe aoao atu ai le talalelei a Iesu Keriso i isi. Fautuaina i latou e o mai saunia i le vasega e faasoa mai le tulaga ma mau sa latou faaaogaina e aoao atu ai.
O se lesona i fuaitau o le atamai i aoaoga faavae atonu e manaomia ona aoao atu e suitulaga i lenei lesona toe faamanatu. Tagai i le faasologa faatulagaina o lesona ua saunia e le faatonu o le eria po o le risone po o le taitai faamaopoopo ina ia mautinoa o lesona taitasi o fuaitau o le atamai i aoaoga faavae o le a aoaoina a o faia vasega seminare.
O tusitusiga faavae o loo i ai le tele o tala o tagata o loo faaaogaina tusitusiga paia e aoao atu ai isi. O nisi faataitaiga e aofia ai le aoao atu e Iesu Keriso o Ona soo e toalua i le ala i Emau ( Luka 24:27), o le uunaia e Nifae o ona uso i le toe aumaia o papatusi apamemea (tagai i le 1 Nifae 4:2), ma le aoaoina ai e Moronae o Iosefa Samita a o talavou ( Iosefa Samita—Talafaasolopito 1:36–41).
Valaaulia tagata aoga na faia le gaoioiga sauniuni e faasoa mai o latou aafiaga a o latou taliina fesili nei.
-
O le a se taimi na e faaaogaina ai, pe na faaaogaina ai e se isi o e iloa, mau o tusitusiga paia e aoao atu ai i isi?
-
Aisea e te manatu ai e taua le faaaoga o tusitusiga paia e faaopoopo i ai ma a tatou lava faamatalaga a o tatou aoao atu i isi?
Toe faamanatu le lisi lenei o mau faasino o le atamai i aoaoga faavae ma fasifuaitau autu o tusitusiga paia. Mafaufau loloto i ni tulaga eseese e mafai ona feagai ma oe lea e mafai ai ona e faaaogaina nei fuaitau e aoao atu ai se tasi.
Atamai i Aoaoga Faavae mo le Feagaiga Fou: 1 Korinito–Faaaliga
Faaali atu pe tufatufa atu le siata lenei mo tagata aoga e faaaoga i le faagasologa o lenei aafiaga faaleaoaoga. Atonu e i ai se kopi a tagata aoga o lenei mea mai se lesona talu ai.
|
“O lou tino o le malumalu o le Agaga Paia.” | |
|
“E leai se tane pe a le o i ai le fafine, e leai foi se fafine pe a le o i ai le tane, i le Alii.” | |
|
“Aua faapei ona oti uma ia Atamu, e faapea foi ona faaolaina uma ia Keriso.” | |
|
I le Toetu, e tolu tikeri o le mamalu. | |
|
“I le tisipenisione o le atoaga o taimi, o le a faapotopoto faatasi ai e le Atua mea uma ia Keriso.” | |
|
O le Ekalesia o loo ua “atiina ae i luga o le faavae o le au aposetolo, atoa ma le au perofeta, o le maa tulimanu o Iesu Keriso lava lea.” | |
|
“O le aso o Keriso … e le oo mai lena aso, seia muai ona taunuu o le tete’a ese.” | |
|
“O tusi paia … e mafaia ona faapoto ai ia te oe e iu ai i le faaolataga.” | |
|
O lo tatou Tama Faalelagi o “le Tama o o tatou agaga.” | |
|
“A e afai ua leai se poto i so outou, ina ole atu ia i le Atua.” | |
|
“O le faatuatua, pe afai e le i ai ni galuega, e mate lava.” | |
|
“[Na] folafola atu foi le talalelei i e ua oti.” | |
|
“Ona faamasinoina ai lea o e na oti … e tusa ma a latou amio.” |
Mafaufau e fatu se faailoga i luga o se fasipepa mo tulaga taitasi nei ma tuu faataamilo i le potu aoga. (E mafai foi ona valaaulia tagata aoga e fatufatu o latou lava tulaga moni o le olaga e galulue ai nai lo nei tulaga fautuaina.)
Maliu Misiona Faigalotu a le Autalavou Uo
Vaevae le vasega i ni vaega se fa, ma tofi vaega taitasi e suesue se tasi o tulaga o loo lisi atu i luga. Tuu atu fesili talafeagai o loo lisi atu i lalo i vaega taitasi, ma valaaulia i latou e talanoaina.
Faataga vaega taitasi e faasolosolo ona talanoaina tulaga taitasi uma. Ta’u i le vasega e mafai ona latou faaaogaina se mau faasino o tusitusiga paia lava e tasi i tulaga eseese.
Maliu
Manatu faapea na talosagaina oe e te lauga i se maliu o se tasi e pele ia te oe.
-
O a fuaitau e tolu o le atamai i aoaoga faavae e mafai ona e faasoa atu?
-
O le a sou manatu e mafai faapefea ona fesoasoani nei fuaitau?
Filifili se tasi o mau na e filifilia mo lenei tulaga faataitai, ma faitau le fuaitau atoa.
-
E faaopoopo i le fasifuaitau autu o le mau, o le a se isi mea na e aoaoina?
Misiona
Manatu faapea o loo e aoaoina ma lau soa faifeautalai se tagata o mafaufau pe aisea tatou te manaomia ai se ekalesia toefuataiina.
-
O a fuaitau e tolu o le atamai i aoaoga faavae e mafai ona e faasoa atu?
-
O le a sou manatu e mafai faapefea ona fesoasoani nei fuaitau?
Filifili se tasi o mau na e filifilia mo lenei tulaga faataitai, ma faitau le fuaitau atoa.
-
E faaopoopo i le fasifuaitau autu o le mau, o le a se isi mea na e aoaoina?
Faigalotu a le Autalavou
Manatu faapea o oe o se vaega o se komiti autalavou ua tofia e filifili ni autu mo se faigalotu a le autalavou o le a faia i lau siteki po o le itu.
-
O a fuaitau e tolu o le atamai i aoaoga faavae e mafai ona e faasoa atu?
-
O le a sou manatu e mafai faapefea ona fesoasoani nei fuaitau?
Filifili se tasi o mau na e filifilia mo lenei tulaga faataitai, ma faitau le fuaitau atoa.
-
E faaopoopo i le fasifuaitau autu o le mau, o le a se isi mea na e aoaoina?
Uo
Manatu ua i ai sau uo o loo tauivi e lagona le latalata atu i le Tama Faalelagi ma Iesu Keriso. Ua latou talosagaina sau fautuaga.
-
O a fuaitau e tolu o le atamai i aoaoga faavae e mafai ona e faasoa atu?
-
O le a sou manatu e mafai faapefea ona fesoasoani nei fuaitau?
Filifili se tasi o mau na e filifilia mo lenei tulaga faataitai, ma faitau le fuaitau atoa.
-
E faaopoopo i le fasifuaitau autu o le mau, o le a se isi mea na e aoaoina?
A o faauma e vaega lenei gaoioiga, mafaufau e fai atu i le vasega fesili e pei o nei:
-
Na faapefea ona fesoasoani lenei gaoioiga ia te oe e malamalama atili ai i le manaomia ona faaaoga tusitusiga paia a o e aoao atu isi?
-
O le a se tasi o fuaitau o le atamai i aoaoga faavae e sili atu ona e talisapaia ona o lenei gaoioiga?
-
O le a se mea ua e aoaoina mai lenei gaoioiga e uiga ia Iesu Keriso?
Fautuaina tagata aoga e faaauau pea ona vaavaai mo avanoa e faaaoga ai fuaitau o le atamai i aoaoga faavae a o latou aoao atu le talalelei a Iesu Keriso i isi.