Toe Iloiloga o le Atamai Faapitoa i Aoaoga Faavae 5

Tauloto Atamai Faapitoa i Mau Faasino o Aoaoga Faavae ma Fasifuaiupu Autu o Tusitusiga Paia

Manatuaina o mau o tusitusiga paia ma mea o loo latou aoaoina e faamanuiaina ai oe i le tele o auala. O lenei lesona o le a fesoasoani ia te oe e tauloto ai mau faasino o tusitusiga paia ma fasifuaiupu faavae mo fuaitau o le atamai i aoaoga faavae.

Sauniuniga mo tamaiti aoga: Valaaulia tamaiti aoga e mafaufau po o fea o faaupuga autu o tusitusiga paia i le atamai faapitoa o aoaoga faavae ua aumaia ia i latou le faamoemoe ia Keriso.

Galuega Faatino e Mafai ona Fai e Aoao Mai Ai

O se lesona i faaupuga faavae autu mo fuaitau o le atamai i aoaoga faavae e ono manaomia ona aoaoina nai lo o lenei lesona toe iloilo. Vaai i le faasologa faatulagaina o lesona i le eria po o le itulagi faatonu po o le taitai faamaopoopo e mautinoa ai o aoaoga faavae o le atamai i lalo o le lesona o le a aoaoina a o faia le seminare.

Faamoemoe ia Iesu Keriso

O le faamoemoe o le “tulaga mautinoa ma moomooga mo faamanuiaga folafolaina o le amiotonu,” e aofia ai le “ola e faavavau e ala i le faatuatua ia Iesu Keriso” (O Le Taiala i Tusitusiga Paia, “ Faamoemoe ” scriptures.ChurchofJesusChrist.org).

I totonu o lau api o suesuega, tusi i lalo pe aisea e te ono manao ai pe moomia ina ia lagona le faamoemoe sili.

Na aoao mai le Aposetolo o Paulo, “Ina ia tatou maua le faamoemoe e tupu mai i le onosai, ma le faamafanafana mai o tusitusiga paia” ( Roma 15:4).

Valaaulia tamaiti aoga e faasoa ni manatu mai a latou faatinoga o sauniuniga a tamaiti aoga i le taimi o le vaega lenei o le lesona.

• O a ni aoaoga po o ni mea moni e uiga ia Iesu Keriso e te maua ai le faamoemoe na e aoao mai i faaupuga faavae autu mo fuaitau o le atamai i aoaoga faavae? E faapefea ona latou tuuina atu le faamoemoe ia te oe?

• E faapefea ona fesoasoani le taulotoina o mau faasino ma o latou upumoni autu ona fesoasoani ia te oe ina ia maua ai le faamoemoe faaopoopo mai le Faaola?

I lenei lesona e maua lou avanoa e taulotoina ai mau faasino ma fasifuaitau autu o lo o i le siata o i lalo. A o e faia lenei mea, fuafua poʻo fea o mau nei ma fasifuaitau autu e aumaia ia te oe le faamoemoe sili ma pe aisea.Mafaufau e faailoga nei fuaiupu faatasi ai ma o latou fasifuaitau autu pe a faapea e te lei faia muamua.

Faaaoga le faautauta i le fuafuaina pe fia faaupuga faavae autu mo fuaitau o le atamai i aoaoga faavae e ao i tamaiti aoga ona tauloto i lenei lesona. Mafaufau ia uunaia tamaiti aoga e faataitai isi metotia mo le taulotoina. O loo i lalo se tasi o auala e tauloto ai.

Faaali le siata o loo mulimuli mai a o tusi e tamaiti aoga mau faasino ma fasifuaitau autu i luga o a latou pepa, ae ave i lalo le siata a o lei amatalia le gaoioiga tauloto.

Mafaufau e vaevae tamaiti aoga taitoalua po o ni vaega laiti e faamaea ai le gaoioiga o lo o mulimuli mai.

Mau Faasino o Tusitusiga Paia	Fasifuaitau Autu o Tusitusiga Paia
Luka 2:10–12	“Aua o le aso nei ua fanau ai i le aai o Tavita, lo outou Faaola, o le Alii o Keriso.”
Ioane 3:5	“Afai e le fanau se tasi i le vai ma le Agaga, e le mafai ona sao o ia i le malo o le Atua.”
Ioane 3:16	“Aua ua faapea lava ona alofa mai o le Atua i le lalolagi, ua ia aumai ai lona Atalii e Toatasi.”
Mataio 5:14–16	“Ia faapea ona pupula atu lo outou malamalama i luma o tagata.”
Mataio 11:28-30	“Ia outou o mai ia te au, o outou uma o e tigaina ma mafatia i avega, o a’u foi e malolo ai outou.”
Mataio 16:15–19	Na fetalai Iesu, “Ou te avatu foi ia te oe ki o le malo o le lagi.”
Ioane 7:17	“Ai se tasi e fia fai lona finagalo, e iloa ai e ia le mataupu.”
Mataio 22:36–39	“E te alofa atu i le Alii lou Atua. … E te alofa atu i lē lua te tuaoi.”
Luka 22:19–20	Na poloai mai Iesu Keriso, ia aai ma feinu i le faamanatuga “e fai ma faamanatuga ia te au.”
Ioane 17:3	“O le ola e faavavau foi lenei, ia latou iloa oe le Atua moni e toatasi, ma Iesu Keriso.”
Luka 24:36–39	“Aua o le agaga e leai sona aano ma ni ivi, pei o a’u nei ua outou vaavaai i ai.”

Fenumiai ma faafesootai

Ave se pepa ma oti i vaega e fa tutusa. Filifili ia le itiiti ifo ma le fa fuaitau o mau mai le siata. Tusi se mau faasino se tasi ma ona faaupuga autu i luga o fasi pepa.

O le isi, oti ese fuaiupu autu mai a latou mau fefaasinoai e pei o le nei faataitaiga (o le “/” o loo tau mai ai le mea e oti).

Ioane 7:17, / “Ai se tasi e fia fai lona finagalo, e iloa ai e ia le mataupu.”

A maea ona faia lenei mea mo le tusa o le fa o mau faasino ma fuaiupu autu, tuu fasipepa i se faaputuga, ma faafefiloi.

Taumafai loa e faafesootai taitasi mau fefaasinoai ma ona faaupuga autu sao e aunoa ma le faaaogaina o se fesoasoani. Mafaufau e faia lea tulaga e faalua i le faatolu. E mafai ona taimi e oe ona vaai laia pe faapefea ona e faaleleia ai lou taimi e faia ai lenei mea.

Faaopopo le faigata o lenei faatinoga i le oti o faaupuga e pei ona faia i faataitaiga nei (o le “/” o loo tau mai ai le mea e oti).

Mataio 22:36-39 / “E te alofa atu / i le Alii lou Atua. … / E te alofa atu i le lua te tuaoi.”

Mataio / 22: / 36/ –39 / “E / te / alofa/ i le / Alii / lou / Atua. … / E / te / alofa / i le / lua te tuaoi.”

Faafefiloi upu ma numera, ma taumafai e faatulaga sao. E mafai ona e filifili e faafefiloi upu uma ma numera mai mau fefaasinoai i le taimi e tasi pe nao le galue i mau fefaasinoai e tasi i le taimi. Mafaufau e faia lea tulaga e faalua i le faatolu. E mafai ona taimi e oe ona vaai laia pe mafai ona e faaleleia ai lou taimi e faia ai lenei mea.

A maea le taimi, valaaulia tagata aoga e manatunatu i fesili mai le amataga o le vasega ma lo latou moomia po o le manao mo le faamoemoe. Valaaulia i latou e vaai i mau faasino ma latou faaupuga autu, ma ave ai se taimi e tali ai fesili o loo mulimuli mai i totonu o a latou api o suesuega ao lei faasoa a latou mafaufauga ma se paaga, vaega toalaiti, po o le vasega.

• O a atamai faapitoa i mau fefaasinoai o aoaoga faavae ma faaupuga autu o ni mau se fa na e taulotoina?

• O le fea o nei fuaiupu o loo pito i sili ona aoga ia te oe i le taimi lenei o lou olaga?

• O fea o nei faaupuga o loo aumaia le faamoemoe sili ia te oe ia Iesu Keriso? Aisea?