Ioane 14–17

Vaaiga Aoao

I le taimi o Lona toe afiafi faatasi ma Ona soo, sa aoao ma faamafanafana atu Iesu Keriso ia i latou. Sa Ia aoaoina i latou i le ala na avea ai o Ia “o le ala, le upumoni, ma le ola” (Ioane 14:6) ma pe mafai faapefea ona latou faaali atu lo latou alolofa mo Ia e ala i le tausia o Ana poloaiga. Sa valaaulia i latou e le Faaola ia tumau ia te Ia ma aoao i latou e uiga i le galuega a le Agaga Paia. Sa tatalo Iesu Keriso mo i latou a o Ia ofoina atu Lana Tatalo Faapuluvaga sili.

Sauni e Aoao Atu

O nei faamatalaga e tuuina atu ai mo faiaoga ni manatu mo ni mea e tatau ona saunia mamao iai mo lesona taitasi.

Ioane 14:1–6; 15:1–11

Faamoemoega o le lesona: O lenei lesona e mafai ona fesoasoani i tagata aoga e toe manatunatu ai i la latou sootaga ma Iesu Keriso ma pe mafai faapefea ona latou mulimuli ia te Ia ma maua Lona mana ma Lana fesoasoani.

Sauniuniga a le tagata aoga: Valaaulia tagata aoga e sue pe pue se ata o se ala savali po o se vine po o se laau ma ni ona lala. Fai atu i le vasega e mafaufau e uiga i auala e faamanatu ane ai e a latou ata ia i latou ia Iesu Keriso ma aumai a latou ata i le vasega.

Avanoa e aoao atu ai: Mafaufau e valaaulia tagata aoga e aoao atu a o faagasolo lenei lesona. E mafai ona muai saunia tagata aoga e aoao atu se vaega o le lesona, pe mafai foi ona latou saunia ma aoao atu i le taimi o le vasega.
Pepa o Tufaaga: “O Iesu Keriso O ‘le Ala, ma le Upumoni, ma le Ola’ (Ioane 14:6)”
Mea faitino: O se lala po o se vaega o se vine

Vitiofautuaga o aoaoga faafaiaoga i fesootaiga: Mafaufau e vaevae tagata aoga i ni vaega toalaiti e aoao atu a latou lesona ua saunia i se tasi o le vasega.

Ioane 14:15–31; 15:10–14

Faamoemoega o le lesona: O lenei lesona e mafai ona fesoasoani i tagata aoga e faaalia ai lo latou alolofa i le Tama Faalelagi ma Iesu Keriso e ala i le usitaia o a Laua poloaiga.

Sauniuniga a le tagata aoga: Valaaulia tagata aoga e matamata i le vitio “Going to Grandma’s” (4:02) o loo maua i le ChurchofJesusChrist.org, ma mafaufau i mea e mafai ona aoao mai e lenei tala ia i tatou i le mafuaaga ua tuuina mai ai e le Alii ia poloaiga ia i tatou.

Faataitaiga patino faaletagata lava ia: Sauni e faasoa atu se faataitaiga o se taimi na faaalia ai e tagata o le aiga po o isi lo latou alolofa ia te oe.
Vitio: “Going to Grandma’s” (4:02); “Tumau i Lo’u Alofa” (15:08; matamata mai le faailotaimi 14:27 i le 14:50)

Fautuaga faafaiaoga i fesootaiga i vitio: Fai atu i tagata aoga e valaaulia se matua po o se isi tagata o le aiga e auai i le talanoaga e uiga i le iloaina pe alofa se tasi i isi.

Ioane 14–16

Faamoemoega o le lesona: O lenei lesona e mafai ona fesoasoani i tagata aoga e faailoa mai pe faapefea ona faataunuu e le Agaga Paia Ana matafaioi i o latou olaga.

Sauniuniga a le tagata aoga: Valaaulia tagata aoga e sauni e tali le fesili “E faapefea ona fesoasoani le Agaga Paia ia te oe?” faatasi ai ma faataitaiga mai tusitusiga paia po o aafiaga patino.

Anomea mo tagata aoga: Fasi pepa laiti po o kata pepa o faamatalaga e mafai e tagata aoga ona tusi ai i luga
Anotusi e faaali atu: O le siata i matafaioi a le Agaga Paia

Fautuaga faafaiaoga i fesootaiga i vitio: Fatu se pepa o faamatalaga fefaasoaai o loo i ai le siata. Valaaulia tagata aoga e ta a latou tali i le siata. E mafai ona atofa atu i tagata aoga ni itu faapitoa. Faaali atu le siata ua uma ona faatumuina mo tagata uma e vaai i ai.

Ioane 17

Faamoemoega o le lesona: O lenei lesona o le a uunaia ai tagata aoga ia atili ona iloa patino le Tama Faalelagi ma Iesu Keriso i o latou olaga.

Sauniuniga a le tagata aoga: Valaaulia tagata aoga e faitau i le 3 Nifae 19:16, 26–33 ma mafaufau loloto pe o a ni lagona o le faalogo atu i le Faaola o tatalo i le Tama Faalelagi mo i latou.

Fautuaga faafaiaoga oi fesootaiga i vitio: Mafaufau e faaaoga le fautuaga o loo i le vaega o “Gaoioiga Faaopoopo e Aoao ai” o lenei lesona ua faaautuina “Gaoioiga tusiata—avea ai ma se tasi” e fesoasoani ai i tagata aoga ia malamalama e masani lava ona sili atu lo tatou lotogatasi o le tasi ma le isi a o tatou faalatalata atili atu ia Iesu Keriso.

Atamai i Aoaoga Faavae: Ioane 17:3

Faamoemoega o le lesona: O lenei lesona o le a fesoasoani i tagata aoga e tauloto lenei mau faasino o aoaoga faavae ma fasifuaitau autu o tusitusiga paia mo le Ioane 17:3, faamatala le aoaoga faavae, ma faaaoga mataupu faavae o le mauaina o le malamalama faaleagaga i tulaga moni faale-olaga.

Sauniuniga a le tagata aoga: Valaaulia tagata aoga e faailoa mai se tasi latou te iloa atonu e iloa lelei le Tama Faalelagi ma Iesu Keriso. Valaaulia tagata aoga e fesili i lena tagata po o le a se mea na fesoasoani ia i latou e iloa ai le Tama Faalelagi ma Iesu Keriso.

Anotusi e faaali atu: Faatonuga ma fesili i lalo o ulutala taitasi e tolu e ogatusa ma mataupu faavae o le mauaina o le malamalama faaleagaga

Fautuaga faafaiaoga i fesootaiga i vitio:Mafaufau e faaaoga se ki o le taape i potu e mafai ai e tagata aoga ona galulue i ni vaega toalaiti e faaaoga mataupu faavae o le mauaina o le malamalama faaleagaga i le tulaga faataitai i le lesona. Ona toe aumai faatasi lea o le vasega e talanoa i mea na aoaoina e vaega taitasi.