A family spends time together on the grounds in front of the Oakland Temple.
Ang mga relasyon sa pamilya mao ang pipila sa labing magantihon nga atong masinati sa mortalidad. Ang mga relasyon uban sa ginikanan, mga igsoon, ug mga kapikas mahimong makadala og dakong kalipay apan mahimong makamugna usab og mga hagit. Si Pablo nitudlo nga kita makatan-aw kang Jesukristo isip ehemplo alang sa piskay ug malipayong mga relasyon kauban sa mga miyembro sa pamilya. Kini nga leksiyon makatabang kanimo nga mosunod sa ehemplo sa Manluluwas aron sa pagpalambo sa imong mga relasyon sa uban.
Pagpangandam sa estudyante: Dapita ang mga estudyante sa paghunahuna mahitungod sa mga miyembro sa ilang pamilya ug pag-ila sa usa ka butang nga ilang ganahan mahitungod sa matag usa kanila.
Posible nga mga Kalihokan sa Pagkat-on
Kini nga leksiyon napokus sa mga relasyon sa pamilya. Palihog ikonsiderar ang mga kahimtang sa pamilya sa mga estudyante samtang nag-andam ug nagtudlo niini nga leksiyon. Mahimong sensitibo sa mga pangaghat sa Espiritu Santo ug sa mga panginahanglanon sa mga estudyante.
Ang Imong Pamilya
Isulat ang mga pangalan sa suod nga mga sakop sa imong pamilya [immediate family members] ug usa ka butang nga imong ganahan mahitungod sa matag usa kanila.
Pagdapit og pipila ka mga estudyante sa pagpaambit og usa ka butang nga ilang ganahan mahitungod sa usa sa mga miyembro sa ilang pamilya.
Ikonsiderar kini nga pamahayag alang sa matag usa ka miyembro sa pamilya: “Gitratar nako kini nga sakop sa pamilya sa paagi nga akong gibati nga buot sa Manluluwas nga ako motrato kaniya.” Dayun gradohi ang paagi sa imong pagtratar sa matag miyembro sa pamilya gamit ang mosunod nga sukdanan.
Imahe
New Testament Seminary Teacher Manual- 2023
Sa imong pagtuon karon, paghunahuna mahitungod sa imong mga relasyon uban sa mga miyembro sa imong pamilya ug unsaon nimo sa pagsunod sa ehemplo sa Manluluwas sa paghigugma ug pagtabang kanila.
Si Pablo naghatag og tambag kabahin sa mga relasyon sa pamilya
Importante nga mahibaloan nga ang mga pulong ni Pablo diha sa Mga Taga-Efeso 5:22–24 gisulat sa kinatibuk-ang kahulogan sa sosyal nga mga nabatasan sa iyang panahon. Ang mga propeta ug apostoles karon nagtudlo nga ang mga lalaki dili hawod sa mga babaye ug nga ang mga kapikas kinahanglang “managkauban” (tan-awa sa “ Ang Pamilya: Usa ka Pamahayag ngadto sa Kalibotan ,” ChurchofJesuschrist.org). Bisan tuod ang kustombre sa panahon ni Pablo lahi, makakita ra gihapon ka og may kalabotan nga tambag sa mga pagtulun-an ni Pablo. Usa ka kamatuoran nga gipasabot pag-ayo ni Pablo mao ang mahimo kitang mosunod sa ehemplo sa Manluluwas kon giunsa nato pagtratar ang mga miyembro sa atong pamilya.
Lagmit makatabang ang pagbasa sa mosunod nga mga kasulatan isip usa ka klase ug mohunong sa makadaghan aron matugotan ang mga estudyante sa pag-ila sa mga ehemplo kon giunsa sa Manluluwas pagtratar ang mga miyembro sa Iyang Simbahan ug sa unsang paagi kini may kalabotan ngadto sa mga relasyon sa pamilya.
Basaha ang Mga Taga-Efeso 5:21–27 ; 6:1–4 , nga mangita sa mga ebidensiya niini nga kamatuoran. Samtang nagtuon ka mahimong makatabang ang pagkahibalo nga “ang pagtinahoray kamo” ( Mga Taga-Efeso 5:21) nagpasabot sa kaandam nga magtinabangay ug maghinigugmaay ug mag-amumahay sa usag usa, ug ang “tungod [sa Dios]” ( Mga Taga-Efeso 5:21) nagkahulugan og gugma ug pagtahod alang sa Dios.
Hisgoti kini nga mga bersikulo isip usa ka tibuok klase. Mahimong gamiton ang mosunod nga mga pangutana sa paghisgot, o paghunahuna og laing mga pangutana nga mahimong mopalawom sa pagsabot sa mga estudyante sa mga pagtulun-an ni Pablo niini nga mga bersikulo.
Unsa ang pipila sa mga paagi nga ang Manluluwas nagpakita sa Iyang gugma alang sa Simbahan ug naghatag sa Iyang kaugalingon alang niana?
Sa unsang paagi nga ang pagkahibalo giunsa ni Kristo paghatag sa Iyang kaugalingon sa Simbahan nakapahimo nimo nga mobati mahitungod Kaniya?
Sa unsang paagi gikinahanglan nga ang usa ka bana mobati ngadto sa iyang asawa kon siya mosunod sa ehemplo kon giunsa sa Manluluwas pagbati ngadto sa Iyang Simbahan?
Unsa nga tambag ang gihatag ni Pablo nga parehong magamit sa mga bana ug mga asawa? sa uban pang mga miyembro sa pamilya?
Unsa ang imong mabuhat karon aron makaandam nga ugma damlag imong matratar ang imong kapikas sa paagi nga ang Manluluwas buot nga trataron siya?
Sa unsang paagi nga ang pagtuman ug pagtahod sa imong mga ginikanan makatabang kanimo aron mas mahimong susama kang Jesukristo?
Tan-awa ang mosunod nga mga hulagway ug ipares sila niini nga mga asoy sa kasulatan: Lucas 2:51–52 , Juan 2:1–11 , ug Lucas 22:39–42 . Paghunahuna mahitungod kon sa unsang paagi nga ang Manluluwas usa ka ehemplo sa paghigugma, pagtuman, ug pagtahod sa Iyang kalibotanon ug langitnong mga ginikanan.
Ipakita ang mosunod nga mga hulagway ug dapita ang mga estudyante sa paggamit sa mga asoy sa kasulatan aron sa pagpasabot kon giunsa sa Manluluwas pagtratar ang Iyang kalibotanon ug langitnong mga ginikanan.
Imahe
Jesus says to His mother, Mary, “Wist ye not that I must be about my Father’s business?”
Imahe
Jesus talking to Mary at a wedding feast.
Imahe
Christ kneeling in Gethsemane. Outtakes include the back of the savior shown kneeling in the tall grass, close-up of his face looking afraid, in a distance with blood on his face and hands near a river, an angel comforting him, profile portrait, and a glowing angel coming toward Christ who is huddled on the ground.
Sa unsang mga paagi nga ang Manluluwas naghigugma, nagtuman, ug nagtahod sa Iyang mga ginikanan? Giunsa kaha sa imong hunahuna nga ang Iyang mga buhat nakaapekto sa Iyang relasyon ngadto sa Iyang mga ginikanan?
Unsa ang pipila sa mga paagi nga imong gitahod ug gituman ang imong mga ginikanan?
Sa unsang paagi nga ang pagsunod sa ehemplo sa Manluluwas nakapanalangin kanimo ug nakatabang kanimo sa paglig-on sa mga relasyon sa pamilya, o sa imong hunahuna sa unsang paagi kaha kini makahimo niana?
Pagbansay sa pagka- susama sa Manluluwas
Tabangi ang mga estudyante sa pagkonsiderar sa tinuod nga mga higayon sa kinabuhi kon unsaon pagsunod sa ehemplo sa Manluluwas. Ang mosunod nga kalihokan usa ka paagi aron mabuhat kini.
Isip alternatibo, ang bidyo sa “Komentaryo ug Background nga Impormasyon” nga bahin ubos sa ulohan nga “Unsa ang akong mabuhat aron mapalig-on ang mga relasyon sa akong pamilya?” mahimo usab nga makahatag og usa ka moderno nga ehemplo.
Pagsulat og usa ka tipikal nga interaksiyon tali sa usa ka tinedyer ug usa ka miyembro sa pamilya diin tingali lisod tratohon ang ubang sakop sa pamilya sama sa pagtrato sa Manluluwas kanila. Sa higayon nga nakahimo naka og usa ka interaksiyon, isulat sa unsang paagi sa imong hunahuna nga ang Manluluwas mosanong niini ug ngano. Hinumdomi unsa ang gibati ug gibuhat sa Manluluwas ngadto sa uban.
Ang mga pananglitan mahimong maglakip sa:
Usa ka ginikanan kritikal sa paagi sa anak sa paggamit sa iyang libre nga oras.
Usa ka igsoon ang nagkuha sa gipanag-iya sa laing igsoon nga walay pananghid ug namakak mahitungod niini.
Dapita ang mga estudyante sa pagpaambit sa mga senaryo nga ilang gisulat ug unsaon kaha sa Manluluwas pagtratar sa mga tawo sa maong senaryo kon Siya anaa didto.
Sunda ang ehemplo sa Manluluwas
Pamalandong sa imong mga relasyon kauban sa mga sakop sa imong pamilya. Paghunahuna mahitungod sa mga panahon diin ikaw misunod sa ehemplo sa Manluluwas ug mitratar sa uban sa mga paagi nga susama kang Kristo. Usab, tugoti ang Balaang Espiritu sa pagtabang kanimo nga mahibalo unsa ang imong buhaton aron makasunod sa ehemplo sa Manluluwas sa paghigugma sa uban.
Isulat kon unsa ang imong nabati nga mahimong mabuhat aron pagsundog sa Manluluwas diha sa imong mga relasyon sa pamilya. Mahimong ipaambit unsa ang imong nasulat ngadto sa imong magtutudlo o sa usa ka ginikanan aron matabangan ka sa pagtuman sa unsa ang imong nabati nga buhaton.
Ang pipila sa mga sakop sa pamilya sa mga estudyante mahimong dili mobuhat sa ilang mga lihok sa mahigugmaong mga paagi. Seguroha ang pagdasig sa mga estudyante ug pagpamatuod nga diha sa ilang pagsunod sa ehemplo sa Manluluwas, ang Langitnong Amahan ug si Jesukristo mahimuot sa ilang mga buhat.
Komentaryo ug Background nga Impormasyon
Mga Taga-Efeso 5:22–24 . Unsa ang angay natong masabtan mahitungod sa mga pagtulun-an ni Pablo niini nga mga bersikulo?
Mitudlo si Pablo nga ang tanang mga miyembro sa Simbahan kinahanglan nga magpasinakopay nga masinugtanon sa usag usa, o sa laing pagkasulti, unahon ang uban kay sa ilang kaugalingon (tan-awa sa Mga Taga-Efeso 5:21). Gipasabot dayon niya kon sa unsang paagi nga ang baroganan sa pagpasakop sa kaugalingon nga masinugtanon magamit sa mga relasyon sa pamilya ug panimalay. Ang mga bersikulo 22–24 dali nga masaypan pagsabot ug sayop nga magamit sa atong panahon. Ang mga propeta sa Ulahing mga Adlaw klarong nagtudlo nga ang mga bana ug mga asawa ug mga inahan ug mga amahan kinahanglan motuman sa ilang sagradong mga katungdanan isip “managkauban” (“ Ang Pamilya: Usa ka Pamahayag ngadto sa Kalibotan ,” ChurchofJesusChrist.org). Kon ang magtiayon tinud-anay nga nagkahiusa, niana ang bisan unsang sakripisyo nga gihimo alang sa kapikas dili mapugngan nga makahatag og panalangin sa kaugalingon; sa ingon, “[ang] nahigugma sa iyang asawa nagahigugma sa iyang kaugalingon” ( Mga Taga-Efeso 5:28).
Sa unsang paagi nga ang usa ka bana o asawa motratar sa ilang kapikas sama sa buhaton sa Manluluwas?
Si Presidente Gordon B. Hinckley (1910–2008) namahayag:
Imahe
Frontal half-length portrait of President Gordon B. Hinckley. President Hinckley’s hands are resting on the back of a chair. The image is the official Church portrait of President Hinckley as of 1995. This was President Hinckley’s last official portrait. President Hinckley died 27 January 2008.
Ang kalipay sa kaminyoon dili kaayo kabahin sa romansa kay sa usa kini ka matinguhaon nga pagpakabana alang sa kaharuhay ug kaayohan sa kapikas sa usa ka tawo. Si bisan kinsang lalaki nga mouna sa kaharuhay sa iyang asawa magpabilin nga mahigugma kaniya sa tibuok nilang kinabuhi ug hangtod sa kahangtoran nga moabot. (Anchorage, Alaska, regional conference, Hunyo 18, 1995)
(“Speaking Today: Excerpts from Recent Addresses of President Gordon B. Hinckley,”Ensign, Abr. 1996, 72)
Si Elder L. Whitney Clayton sa Korum sa Kapitoan miingon:
Imahe
Official Portrait of Elder L. Whitney Clayton. Photographed March 2017.
Akong nabantayan nga diha sa pinakamalipayong kaminyoon gikonsiderar sa bana og asawa ang ilang relasyon nga usa ka perlas nga bililhon kaayo, usa ka bahandi nga dili mapalit. Silang duha mobiya sa ilang papa ug mama, ug mopahiluna aron matukod ang kaminyoon nga mouswag ngadto sa kahangtoran. Ilang nasabtan nga nagsubay sila sa dalan nga balaanong giandam. Nahibalo sila nga walay laing relasyon nga makahatag og dakong kalipay, momugna og kaayo, o dakong personal nga kalamboan. Tan-awa ug pagkat-on: ang pinakamaayong magkaparis motagad sa ilang kaminyoon nga bililhon.
Unsa man ang akong mahimo sa pagpalig-on sa mga relasyon sa akong pamilya?
“Tahora ang inyong mga ginikanan pinaagi sa pagpakita og paghigugma ug pagrespeto kanila. Sunda sila samtang sila naggiya kaninyo diha sa pagkamatarong. Pagmaandamon sa pagtabang diha sa inyong panimalay. Apil sa maayo nga mga kalihokan ug mga tradisyon sa pamilya. Apil sa inyong pag-ampo sa pamilya, pagbasa sa kasulatan uban sa pamilya, ug mga family home evening. Ang pagsunod niini nga mga sugo mopalig-on ug mohiusa sa mga pamilya” (Alang sa Kalig-on sa mga Kabatan-onan [booklet, 2011], 14–15).
Lagmit imong nabasa ang mosunod nga artikulo, nga nagsugyot og mga paagi sa pagtukod ug paglig-on sa mga relasyon: “Mga Baroganan sa Pagpangalagad: Pagtukod og mga Makahuluganong mga Relasyon,” Liahona, Ago. 2018, 6–9.
Mahimong tan-awon ang usa o daghan pa sa mosunod nga mga bidyo, ang tanan anaa sa ChurchofJesusChrist.org, nga nagpakita og mga pananglitan sa mga tawo nga naningkamot sa pagsunod sa ehemplo sa Manluluwas kon unsaon nila pagtratar sa uban.
Sa bidyo nga “Kamo ang Akong Mga Kamot” (gikan sa time code nga 10:26 hangtod 12:39), si Presidente Dieter F. Uchtdorf, sa kanhi Unang Kapangulohan, namulong mahitungod sa unsaon nato pagkahimong mga kamot sa Manluluwas.
Dugang nga mga Kalihokan sa Pagkat-on
Mga alternatibong paagi sa pagsugod sa leksiyon
Aron matabangan ang mga estudyante sa paghunahuna kon giunsa ni Jesukristo paghatag kanato og usa ka sumbanan nga sundon diha sa atong mga relasyon sa pamilya, mahimong mogamit og usa sa mosunod nga alternatibong mga kalihokan aron sugdan ang leksiyon.
Kinutlo ug mga pangutana
Dapita ang mga estudyante sa pagbasa sa mosunod nga pamahayag ni Elder Marvin J. Ashton (1915–1994) sa Korum sa Napulog Duha ka Apostoles:
Imahe
Portrait of Marvin J. Ashton.
Usa ka adlaw nagdayeg ako sa usa ka matahom nga hinimo sa kamot nga habol nga hinimo sa usa ka hanas nga mananahi. Diha sa among dungan nga pagduaw, nasayran nako nga siya nakahimo og daghang mga habol sulod sa mga katuigan ug inila sa iyang maayo kaayo nga buhat sa kamot. Sa akong pangutana, “Nakahimo ka na ba og usa niini nga mga habol nga walay sumbanan?” miingon siya, “Unsaon nako pagkahibalo kon unsay mahimong hitsura niini kon wala akoy sundan nga sumbanan?”
(Marvin J. Ashton, “A Pattern in All Things,”Ensign, Nob. 1990, 20)
Mahimong ipangutana ang sama sa “Kanu-s man ka misunod og usa ka sumbanan?” o “Unsa ang mga benepisyo sa pagsunod sa usa ka sumbanan?”
Pagpakita unsaon pagbuhat ug tudling sa kasulatan
Ipakita unsaon pagbuhat, o pagdapit og usa ka estudyante sa pagpakita unsaon sa pagbuhat, og usa ka butang samtang ang klase mosunod (sama sa pagpangita og usa ka butang diha sa Family Tree nga app o pagpilo og usa ka butang nga hinimo sa papel [origami creation]). Mahimong isunod ang pangutana sama sa “Sa unsang paagi nakatabang ninyo ang adunay sundon?”
Dapita ang mga estudyante sa pagbasa sa Mga Taga-Efeso 5:21–33 , nga mangita kon si kinsa ang gisugyot ni Pablo nga atong himoong sumbanan sa atong mga relasyon.