Иохан 11:1–46, 2-р хэсэг

Есүс Лазарыг үхлээс амилуулав

Jesus mourning Lazarus.

Та өмнөх хичээлээр Аврагч Лазарыг үхлээс амилуулсан тухай цэдгээс зарчмуудыг тодорхойлсон. Энэ хичээл танд амьдралд зовлон бэрхшээл тулгарах үед Аврагчийн тусламжийг хүлээн авахад өөртөө болон бусдад туслах зарчмыг заах боломжийг олгоно.

Суралцагчдад нэг нэгэндээ заахад туслах. Суралцагчдад нэг нэгэндээ заах боломж олгох нь сурч мэдсэн үнэнүүдээ илүү сайн ойлгож, хэрэгжүүлэхэд тусална. Суралцагчдыг нэг нэгэндээ зааж байхад бүлгүүдийн хооронд явж, сурах үйл ажиллагааг хянаж, хэрэгтэй үед нь туслах зэргээр идэвхтэй оролц. Ингэх нь суралцагчдад даалгавраа хийж, хэрэгцээтэй тусламжийг хүлээн авахад тусалдаг тул уг үйл ажиллагаа илүү үр ашигтай байх болно.

Суралцагчийн бэлтгэл: Суралцагчдыг Иохан 11:1–46 дахь Мариа, Марта, Лазар, Аврагч нарын тухай цэдгээс сурч мэдсэн зүйлийнхээ талаар эргэцүүлэн бодоход урь. Тэдэнд энэ цэдгээс сурч мэдсэн зарчмынхаа талаар заах боломж олгоно гэдгийг хэлээрэй. Тухайн зарчмыг хэрхэн үр дүнтэй заах талаарх санаануудаа бэлдэж ирэхэд тэднийг урь.

Боломжит суралцах үйл ажиллагаа

Хичээлийн үр нөлөө

Энэхүү хичээл нь Иохан 11:1–46 -г заах хоёр хичээлийн хоёр дахь нь юм. Суралцагчид өмнөх хичээлээр зарчмуудыг тодорхойлсон. Энэ хичээлд бэлдэхдээ дээрх хичээлийг заах талаар бодож үз.

Суралцагчид дараах асуултад өгөх хариултаа хосоороо эсвэл жижиг бүлгээр хуваалцах боломжтой.

Есүс Христ, Түүний сайн мэдээний талаар танд гүн гүнзгий нөлөөлсөн ямар нэг зүйлийг заалгаж байсан үеэ эргэцүүлэн бод.

• Үүнийг танд хэрхэн заасан бэ?

• Энэ нь яагаад танд ийм их нөлөөлсөн бэ?

Есүс Христ бол Эзэн Багш юм. Түүнийг хүчирхгээр, Сүнсээр заахад даруухнаар сонссон хүмүүс Түүний сургаалын нөлөөг гүн гүнзгий мэдэрч байв ( Иохан 3:2 ; Иохан 6:35, 68–69 -ийг үзнэ үү).

• Аврагчийн сургаал гүн гүнзгий нөлөөлсөн ямар ямар хүний жишээ байдаг вэ?

Иохан 11:1–46 дээрх Аврагч Лазарыг үхлээс амилуулсан тухай цэдэгт тулгуурлан богино хичээл бэлдэж, заахдаа Аврагчийн үлгэр жишээ болон өөрийн туршлагын талаар эргэцүүлэн бод. Аврагчийн сургаалын нэг бүрэлдэхүүн хэсэг бол Тэрээр үргэлж үнэн сургаал, зарчмуудыг заадаг байсан явдал юм. Энэ хичээлээр үнэн зарчмыг заах явцад танд Аврагчийн үлгэр жишээг дагах боломж олдоно. Та Аврагчийн арга замаар заах чадвараа хөгжүүлснээр Түүнтэй илүү адилхан болж чадна.

Лазар

Аврагч Лазарыг үхлээс амилуулсан тухай цэдгийг боломжийнхоо хэрээр эргэн санаарай. Шаардлагатай бол дараах тоймыг унш.

Нэг эсвэл хоёр суралцагчийг уг цэдгийг хураангуйлан ярихад урь. Хүсвэл Мариа, Марта, Лазар гурвын зураасан зургийг самбарт зур. Мөн Аврагчийн зургийг ашигла (Аврагчийг зурах хэрэггүй). Суралцагчдыг цэдгийг хураангуйлан ярихдаа эдгээр үзүүлэн материалыг ашиглахад урь. Шаардлагатай бол суралцагчдын ярьсан зүйлийг тодруулж эсвэл нэмэхийн тулд дараах мэдээллийг ашигла.

Мариа, Марта хоёр ах Лазарыгаа өвчтэй байгаа тухай Есүст хэл хүргүүлэв. Есүс аяллаа зориуд хойшлуулж, Лазарыг нас барснаас хойш дөрөв хоногийн дараа тэнд иржээ. Есүс хайр, нигүүлслээр Лазарыг үхлээс босгов. Бурханлаг хүч чадлыг ийнхүү сүр хүчтэй харуулсан нь Есүс бол сонгогдсон Мессиа бөгөөд үхлийг ялах чадалтай гэдгийг онцлон харуулсан юм. Энэхүү гайхамшгийн талаар мэдсэний дараа ахлах тахилчид ба фарисайчууд Есүс, Лазар хоёрыг алахаар хуйвалджээ.

Таны заах хичээл

Иохан 11-ээс суралцаж болох зарчмыг ашиглан хичээлд бэлтгэ. Дараах сонголтуудаас хамгийн их сонирхож байгаа эсвэл өсвөр насныханд хамгийн их хэрэгтэй гэж үзсэн нэг зарчмыг сонго.

Дараах хичээлийн сонголтуудыг үзүүлээд, суралцагчдад сонгох боломж олго. Хичээл заахаар сандардаг эсвэл зааж чадахгүй байж магадгүй суралцагчдыг олж мэд. Тэд хичээлийг заалгүй, хичээлийн тоймоо онлайнаар илгээж болно.

Унших, бэлдэх эсвэл үг хэлэхэд тусламж хэрэгтэй суралцагчдыг тодорхойлж, хичээлдээ хамт бэлтгэж, заах хамтрагчийг оноож өгөх нь тустай байж болох юм.

Хичээлийн 1 дэх сонголт: Сорилт бэрхшээлтэй тулгарахдаа Аврагчид итгэн үйлдэх юм бол Тэр бидний амьдралд гайхамшгийг үйлдэнэ ( Иохан 11:20–27,38–45).

Хичээлийн 2 дахь сонголт: Бурханы гайхамшгууд Түүний таалал, цаг хугацаанд бидний амьдралд ирдэг ( Иохан 11:1–7,11–17, 39–45).

Хичээлийн 3 дахь сонголт: Бид бусдыг хайрлаж энэрснээр Есүс Христийн үлгэр жишээг дагаж чадна ( Иохан 11:32–36,43–44).

Хичээлийн 4 дэх сонголт: Бурхан биднийг зовлон бэрхшээлтэй тулгарахад хүчирхэгжүүлж, тайтгаруулснаар бид Түүний хайр, хүч чадлын илрэлийг олж хардаг ( Иохан 11:1–7,11–15,38–46).

Хичээлийн 5 дахь сонголт: Есүс Христэд амьдрал, үхлийг захирах хүч бий ( Иохан 11:20–27,39–46).

Хичээлийн 6 дахь сонголт: Энэ цэдгээс өөрийн зарчмыг сонго ( Иохан 11:1–46).

Хичээлээ бэлтгэж, заахад суралцагчдад хэр зэрэг хугацаа хэрэгтэй болохыг бодож үзээрэй. Суралцагчдын хэрэгцээнд тулгуурлан хугацааг тохируул.

Хичээлээ бэлтгэхэд нь тэдэнд туслах дараах тараах материалыг өг.

Preparing a Lesson for John 11

Хичээлийн тоймыг гаргахдаа дараах зааварчилгааг дагана уу. Хичээлийг бэлтгэхэд 15–20 минут, заахад 5–10 минут зарцуул.

1. Та заалгаж байгаа хүмүүстээ сонгосон зарчмаа яагаад чухал болохыг ойлгуулахад туслах арга замаар хэрхэн толилуулж болох вэ?

2. Та энэхүү зарчмыг хамгийн сайн дүрслэн харуулахын тулд, заалгаж байгаа хүмүүстэйгээ ямар шүлгүүдийг унших вэ? (Хэрэв та заалгаж байгаа хүмүүст тань зарчмыг ойлгуулахад туслах нэмэлт судрын цэдэг, хэсэг эсвэл Сүмийн удирдагчдын мэдэгдэл байгааг мэдэж байвал тэдгээрийг энд бас бичих талаар бодож үз.)

3. Энэ шүлэг Аврагчийн талаар танд юу зааж байна вэ? Та энэ зарчмаас Есүс Христийн талаар юу олж мэдсэнээ хуваалцахыг зааж байгаа хүмүүсээсээ хүсэж болох юм.

4. Энэ зарчим танд хэрхэн тусалсан талаар та юу хуваалцаж болох вэ? Үүний дагуу амьдарснаар танд ямар ямар адислал ирсэн бэ? Та зааж байгаа хүмүүсээ туршлагаа хуваалцахад урих талаар бодож үз.

5. Зааж байгаа зарчмынхаа талаарх бодол санаагаа болон энэ нь Есүс Христийн талаарх таны гэрчлэлийг хэрхэн бэхжүүлдэг талаар товч тайлбар бич. Хэрэв танд хуваалцах хүсэл төрвөл гэрчлэлээ хуваалцана уу.

Энэ хичээлийг заах нэмэлт арга зам, хичээлдээ бэлдэхэд ашиглах нэмэлт эх сурвалжуудыг энэхүү хичээлийн “Тайлбар ба нөхцөл байдлын талаарх мэдээлэл” болон “Нэмэлт суралцах үйл ажиллагаа” хэсгээс олох боломжтой.

Суралцагчдыг хичээлээ нэг нэгэндээ заахад эсвэл тоймоо хамтрагчтайгаа эсвэл жижиг бүлгээр товчхон хуваалцахад урь. Тэд мөн хичээлээ гэртээ гэр бүлийнхэнтэйгээ хуваалцаж болно.

• Та энэ туршлагаас юу олж мэдсэн бэ?

• Хичээл бэлдэх, бусдад заах нь Аврагчтай илүү ойртож, илүү адилхан болоход танд болон бусдад хэрхэн туслах вэ?

Тайлбар ба нөхцөл байдлын талаарх мэдээлэл

Нэмэлт эх сурвалж

Дараах видео, хэлсэн үгнүүд хичээлээ бэлдэж, заахад тань тусална. Та эдгээр эх сурвалжийг доор өгсөн нэг эсвэл хэд хэдэн зорилгоор ашиглаж болно. Үүнд:

• Зааж буй зарчмаа илүү сайн ойлгох

• Зааж байхдаа өөрийн үгээр хуваалцах боломжтой үнэн, түүх эсвэл ойлголтыг тодорхойлох

• Заалгаж байгаа хүмүүстээ үзүүлж болох мэдэгдэл, видеонуудыг олох гэх мэт.

Жагсаасан бүх видеог ChurchofJesusChrist.org дээрээс олох боломжтой.

Хичээлийн 1 дэх сонголт: Сорилт бэрхшээлтэй тулгарахдаа Аврагчид итгэн үйлдэх юм бол Тэр бидний амьдралд гайхамшгуудыг үйлдэнэ

Нийл Л. Андэрсэн, “Итгэлийг тохиолдлоор бус, сонголтоор олж авдаг” (2015 оны 10-р сарын Ерөнхий чуулган) (цагийн код 1:40-өөс 4:32 хүртэл үзнэ үү).

“Finding the Incredible: What Cancer and Trials Can Teach Us” (5:33).

Хичээлийн 2 дахь сонголт: Бурханы гайхамшгууд Түүний таалал, цаг хугацаанд бидний амьдралд ирдэг

Жэффри Р. Холланд, “Их Эзэнийг хүлээх,” Ensign, Nov. 2020, 115–117 эсвэл 2020 оны 10-р сарын Ерөнхий чуулган, 128–130.

Jeffrey R. Holland, “Good Things to Come” (4:55).

Хичээлийн 3 дахь сонголт: Бид бусдад хайр энэрлээ харуулах замаар Есүс Христийн үлгэр жишээг дагаж чадна

Дийтр Ф. Угдорф, “Та нар миний гар,” Ensign, May 2010, 68–75 эсвэл 2010 оны 4-р сарын Ерөнхий чуулган, 80–83.

“Mourn With Those That Mourn” (цагийн код 8:54-өөс 11:36 хүртэл үзнэ үү).

Хичээлийн 4 дэх сонголт: Бурхан биднийг зовлон бэрхшээлтэй тулгарахад

хүчирхэгжүүлж мөн тайтгаруулах үед бид Түүний хайр, хүч чадлын илрэлийг олж хардаг

Бага Жон С. Пингрий , “Чамд зориулсан ажил надад буй,” (2017 оны 10-р сарын Ерөнхий чуулган, 17) (цагийн код 5:49-өөс 6:48 хүртэл үзнэ үү).

“Using Your Trials to Help Others—Hope Works” (цагийн код 4:05-аас 10:54 хүртэл үзнэ үү).

Хичээлийн 5 дахь сонголт: Есүс Христэд амьдрал, үхлийг захирах хүч бий

Д. Тодд Кристоффэрсон, “Есүс Христийн амилалт,” Ensign, May 2014, 111–114 эсвэл 2014 оны 4-р сарын Ерөнхий чуулган, 132–135.

Пол В. Жонсон, “Тэнд цаашид үхэл үгүй болно” (2016 оны 4-р сарын Ерөнхий чуулган) (цагийн код 0:17-оос 4:56 хүртэл үзнэ үү).

Нэмэлт суралцах үйл ажиллагаа

Сорилт бэрхшээлийг даван туулахад туслах товхимол

Суралцагчид энэ үйл ажиллагаанд Иохан 11:1–46 -аас олж болох зарчмуудыг болон энэ хичээлийн материалуудыг (мөн өөрсдийн мэдэх өөр бусад материал) ашиглаж болно. Суралцагч бүр дараах үйл ажиллагаануудын аль нэгийг эсвэл хэд хэдийг гүйцэтгэж болно.

• Энэ хичээлээр заасан зарчмуудын нэгийг дүрсэлсэн зураг зур.

• Та эсвэл таны таньдаг хүн энэ хичээлээр заасан зарчмуудын аль нэгийг даган амьдарч, амлагдсан адислалуудыг харсан талаарх хувийн түүхийг ярьж өг.

• Сорилт бэрхшээлтэй тулгарсан хэн нэгэнд туслах судрын хэсэг, цэдэг, Сүмийн удирдагчдын мэдэгдэл, хэлсэн үг эсвэл видеонуудын жагсаалт гарга.

Хангалттай цаг гаргаж өгсний дараа, суралцагчдын бичсэн зүйлийг цуглуулаад, сорилт бэрхшээлийг даван туулахад хүмүүст туслах зорилгоор хичээлийн тусгай товхимол болгон нэгтгэ. Энэхүү товхимлыг суралцагчдад зориулан хувилан өгч болох бөгөөд тэд хэзээ нэгэн цагт өөрөө эсвэл хайртай хүмүүс нь зовлон бэрхшээлтэй тулгаран, тусламж дэмжлэг хэрэгтэй болбол ашиглаж болно. Энэ үйл ажиллагааг гүйцэтгэхэд хэрэгтэй цаас, зургийн хэрэгсэл гэх мэт шаардлагатай материалаар суралцагчдыг ханга.

Өөр үйл ажиллагаа

Суралцагчид Иохан 11:1–46 -д цэдэглэсэн түүхэд дүрсэлсэн нэг хүнийг (Мариа, Марта, Лазар эсвэл хөндлөнгийн нэг хүн) сонгоод, цэдгийг тухайн хүний өнцгөөс бичиж болно. Суралцагчдыг цэдэгтээ дараах зүйлийг оруулахад урь. Үүнд:

• Энэ үйл явдлын туршид тухайн хүнд ямар мэдрэмж, бодол төрсөн

• Энэ үйл явдлын ачаар тухайн хүн Аврагчаас мөн Түүний талаар юу мэдэж авсан гэх мэт.

Суралцагчид эдгээр цэдгийг нэг нэгэнтэйгээ хуваалцаж, дараа нь өөрсдийн амьдралтай адилтгаж, Есүс Христэд итгэх итгэлээр үйлдэх төлөвлөгөө гаргаж болно.