Iloiloga 20 o le Atamai I Aoaoga Faavae

Malamalama ma Faamatala

Alii talavou o loo faitau ia tusitusiga paia

O se tasi o faamoemoega o le atamai i aoaoga faavae o le fesoasoani lea ia te oe ia malamalama i aoaoga a le Faaola ma mafai ai ona faamatala i au lava upu. O lenei lesona o le a tuuina atu ia te oe se avanoa e faalolotoina ai lou malamalama ma faataitai ai le faamatalaina o upumoni mai fuaitau eseese o le atamai i aoaoga faavae o le Feagaiga Fou.

Sauniuniga a le tagata aoga: Valaaulia tagata aoga e toe faamanatu ia fuaitau o le atamai i aoaoga faavae o le Feagaiga Fou ma filifili se fuaitau se tasi latou te mananao e malamalama atili i ai.

Gaoioiga E Ono Mafai Ona Aoao Ai

Atonu e manaomia ona aoao atu se lesona o fuaitau o le atamai i aoaoga faavae e suitulaga i lenei lesona toe faamanatu. Tagai i le faasologa faatulagaina o lesona ua saunia e le faatonu o le eria po o le risone po o le taitai faamaopoopo ina ia mautinoa o lesona o fuaitau o aoaoga faavae taitasi o le a aoaoina a o faaauau taualumaga o le seminare.

O a mea ua e iloa e uiga ia Iesu Keriso?

Mafaufau e faaali atu le ata lenei ma valaaulia tagata aoga e talanoaina ma se paga mea o loo aoao mai e le mea na tupu e uiga ia Iesu Keriso.

Faamatala mea ua e iloa e uiga ia Iesu Keriso e faaaoga ai na o le vaega o Lona soifuaga e faatusa i ai le ata lenei:

O Keriso o loo tautau i luga o se satauro i Kalevaria. E toalua tagata gaoi, o loo tautau foi i luga o satauro o loo i le itu tauagavale ma le taumatau o Keriso. E toatele le au maimoa, e aofia ai Maria, le tina o Keriso, Maria le Makatala, o isi tagata faanoanoa ma fitafita Roma ua faapotopoto faataamilo i satauro. O ao o faititili o loo potopoto i le lagi.

Sosoo ai, faaali atu ata nei e tolu (po o ata eseese o le Faaola), ma valaaulia tagata aoga e talanoaina fesili nei.

Ia vaai loa i ata nei ma tali fesili o mulimuli mai:

Atatosi o le tagata faatino. O loo si‘i e Maria le pepe o Iesu ma tilotilo atu ia te ia.

O Iesu Keriso o loo tu ma tuu ona aao i luga o fofoga o se tagata tauaso o loo tootuli i ona luma. O se vaega o alii, tamaitai ma tamaiti ua faapotopoto faataamilo ia Keriso. Ua molimauina e tagata ia Keriso ua faamaloloina le tagata tauaso. O faaofuofu maa o loo i tua atu.

O Le Uluai Faaaliga, saunia e Del Parson (62470); GAK 403; Tusi lesona a le Peraimeri 1-04; Tusi lesona a le Peraimeri 2-38; Tusi lesona a le Peraimeri 3-10; Tusi lesona a le Peraimeri 5-06; Tusi lesona a le Peraimeri 6-40; Tusi lesona a le Peraimeri 7-40; Iosefa Samita—Talafaasolopito 1:14–20

O a ni mea na tutupu o loo faaalia i nei ata taitasi e tolu?
O a mea ua faaopoopo i lou malamalama ia Iesu Keriso ma Lana misiona mai nei mea taitasi na tutupu?

Ina ia aoao moni po o ai le Faaola ma pe aisea e taua ai o Ia ia te oe, e fesoasoani le suesue i tala e tele o Lona soifuaga ma tusitusiga a perofeta e sili atu nai lo le toatasi.

E faapena foi, o le suesueina ma le faatusatusaina o upumoni o loo maua i le tele o fuaitau o le atamai i aoaoga faavae e mafai ona fesoasoani e te malamalama atoatoa ai i aoaoga faavae a le Faaola nai lo le faalagolago i soo se fuaitau se tasi.

Mafaufau e valaaulia tagata aoga e fai le gaoioiga lenei faatasi ma se paga. E mafai ona latou faia i paga eseese faatusatusaga taitasi.

Faitau ma mafaufau po o a mea ua aoao mai e le Eperu 12:9, Iakopo 1:5–6, ma le Iakopo 2:17–18 e uiga i lo tatou Tama Faalelagi ma lo tatou sootaga ma Ia.

E faapefea e le suesueina faatasi o nei fuaitau e tolu o le atamai i aoaoga faavae ona fesoasoani ia te oe e malamalama atili ai i lo tatou sootaga ma le Atua?

Faitau ma mafaufau po o le a le mea ua aoao mai e le 1 Peteru 4:6 ma le Faaaliga 20:12 ia i tatou e uiga i le Faamasinoga Mulimuli i le fuafuaga a le Tama Faalelagi.

E faapefea e le suesueina faatasi o nei fuaitau e lua o le atamai i aoaoga faavae ona fesoasoani ia te oe e malamalama atili ai i le Faamasinoga Mulimuli?

Mafaufau e fefaasinoai pe faafesootai soo se fuaitau atonu e te manao e toe suesue faatasi i le lumanai.

Faafesootai fuaitau o le atamai i aoaoga faavae

Afai e sili atu mo tagata aoga le faamaea o le gaoioiga lenei o se vasega, valaaulia le vasega e filifili po o le fea fuaitau o le atamai i aoaoga faavae o le Feagaiga Fou latou te mananao e aoao atili i ai. Tusi le mau faasino ma le fasifuaitau autu o le mau i luga o le laupapa.

Ona valaaulia lea o tagata aoga e galulue i ni vaega toalaiti e sue le tele o fuaitau o le atamai i aoaoga faavae latou te mafaia i se taimi atofaina. Afai o le a lagonaina le lofituina mo tagata aoga le sailia o fuaitau uma e 96, mafaufau e faaitiitia la latou sailiga i le na o fuaitau o le Tusi a Mamona (pe faaaoga se isi auala o le faaitiitiaina o a latou filifiliga o sailiiliga). E mafai ona lisi e tagata aoga fuaitau ua latou mauaina i luga o le laupapa i lalo o mau faasino.

Ma le mea mulimuli, valaaulia tagata aoga e faamatala mai pe faapefea e fuaitau faaopoopo na latou maua ona faateleina lo latou malamalama i le fuaitau filifilia o le Feagaiga Fou.

a. Filifili se tasi o fuaitau o le atamai i aoaoga faavae o le Feagaiga Fou e te manao e aoao atili i ai, ma tusi le mau faasino ma le fuaitau autu o mau i lau api talaaga mo suesuega. Sue ma faitau le fuaitau atoa o le atamai i aoaoga faavae, ma tusifaamaumau mea ua e malamalama i ai e uiga i le aoaoga faavae o loo aoao mai ai.

i. Sue le lisi atoa o fuaitau o le atamai i aoaoga faavae ma fasifuaitau autu o mau o loo maua i le faaiuga o le Pepa Autu o le Atamai i Aoaoga Faavae (2022).

o. Saili ma faitau ia le itiiti ifo ma le lua ni fuaitau o le atamai i aoaoga faavae mai isi mataupu o mau e fesootai i le fuaitau o le Feagaiga Fou na e filifilia.

u. Tusi i lau api talaaga mo suesuega pe faapefea e nei fuaitau faaopoopo ona faateleina lou malamalama i le fuaitau o le Feagaiga Fou.

Afai e faamaea taitoatasi e tagata aoga le gaoioiga na muamua atu, valaaulia i latou e faasoa atu i tagata aoga i o latou autafa le fuaitau o le Feagaiga Fou na latou filifilia ma faamalamalama mai mea na latou aoaoina mai fuaitau faaopoopo.

Afai e lava le taimi, mafaufau e toe fai le gaoioiga e faaaoga ai se fuaitau lona lua o le atamai i aoaoga faavae. Pe faamaea se gaoioiga faapena e ala i le tuu atu i tagata aoga e tusi se fesili po o se atugaluga ia latou api faamaumau mo suesuega ma sue ni fuaitau patino o le atamai i aoaoga faavae e mafai ona fesoasoani e tali ai a latou fesili po o atugaluga.

Valaaulia tagata aoga e talanoaina pe mafai faapefea ona latou faaaogaina le gaoioiga i a latou suesuega o tusitusiga paia i le aiga ma pe mafai faapefea e le faia o lena mea ona faamanuiaina ai i latou a o latou suesue i le talalelei.