A young man dressed in New Testament era armor with a sword and shield.
Ania kita sa usa ka gubat alang sa mga kalag sa katawhan. Ang Langitnong Amahan nagdasig kang Pablo aron magtudlo mahitungod sa unsang paagi kita makalahutay sa mga pag-atake ni Satanas. Kini nga leksiyon gituyo aron sa pagtabang kanimo nga makasabot unsa ang gihatag sa Dios aron sa pagpanalipod kanimo gikan sa mga kadaotan sa kalibotan, pagtimbang-timbang sa imong kasamtangan nga espirituhanong pagpangandam, ug paghimo og plano aron mapalambo ang imong espirituhanong mga proteksyon.
Pagpangandam sa estudyante: Dapita ang mga estudyante sa pagrebyo ug pagkompleto sa kalihokan nga may ulohang “Ang hinagiban sa Dios motabang pagpanalipod kanako gikan sa daotan” diha sa Dali, Sunod Kanako—alang sa mga Indibidwal ug mga Pamilya ug aron motambong nga andam mopaambit unsa ang ilang nakat-onan mahitungod sa hinagiban sa Dios (“Oktubre 2–8. Mga Taga-Efeso: ‘Alang sa Pagkasangkap sa mga Balaan,’” Dali, Sunod Kanako—Alang sa mga Indibidwal ug mga Pamilya: Bag-ong Tugon 2023).
Posible nga mga Kalihokan sa Pagkat-on
Si Satanas agresibo diha sa iyang mga paglingla
Unsa sa imong hunahuna ang dakong kalahian tali sa unsa ang imong nasinati isip usa ka tinedyer ug unsa ang nasinati sa imong mga ginikanan kaniadtong sila anaa sa imong edad?
Basaha ang mosunod nga pamahayag ni Elder Robert D. Hales (1932–2017) sa Korum sa Napulog Duha ka Apostoles, ug pangita og usa ka kalahian nga iyang gi-highlight:
Imahe
Official portrait of Elder Robert D. Hales of the Quorum of the Twelve Apostles, 2003
Ang inyong mga amahan ug apohan wala makasinati sa mga tintasyon nga inyong nasinati kanunay. Nagpuyo kamo sa kataposang adlaw. Kon ang inyong amahan ganahan og gubot, pangitaon pa niya kini. Dili na karon! Karon ang tintasyon mangita kaninyo! Palihog hinumdomi kana! Si Satanas nagtinguha sa pag-angkon ninyo, ug ang “sala naghulat diha sa pultahan.” [ Moises 5:23 ]. Unsaon ninyo pagbatok sa iyang [agresibo nga] mga paglingla?
Unsa ang mga paagi nga ang tintasyon mangita kanato karon kaysa nga kita ang mangita niini?
Mahimong ipakita ang mosunod nga mga panudlo ug mga pangutana diin ang mga estudyante makakita kanila. Dapita ang mga estudyante sa pagpamalandong sa hilom sa ilang mga tubag.
Pamalandongi ang mosunod nga mga pangutana, o isulat ang imong mga tubag diha sa imong journal sa pagtuon.
Unsa ang pipila ka mga paagi nga si Satanas naningkamot sa pagtintal kanimo sa personal?
Unsa ang imong gibuhat aron mangita sa panabang sa Ginoo sa pagpakigharong sa mga tintasyon ni Satanas? Unsa may maayo nimong nahimo? Unsa kaha ang imong kinahanglang buhaton aron molambo?
Samtang nagtuon ka niini nga leksiyon, pangitaa ang giya sa Espiritu Santo aron matabangan ka nga mahibalo unsaon nimo pagpangita ug mas hingpit nga madawat ang pagpanalipod sa Manluluwas sa imong kinabuhi gikan sa mga pagpangatake ni Satanas.
Ang proteksyon sa Ginoo
Basaha ang Mga Taga-Efeso 6:10–13 , og pangitaa kon unsay giingon ni Pablo nga gipakigbatokan sa mga Santos sa iyang panahon.
Unsa nga mga pagkaparehas ang inyong nakita taliwala sa unsa ang gipakigbatokan sa mga Santos sa Efeso sa ilang panahon ug sa unsa ang atong gipakigbatokan karon?
Nganong ang Langitnong Amahan ug si Jesukristo gusto nga kita mapanalipdan batok sa dautan? Unsay ikatudlo niini nga tinguha kanato mahitungod Kanila?
Unsa ang gidapit ni Pablo sa mga Taga-Efeso nga buhaton aron makaharong niini nga mga daotan?
Gikan sa Mga Taga-Efeso 6:10–13 , atong nakat-onan nga kon atong isul-ob ang tibuok nga hinagiban sa Dios, kita mahimong makaharong sa daotan.
Ang hinagiban sa Dios mao ang usa ka metapora o simbolo alang sa pagpanalipod nga gitanyag kanato sa Langitnong Amahan ug ni Jesukristo. Sa gubat nga atong giatubang, ang hinagiban sa Dios mao ang espesyal nga gidisenyo alang kanimo ug sa mga peligro sa imong kinabuhi. Aron matabangan ka nga makasabot niining balaan nga pagpanalipod, mahimo nimong kopyahon ang mosunod nga hulagway sa imong journal sa pagtuon o i-print kini. Irekord sa diyagram ang imong mga tubag sa mosunod nga kalihokan:
Ihatag ang mosunod nga handout ngadto sa mga estudyante. O mahimong magbuhat og balik ang mga estudyante sa handout diha sa ilang journal sa pagtuon. Ipakita ang mga pangutana nga tubagon sa mga estudyante alang sa matag piraso sa hinagiban.
Basaha ang Mga Taga-Efeso 6:14–18 aron maila ang matag bahin sa hinagiban sa Dios. Isulat unsa ang girepresentar sa matag piraso sa hinagiban diha sa imong diyagram. Mahimong makatabang ang pagkahibalo nga ang “[masapinan] ang mga tiil” ( Mga Taga-Efeso 6:15) nagpasabot og pagsul-ob og usa ka panalipod nga tabon sa tiil.
Isip usa ka alternatibo sa bidyo nga gisugyot sa ibabaw, mahimong ipakita ang bidyo sa pakigpulong ni Elder Hales nga “Lig-ong Mobarog sa Balaan nga mga Dapit” gikan sa time code 0:40 hangtod 2:37, anaa sa ChurchofJesusChrist.org.
Ikonsiderar ang pagbahin sa klase ngadto sa ginagmay nga mga grupo. Pag-assign sa kada grupo og usa ka piraso sa hinagiban. Kon gamay ra ang imong klase, kinahanglan assignan ang pipila ka grupo og sobra sa usa ka hinagiban.
Unsang espirituhanong konsepto ang gilambigit ni Pablo niini nga piraso sa hinagiban?
Unsa man kaha ang girepresentaran sa espirituhanong paagi sa bahin sa lawas nga napanalipdan sa hinagiban?
Sa unsang paagi kita makasul-ob niini nga piraso sa hinagiban sa Ginoo aron makadawat sa Iyang pagpanalipod batok sa daotan?
Aron mahimong sunduganan sa mga estudyante kon unsaon pagkumpleto sa handout, mahimong agi-an ang mga lakang gamit ang mosunod nga pananglitan sa usa ka piraso sa hinagiban. Ipabasa og kusog sa usa ka estudyante ang Mga Taga-Efeso 6:14 . Hisgoti kauban sa klase ang posible nga mga tubag sa matag pangutana. Mahimong tubagon sa mga estudyante ang mga pangutana 2 ug 3 sa lainlaing mga paagi.
Alang sa “[baksan] ang mga hawak sa kamatuoran” ( Mga Taga-Efeso 6:14), ang mosunod mahimong tubag sa mga pangutana sa ibabaw: (1) kamatuoran; (2) kini nagrepresentar sa atong kaputli o moral nga kaputli; ug (3) kita makakat-on og mga kamatuoran mahitungod sa Langitnong Amahan ug sa Iyang plano sa kaluwasan nga makapaikag kanato aron magpabilin nga putli sa moral.
Human sa igo nga panahon, pagdapit og usa ka representante gikan sa matag grupo nga moreport sa ilang na-assign nga piraso sa hinagiban. Samtang moreport ang matag grupo, dapita ang mga estudyante sa pagrekord kon unsay nakit-an sa mga grupo diha sa ilang mga handout. Mahimong pangutan-on ang mga estudyante unsa ang ilang mga pangutana o unsa nga mga panabot ang ilang nakuha mahitungod sa mga pagtulun-an ni Pablo sa hinagiban sa Dios.
Unsa nga mga peligro ang imong nakita sa pagsul-ob og usa lamang ka bahin sa hinagiban sa Ginoo? Ngano kaha sa imong hunahuna nga ang Langitnong Amahan ug si Jesukristo gusto nga ikaw kompleto nga mapanalipdan?
Unsa ang imong buhaton kada adlaw aron mas hingpit nga makasul-ob sa tibuok hinagiban sa Dios aron mapanalipdan batok sa mga tintasyon nga imong giatubang?
Sa unsang paagi nga ang pagdangop ngadto sa Langitnong Amahan ug kang Jesukristo alang sa tabang niining paagiha usa ka pagpakita sa imong gugma ug pagsalig Kanila?
Pagpamatuod sa tinguha sa Langitnong Amahan ug ni Jesukristo sa pagpanalipod kanato gikan sa tintasyon ug pagpahayag og pagsalig nga ang mga estudyante makadawat niini nga paglig-on ug pagpanalipod gikan Kanila diha sa ilang pagsunod sa mga pag-aghat nga ilang nadawat.
Komentaryo ug Background nga Impormasyon
Unsa ang kamahinungdanon sa mga parte sa lawas nga gipanalipdan pinaagi sa hinagiban sa Manlululwas?
Si Presidente Harold B. Lee (1899–1973) miingon:
Imahe
Head and shoulders portrait of LDS Church President Harold B. Lee.
Gibatonan nato ang upat ka bahin sa lawas nga giingon ni Apostol Pablo nga [mga] pinakatumong nga bahin sa mga pwersa sa kangitngit. Ang mga bat-ang [hawak], nga nagsimbolo sa mga hiyas, kaputli. Ang kasingkasing nga nagsimblo sa atong kinaiya. Ang atong mga tiil, atong mga tinguha o mga tumong sa kinabuhi ug sa kataposan ang atong ulo, atong mga hunahuna.
(Harold B. Lee, Shod with the Preparation of the Gospel of Peace, Brigham Young University Speeches of the Year [Nob. 9, 1955], 2)
Unsay akong mahimo aron masul-ob ang tibuok hinagiban sa Dios?
Si Elder Neal A. Maxwell (1926–2004) sa Korum sa Napulog Duha ka Apostoles mitudlo:
Imahe
Last official portrait of Elder Neal A. Maxwell, 1992.
Ang paghukas sa natural o kinaiyanhong pagkatawo maghimong posible nga masul-ob ang tibuok nga hinagiban sa Dios, nga kaniadto dili pa hingpit ang pagkahaum! (tan-awa ang Mga Taga-Efeso 6:11, 13).
(Neal A. Maxwell, “Plow in Hope,” Ensign, Mayo 2001, 60)
Si Presidente M. Russell Ballard sa Korum sa Napulog Duha ka Apostoles mitudlo:
Imahe
Official portrait of President M. Russell Ballard of the Quorum of the Twelve Apostles, 2004.
Gusto nakong hunahunaon nga kini nga espirituhanong hinagiban dili usa ka tibuok nga piraso sa metal nga gihulma aron mosakar sa lawas apan mas sama sa usa ka ginagmayng kinadena nga puthaw. Ang usa ka kinadena nga puthaw naglangkob og mga puthaw nga gitapot aron ang mogamit niini sayon rang makalihok nga dili mawad-an sa panalipod. Makaingon ko niana tungod kay kasinatian na nako kini nga wala kitay dako ug mahinungdanong butang nga mahimo aron maarmasan ang atong kaugalingon sa espirituhanong paagi. Ang tinuod nga espirituhanong gahom anaa sa daghang ginagmay nga mga buhat nga gihiusa aron mahimong espirituhanon nga kalig-on nga mopanalipod ug mosangka sa tanang dautan.
(M. Russell Ballard, “Be Strong in the Lord,” Ensign, Hulyo 2004, 8)
Sa unsang paagi nga ang mga sapot sa templo [temple garments] nahimong may kalabotan sa hinagiban sa Dios?
Si Elder Carlos E. Asay (1926–99), sa Kapangulohan sa Kapitoan, mipasabot:
Imahe
Portrait of Carlos E. Asay
Adunay, bisan pa niana, laing piraso sa hinagiban nga takos sa atong konsiderasyon. Kini mao ang espesyal nga pang-ilawom nga sapot nga giila isip sapot sa templo, o sapot sa balaan nga pagkapari, gisul-ob sa mga sakop sa Simbahan ni Jesukristo sa mga Santos sa Ulahing mga Adlaw kinsa nakadawat sa ilang endowment sa templo. Kini nga sapot, gisul-ob sa adlaw ug gabii, nag-alagad sa tulo ka importante nga mga katuyoan: kini usa ka pahinumdom sa sagradong mga pakigsaad nga gihimo sa Ginoo sa Iyang balaang panimalay, usa ka pagpanalipod nga tabon sa lawas, ug usa ka simbolo sa kaligdong sa sinina ug pagpuyo nga angay magkinaiya sa mga kinabuhi sa tanang mga mapaubsanong sumusunod ni Kristo.
(Carlos E. Asay, “The Temple Garment: ‘An Outward Expression of an Inward Commitment,’” Ensign, Ago. 1997, 20)
Dugang nga mga Kalihokan sa Pagkat-on
Leksiyon nga maggamit og butang
Nalista sa ubos ang lain pang mga paagi nga mahimong sugdan ang leksiyon:
Mahimong magdala og pipila ka gamit sa pagpanalipod nga gigamit sa mga hitabo sa isport o laing mga kalihokan ug hisgotan giunsa nila pagpanalipod sa mga sumasalmot.
Pagpakita og mga hulagway sa daghang mga tanom (sama sa usa ka tanom nga adunay mga tunok) o mga hayop (sama sa mga hayop nga adunay sungay, kuko, ngipon o sagang), ug hisgoti giunsa nila pagpanalipod sa ilang kaugalingon.
Si Jesukristo isip ang hinagiban
Mahimong dapiton ang mga estudyante nga tun-an ang mosunod nga mga bersikulo aron mas makat-on mahitungod sa mga parte sa hinagiban nga anaa sa Mga Taga-Efeso 6:14–17 ug giunsa pagrepresentar sa kada parte kang Jesukristo:
Kon mahuman ang mga estudyante, paambita sila og bisan unsang mga panabot nga ilang nakuha mahitungod sa unsang paagi si Jesukristo makapanalipod kanila gikan sa espirituhanong mga peligro nga ilang giatubang.