Galuega 16–21

Vaaiga Aoao

I le Galuega 16–21, tatou te faitau ai e uiga i malaga faafaifeautalai lona lua ma le lona tolu a le Aposetolo o Paulo. Sa oo ia Paulo ma ana soa ni vavega ofoofogia ma sa fesoasoani i le toatele o tagata e o mai ia Keriso, taliaina le sauniga o le papatisoga, ma maua le meaalofa a le Agaga Paia. Sa oo foi ia Paulo ma ana soa le lototiga, sauaga, ma le teenaina.

Sauni e Aoao Atu

O faamatalaga nei e tuuina atu ai i faiaoga ni manatu i mea e ono manaomia ona vave saunia mo lesona taitasi:

Galuega 16

Faamoemoega o le lesona: O lenei lesona o le a fesoasoani i tagata aoga e iloa ai le fesoasoani e finagalo le Faaola e tuuina atu ia i latou a o latou taumafai e faasoa atu Lana talalelei i isi.

Sauniuniga a le tagata aoga: Valaaulia tagata aoga e ole atu ma le agaga tatalo i le Tama Faalelagi e fesoasoani ia i latou ia iloa se tasi ua Ia saunia e faalogo i le talalelei a Iesu Keriso.

Ata: “O Lenei Ia Outou O Atu”
Faafanua: “ O Malaga Faafaifeautalai a le Aposetolo o Paulo ”

Fautuaga faafaiaoga o i fesootaiga i ata vitio: A uma ona maua mai faatagaga talafeagai, valaaulia se failauga faapitoa e aoao atu i le afa lona lua o le vasega e uiga i le ala e mafai ai e tagata o le Ekalesia ona faia galuega faafaifeautalai. Mafaufau e fai atu i lenei malo faaaloalogia e talanoa e uiga i mataupu faavae o le galuega faafaifeautalai na faataitai mai e Paulo ma ana soa i le Galuega 16. O le failauga faapitoa e mafai o se taitai misiona, se faifeautalai faatoa foi mai, po o se soa faifeautalai o loo auauna atu i le taimi nei. Tuu atu se taimi i le faaiuga o le vasega mo tagata aoga e tuuina mai ai ni fesili. Feutagai ma le taitai faamaopoopo o le S&I i le lotoifale, o lē o le a manaomia lana faatagaga mo lenei failauga faaaloalogia.

Galuega 17:1–14

Faamoemoega mo le lesona: O lenei lesona e mafai ona fesoasoani i tagata aoga ia lagonaina se naunautaiga sili atu ia maua faamanuiaga o le suesue i tusitusiga paia i aso taitasi.

Sauniuniga a le tagata aoga: Valaaulia tagata aoga e o mai saunia e faasoa mai se mea anoa na latou maua talu ai nei i a latou suesuega i tusitusiga paia i aso taitasi.

Faafanua: O Malaga Faafaifeautalai a le Aposetolo o Paulo

Galuega 17:16–34

Faamoemoega o le lesona: O lenei lesona o le a fesoasoani i tagata aoga ia lagonaina le taua o lo latou faasinomaga o se atalii/afafine o le Atua.

Sauniuniga a le tagata aoga: Valaaulia tagata aoga e fai se lisi o upu po o fasifuaitau e pito sili ona faamatalaina ai i latou ma tomanatu pe o le fea o upu po o fasifuaitau e sili ona taua ia i latou.

Vitio:“We Are the Offspring of God” (4:26; matamata mai le faailotaimi 0:00- seia oo i le 1:54); “Am I a Child of God?” (10:24; matamata mai le faailotaimi 3:24 seia oo i le 5:23)

Galuega 19:1–7

Faamoemoega o le lesona: O lenei lesona o le a fesoasoani i tagata aoga ia maua faamanuiaga e finagalo le Tama Faalelagi ma Iesu Keriso e tuuina atu ia i latou e ala i le meaalofa a le Agaga Paia.

Sauniuniga a le tagata aoga: Valaaulia tagata aoga e mafaufau e uiga i amioga e aumaia ai le mafutaga a le Agaga Paia ma taumafai ai e faia pea lava pea ia mea i o latou olaga.

Ata e faaali atu: O se ata o Iosefa Samita o loo faaali atu ia Polika Iaga
Faafanua: “ O Malaga Faafaifeautalai a le Aposetolo o Paulo ”
Lesona i mea faitino: O ipu e tolu, o se koneteina mo le vai ua taumasuasua (e pei o se fata), o se fasipepa po o se tapuni, ma se mea faitino malo e tumu uma ai le tele o le avanoa i totonu o se tasi o ipu (e pei o se maa)

Fautuaga faafaiaoga o fesootaiga i vitio: Mafaufau e faaali le vitio “Enemy Territory” (3:38), o loo maua i le ChurchofJesusChrist.org, e faaali atu ai i tagata aoga se faataitaiga o le ala na avea ai le Agaga Paia o se faamanuiaga ia Peresitene Boyd K. Packer (1924–2015) o le Korama a Aposetolo e Toasefululua, a o ia auauna atu i le Taua Lona Lua a le Lalolagi.

Toe Faamanatu 15 o le Atamai i Aoaoga Faavae

Faamoemoega o le lesona: O lenei lesona o le a tuuina atu ai i tagata aoga avanoa e faataitai ai le faaaogaina o nisi o fuaitau o le atamai i aoaoga faavae i ni tulaga eseese faafaiaoga.

Manatua: O se lesona o fuaitau o le atamai i aoaoga faavae e ono manaomia ona aoaoina e sui tulaga i lenei lesona iloilo. Tagai i le faasologa faatulagaina o lesona ua saunia e le faatonu o le eria po o le risone po o le taitai faamaopoopo ina ia mautinoa o lesona taitasi o fuaitau o le atamai i aoaoga faavae o le a aoaoina a o faia vasega seminare.

Sauniuniga a le tagata aoga: Valaaulia tagata aoga e mafaufau i ni aafiaga na latou maua i le faaaogaina o tusitusiga paia e tali ai fesili pe aoao atu ai le talalelei a Iesu Keriso i isi.

Siata: O se siata o fuaitau o le atamai i aoaoga faavae ma o latou fasifuaitau autu o tusitusiga paia
Gaoioiga fai vaega: Fatu ni upu faaigoa mo tulaga e fa i le gaoioiga fai vaega. Saunia se auala e faaali atu ai faatonuga ma fesili o le a talanoaina e tagata aoga i le gaoioiga fai vaega.

Fautuaga faafaiaoga o fesootaiga i vitio: Ina ia tuuina atu ni avanoa mo nisi tagata aoga e faasoa mai o latou manatu, mafaufau e vaevae tagata aoga i ni potu e taape i ai se fa ma atofa atu i vaega taitasi se tasi o ata faataitai mai le gaoioiga fai vaega.