Mateu 19:1–12

Martesa Shugurohet nga Perëndia

Jezu Krishti dha përgjigje për pyetje dhe dha mësim të vërtetën për martesën dhe shkurorëzimin. Ky mësim mund të të ndihmojë të kuptosh se si Ati Qiellor dhe Jezu Krishti kanë siguruar një mënyrë që ti të kesh një martesë të përjetshme të lumtur në të ardhmen tënde.

Të njihni nxënësit tuaj. Ndërsa arrini të njihni çdo nxënës, ju do të jeni më të përgatitur për të komunikuar efektshëm me ta individualisht. Merreni parasysh që përpara se cilat thënie ose tema mund të jenë sipas gjasave të sikletshme për disa nxënës. Ndërsa jepni mësim doktrinën e vërtetë, përpiquni të jepni mësim me dashuri dhe interesim për secilin nxënës.

Përgatitja e nxënësve: Ftojini nxënësit të mendojnë se çfarë mund të bëjnë tani për t’u përgatitur për një martesë të lumtur. Nxitini ata të kërkojnë këshillë nga një person që e dinë se ka një martesë të lumtur e të drejtë.

Veprimtari të Mundshme të të Mësuarit

Martesa është pjesë e planit të Perëndisë

Sillni një rrotë biçiklete në klasë ose tregoni një figurë të një rrote dhe bëjuni atyre pyetjen vijuese. (Mund të përdoret çdo objekt që ka një qendër që është e rëndësishme për funksionin e vet.)

• Çfarë do t’i ndodhte kësaj rrote biçiklete nëse do t’i hiqej bucela (qendra e rrotës)?

Lexo paragrafin e parë të materialit “ Familja: Një Proklamatë drejtuar Botës ” (ChurchofJesusChrist.org), duke kërkuar atë që është qendrore në planin e shpëtimit të Atit Qiellor.

“Ne, Presidenca e Parë dhe Këshilli i Dymbëdhjetë Apostujve të Kishës së Jezu Krishtit të Shenjtorëve të Ditëve të Mëvonshme, solemnisht shpallim se martesa midis një burri dhe një gruaje shugurohet nga Perëndia dhe se familja është thelbësore në planin e Krijuesit për destinacionin e përjetshëm të fëmijëve të Tij.”

(“ Familja: Një Proklamatë drejtuar Botës ”, ChurchofJesusChrist.org)

• Si mund të krahasohet roli i familjeve në planin e Perëndisë me bucelën e rrotës?

• Si mendon, çfarë do të thotë që martesa është “e shuguruar nga Perëndia”?

• Cila nga thëniet në vijim i përshkruan ndjenjat e tua aktuale për martesën? (Përzgjidhi të gjitha ato që gjejnë zbatim.)

Merreni parasysh të paraqitni alternativat vijuese ose të përdorni një mjet anketimi në internet që nxënësit të përzgjedhin përgjigjen/et e tyre.

• I emocionuar– “E pres me padurim atë kur të jetë koha e duhur.”

• Në ankth – “A do të gjej një shok/shoqe të përjetshëm/me?”

• I shqetësuar – “Unë shoh shumë martesa të palumtura dhe shkurorëzime.”

• I pështjelluar – “Ka aq shumë opinione të ndryshme për martesën.”

Jepuni nxënësve pak kohë për të treguar mendimet dhe ndjenjat e tyre për martesën. Duke ditur se si ndihen ata, ju mund të arrini përshtatje më të efektshme të mësimit.

Martesa ka për qëllim të jetë e përjetshme

Në kohët e Dhiatës së Re, disa njerëz argumentuan se ligji i Moisiut shfajësonte shkurorëzimin edhe për arsye të parëndësishme apo egoiste. Shpëtimtari dha mësim të vërteta të rëndësishme për martesën në përgjigje të pyetjeve të farisenjve për shkurorëzimin. Teksa studion mësimet e Tij, përsiat se si mund ta besosh atë që Shpëtimtari jep mësim për martesën, edhe kur kjo ndryshon nga ajo që bota të mëson.

Lexo te Mateu 19:3–8 . Mbaj shënim fjalë ose shprehje që tregojnë se si Zoti e sheh martesën. Vër re që “ta ndajë” në këto vargje nënkupton shkurorëzim, “lëshojë” do të thotë ndajë dhe “në fillim” do të thotë siç u vendos nga Perëndia në krijimin e botës.

• Çfarë të vërtetash dha mësim Jezu Krishti për martesën dhe shkurorëzimin që do të doje që më shumë njerëz të botës t’i kuptonin? Përse?

• Çfarë shprehjesh specifike në këtë fragment të ndihmojnë të kuptosh atë që Jezusi dha mësim?

• Nëse mund t’i bëje Shpëtimtarit pyetje për martesën dhe familjen ashtu si i bënë njerëzit te Mateu 19 , çfarë do të doje të dije?

Merreni parasysh të shkruani në tabelë disa nga pyetjet që kanë nxënësit.

Një nga të vërtetat që mund të mësojmë nga mësimet e Shpëtimtarit, është që martesa ndërmjet një burri dhe një gruaje është një marrëdhënie e shenjtë e krijuar nga Perëndia dhe ka për qëllim të zgjatë përgjithmonë.

• Si mund të ndihmojë kjo e vërtetë për t’u dhënë përgjigje disa prej pyetjeve të tua ose pyetjeve që njerëz të tjerë në botë mund të kenë për martesën?

Ati Qiellor dëshiron që martesa të zgjatë përgjithmonë. Meqë shkurorëzimi është i zakonshëm në botë sot,Presidenti Dallin H. Ouks dha mësim: “Për shumicën e problemeve martesore, kura nuk është divorci por pendimi” (“Divorce”, Ensign ose Liahona, maj 2007, f. 71, [ose “Divorci”, Konferenca e Përgjithshme Prill 2007, f. 83]). Ati ynë Qiellor e ka bërë të mundur që martesat të jenë të përjetshme dhe që bashkëshortët apo bashkëshortet të jenë të lumtur dhe të përmbushur teksa përpiqen të mbajnë besëlidhjet e tyre, të jetojnë mësimet e Shpëtimtarit dhe të zbatojnë rregullisht parimin e pendimit. Fatkeqësisht, ndonjëherë shkurorëzimi është i domosdoshëm.” Sikurse shpjegoi Presidenti Gordon B. Hinkli (1910–2008): “Mund të ketë herë pas here një shkak të justifikueshëm për shkurorëzimin” (“What God Hath Joined Together”, Ensign, maj 1991, f. 74). Ndërkohë që duhet të përmbahemi për të mos i gjykuar vendimet e marra nga të tjerët, secili prej nesh mund të përgatitet më mirë për një martesë të ardhshme e cila do të zgjatë përgjithmonë duke besuar tek Ati Qiellor dhe Biri i Tij dhe duke mësuar t’i ndjekim Ata me gjithë zemrën tonë.

• Çfarë mëson për Atin Qiellor duke ditur që Ai dëshiron që martesat të zgjatin përgjithmonë?

Zgjidhni se cila prej veprimtarive të mbetura do të ishte më e dobishme për nxënësit për kohën në dispozicion.

Përdori disa nga burimet vijuese për të kërkuar të vërteta të tjera që ndihmojnë për t’u dhënë përgjigje pyetjeve që ti ose të tjerët mund të keni për martesën. Përsiat se si njohuria jote për planin e shpëtimit ndihmon për t’u dhënë përgjigje disa prej pyetjeve. Bëhu gati të tregosh atë që mësove.

Merreni parasysh t’u jepni nxënësve disa prej burimeve shtesë që gjenden në pjesën e mësimit “Komente dhe Informacion për Rrethanat”. Nxënësit mund të punojnë me një partner ose grup të vogël për këtë veprimtari.

• “ Familja: Një Proklamatë drejtuar Botës ”

• Fragmentet vijuese të zotërimit doktrinor: Zanafilla 2:24 ; 1 Korintasve 11:11 ; Alma 39:9 ; Doktrina e Besëlidhje 49:15–17 ; 131:1–4

• Biseda të konferencës së përgjithshme ose materiale filmike të Kishës që na mësojnë për martesën (kërko te ChurchofJesusChrist.org ose tek indeksi tematik i botimeve të revistës Liahona për konferencat e përgjithshme)

• Një njeri i dashur e i besuar që ka martesë të lumtur, të cilin mund ta kontaktosh gjatë mësimit

Pasi nxënësit të kenë pasur pak kohë për të studiuar, ftojini ata të tregojnë atë që mësuan në një mënyrë që i lejon ata të dëgjojnë shumë të vërteta. Për shembull, nxënësit mund të lëvizin nëpër dhomë, duke ia treguar atë që mësuan sa më shumë shokëve të klasës të jetë e mundur brenda një intervali kohe të caktuar.

Të mësuarit nga shembujt e drejtë

Pali vuri në dukje dashurinë e Shpëtimtarit për Kishën si një shembull i dashurisë që duhet të ekzistojë në një martesë. Lexo te Efesianëve 5:25 dhe përfytyro se si do të ishte një martesë nëse burri dhe gruaja do të kujdeseshin për njëri-tjetrin në mënyrën që Shpëtimtari kujdeset për anëtarët e Kishës së Tij.

Përqendrimi në shembujt e personave me martesa të drejta mund të forcojë besimin tonë që Perëndia do t’ua japë këtë bekim të gjithë atyre që e kërkojnë me besnikëri atë, edhe nëse disa duhet të presin deri pas jetës së tyre në vdekshmëri për këtë bekim.

Merreni parasysh të ftoni një çift të martuar nga kunji që të ndihmojnë për ta dhënë këtë mësim, për t’iu përgjigjur pyetjeve, ose për të dëshmuar për gëzimin që vjen nëpërmjet zbatimit të mësimeve të Jezu Krishtit në martesën e tyre.

Mund të duash të lexosh te biseda “Bekimet e Përjetshme të Martesës” (Prej frazës: “Mësova nga bashkëshortja ime …” deri te “ … atë bijë të jashtëzakonshme të Atit në Qiell.”), që është në dispozicion në https://www.churchofjesuschrist.org/study/general-conference/2011/04/the-eternal-blessings-of-marriage?lang=alb, duke kërkuar gëzimin që mund të vijë nëpërmjet një martese me dashuri e të drejtë.

• Kush ka qenë shembull për ty për krijimin e një martese të lumtur e të drejtë? Cilat cilësi si të Krishtit i kanë ndihmuar ata të zhvillojnë martesën që gëzojnë?

• Përse është e rëndësishme që të përgatitesh tani për martesën tënde të ardhshme?

Merreni parasysh të tregoni shembuj martesash të lumtura dhe t’i ftoni nxënësit të tregojnë atë që mësuan nëpërmjet ftesës për përgatitjen e nxënësve për këtë mësim.

Përsiat atë që mësove në këtë mësim për rolin e martesës në planin e Perëndisë dhe se si ndihesh ndërsa pret me padurim të ardhmen tënde.

• Çfarë do të bësh tani që të përgatitesh për një martesë të përjetshme?

• Çfarë mund të bësh për të marrë ndihmë nga Shpëtimtari për t’u përgatitur?

Komente dhe Informacion për Rrethanat

Çfarë u ndodh njerëzve besnikë që nuk e kanë mundësinë e martesës së përjetshme në këtë jetë?

Plaku D. Tod Kristoferson, i Kuorumit të Dymbëdhjetë Apostujve, tha:

“Disave prej jush u është mohuar bekimi i martesës për arsye që përfshijnë një mungesë të kandidatëve të suksesshëm, tërheqje fizike ndaj së njëjtës gjini, paaftësi fizike apo mendore ose thjesht një frikë ndaj dështimit që, të paktën për çastin, hedh hije mbi besimin. …

… Me vetëbesim ne dëshmojmë se Shlyerja e Jezu Krishtit e ka paraprirë dhe, më së fundi, do ta dëmshpërblejë gjithë mungesën e mundësive dhe humbjen për ata që kthehen tek Ai. Askush nuk është i paracaktuar që të marrë më pak sesa gjithçka që Ati ka për fëmijët e Tij.”

(D. Tod Kristoferson, “Përse Martesa, Përse Familja”, Ensign ose Liahona, maj 2015, f. 52.)

Çfarë ka dhënë mësim Zoti për martesën e ligjëruar brenda së njëjtës gjini?

Presidenti Rasëll M. Nelson dha mësim:

“Si anëtarë të Kishës, ne i respektojmë ligjet e vendit dhe u përmbahemi atyre, përfshirë martesën civile. Gjithsesi, e vërteta është se – në fillim – martesa u shugurua nga Perëndia! Dhe deri më sot ajo përkufizohet nga Ai se është midis një burri e një gruaje. Perëndia nuk e ka ndryshuar përkufizimin e Tij për martesën.”

(Russell M. Nelson, “The Love and Laws of God” [Takim shpirtëror në Universitetin “Brigam Jang”, 17 shtator 2019], speeches.byu.edu.)

Çfarë mund të bëj tani që të më ndihmojë të gjej një bashkëshort/e të mirë kur të jetë koha e duhur?

Presidenti Ted R. Kelister, ish-President i Përgjithshëm i Shkollës të së Dielës, tregoi një mënyrë të mundshme për t’iu përgjigjur kësaj pyetjeje me diçka që nëna e tij i mësoi kur ishte rreth 17 vjeç:

“Ajo tha: ‘Ted, a po i kërkon Zotit të të ndihmojë të gjesh një bashkëshorte të mirë?’

… U përgjigja: ‘Jo’, të cilës ajo iu përgjigj: ‘Epo mirë Bir, duhet ta bësh; do të jetë vendimi më i rëndësishëm që do të marrësh ndonjëherë’. Ato fjalë u zhytën thellë në zemrën time dhe kështu, për gjashtë vitet në vijim, u luta që Perëndia të më ndihmonte të gjeja një bashkëshorte të mirë. Dhe, oh, si iu përgjigj Ai asaj lutjeje!”

(Ted R. Kelister, “Prindërit: Mësuesit Kryesorë të Ungjillit për Fëmijët e Tyre”, Ensign ose Liahona, nëntor 2014, f. 33.)

Mateu 19:9 . A ka problem po të rimartohesh pas një shkurorëzimi?

Presidenti Dallin H. Ouks, i Presidencës së Parë, tha:

“Lloji i martesës që kërkohet për ekzaltim – e përjetshme në kohëzgjatje dhe e perëndishme në cilësi – nuk e mendon shkurorëzimin. … [Por] për shkak ‘të ngurtësisë së zemr[ës] [sonë] [ Mateu 19:8 ], Zoti tani nuk i imponon pasojat e standardit çelestial. Ai u lejon personave të shkurorëzuar që të martohen përsëri pa njollën e imoralitetit të specifikuar në ligjin më të lartë.”

(Dallin H. Ouks, “Divorce”, Ensign ose Liahona, f. 70, [ose “Divorci”, Konferenca e Përgjithshme Prill 2007, f. 83].)

Si mund të më ndihmojë besimi im te Shpëtimtari teksa kërkoj një bashkëshoqërues/e të përjetshëm/me?

Plaku Xhefri R. Holland, i Kuorumit të Dymbëdhjetë Apostujve, dha mësim:

“Besoni se besimi juaj lidhet në gjithçka me romancën tuaj, sepse është e vërtetë. Ndarja e takimeve nga qenia dishepull ju vë ju në rrezik. Ose, për ta shprehur atë në mënyrë më pozitive, Jezu Krishti, Drita e Botës, është e vetmja dritë me anë të së cilës mund ta shihni me sukses shtegun e dashurisë dhe të lumturisë për ju dhe për të dashurin/ën tuaj.”

(Jeffery R. Holland, “How Do I Love Thee?” [Takim shpirtëror në Universitetin “Brigam Jang”, 15 shkurt 2000], speeches.byu.edu.)