Төгс эзэмших сургаалын давтлага 3

Шинэ Гэрээний семинарын багшийн гарын авлага (2023)

Агуулга
Нүүр хуудас
Шинэ Гэрээний семинарын багшийн гарын авлагын оршил
Оршил материалууд
Матай 1; Лук 1
Матай 2; Лук 2: Тойм
Иохан 1
Матай 3; Марк 1; Лук 3
Матай 4; Лук 4–5
Иохан 2–4
Матай 5; Лук 6
Матай 6–7
Матай 8; Марк 2–4; Лук 7
Матай 9–10; Марк 5; Лук 9
Maтай 11–12; Лук 11
Матай 13; Лук 8, 13
Maтай 14; Maрк 6; Иохан 5–6
Матай 15–17; Марк 7–9
Матай 18; Лук 10
Иохан 7–10
Лук 12–17; Иохан 11
Матай 19–20; Марк 10; Лук 18
Матай 21–23; Марк 11; Лук 19–20; Иохан 12
Иосеф Смит—Матай 1; Матай 25; Марк 12–13; Лук 21
Матай 26; Марк 14; Иохан 13
Иохан 14–17
Лук 22; Иохан 18
Матай 27; Марк 15; Лук 23; Иохан 19
Матай 28; Марк 16; Лук 24; Иохан 20–21
Үйлс 1–5
Үйлс 6–9
Үйлс 10–15
Үйлс 16–21
Үйлс 22–28
Ром 1–6
Ром 7–16
1 Коринт 1–7
1 Коринт 8–13
1 Коринт 14–16
2 Коринт 1–7
2 Коринт 8–13
Галат
Ефес
Филиппой; Колоссай
1–2 Тесалоник
1–2 Tимот; Tит; Филемон
Еврей 1–6
Еврей 7–13
Иаков
1–2 Петр
1–3 Иохан; Иуда
Илчлэл 1–5
Илчлэл 6–14
Илчлэл 15–22
Хавсралт

Ойлгох ба тайлбарлах

Зураг

A group of young women are shown looking at a teacher. They discuss and talk together with each other.

Тодорхой нэг судрын хэсгүүдийг ойлгож, тэдгээрийн зааж буй үнэнийг тайлбарлах чадвартай байх нь төгс эзэмших сургаалыг бүрэн эзэмших үндэс юм. Энэ хичээл нь суралцагчдад дараах төгс эзэмших сургаалын хэсгүүдэд заасан сургаалыг тайлбарлах дадлага хийж, илүү сайн ойлгоход тусална. Үүнд: Матай 5:14–16; Лук 2:10–12; Иохан 3:5; Иохан 3:16.

Төрөл бүрийн арга барил ашиглах. Олон төрлийн заах аргыг ашиглах нь өөр арга барилаар сурдаг суралцагчдад нөлөөлөхөд тустай.

Суралцагчийн бэлтгэл: Шинэ Гэрээнээс төгс эзэмших сургаалын нэг утга учиртай хэсгийг сонго. Энэ хэсэг яагаад танд утга учиртай болохыг ангийнхантай хуваалцахад бэлтгэ.

Боломжит суралцах үйл ажиллагаа

Төгс эзэмших сургаалын хэсгүүдийн талаарх хичээлийг энэ давтлага хичээлийн оронд зааж болох юм. Төгс эзэмших сургаалын хэсгүүдийн талаарх хичээл тус бүрийг семинар явагдаж байх үед заасан байхын тулд орон нутгийн эсвэл бүсийн захирал буюу зохицуулагчийн өгсөн заах хуваарийг хар.

Та ямар аргаар илүү сайн суралцдаг вэ?

Суралцах олон арга байдаг бөгөөд бид бүгдээрээ мэдээллийг өөр аргаар олж авч, хадгалдаг.

Дараах жагсаалтыг харуулах талаар бодож үз. Суралцагчдыг дараах суралцах хэв маягуудыг уншиж, өөрсдийн хувьд хамгийн сайн тохирохыг 1-ээр, хамгийн тохиромжгүйг нь 4-өөр тэмдэглэн, судлах тэмдэглэл дээрээ 1-ээс 4 хүртэлх үнэлгээ өгөхөд урь.

Төсөөлөн бодох: Би харж, төсөөлөх замаар суралцдаг. Зурах, будах, хүснэгт, график болон үзүүлэн материалууд нь надад суралцах, мэдээлэл хадгалж үлдэхэд тусалдаг.
Бусадтай хуваалцах: Бусадтай хамт бичиж, ярилцах нь надад илүү хурдан бөгөөд гүн гүнзгий суралцахад тусалдаг.
Бие даан суралцах: Би ганцаараа суралцахыг илүүд үздэг бөгөөд ямар нэг зүйлийг бие даан мэдэж авахдаа сайн гэдэгтээ итгэдэг.
Үйлдлээр суралцах: Би хүрэх, үнэрлэх, сонсох болон биеэ хөдөлгөх зэрэг төрөл бүрийн мэдрэмжээ ашиглан илүү сайн суралцдаг.

Аврагч Өөрийнхөө сургаалыг зааж буй хүмүүсийнхээ хэрэгцээ шаардлагад нийцүүлэхийн тулд хэрхэн өөрчилснийг бодож үз.

Та Аврагч бусдад заахдаа яагаад төрөл бүрийн хэв маягийг ашигласан гэж бодож байна вэ? Энэ нь танд Түүний тухай юу зааж байна вэ?

Хэдэн хэсэг, ямар хэсгийг дахин давтах нь суралцагчдад тустай байхаас шалтгаалан дараах дасгалыг тохируулан өөрчил.

Төгс эзэмших сургаалд суралцах хэв маягаа ашиглах

Шинэ Гэрээний төгс эзэмших сургаалын дараах эшлэлүүдийг уншихад хэсэг хугацааг зарцуул. Үүнтэй холбоотой судрын түлхүүр үг хэллэгийг эргэн санаж чадах эсэхээ хар.

Хэрэв суралцагчид энэ хичээлийн суралцагчийн бэлтгэлийг хийж гүйцэтгэсэн бол аль хэсгүүд тэдэнд утга учиртай санагдсаныг мөн яагаад гэдгийг хуваалцахад урь.

Танд эдгээр хэсгийн алийг нь илүү сайн ойлгож байгаа мэт санагдаж байна вэ? Та алийг нь илүү сайн ойлгохыг хүсэж байна вэ?

Илүү сайн ойлгохыг хүсэж буй төгс эзэмших сургаалын өмнөх хэсгүүдийн нэгийг (эсвэл Шинэ Гэрээний төгс эзэмших сургаалын өөр нэг хэсгийг) ашиглан А, Б, В эсвэл Г үйл ажиллагааг хийж гүйцэтгэ. Хэрэв цаг байгаа бол төгс эзэмших сургаалын өөр өөр хэсгийг ашиглан хэд хэдэн үйл ажиллагааг гүйцэтгэ.

А: Төсөөлөн бодох

Зураг зурах, нийлүүлэх, meme, word art, word cloud зэргийг эсвэл таны хэсэгт заасан зүйлсийг харуулдаг бусад үзүүлэн материалыг ашиглах. Жишээнүүдийг харах бол дараах холбоос дээр дарна уу.

Word art Memes

Б: Бусадтай хуваалцах

Судрын хэсгээ заах төлөвлөгөө гарга. Суралцаж буй хүмүүст тухайн хэсгийг ойлгоход тус болж магадгүй гэж үзэж буй асуултуудын талаар бодох, түлхүүр үг хэллэгийн утгыг тайлбарлаж буй видео бичлэг хийх эсвэл бусдад заахдаа хөгжим ашиглах.

В: Бие даан суралцах

Судлах түлхүүр үгсийг тухайн хэсгээс сонго. Таны ойлголтыг гүнзгийрүүлэх тодорхойлолт, холбогдох эшлэл эсвэл Сүмийн удирдагчдын мэдэгдлүүдийг бичиж тэмдэглэ.

Г: Үйлдлээр суралцах

Тухайн хэсгийг эсвэл тухайн хэсгээс тодорхой нэг үг хэллэгийг илэрхийлэх биет эд зүйлс, загварыг үүсгэ эсвэл таниул. Жишээлбэл, та Матай 5:14–16 дээрээс “та нарын гэрэл гэрэлтэг” хэмээх Христийн урилгыг дүрслэн харуулах гэрлийн өөр өөр эх сурвалжийг ашиглаж болно.

Суралцсан зүйлсээ хосоороо эсвэл жижиг бүлгээр хуваалцахад суралцагчдыг урих талаар бодож үз. Дараа нь суралцагчдад суралцах туршлагаа эргэн харахад нь зориулж дараах хэмжүүр болон асуултуудыг харуул.

(А) Санал нийлж байна (Б) Тодорхой хэмжээнд санал нийлж байна (В) Санал нийлэх, нийлэхгүйн аль нь ч биш (Г) Санал нийлэхгүй байна

Би өөрийн сонгосон хэсгүүдийг сайн ойлгож байна.
Шаардлагатай бол сонгосон хэсгүүдээ хэн нэгэнд тайлбарлах өөрийн чадварт би одоо илүү итгэлтэй болсон.
Төгс эзэмших сургаалын бусад хэсэгт ижил төстэй арга ашиглах нь надад тустай гэж би бодож байна.

Суралцагчдад өмнөх асуултуудад өгсөн хариултынхаа талаар ярилцах боломж олго. Тэдний өсөлт хөгжил Есүс Христээр болон Түүний тэнгэрлэг тусламжаар дамжин ирдэг болохыг ойлгоход нь тэдэнд тусал. Суралцагчдыг бүх суралцах ажиллагаандаа хувийн тусламж авах үүднээс Тэнгэрлэг Эцэгт хандахад урь.