Ефес 5:21–33; 6:1–4

Христийнхтэй адил харилцаа холбоо

A family spends time together on the grounds in front of the Oakland Temple.

Гэр бүлийн харилцаа холбоо бол мөнх бус амьдралд байж болох хамгийн үнэт шагналуудын нэг юм. Эцэг эх, ах дүү, эхнэр нөхрийн харилцаа нь баяр баясгалан авчрахын сацуу мөн сорилт бэрхшээлийг авчирдаг. Паул гэр бүлийн гишүүдтэйгээ эрүүл, аз жаргалтай харилцаатай байя гэвэл Есүс Христээс үлгэр жишээ авч болно гэж заасан. Энэ хичээл нь бусадтай харилцаагаа сайжруулахын тулд Аврагчийн үлгэр жишээг дагахад танд тусална.

Суралцагчийн бэлтгэл: Суралцагчдыг гэр бүлийнхээ гишүүдийн талаар бодоод, хүн нэг бүрийн танд таалагддаг нэг нэг зүйлийг тодорхойлоход урь.

Боломжит суралцах үйл ажиллагаа

Энэ хичээл нь гэр бүлийн харилцаан дээр төвлөрсөн болно. Энэ хичээлийг бэлдэж, заахдаа суралцагчдын гэр бүлийн нөхцөл байдлыг авч үзээрэй. Ариун Сүнсний өдөөлт, суралцагчдын хэрэгцээ шаардлагад болгоомжтой ханд.

Танай гэр бүл

Аав ээж, ах, эгч, дүүгийнхээ нэрийг мөн хүн нэг бүрийн танд таалагддаг нэг нэг зүйлийг жагсаан бич.

Хэдэн суралцагчийг гэр бүлийнхээ нэг гишүүний танд таалагддаг нэг зүйлийг хуваалцахад урь.

“Би гэр бүлийнхээ энэ гишүүнд Аврагчийн намайг тэдэнтэй хэрхэн харьцахыг хүсэж байгаа арга замаар ханддаг” хэмээх мэдэгдлийг бодон гэр бүлийнхээ гишүүн бүрийн талаар бод. Дараа нь дараах хэмжүүрийг ашиглан гэр бүлийнхээ гишүүн бүрд хэрхэн ханддагаа үнэл.

New Testament Seminary Teacher Manual- 2023

Өнөөдөр суралцахдаа гэр бүлийнхээ гишүүдтэй ямар харилцаатай болохоо мөн хэрхэн Аврагчийн үлгэр жишээг даган тэднийг хайрлаж, тусалж чадахаа бод.

Паул гэр бүлийн харилцааны талаар зөвлөгөө өгсөн

Ефес 5:22–24 дэх Паулын үгс тухайн цаг үеийн нийгмийн ёс заншлын хүрээнд бичигдсэнийг анхаарах нь чухал. Өнөө үеийн бошиглогч, төлөөлөгчид эрэгтэйчүүд эмэгтэйчүүдээс дээр биш, харин хань ижил нь буюу “адил тэгш” хамтрагчид байх ёстой хэмээн заадаг (“ Гэр бүл: Дэлхий дахинаа өргөх тунхаг ,” ChurchofJesusChrist.org). Хэдийгээр Паулын амьдарч байсан цаг үеийн ёс заншил өөр байсан ч та Паулын сургаалаас өнөөдөр ч ач холбогдлоо алдаагүй байгаа зөвлөгөөг олох боломжтой. Паул бид гэр бүлийнхээ гишүүдэд хэрхэн ханддаг байдлаараа Аврагчийн үлгэр жишээг дагаж болно гэх нэг үнэнийг онцолсон.

Ангиараа дараах судруудыг уншаад, Аврагч Өөрийн Сүмийн гишүүдэд хэрхэн ханддаг байсан жишээнүүдийг тодорхойлох мөн энэ нь гэр бүлийн харилцаатай хэрхэн хамаатай талаар ярилцах боломжийг суралцагчдад олгохын тулд хэдэн удаа түр зогсох нь тустай байж болно.

Ефес 5:21–27 ; 6:1–4 -ийг уншаад, энэ үнэний нотолгоог хайж ол. Суралцахдаа “нэг нь нөгөөдөө захирагд” ( Ефес 5:21) гэдэг нь хамтдаа ажиллаж, нэг нэгийгээ хайрлаж халамжлахад бэлэн байхыг, харин “Бурханаас эмээх” ( Ефес 5:21) гэдэг нь Бурханыг хайрлаж, хүндлэх гэсэн утгатай болохыг мэдэх нь тустай байж болох юм.

Эдгээр шүлгийг ангиараа ярилц. Дараах хэлэлцүүлгийн асуултуудыг ашигла эсвэл эдгээр шүлэг дэх Паулын сургаалын талаарх суралцагчдын ойлголтыг гүнзгийрүүлэх өөр асуултуудыг бодож олох талаар бодож үз.

• Аврагч ямар арга замаар Сүмийг хайрлах хайраа харуулж, Өөрийгөө үүнд зориулсан бэ?

• Христ Өөрийгөө Сүмд зориулсан болохыг мэдэх нь Түүний талаарх таны бодолд хэрхэн нөлөөлсөн бэ?

• Хэрэв нөхөр нь Аврагч Сүмд хэрхэн ханддаг байсан жишээг дагадаг бол тэр эхнэртээ хэрхэн ханддаг байх ёстой вэ?

• Паул эхнэр, нөхөр хоёрын аль алинд мөн гэр бүлийн бусад гишүүнд хамаатай ямар зөвлөгөөг өгсөн бэ?

• Та цаг нь болоход эхнэр, нөхөртөө Аврагчийн хандах байснаар хандахын тулд одооноос эхлэн хэрхэн бэлдэх вэ?

• Эцэг эхдээ дуулгавартай байж, хүндэлж дээдлэх нь хэрхэн таныг Есүс Христтэй илүү адилхан болоход туслах вэ?

Дараах зургуудыг хараад, тэдгээрийг эдгээр судрын түүхтэй тохируул: Лук 2:51–52 , Иохан 2:1–11 ба Лук 22:39–42 . Аврагч дэлхий дээрх эцэг эхээ болон Тэнгэрлэг Эцэг эхээ хайрлаж, тэдэнд дуулгавартай байж, хүндлэн дээдлэхийн үлгэр жишээг хэрхэн харуулсан талаар бод.

Дараах зургуудыг үзүүлээд, Аврагч Өөрийн дэлхий дээрх болон тэнгэр дэх Эцэг эхдээ хэрхэн ханддаг байсныг судрын түүхүүдийг ашиглан тайлбарлахад суралцагчдыг урь.

Jesus says to His mother, Mary, “Wist ye not that I must be about my Father’s business?”

Jesus talking to Mary at a wedding feast.

Christ kneeling in Gethsemane. Outtakes include the back of the savior shown kneeling in the tall grass, close-up of his face looking afraid, in a distance with blood on his face and hands near a river, an angel comforting him, profile portrait, and a glowing angel coming toward Christ who is huddled on the ground.

• Аврагч ямар арга замаар эцэг эхээ хайрлаж, тэдэнд дуулгавартай байж, хүндлэн дээдэлсэн бэ? Түүний үйлдэл эцэг эхтэйгээ харилцах харилцаанд нь хэрхэн нөлөөлсөн гэж та бодож байна вэ?

• Та эцэг эхээ ямар арга замаар хүндлэн дээдэлж, тэдэнд дуулгавартай байдаг вэ?

• Аврагчийн үлгэр жишээг дагах нь таныг хэрхэн адисалж, гэр бүлийн харилцаагаа бэхжүүлэхэд тусалсан бэ эсвэл хэрхэн адисалж, тусална гэж та бодож байна вэ?

Аврагчтай адил байх дадлага хий

Аврагчийн жишээг хэрхэн дагах бодит амьдралын жишээг авч үзэхэд нь суралцагчдад тусал. Дараах үйл ажиллагаа нь үүнийг хийж гүйцэтгэх нэг арга зам юм.

Эсвэл “Тайлбар ба нөхцөл байдлын талаарх мэдээлэл” хэсэг дээрх “Гэр бүлийн харилцаагаа бэхжүүлэхийн тулд би юу хийж болох вэ?” гарчгийн доорх видеонуудын нэг дээр орчин үеийн жишээг харуулсан байгаа.

Аврагчийн адил гэр бүлийн гишүүндээ хандахад хэцүү байж болох өсвөр насны хүүхэд, гэр бүлийн нэг гишүүн хоёрын хоорондох харьцааны талаар бич. Ийм харьцааны талаар бичсэн бол Аврагч уг нөхцөлд хэрхэн хандах байсан мөн яагаад ийн хандах байсан талаарх өөрийн бодол санааг бич. Аврагч бусдын талаар юу гэж боддогийг мөн тэдэнд хэрхэн ханддаг байсныг санаарай.

Жишээнүүдэд доорх зүйлс багтаж болно.

• Нэгэн эцэг эх хүүхдийнхээ чөлөөт цагаа өнгөрөөдөг байдалд шүүмжлэлтэй ханддаг.

• Нэг хүүхэд ах, эгч, дүүгийнхээ эд зүйлийг асуухгүйгээр авдаг бөгөөд аваагүй гэж худлаа хэлдэг.

Суралцагчдыг бичсэн жишээгээ мөн Аврагч тухайн үед байсан бол жишээнд гарч байгаа хүмүүст хэрхэн хандах байсан талаар хуваалцахад урь.

Аврагчийн үлгэр жишээг дагах

Гэр бүлийнхээ гишүүдтэй ямар харилцаатай болохоо эргэцүүлэн бод. Аврагчийн жишээг дагаж, бусдад Христийнхтэй адил арга замаар хандаж байсан үеэ бод. Мөн Аврагчийн үлгэр жишээг даган бусдыг хайрлахын тулд юу хийж болох талаар сурч мэдэхэд туслах боломжийг Ариун Сүнсэнд олго.

Та гэр бүлийн харилцаандаа Аврагчийг үлгэрлэн дуурайхын тулд юу хийж чадахаа жагсаан бич. Хийхээр өдөөгдсөн зүйлсээ ажил хэрэг болгон хийхэд бусдаас тусламж авахын тулд бичсэн зүйлээ багштайгаа эсвэл эцэг эхтэйгээ хуваалцах талаар бодож үз.

Зарим суралцагчийн гэр бүлийн гишүүд тэдний үйлдлийг таатай хүлээж авахгүй байж болох юм. Суралцагчдыг урамшуулан зоригжуулж, Аврагчийн жишээг дагах юм бол Тэнгэрлэг Эцэг, Есүс Христ хоёр гаргасан үйлдлийг нь таашаах болно гэдгийг гэрчил.

Тайлбар ба нөхцөл байдлын талаарх мэдээлэл

Ефес 5:22–24 . Эдгээр шүлэг дэх Паулын сургаалаас бид юу ойлгож авсан байх ёстой вэ?

Паул Сүмийн бүх гишүүн нэг нь нөгөөдөө захирагдаж, өөрөөр хэлбэл бусдыг өөрсдийнхөө өмнө тавих ёстой гэж заажээ ( Ефес 5:21 -ийг үзнэ үү). Тэрээр дараа нь бусдад захирагдах зарчим нь хэрхэн гэр бүл, өрх гэрийн харилцаанд хамаатай болохыг тайлбарласан. 22–24-р шүлгийг өнөөгийн цаг үед шууд буруу ташаа ойлгож, буруугаар ашиглаж болох юм. Хожмын үеийн бошиглогчид эхнэр нөхөр, эцэг эхчүүд өөрсдийн ариун үүргийг “эрх тэгш хамтрагчийн” хувиар биелүүлэх ёстой гэдгийг тодорхой заасан (“ Гэр бүл: Дэлхий дахинаа өргөх тунхаг ,” ChurchofJesusChrist.org). Хэрэв хос хоёр жинхэнээсээ нэгдэн нийлж чадсан бол эхнэр, нөхрийнхөө төлөө гаргасан аливаа золиос өөрт нь адислал авчрах нь гарцаагүй. Тиймээс “эхнэрээ хайрлагч нь өөрийгөө хайрладаг” ( Ефес 5:28).

Хүн эхнэр эсвэл нөхөртөө хэрхэн Аврагчтай адил хандаж болох вэ?

Ерөнхийлөгч Гордон Б.Хинкли (1910–2008) ийн хэлсэн.

Frontal half-length portrait of President Gordon B. Hinckley. President Hinckley’s hands are resting on the back of a chair. The image is the official Church portrait of President Hinckley as of 1995. This was President Hinckley’s last official portrait. President Hinckley died 27 January 2008.

Гэр бүлийн аз жаргал бол хайр дурлалын асуудал гэхээс илүү хань ижлийнхээ тав тух, сайн сайхны төлөө ихэд санаа тавих явдал дээр тулгуурладаг. Эхнэрийнхээ тав тухыг нэн тэргүүнд тавьдаг ямар ч эр эхнэрийгээ насан туршдаа мөн ирэх мөнхийн амьдралдаа үүрд хайрлах болно. (Аляск, Анкориж, бүсийн чуулган, 1995 оны 6-р сарын 18)

(“Speaking Today: Excerpts from Recent Addresses of President Gordon B. Hinckley,” Ensign, Apr. 1996, 72)

Далын ерөнхийлөгчийн зөвлөлийн ахлагч Л.Витни Клэйтон ийн хэлсэн.

Official Portrait of Elder L. Whitney Clayton. Photographed March 2017.

Хамгийн аз жаргалтай гэрлэлтүүдээс миний анзаарсан нэг зүйл бол эхнэр, нөхөр хоёр харилцаагаа юугаар ч үнэлшгүй, үнэ цэнтэй байлгадгийг би ажигласан. Тэд эцэг эхээ орхиж, үүрд мөнхөд өсөж хөгжих гэрлэлтийг бий болгохоор нэгдэн нийлдэг. Тэд Бурханаас өгөгдсөн замаар алхах ёстой гэдгээ ойлгодог. Тэд ийм их баяр баясгаланг авчирдаг, сайн сайхан, хувийн нандин байдлыг үүсгэдэг өөр ямар ч харилцаа байхгүй гэдгийг мэддэг. Ажиглаад суралц: Хамгийн гайхалтай гэрлэсэн хосууд гэрлэлтийнхээ үнэ цэнийг мэдэрдэг.

(Л.Витни Клэйтон, “Гэрлэлт: Ажиглаад суралц,” 2013 оны 4-р сарын Ерөнхий чуулган, 96)

Би гэр бүлийн харилцаагаа бэхжүүлэхийн тулд юу хийж болох вэ?

“Хүндэтгэн хайрлах замаар эцэг эхээ дээдэл. Тэд таныг зөв шударга байдалд удирдан чиглүүлэхэд нь дуулгавартай дага. Орон гэртээ дуртайяа тусал. Гэр бүлийн сайхан үйл ажиллагаа, уламжлал болсон зүйл хийхэд оролц. Гэр бүлээрээ залбирах, судраас суралцах, гэр бүлийн үдэш хийх зэрэгт оролц. Эдгээр зарлигийг сахиснаар гэр бүлүүд хүчирхэгжиж, нэгдмэл болдог” (Өсвөр үеийнхний бат бөх байдлын төлөө [товхимол, 2011], 14–15).

Та харилцаагаа хөгжүүлж, бэхжүүлэх арга замуудыг зөвлөсөн дараах нийтлэлийг уншиж болно: “Ministering Principles: Building Meaningful Relationships,” Ensign, Aug. 2018, 6–9.

Бусдад ханддаг байдлаараа Аврагчийн үлгэр жишээг дагахыг хичээдэг хүмүүсийн жишээг харуулсан ChurchofJesusChrist.org дээр байгаа дараах видеог үзэх талаар бодож үз.

“Та нар миний гар” (цагийн код 10:26-аас 12:39 хүртэл) видеонд тухайн үед Тэргүүн зөвлөлийн ерөнхийлөгч байсан Дийтр Ф. Угдорф бид хэрхэн Аврагчийн мутар болж чадах талаар ярьсан.

 

 

 

 

Нэмэлт суралцах үйл ажиллагаа

Хичээлийг эхлүүлэх өөр арга

Гэр бүлийн харилцаандаа дагах загварыг Есүс Христ хэрхэн бидэнд өгсөн талаар бодоход нь суралцагчдад туслахын тулд хичээлийг эхлүүлэх дараах үйл ажиллагаануудын нэгийг ашиглах талаар бод.

Эшлэл ба асуултууд

Арван хоёр төлөөлөгчийн чуулгын ахлагч Марвин Ж.Аштоны (1915–1994) дараах мэдэгдлийг уншихад суралцагчдыг урь.

Portrait of Marvin J. Ashton.

Нэг өдөр би нэгэн чадварлаг хатгамалчийн шагласан маш гоёмсог бүтээлгийг бишрэн харж зогслоо. Би түүнийг олон жилийн турш маш олон бүтээлэг шагласныг мөн гарын ураараа гайхагддаг нэгэн болохыг нь олж мэдсэн юм. Намайг “Та эдгээр бүтээлгийн аль нэгийг загвар гаргалгүйгээр шаглаж байсан уу?” гэж асуухад тэрээр “Хэрэв надад дагаж оёх загвар байхгүй бол ямар болохыг нь би яаж мэдэх билээ?” хэмээн хариулсан юм.

(Marvin J. Ashton, “A Pattern in All Things,” Ensign, Nov. 1990, 20)

“Та хэзээ хэв загварыг дагаж байсан бэ?” эсвэл “Хэв загварыг дагахын ач тус юу вэ?” зэрэг асуултуудыг асуух талаар бодож үз.

Дүрслэн үзүүлэх ба судрын хэсэг

Ямар нэгэн зүйлийг хийж үзүүл эсвэл нэг суралцагчийг хийж үзүүлэхэд ангиараа дагаж хийхэд урь (Family Tree аппликэйшн дээр ямар нэг зүйл хайх эсвэл оригами буюу цаас нугалан ямар нэг зүйл хийх). “Дагаж хийх зүйлтэй байх нь хэрхэн тусалсан бэ?” зэрэг дагалдах асуултыг асуух талаар бодож үз.

Суралцагчдыг Ефес 5:21–33 -ыг уншаад, харилцааныхаа загварыг хэнээс авах талаар Паулын юу гэж зөвлөснийг олж мэд.