Seminary
Mga Taga-Filipos; Mga Taga-Colosas

Mga Taga-Filipos; Mga Taga-Colosas

Kinatibuk-ang Pagpasabot

Atol sa iyang pagkabilanggo sa Roma, si Pablo misulat og mga epistola ngadto sa mga Santos sa Filipos ug Colosas ug mitudlo kanila sa pagdangop ngadto ni Jesukristo alang sa kalig-on. Siya mitudlo nga si Kristo mao ang tinubdan sa kalinaw ug kalipay, ug iyang gitudlo pag-ayo kon unsay mahimong buhaton sa mga Santos aron mobati og kalipay ug “kalinaw sa Dios” (Mga Taga-Filipos 4:7). Gipahinumdoman usab niya sila nga “magpadayon kamo nga lig-on sa pagtuo ug dili matarog” (Mga Taga-Colosas 1:23) ug nga “nakagamot ug nakabarog ” (Mga Taga-Colosas 2:7) diha kang Kristo.

Pangandam sa Pagtudlo

Ang mosunod nga impormasyon maghatag sa mga magtutudlo og mga ideya kon unsa ang lagmit kinahanglang andamon daan para sa kada leksiyon.

Mga Taga-Filipos ug Mga Taga-Colosas

Katuyoan sa leksiyon: Kini nga leksiyon makatabang sa mga estudyante sa pag-ila nga pinaagi kang Jesukristo makakita sila og kalig-on sa pag-atubang sa ilang mga hagit.

  • Content nga ipakita: Ang mga instruksiyon nga kompletohon sa mga estudyante sa ilang lima ka minuto nga leksiyon (naglakip sa mga pananglit)

  • Sugyot sa pagtudlo pinaagi sa videoconference: Dapita ang mga estudyante sa pagpalong sa ilang sound ug bidyo samtang nag-andam sila sa ilang mga leksiyon. Paghuman sa gigahin nga oras, ipabalik og patingog nila ang ilang bidyo ug sound, ug ibutang ang mga estudyante sa mga breakout room. Pagdapit og usa o duha ka mga andam nga estudyante sa pagtudlo sa ilang leksiyon ngadto sa gagmayng mga grupo.

Mga Taga-Filipos 3

Katuyoan sa leksiyon: Kini nga leksiyon makatabang sa mga estudyante nga makasabot sa kamahinungdanon sa paghimo og mga sakripisyo aron makaila kang Jesukristo.

  • Pagpangandam sa estudyante: Kon posible, dapita ang mga estudyante sa pagkolekta og mga asoy gikan sa mga miyembro sa pamilya o sa mga katigulangan kinsa mihimo og mga sakripisyo aron makasunod kang Jesukristo. Awhaga sila nga motambong nga andam mopakigbahin niining mga kasinatian ngadto sa klase.

Mga Taga-Filipos 4

Katuyoan sa leksiyon: Ang mga estudyante magtinguha sa pag-ila sa mga pamaagi nga sila makadawat og dugang nga kalipay ug kalinaw pinaagi kang Jesukristo diha sa ilang mga kinabuhi.

  • Pagpangandam sa estudyante: Dapita ang mga estudyante sa pagpangutana og pipila ka mga higala o mga miyembro sa pamilya kon giunsa ni Jesukristo pagdala kanila og kalinaw ug kalipay sa ilang mga kinabuhi.

  • Content nga ipakita: Ang hulagway ni Pablo ug sa iyang mga posible nga mga babag ug mga ali sa kalinaw ug kalipay

  • Sugyot sa pagtudlo pinaagi sa videoconference: Ikonsiderar ang pagtugot sa mga estudyante sa paggamit sa whiteboard function aron madugang ang ilang mga hunahuna ngadto sa screen samtang naglista sila og mga pamaagi sa pagpangita og dugang nga kalipay ug kalinaw pinaagi kang Kristo.

Mga Taga-Colosas 1–2

Katuyoan sa leksiyon: Kini nga leksiyon makatabang sa mga estudyante nga maila ang mga pwersa nga naghulga sa ilang hugot nga pagtuo ug ang mga pamaagi nga sila mas mahimong lig-on diha kang Jesukristo.

  • Pagpangandam sa estudyante: Dapita ang mga estudyante sa pagdrowing o pagkuha og hulagway sa ilang paborito nga klase sa kahoy nga mamunga og prutas ug dalha kini nga hulagway sa klase. Hangyoa sila sa paghunahuna og espirituwal nga mga leksiyon nga atong makat-onan gikan sa mga kahoy.

  • Sugyot sa pagtudlo pinaagi sa videoconference: Ikonsiderar ang paggamit og usa ka drowing o whiteboard function ug pagdapit sa mga estudyante nga motabang sa pagdrowing og usa ka lig-on nga kahoy nga nigamot kang Kristo ug sulati kini sa tibuok dagan sa leksiyon.

Pagrebyo sa Doktrinal nga Kahanas 21

Katuyoan sa leksiyon: Kini nga leksiyon makahatag sa mga estudyante og oportunidad sa pagbansay sa paggamit sa mga tudling sa doktrinal nga kahanas sa Bag-ong Tugon sa nagkalain-laing mga kahimtang.

  • Pagpangandam sa estudyante: Dapita ang mga estudyante sa pagpili og usa ka pihong tudling sa doktrinal nga kahanas sa Bag-ong Tugon nga nakatabang kanila ug pag-andam sa pagpaambit sa klase giunsa niini pagtabang kanila.

  • Mga Materyal alang sa mga estudyante: Usa ka piraso sa papel ug usa ka panulat nga himan alang sa matag estudyante

  • Sugyot sa pagtudlo pinaagi sa videoconference: Mahimong ibutang ang mga estudyante sa mga breakout nga room aron hisgotan ang mga lakang 1 hangtod sa 4 diha sa kalihokan sa pagsulat sa doktrinal nga kahanas. Aron hatagan og kahigayonan ang mga estudyante sa pagbuhat kauban sa nagkalahi-lahi nga klasmeyt, ikonsiderar ang pagbutang kanila sa lahi nga breakout room sa kada pangutana.