Përsëritje 8 e Zotërimit Doktrinor

Mësoji Përmendsh Referencat dhe Frazat Kyç të Shkrimeve të Shenjta

A Bolivian boy reading scriptures.

Mbajtja mend e fragmenteve të shkrimeve të shenjta dhe të vërtetave që jepen mësim në to, mund të të ndihmojë në shumë mënyra. Përgjatë vitit, ti do të inkurajohesh të mësosh përmendsh referencat e shkrimeve të shenjta dhe frazat kyç të shkrimeve të shenjta për secilin prej 24 fragmenteve në Dhiatën e Re për zotërimin doktrinor. Ky mësim ka për qëllim të të ndihmojë të mësosh përmendsh disa nga referencat e shkrimeve të shenjta dhe frazat kyç të shkrimeve të shenjta nga 11 fragmentet e para të shkrimeve të shenjta në Dhiatën e Re për zotërimin doktrinor.

Përgatitja e nxënësve: Ftojini nxënësit të sjellin kopje revistash të vjetra të Kishës, pjesë të të cilave mund t’i presin për të krijuar një material pamor për të mësuar përmendsh fragmentet për zotërimin doktrinor.

Veprimtari të Mundshme të të Mësuarit

Mund të jetë e nevojshme të jepet një mësim për fragmentet e zotërimit doktrinor në vend të këtij mësimi përsëritjeje. Referojuni udhëzuesit të ritmit mësimor të ofruar nga drejtori apo bashkërenduesi zonal ose rajonal për t’u siguruar që të jepet çdo mësim për fragmentin e zotërimit doktrinor gjatë zhvillimit të seminarit.

Për veprimtarinë e këtij mësimi, sillni objektet vijuese në klasë: disa kopje revistash të vjetra të printuara të Kishës, disa palë gërshërë, letra me ngjyra, lapustila dhe bojëra dhjami. Nxënësit mund të përdorin gjithashtu pajisjet e tyre për të kërkuar imazhe ose figura në bibliotekën në internet të kishës.

Përdorimi i materialeve pamore për të ndihmuar për mësimin përmendsh

Merreni parasysh të përdorni një mësim me sende që t’ju ndihmojë të ilustroni dobinë që ka përdorimi i materialeve pamore për të ndihmuar për mësimin përmendsh.

Një mënyrë për ta bërë këtë është të përshkruani një situatë ose të renditni një grup objektesh dhe më pas t’u kërkoni nxënësve të përsërisin hollësitë. Më pas përdorni një pamje, të tillë si figurat ose vizatimet, për të përshkruar një situatë të ndryshme ose një grup të ndryshëm objektesh dhe kërkojuni nxënësve t’i përsëritin ato hollësi. Pyetini nxënësit se cila prej qasjeve ua lehtësoi më shumë mbajtjen mend të hollësive.

Mësimi përmendsh i fragmenteve të shkrimeve të shenjta për zotërimin doktrinor mund të të ndihmojë të kujtosh fjalët e Shpëtimtarit dhe t’i sjellësh ndërmend kur të të nevojiten. Ka shumë strategji të ndryshme që mund të përdorësh, që të të ndihmojnë të mësosh përmendsh shkrimet e shenjta. Ky mësim do të përqendrohet në përdorimin e materialeve pamore për të të ndihmuar të forcosh mësimin përmendsh të disa frazave kyç të shkrimeve të shenjta nga fragmentet në Dhiatën e Re për zotërimin doktrinor.

Në vijim gjendet një listë e 11 fragmenteve të para në Dhiatën e Re për zotërimin doktrinor. Merre parasysh t’i shënosh këto fragmente bashkë me frazat e tyre kyç nëse nuk e ke bërë ende këtë.

Paraqiteni fletushkën vijuese që nxënësit t’i referohen derisa ta kenë përfunduar krijimin e materialit pamor të tyre gjatë veprimtarisë së radhës.

Doctrinal Master - Matthew - John

Referenca e Shkrimit të Shenjtë	Fraza Kyç e Shkrimit të Shenjtë
Lluka 2:10–12	“Sepse sot në qytetin e Davidit lindi për ju një Shpëtimtar, që është Krishti, Zoti.”
Gjoni 3:5	“Kush nuk ka lindur nga uji dhe nga Fryma, nuk mund të hyjë në mbretërinë e Perëndisë.”
Gjoni 3:16	“Sepse Perëndia e deshi aq botën, sa dha Birin e tij të vetëmlindurin.”
Mateu 5:14–16	“Ashtu le të shndritë drita juaj para njerëzve.”
Mateu 11:28–30	“Ejani tek unë, o ju të gjithë të munduar dhe të rënduar, dhe unë do t’ju jap çlodhje.”
Mateu 16:15–19	Jezusi tha: “Unë do të të jap çelësat e mbretërisë”.
Gjoni 7:17	“Në qoftë se dikush do të bëjë vullnetin e tij, do ta njohë … doktrinë[n].”
Mateu 22:36–39	“Duaje Zotin, Perëndinë tënde. … Duaje të afërmin tënd.”
Lluka 22:19–20	Jezu Krishti urdhëroi që të merrej sakramenti “në përkujtimin [e Tij]”.
Gjoni 17:3	“Dhe kjo është jeta e përjetshme, të të njohin ty, të vetmin Perëndi të vërtetë, dhe Jezu Krishtin.”
Lluka 24:36–39	“Sepse një frymë nuk ka mish e eshtra, si po shihni se unë kam.”

Krijimi i një materiali pamor

Në varësi të madhësisë së klasës, veprimtaria vijuese mund të kryhet në mënyrë individuale, në dyshe ose në grupe të vogla. Nëse është e mundur, sillni kopje të vjetra revistash të Kishës që nxënësit t’i përdorin. Nëse nuk kanë figura të shtypura në letër, kërkojuni nxënësve të vizatojnë figurat e tyre në fletë letre. Merreni parasysh të krijoni një material pamor së bashku me nxënësit. Ftojini nxënësit të tregojnë materialet e tyre pamore në fund të kësaj veprimtarie.

Gjej ose vizato figura që mund të të ndihmojnë të mbash mend referencën e shkrimeve të shenjta dhe frazën kyç të shkrimeve të shenjta nga një prej 11 fragmenteve të para të shkrimeve të shenjta në Dhiatën e Re për zotërimin doktrinor. Krijimi yt mund të përmbajë një ose dy figura që mund të të ndihmojnë të kujtosh një frazë të plotë kyç të shkrimeve të shenjta, ose mund të përmbajë figura të ndryshme për çdo fjalë në frazën kyç të shkrimeve të shenjta. Ndërsa je duke punuar për krijimin tënd, mendo se si fragmenti ku je përqendruar lidhet me Jezu Krishtin dhe ungjillin e Tij.

Pasi nxënësit të kenë mbaruar, ftojini ata t’ua tregojnë krijimet e tyre të tjerëve në klasë.

Nëse ka kohë, nxënësit mund të përgatitin gjithashtu një mësim të shkurtër për fragmentin që zgjodhën, që mund të përdoret në studimin e shkrimeve të shenjta gjatë mbrëmjes së shtëpisë ose me familjen. Ftojini nxënësit të gjejnë një mënyrë për të përdorur materialin pamor që krijuan si pjesë të mësimit të tyre. Pyetjet vijuese mund t’i udhëheqin nxënësit ndërsa përgatiten për mësimet e tyre:

• Çfarë na ndihmon të kuptojmë ky fragment i shkrimeve të shenjta për Jezu Krishtin dhe ungjillin e Tij?

• Si mund të ndikojnë të vërtetat e këtij fragmenti të shkrimeve të shenjta në jetën tuaj?

• Çfarë përvojash keni pasur që lidhen me të vërtetat që jepen mësim në këtë fragment të shkrimeve të shenjta?

Merreni parasysh t’i inkurajoni nxënësit ta ushtrojnë vetë mësimin përmendsh të referencave të shkrimeve të shenjta dhe frazave kyç të shkrimeve të shenjta. Ata mund të marrin parasysh madje të zgjedhin disa fragmente të plota për t’i mësuar përmendsh.