Иохан 11:1–46, 1-р хэсэг
Есүс Лазарыг үхлээс амилуулав
Мариа, Марта хоёр Есүсийг ирээд, өвчтэй ах Лазарт нь туслахыг хүсжээ. Есүс аяллаа хойшлуулж, Лазарыг нас барснаас дөрөв хоногийн дараа тэнд ирэв. Есүс хайр энэрлээ харуулж, эгч дүү хоёртой хамт уйлсан байна. Дараа нь Тэр Лазарыг үхлээс амилуулав. Энэ хичээл нь Есүс Христийн талаарх үнэн, амьдралын зовлон бэрхшээл дундуур удирдан залах зарчмуудыг тодорхойлоход танд тусална.
Сургаалын янз бүрийн үнэнүүд болон зарчмуудыг тодорхойлох боломжийг суралцагчдад олгох. Судар дахь сургаал, зарчмуудыг тодорхойлж сурахын тулд сайтар бодох, дадлага хийх шаардлагатай. Багш нар суралцагчдад сургаал, зарчмуудыг өөрсдөө бие даан тодорхойлж, илэрхийлэх чадварыг эзэмшихэд нь шаргуу туслах ёстой.
Суралцагчийн бэлтгэл: Суралцагчдыг Иохан 11 -ийг судлаад, сорилт бэрхшээлтэй тулгарах үед Аврагчийн тусламжийг хүлээн авахад туслах зарчмуудыг олж мэдэхэд урь. Тэд үүнийг бие даан эсвэл гэр бүлийнхэнтэйгээ хамт гүйцэтгэж болно. Тэднийг олж мэдсэн зүйлээ хуваалцахад бэлдэж ирэхэд урь.
Боломжит суралцах үйл ажиллагаа
Энэ бол Иохан 11 -ийг судлахдаа үзэх хоёр хичээлийн эхнийх нь гэдгийг анхаар. Энэ хичээл нь уг бүлэг дэх зарчмуудыг тодорхойлоход суралцагчдад тусална. Хоёр дахь хичээлээр эдгээр зарчмын аль нэгийг заах боломжийг суралцагчдад олгоно. Хүнд сорилттой тулгарсан байж болох суралцагчидтай болгоомжтой харьц. Шаардлагатай бол дараах жишээг тохируулан өөрчил эсвэл суралцагчдад илүү тус болох өөр жишээг өг.
Гэр бүлийнхээ хэн нэгний талаар бод. Түүнийг амь насанд нь аюултай хүнд өвчин туссан гэж төсөөл.
-
Танд ямар мэдрэмж төрж байж болох вэ?
-
Та юу хийх вэ?
-
Танд ямар асуултууд байж болох вэ?
Иохан 11 -д Мариа, Марта, Лазар нар ийм нөхцөл байдалтай тулгарсан. Хэдийгээр тэдэнд тулгарсан үйл явдал өвчин болон үхэлтэй холбоотой ч бид тэдэнд тохиолдсон үйл явдлаас сурч мэдсэн зарчмуудаа ямар ч зовлон бэрхшээл тулгарахад ашиглаж болно.
Цаасныхаа дээхнэ талд “Зовлон бэрхшээлтэй тулгарах үед мэдвэл зохих зүйлс” гэж бичнэ үү. Хичээлийн туршид өөрт тулгарч буй эсвэл тулгарч болзошгүй сорилт бэрхшээлийн талаар бод. Тэдгээр сорилт бэрхшээлийн туршид таныг удирдан залж, итгэл найдвар өгч болох Есүс Христ, Түүний сайн мэдээний талаарх үнэнүүдийг тодорхойлохыг эрэлхийл. Төрсөн бодол санаагаа цаасан дээрээ бичиж тэмдэглэ. Таны тодорхойлсон үнэн нэг бүр Аврагчид өгөх хайрыг болон Түүнээс ирэх хайрыг мэдрэхэд тань хэрхэн тусалж буй талаар анхааралтай бодож үз.
Үнэнүүдийг олох
Дараах үйл ажиллагаануудын аль нь суралцагчдад хамгийн тустай байж болохыг тодорхойл. Хэрэв суралцагчид зарчмуудыг өөрсдөө бие даан амархан тодорхойлж байвал тэдэнд тодорхойлж өгөлгүйгээр бие даан судалж, тодорхойлох боломжийг олгох талаар бодож үз. Суралцагчийн бэлтгэл үйл ажиллагааг тэдэнд сануулаад, хичээлийн үлдсэн цагт уг үйл ажиллагаанаас олж авсан ойлголтуудаа ашиглахад урь.
Зарчмуудыг тодорхойлоход тус болж болох судраас суралцах нэг чадвар бол чухал мэдээллийг олж харахдаа түр зогсож, дараахтай адил энгийн асуултуудыг тавих явдал юм. Үүнд:
-
Тэнгэрлэг Эцэг эдгээр шүлгээс юуг сурч мэдээсэй хэмээн надаас хүсэж байгаа вэ?
-
Энэ цэдэг Есүс Христийн талаар надад юу зааж байна вэ?
Иохан 11:1–7 -г уншаад, дээр дурдсан асуултуудыг өөртөө тавь.
Суралцагчдыг олж мэдсэн зүйлээ хуваалцахад урь. Тэдний хуваалцсан зарчмуудыг самбарт бич. Хэрэв зарчмуудыг тодорхойлж чадахгүй байвал, мөн ийн үйлдэх нь тус болох ойлголтуудыг нэмж өгөхөөр бол дараах зарчмуудыг самбарт бичээд, дагалдах асуултуудыг тавих талаар бодож үз.
Эдгээр шүлгээс таны олж мэдэж болох янз бүрийн зарчмууд бий. Зарим жишээг доор өгөв. Жишээ болгон өгсөн зарчим тус бүрийн хувьд, уг зарчмыг дэмжсэн үг хэллэг эсвэл мэдээллийг уншсан шүлгүүдээсээ олж тэмдэглэхийг бодож үз.
Есүс Христ биднийг хайрладаг хэдий ч бид сорилт бэрхшээлтэй тулгарах болно.
Бид Есүс Христийг үнэнчээр дагасан ч гэсэн бидэнд сорилт бэрхшээл тулгарсаар байна.
Бид сорилт бэрхшээлтэй тулгарахдаа Их Эзэний тусламжийг эрэлхийлж болох бөгөөд Тэрээр Өөрийн цаг хугацаанд, Өөрийн арга замаар хариулна.
Эдгээр зарчмыг цаасан дээрээ бичих талаар бодож үз.
-
Эдгээр үнэнийг мэдэх нь танд хэрхэн тусалдаг вэ?
Аврагч Лазарын өвчний талаар сонссоноосоо хойш хоёр хоногийн дараа Лазарын гэрт очсон. Түүнийг ирэхэд Лазар булшинд дөрөв хоносон байв ( Иохан 11:17, зүүлт тайлбар a -г үзнэ үү).
Арван хоёр Төлөөлөгчийн Чуулгын ахлагч Брүс Р.Макконки (1915–1985) тухайн дөрөв хоногийн ач холбогдлыг ийн тайлбарласан.
ЗурагHead and shoulders portrait of Elder Bruce R. McConkie.Ялзрал ид явагдаад эхэлчихсэн, аль хэдийн үхсэн нь гарцаагүй, тодорхой болсон байв. … Иудейчүүдийн хувьд дөрөв хоногийн хугацаа чухал ач холбогдолтой байсан бөгөөд тэдний уламжлал ёсоор дөрөв дэх өдөр сүнс биеийнхээ хүрээнээс бүрмөсөн, эргэлт буцалтгүй оддог гэж итгэдэг байсан юм.
(Bruce R. McConkie, Doctrinal New Testament Commentary, 3 vols. [1965–1973], 1:533)
Иохан 11:18–46 -г уншихдаа, зарчмуудыг тодорхойлох дадлагаа үргэлжлүүл. Эсвэл та “Lazarus Is Raised from the Dead” видеог цагийн код 2:04-өөс 7:43 хүртэл үзэж, судруудаа хамт харж болно. Үе үе зогсосхийн, Мариа, Марта хоёр Есүс Христэд итгэх итгэлээ харуулахын тулд юу хийсэн эсвэл Аврагч нөхцөл байдал бүрд ямар хариу үйлдэл үзүүлсэн зэрэг чухал мэдээлэлтэй тулгарахдаа өөртөө асуулт тавь. Олсон зарчмуудаа тэмдэглэлдээ нэмээд, чухал мэдээллийг тэмдэглэн авч, судартаа өөр тэмдэглэл үйлдэж болно.
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F5e%2F12%2F5e12f06fcf0349654a2cb1e81ccb27962ff7e51c%2F5e12f06fcf0349654a2cb1e81ccb27962ff7e51c.jpg/full/!250,/0/default)
-
Тэнгэрлэг Эцэг энэ цэдгээс юу сураасай хэмээн хүсэж байна вэ?
Энэ цэдэг Есүс Христийн талаар танд юу зааж байна вэ?
Суралцагчдыг самбарт гарч, тодорхойлсон зарчмаа бичихэд урь. Тэд дараах үнэнүүдийг тодорхойлж болно.
-
Бид сорилт бэрхшээлтэй тулгарах үедээ Есүс Христэд итгэх итгэлээ хэрэгжүүлэхийг сонгож чадна ( Иохан 11:20–27 -г үзнэ үү).
-
Түүнд итгэх итгэлийнхээ дагуу үйлдэхэд Аврагч бидний амьдралд гайхамшгуудыг үйлдэж чадна ( Иохан 11:20–27, 38–44 -ийг үзнэ үү).
-
Есүс Христ бол Амилалт ба Амь мөн ( Иохан 11:25 -ыг үзнэ үү).
-
Бурханы гайхамшгууд бидний амьдралд Түүний тааллаар болон Түүний цаг хугацаанд ирдэг ( Иохан 11:1–7, 11–17, 39–45 -ыг үзнэ үү).
-
Бид бусдад хайр энэрлээ харуулснаар Есүс Христийн үлгэр жишээг дагаж чадна ( Иохан 11:32–36 -г үзнэ үү).
-
Есүс Христ амь болон үхлийг захирах хүчтэй ( Иохан 11:20–27, 39–45 -ыг үзнэ үү).
-
Хүнд хэцүү цаг үед бид Бурханы хайр болон хүчийг олж хардаг ( Иохан 11:11–15, 40–42 -ыг үзнэ үү).
Нэмэлт үнэнүүдийг тодорхойлоход тусламж хэрэгтэй бол та дараах асуултуудын заримыг суралцагчдаас асууж болох юм.
-
Зовлон бэрхшээл тулгарах үед Есүс Христэд итгэх итгэлээ хэрэгжүүлэхийн тулд Мариа, Марта хоёр юу хийсэн бэ?
-
Тэдэнд өгсөн Аврагчийн хариулт Түүний талаар танд юу зааж байна вэ?
-
Энэхүү цэдгийн ямар ямар хэсэг Аврагчид илүү их итгэж найдах талаар танд зааж байна вэ?
-
Чухал мэдээллийг олохдоо түр зогсон, асуулт тавих нь суралцах үйл явцад тань хэрхэн тусалсан бэ?
Суралцагчдыг хос болгон хуваагаад, дараах жишээг жүжигчлэн тоглуулж болно.
Хүнд хэцүү сорилт бэрхшээлтэй тулгарсан хэн нэгэнтэй ярилцах боломж танд олдсон гэж төсөөл. Иохан 11:1–46-аас тодорхойлсон зарчмуудынхаа нэгийг сонгоод, тухайн зарчим тэдэнд хэрхэн тусалж болохыг хуваалц. Энэ зарчим уг хүнд Тэнгэрлэг Эцэг, Есүс Христ хоёрын тухай мөн Тэд бидний төлөө юуг хүсдэг талаар ойлгоход хэрхэн тусалж болох талаарх өөрийн бодол санааг багтаа.
“Сорилт бэрхшээлтэй тулгарах үед мэдвэл зохих зүйлс” гэсэн цаасан дээрээ бичсэн зарчмуудаа гүйлгэн унш. Цаасныхаа доод хэсэгт дараах асуултуудад өгөх хариултуудаа нэмж бич.
-
Та яг одоо өөрийн амьдралд аль зарчим дээр нь илүү төвлөрөх хэрэгтэй вэ? Яагаад?
-
Тэнгэрлэг Эцэг болон Аврагчийг хайрлах хайрыг мэдрэхэд тусалсан болон Тэдний талаарх юу юуг та олж мэдсэн бэ?
Өмнөх асуултуудад хариулуулахаар хэд хэдэн суралцагчийг урьж болох юм. Суралцагчдыг хуваалцах зуур Аврагчийн тэднийг гэх хайрыг мэдрэхэд туслах арга замыг хайж ол. Аврагчийн талаарх бодол санаа, гэрчлэлээ хуваалцахыг бодож үз.
-
Өнөөдөр олж мэдсэн, мэдэрсэн зүйл дээрээ тулгуурлан юу хийх хүсэл эрмэлзэл танд төрсөн бэ? Та үүнийг хэрхэн хийх вэ?
Бие даан судраас суралцахдаа зарчмуудыг тодорхойлох талаарх судраас суралцах чадвараа ашиглахад мөн төрсөн сэтгэгдлээ ажиглаж сурахад суралцагчдыг урамшуул. Энэхүү суралцах чадварын ач холбогдлыг гэрчлэх талаар бодож үз. Үүнийг гүйцэтгэх нэг арга зам бол бие даан судраас суралцаж байхдаа сорилт бэрхшээлийг даван туулахад тусалсан удирдамж заавар авч байсан хувийн туршлагаа хуваалцаж болно.
Тайлбар ба нөхцөл байдлын талаарх мэдээлэл
Яагаад зөв шударга байхыг хичээж байхад надад зовлон бэрхшээл тулгардаг юм бэ?
Далын ахлагч Мэттью С. Холланд ийн заасан.
ЗурагMatthew S. Holland Official Portrait.“Бүхий л дэлхийнхнээс илүү чадалтай” [1 Нифай 4:1] мөн “гуйх буюу бодох бүхнээс минь илүү хэмжээлшгүй бялхлаар үйлдэх чадвартай” [Ефес 3:20] Түүнээс илүү, та нарыг төгс ойлгох өөр хэн ч байхгүй гэдгийг мэдээрэй. Энэ үйл явц Христийн арга замаар Түүний хуваарийн дагуу өрнөх ч Тэрээр таны зовлон шаналлыг бүхий л талаар, өчүүхэн хэсгийг ч үлдээлгүй эдгээхэд үргэлж бэлэн байдаг.
Та нар Түүнд ийн үйлдэх боломж олгосноор зовлон шаналал тань дэмий хоосон зүйл байгаагүйг олж мэдэх болно. … Бурханы туйлын мөн чанар, дэлхий дээрх оршин тогтнох зорилго бол аз жаргал юм. Гэхдээ заримдаа бүх хүч чадал, нөөц бололцоог маань шавхан сорьдог туршлагагүйгээр бид бурханлаг баяр баясгалант төгс хүмүүс болж чадахгүй. Тэр ч бүү хэл Паулын хэлснээр, Аврагч Өөрийгөө мөнхөд “зовлонгоор төгс [буюу бүрэн] болгожээ” [Еврей 2:10]. Тиймээс та нар, сайн хүн байсан бол ийм сорилт ирэхгүй байх байсан гэх сатанлаг шивнээнээс болгоомжил.
Мөн үүнтэй холбоотой учирсан зовлон тань нэг адислалаас нөгөө рүү төвөггүй явах юм шиг харагддаг, Бурханы сонгогдсон хүмүүсийн хүрээллээс гадуур байгааг тань хэлж өгч байна гэсэн худал үгэнд та нар автахгүй байх ёстой. …
Ах, эгч нар аа, зөв шударга байдалд зовж шаналах нь та нарыг Бурханы сонгогдсон хүмүүсийн дундаас ялгах гэж биш, харин тавигддаг шаардлагад нь нийцэхэд тусалдаг.
(Мэттью С.Холланд, “Хүүгийн үлэмж хурц бэлэг,” Ensign, Nov. 2020, 46–47 эсвэл 2020 оны 10-р сарын Ерөнхий чуулган, 50–51)
Нэмэлт суралцах үйл ажиллагаа
Хичээл дээр төвлөрч болох өөр зүйл
Бурханы гайхамшгууд Түүний тааллаар, Түүний товлосон цаг хугацаанд бидний амьдралд ирдэг гэдгийг мэдсэнээр бид Бурханд итгэн найдаж болно гэсэн зарчмыг дүрслэн харуулахын тулд Мариа, Марта, Лазар нарын түүхийг ашиглах талаар бодож үз. Үүнийг “Trust in the Lord” (3:30) видеог үзүүлэн, Нифайн түүхийг дээрх түүхтэй зүйрлэн харьцуулж эсвэл Тэргүүн Зөвлөлийн ерөнхийлөгч Даллин Х. Өүксийн дараах мэдэгдлийг унших замаар гүйцэтгэх боломжтой.
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F4b%2F48%2F4b48569f760483d5077e9ad8029d13e1b006d5fd%2F4b48569f760483d5077e9ad8029d13e1b006d5fd.jpeg/full/!250,/0/default)
ЗурагMatthew S. Holland Official Portrait.Сайн мэдээний анхдагч зарчим бол Их Эзэн Есүс Христэд итгэх итгэл мөн. Итгэл бол Бурханы таалал буюу аливаа зүйлийг гүйцэтгэх Түүний арга зам, цаг хугацаанд итгэж найдах явдал юм. Бид өөрсдийн цаг хугацааг Түүнд тулгах ёсгүй. Арван хоёр Төлөөлөгчийн Чуулгын ахлагч Нийл A. Максвэлл ийнхүү хэлжээ.
“Бидний хувьд тулгамдаж буй асуудал бол Бурханд болон Түүний цаг хугацаанд итгэж найдах явдал юм. Хэрэв бид Тэр үнэхээр бидний сайн сайхны төлөө зүрх сэтгэлээ зориулдаг гэдэгт итгэдэг бол Түүний төлөвлөгөөг хамгийн сайн гэж үзэж байгаагаар нь дагахгүй байж чадна гэж үү? Түүний ерөнхий төлөвлөгөө, зорилгоос гадна Хоёр дахь ирэлтэд болон хувь хүний маань хувьд бидэнд товлосон Их Эзэний цаг хугацаанд итгэж найдахыг шаарддаг өөр бусад бүх асуудлын хувьд ийн хандвал зохино” (Even As I Am [1982], 93).
(Dallin H. Oaks, “Timing,” Ensign, Oct. 2003, 12)
Хичээлийг эхлүүлэх өөр хувилбар
Суралцагчдыг Есүсийн үзүүлсэн гайхамшгуудыг мөн тэдгээр гайхамшиг Түүнийг юуг захирах хүчтэй болохыг харуулсныг тодорхойлоход урьж болно. Зарим жишээнд үхлийг ялах хүч ( Лук 7:11–18 -ыг үзнэ үү), сэтгэцийн асуудлыг даван гарах хүч ( Лук 8:27–35 -ыг үзнэ үү), өдөр тутмын амьдралд туслах хүч ( Матай 17:24–27 ; Лук 5:1–6 -г үзнэ үү) гэх зэрэг орж болох юм.
Суралцагчдыг Аврагчийн тусламж хэрэгтэй ямар нэгэн зүйлийн талаар бодож үзээд, Түүний тусламжийг хэрхэн хүлээн авч болохыг олж мэдэхэд туслах зарчмуудыг эргэцүүлэн бодоход урь.