Iakopo

Vaaiga Aoao

O le a se mea e mafai ona e faia pe a e feagai ma se fesili faigata? E faapefea le taua o le faatino ai i luga o lou faatuatua? E faapefea ona finagalo le Alii ia te oe e tautala atu ai ma faaaoga au upu? I lesona o lenei vaiaso, o le a e suesue ai i upu a le Aposetolo o Iakopo, o le e fesoasoani e tali nei fesili ma isi.

Sauni e Aoao Atu

O faamatalaga nei e tuuina atu ai i faiaoga ni manatu i mea e ono manaomia ona muai saunia mo lesona taitasi.

Fautuaga mo Faiaoga i Luga o Upega Tafailagi

O le faasoaina o le lau o masini a tagata aoga mo fesootaiga e faaaoga ai vitio. E tele meafaigaluega mo fesootaiga e faaaoga ai vitio e mafai ai e tagata aoga ona faasoa mai anotusi mai lau vaaia o a latou masini. Mafaufau e valaaulia tagata aoga e saunia se aoaoga puupuu a o lei amataina le vasega ma faasoa atu a latou aoaoga ma isi i luga o le lau o masini. O le isi filifiliga o le faaaoga lea o le laupapa paepae i lau polokalama mo fesootaiga e faaaoga ai vitio mo tagata aoga e taina pe tusiina se ata i luga o le laupapa paepae i le taimi o le vasega.

Iakopo 1

Faamoemoega o le lesona: O lenei lesona ua faamoemoe e faamalosia ai molimau a tagata aoga e faapea o le a tuuina atu e le Tama Faalelagi ia i latou le poto o se tali i a latou tatalo.

Sauniuniga a le tagata aoga: Valaaulia tagata aoga e faitau le Iakopo 1:5–6 ma mafaufau e uiga i vaega i o latou olaga ua latou manaomia ai le poto po o le taitaiga mai le Atua.

Vitio: “Iosefa Samita: O Le Perofeta o le Toefuataiga” (1:02:04; maimoa mai le faailotaimi 5:07 seia oo i le 8:42).

Fautuaga faafaiaoga mo fesootaiga e faaaoga ai vitio: Mafaufau e fai atu i ni isi o matua o tagata aoga i se aso e tasi pe lua ao lei oo i le vasega e auai i le vasega ma faasoa mai se aafiaga na latou feagai ai i le mauaina o le poto mai le Atua e tali ai i talosaga. E mafai foi e nei matua ona auina atu se faamaumauga e pueina o o latou aafiaga e mafai ona faaalia i le taimi o le vasega.

Atamai i Aoaoga Faavae: Iakopo 1:5–6

Faamoemoega o le lesona: O lenei lesona o le a fesoasoani i tagata aoga e tauloto lenei tusi faasino o le atamai i aoaoga faavae ma le fasifuaitau autu o le mau mo le Iakopo 1:5–6 , faamatala le aoaoga faavae, ma faaaoga mataupu faavae o le mauaina o le malamalama faaleagaga i tulaga masani o le olaga.

Sauniuniga a le tagata aoga: Valaaulia tagata aoga e faitau le Iosefa Samita—Talafaasolopito 1:10–14 , ma vaavaai pe na faapefea ona faaaoga e Iosefa Samita ia mataupu faavae o le mauaina o le malamalama faaleagaga i lona olaga.

Ata e faaali atu: O se ata o le Uluai Faaaliga a Iosefa Samita.

Fautuaga faafaiaoga mo fesootaiga e faaaoga ai vitio: Nai lo o le valaaulia o tagata aoga e faitau le Iosefa Samita—Talafaasolopito 1:8, 11–17 , mafaufau e faaali le vitio “O Le Toefuataiga” (19:12; maimoa mai le faailotaimi 2:53 i le 15:28), e maua i le ChurchofJesusChrist.org. Taofi le vitio i ni nai taimi i vaega talafeagai ia mafai ai e tagata aoga ona faasoa mai i potu vaevae toalaiti mea na latou maitauina na faia e Iosefa Samita e faaalia ai mataupu faavae o le mauaina o le malamalama faaleagaga. Pe a uma ona matamata le vitio, valaaulia tagata aoga e faasoa mai mea na latou mauaina ma le vasega atoa.

Iakopo 2

Faamoemoega o le lesona: O lenei lesona o le a mafai ai e tagata aoga ona iloilo pe mafai faapefea ona latou faatinoina atoatoa le faatuatua ia Iesu Keriso e ala i faatinoga amiotonu.

Sauniuniga a le tagata aoga: Valaaulia tagata aoga e mafaufau i se tasi e latalata ia i latou o loo i ai se faatuatua malosi ia Iesu Keriso. Afai e mafai, valaaulia tagata aoga e fai atu i lenei tagata fesili e pei o nei: “E faapefea e lou faatuatua ia Iesu Keriso ona aafia ai au faatinoga ma amioga? O le a se mea e ese ona e faia ona o lou faatuatua ia Iesu Keriso?” Valaaulia i latou e o mai sauniuni e faasoa mai ni faataitaiga.

Ata e faaali atu: Mafaufau e tusi se ata pe faaali i luga o le laupapa se ata o se afi.

Fautuaga faafaiaoga mo fesootaiga e faaaoga ai vitio: Valaaulia tagata aoga e tusi a latou tali e uiga i faataitaiga o le faatuatua i ni fasipepa se lua, e pei ona faamatalaina i le lesona. Mulimuli ane, nai lo o le valaaulia o tagata aoga e feoai i totonu o le potu atoa, tuu i latou i totonu o ni potu e taapeape iai i ni paga pe i ni vaega toalaiti. Faatonu tagata aoga e uu se pepa se tasi i lima taitasi. I o latou potu e taapeape i ai, e mafai e tagata aoga ona filifili le lima taumatau po o le agavale o se isi tagata aoga e faalogo i a latou tali. E mafai e tagata aoga ona toe fai lenei gaoioiga i se isi potu e taapeape i ai ma se vaega e fou o tagata aoga.

Atamai i Aoaoga Faavae: Iakopo 2:17–18

Faamoemoega o le lesona: O lenei lesona o le a fesoasoani i tagata aoga e tauloto lenei tusi faasino o le atamai i aoaoga faavae ma fasifuaitau autu o le mau mo le Iakopo 2:17–18 , faamatala le aoaoga faavae, ma faaaoga mataupu faavae o le mauaina o le malamalama faaleagaga i tulaga masani o le olaga.

Sauniuniga a le tagata aoga: Valaaulia tagata aoga e mafaufau e uiga i se mataupu faavae o le talalelei latou te talitonu i ai ae e ono faigata ona faatino. Fai i le vasega e mafaufau loloto pe o le a le mea e mafai ona taofia ai i latou mai le faatinoina o lena mataupu faavae.

Anomea mo tagata aoga: Pepa ma seleulu.

Fautuaga faafaiaoga mo fesootaiga e faaaoga ai vitio: Mo le vaega o le faataitaiga o le faaaogaina o le lesona, mafaufau e valaaulia tagata aoga e filifili se tulaga faataitai e talanoaina faatasi. Valaaulia se tagata aoga se toatasi e faasoa mai pe faapefea ona latou faaaogaina se tasi o mataupu faavae o le mauaina o le malamalama faaleagaga e fesoasoani ai i le tagata o loo i lenei tulaga faataitai. Fai atu i se isi tagata aoga e faasoa mai ni manatu faaopoopo e uiga i lena mataupu faavae. Afai e faafaigata i tagata aoga ona faaaoga soo se mataupu faavae o le mauaina o le malamalama faaleagaga, e mafai ona e utaina i luga ni isi o fesili faaopoopo o loo lisiina i lalo o ulutala o loo iai pe a maea le ata faataitai e lata i le faaiuga o le lesona i le vaega o talanoaga ma valaaulia tagata aoga e faasoa mai o latou manatu.

Iakopo 3

Faamoemoega o le lesona: O lenei lesona ua faamoemoe e fesoasoani i tagata aoga e iloilo ai upu latou te tautatala ai ma le ala o loo aafia ai e a latou upu a latou taumafaiga ia avea atili e faapei o le Faaola.

Sauniuniga a le tagata aoga: Valaaulia tagata aoga e maitau pe faapefea e le gagana tatou te faaaogaina ona aafia ai i tatou ma isi. Fai atu ia i latou e o mai saunia e faasoa mai mea na latou maitauina.

Ata e faaali atu: Mafaufau e faaali atu ata o tagata o faia ituaiga talanoaga eseese.
Pepa e tufa atu: Ia saunia ia lava ni kopi o pepa e tufaina atu mo tagata aoga uma.

Fautuaga faafaiaoga mo fesootaiga e faaaoga ai vitio: E faalagolago i le auala o le a sailiili ai e tagata aoga le Iakopo 3:2–12 mo le faatusatusaga o loo faia e Iakopo, e mafai ona fesoasoani se laupapa paepae eletonika i tagata aoga e faaauai ai ma aoao ai e le tasi le isi. Mo se faataitaiga, afai e talosagaina tagata aoga e sue ia faatusa mai le Iakopo 3:2–12 , e mafai ona latou tusia faapuupuu se ata i luga o se laupapa paepae eletonika o faatusa na faaaoga e Iakopo pe a latou tau i ai. I se isi foi faiga, afai e faasoa atu faatusa i tagata aoga a o lei suesueina a latou fuaiupu, e mafai e tagata aoga ona lisi i luga o se laupapa paepae eletonika ia auala eseese e pei ai le laulaufaiva o mea taitasi i le faatusatusaga a Iakopo.