Ղուկաս 1․1-38

«Աստուծոյ առաջին ոչ մի բան անկարելի չէ»

Գաբրիել Հրեշտակը եկավ Մարիամի մոտ՝ հայտարարելու Հիսուս Քրիստոսի ծնունդը: Նա վկայեց, որ «Աստուծոյ առաջին ոչ մի բան անկարելի չէ» (Ղուկաս 1.37): Մարիամի հավատքով լի պատասխանները կարող են օգնել ձեզ սովորել, թե ինչպես պատասխանել Տիրոջ կամքին՝ Նրա հանդեպ ավելի մեծ վստահությամբ:

Հրավիրել ուսանողներին գործել Ուսանողները սովորում են, երբ եռանդուն կերպով մասնակցում են ուսումնական գործընթացին և ապրում ավետարանով: Դասավանդելիս հնարավորություններ ստեղծեք, որպեսզի ուսանողները ներգրավվեն ուսումնական փորձառության մեջ: Եթե նրանք գործեն հավատքով, ավելի կմոտենան Փրկիչին ու Նրա ավետարանին։

Ուսանողի պատրաստվածություն. Խնդրեք ուսանողներին խորհել հետևյալ հարցի շուրջ.

• Ի՞նչ գիտեք Երկնային Հոր և Հիսուս Քրիստոսի մասին, ինչն օգնում է ձեզ ավելի շատ վստահել Նրանց:

Հնարավոր ուսումնական վարժություններ

Ուսանողներին հանձնարարեք պատասխանել հետևյալ հարցին․ Խնդրեք ուսանողներին իրենց պատասխանները գրել գրատախտակին։

• Ովքե՞ր են ամենաազդեցիկ կանայք ձեր կյանքում։

Ցուցադրեք դասի սկզբում ցույց տրված Մարիամի նկարը:

Այս դասի ընթացքում դուք ավելի շատ բան կսովորեք Հիսուս Քրիստոսի մոր՝ Մարիամի մասին:

• Ձեր կարծիքով, Մարիամը ինչո՞ւ պետք է համարվի աշխարհի պատմության ամենաազդեցիկ կանանցից մեկը:

Մարիամի կյանքի և առաքելության մասին մարգարեները հայտնել են նրա ծնունդից տարիներ առաջ: Ուսումնասիրեք Մարիամի մասին հետևյալ մարգարեությունները՝ փնտրելով, թե դրանք ինչ են ուսուցանում նրա մասին:

• 1 Նեփի 11․14-15, 18

• Մոսիա 3.8

• Ալմա 7.10

• Այս հատվածներից ի՞նչ սովորեցիք Մարիամի մասին:

Ղուկասի ավետարանի նախաբանը

Ղուկասի ավետարանում գրանցված է պատմությունն այն մասին, թե Մարիամն ինչպես իմացավ, որ ինքը լինելու է Հիսուս Քրիստոսի մայրը:

Ուսանողներին ներկայացրեք Ղուկասի Ավետարանը: Դա անելու համար համառոտ ներկայացրեք հետևյալ պարբերությունը:

Օգտակար կլինի կիսվել նաև «Բացատրական և պատմական տեղեկություն» բաժնի «Ինչու՞ ուսումնասիրել Ղուկասի Ավետարանը» վերնագրի տակ տրված որոշ տեղեկություններով:

Ղուկասը բժիշկ էր (տես Կողոսացիս 4․14) և Հիսուս Քրիստոսի «սուրհանդակը» ( Ջոզեֆ Սմիթ Թարգմանություն, Ծննդոց 1.1 [Ղուկաս 1.1, ծանոթագրություն ա]): Փրկիչի կյանքից բազում իրադարձություններ կարող եք գտնել միայն Ղուկասի Ավետարանում, այդ թվում, թե ինչպես հրեշտակը հայտարարեց Մարիամին, որ նա լինելու է Աստծո Որդու մայրը: Այս իրադարձությունը հայտնի է որպես Ավետիս:

Այս պատմությունն ու Մարիամի հավատքով լի օրինակը ուսումնասիրելիս ուշադրություն դարձրեք, թե ինչ եք սովորում և ինչ հոգևոր հուշումներ եք ստանում:

Գաբրիել հրեշտակը հայտնվում է Մարիամին

Կարդացեք Ղուկաս. 1.26-37-ը ՝ փնտրելով հրեշտակի հայտարարությանն ուղեկցող մանրամասները:

Կարող եք դիտել նաև «Հրեշտակը ավետեց Մարիամին Քրիստոսի ծնունդի մասին» (4:07) տեսանյութը ChurchofJesusChrist.org կայքում և զուգահեռ հետևել ձեր սուրբ գրություններին:

An Angel Foretells Christ’s Birth to Mary

• Այդ հայտարարության ո՞ր մանրամասներն առանձնացան ձեզ համար։

• Ի՞նչ հարցեր ունեք կարդացածի մասին:

Այս պատմությունից քաղած ճշմարտություններից մեկն այն է, որ Աստուծոյ առաջին ոչ մի բան անկարելի չէ:Նախագահ Ռասսել Մ. Նելսոնը կիսվել է, թե դա ինչ առնչություն ունի ձեզ հետ.

Ձեզ կխնդրեն ընդունել դժվարին հանձնարարություններ և դառնալ գործիք Տիրոջ ձեռքում: Եվ Նա հնարավորություն կընձեռի ձեզ իրականացնել անհնարինը:

(Ռասսել Մ․ Նելսոն, «Դառնալ իսկական հազարամյակցիներ» [համաշխարհային հոգևոր հավաք չափահաս երիտասարդների համար, հունվարի 10, 2016], broadcasts.ChurchofJesusChrist.org)

Գրատախտակին գրեք ուսանողների պատասխանները հետևյալ հարցերից առաջինին: Անհրաժեշտության դեպքում օգնեք նրանց մտածել այս հարցին պատասխանելու բազմաթիվ այլ եղանակների մասին, այդ թվում՝ վատ սովորությունների կամ մեղքերի հաղթահարումը, բարի լինելը, ուրիշների հետ ավետարանով կիսվելը, Եկեղեցու պարտականությունների կատարումը, միսիայում ծառայելը և այլն:

• Տերն ի՞նչ կարող է խնդրել ձեզ անել, որը կարող է անհնարին թվալ։

• Ինչո՞ւ երբեմն դրանք կարող են անիրագործելի թվալ:

Երբեմն, երբ հանդիպում ենք թվացյալ անիրագործելի առաջադրանքների, օգտակար կլինի անդրադառնալ ուրիշների օրինակներին, ովքեր հավատքով են արձագանքել իրենց սեփական դժվարին հանգամանքներին:

Կարդացեք Ղուկաս 1.38-ը և փնտրեք, թե Մարիամն ինչպես արձագանքեց, երբ իմացավ, որ ինքը լինելու է Հիսուսի մայրը:

• Մարիամն ինչպե՞ս է օգնում ձեզ հասկանալ, թե ով է ինքը:

• Ձեր կարծիքով, ի՞նչ ճշմարտություններ կարող են օգնել մարդուն Մարիամի նման վստահել Տիրոջը, նույնիսկ, երբ Նրա խնդրանքն անիրագործելի է թվում:

Եթե ուսանողների համար օգտակար կլինի ուսումնասիրել լրացուցիչ օրինակներ այն մարդկանց կյանքից, ովքեր հավատքով են արձագանել թվացյալ անհաղթահարելի հանգամանքներին, կարող եք նրանց ժամանակ տալ՝ սուրբ գրություններում այդպիսի օրինակ գտնելու համար: Օգտակար կլինի ուղղորդել նրանց դեպի հետևյալ պատմությունները. Նեփին ստանում է պղնձե թիթեղները (տես 1 Նեփի 3-4), Մովսեսը բաժանում է Կարմիր ծովը (տես Ելից 14.10-31) կամ սուրբ գրություններից մեկ այլ պատմություն:

Ցուցադրեք կամ ուսանողներին տրամադրեք նախագահ Նելսոնի հայտարարության հետևյալ հատվածի օրինակը:

Մտածեք, թե Տերը ինչ է խնդրել ձեզ անել, որն անիրագործելի էր թվում: Նախագահ Նելսոնի հայտարարությունը կարդալիս փնտրեք այն հատուկ բաները, որոնք դուք կարող եք անել, որպեսզի ինքներդ ձեզ օգնեք կատարել անկարելին.

Ինչպե՞ս կարող եք իրագործել անկարելին: Անելով այն ամենը, ինչ կպահանջվի ձեր հավատքը առ Հիսուս Քրիստոս զորացնելու համար, մեծացնելով Նրա վերականգնված Եկեղեցու վարդապետության ձեր ըմբռնումը և անխոնջ որոնելով ճշմարտությունը: … Երբ ձեզ խնդրեն կատարել անկարելին, դուք կկարողանաք հավատքով ու համառ հաստատակամությամբ քայլ անել առաջ և ոգևորությամբ կատարել այն ամենը, ինչ դրված է ձեր ներուժի սահմաններում՝ Տիրոջ նպատակներն իրագործելու համար:

Կլինեն օրեր, երբ դուք խորապես կհուսալքվեք: Ուստի աղոթեք քաջություն ձեռք բերելու համար, որպեսզի չհանձնվեք:

(Ռասսել Մ․ Նելսոն, «Դառնալ իսկական հազարամյակցիներ» [համաշխարհային հոգևոր հավաք երիտասարդ չափահասների համար, հունվարի 10, 2016], broadcasts.ChurchofJesusChrist.org)

Առաջարկեք ուսանողներին գրել հետևյալ հարցերի պատասխաններն իրենց ուսումնասիրության օրագրերում. Մինչ նրանք գրում են, ցուցադրեք նախագահ Նելսոնի մեջբերումը որպես հղում: Երբ նրանք բավարար ժամանակ ունենան գրելու համար, նրանցից մի քանիսին հորդորեք դասարանի հետ կիսվել իրենց պատասխաններով:

• Նախագահ Նելսոնի հայտարարությունում նշված ո՞ր գործողության մեջ կցանկանայիք առաջընթաց ունենալ:

• Ձեր կարծիքով, ինչպե՞ս կարող է բարելավումը այդ ոլորտում օգնել ձեզ կատարել այն, ինչն անհնարին է թվում ձեր կյանքում:

Բացատրական և պատմական տեղեկություն

Ինչո՞ւ ուսումնասիրել Ղուկասի Ավետարանը

Քրիստոնեության ամենահայտնի պատմություններից մի քանիսը կարելի է գտնել միայն Ղուկասի Ավետարանում. Հովհաննես Մկրտիչի ծնունդի հանգամանքները (տես Ղուկաս 1.5-25, 57-80), ավանդական պատմությունը Քիստոսի ծնունդի մասին (տես Ղուկաս 2.1-20), պատմությունն այն մասին, թե 12-ամյա Հիսուսը ինչպես մտավ տաճար (տես Ղուկաս 2.41-52), առակներ, օրինակ՝ բարի սամարացու մասին (տես Ղուկաս 10.30–37), անառակ որդու մասին (տես Ղուկաս 15.11-32), հարուստ մարդու և Ղազարոսի մասին (տես Ղուկաս 16.19-31), տասը բորոտների մասին (տես Ղուկաս 17.11–19), պատմությունն այն մասին, թե ինչպես էր հարություն առած Տերը քայլում Իր աշակերտների կողքով Էմմաուս տանող ճանապարհին (տես Ղուկաս 24.13-32):

Մեկ այլ բացառիկ առանձնահատկությունն այն է, որ Ղուկասը ընգրկել է Հովհաննես Մկրտիչի այն ուսմունքները, որոնք չկան այլ Ավետարաններում (տես Ղուկաս 3.10–14), նա ընդգծում է Հիսուս Քրիստոսի աղոթասիրությունը (տես Ղուկաս 3.21 , 5.16 , 9.18, 28-29 , 11.1), նա պատմում է 70 հոգու կանչելու, ուսուցանելու և միսիոներական աշխատանքներ կատարելու մասին (տես Ղուկաս 10.1-22): Ավելին, Ղուկասը միակ ավետարանիչն է, ով գրել է, որ Գեթսեմանիում Փրկիչը թափել է Իր արյունը, և մի հրեշտակ զորացրել է Նրան (տես Ղուկաս 22․43–44):

Ղուկաս 1.26

Ո՞վ էր Գաբրիել Հրեշտակը:

Մարգարե Ջոզեֆ Սմիթն (1805–44) ուսուցանել է Գաբրիել հրեշտակի ինքնության մասին:

Նոյը … Գաբրիելն է: Քահանայության մեջ նա իր զորությամբ հաջորդում է Ադամին: Նա կանչվել է Աստծո կողմից և այսօր ապրող բոլոր մարդկանց հայրն է, և նրան է տրվել իշխանությունը:

(Եկեղեցու Նախագահների Ուսմունքները. Ջոզեֆ Սմիթ [2007], 104)

Ղուկաս 1.27

Ի՞նչ է նշանակում, որ Մարիամը «նշանվեց»… Հովսեփի հետ

Հին Իսրայելում, երբ ամուսնությունը համաձայնեցվում էր, հարսանիքը տեղի էր ունենում երկու փուլով՝ նշանդրեք (որը նաև կոչվում է նշանադրություն, տես Մատթեոս 1.18) և ամուսնության արարողություն։ Թեև նշանված զույգերն օրինական կերպով համարվում էին ամուսին և կին (տես Երկրորդ Օրինաց 22․23–24), նշանդրեքի և հարսանեկան արարողության միջև ընկած ժամանակահատվածում մաքրաբարոյության խիստ օրենք էր սահմանված (տես Մատթեոսի 1․18-25 հատվածները , տես նաև Նոր Կտակարանի ձերնարկ ուսանողների համար[2014], 13):

Ղուկաս 1.30–35

Մենք ի՞նչ գիտենք Մարիամի հղիության հրաշքի մասին

Երբ Մարիամը հարցրեց, թե ինքն ինչպես կարող է Հիսուսի մայրը դառնալ` «երբեք հարաբերություն չ[ունենալով] տղամարդու հետ» ( Ղուկաս 1.34), Գաբրիելն ուղղակի հայտնեց նրան, որ Սուրբ Հոգին կգա նրա վրա և նրա երեխան կլինի Աստծո Որդին (տես Ղուկաս 1.35): Հիսուս Քրիտոսով հղիանալու մասին պատմող այլ սուրբ գրությունները նույնպես ընդգծում են, որ նա Աստծո Որդին է, բայց չեն հայտնում, թե այդ հրաշքն ինչպես տեղի ունեցավ (տես Մատթեոս 1․18–20 , 1 Նեփի 11.14–15, 18–21 , Ալմա 7.10):

Օժանդակ ուսումնական վարժություններ

Ղուկաս 1.5-25

: Աստծո օրհնությունները գալիս են Նրա ժամանակին և Նրա ձևով

Խնդրեք ուսանողներին խորհել Աստծուց որևէ օրհնություն կամ պատասխան ստանալու մասին, որին նրանք սպասում են:

Առաջարկեք ուսանողներին ուսումնասիրել Զաքարիայի և Եղիսաբեթի պատմությունները Ղուկաս 1.5-25 ՝ փնտրելով այն դասերը, որոնք նրանց կպատմեն Տիրոջ ժամանակացույցի մասին:

Երբ ուսանողներն ուսումնասիրեն այս հատվածները, խնդրեք նրանց կիսվել իրենց սովորածով: Կարող եք հետևյալ հարցի նման հարցեր տալ՝ քննարկումը խթանելու համար:

• Ձեր կարծիքով, Զաքարիան ու Եղիսաբեթը ի՞նչ սովորեցին Տիրոջ մասին այս հատվածներում նկարագրված իրենց փորձառության արդյունքում:

• Ի՞նչ եք սովորում այս պատմությունից այն մասին, թե ինչ կարող եք անել՝ Աստծո օրհնությանը կամ պատասխանին սպասելիս:

• Տիրոջ կամքին ու ժամանակացույցին վստահելու մասին ուրիշ ի՞նչ օրինակներ կարող եք բերել ձեր սեփական կյանքից կամ սուրբ գրությունների այլ պատմություններից:

• Ձեր կյանքում եղե՞լ են այնպիսի ժամանակներ, երբ զգացել եք, որ Տերը պատասխանել է ձեր աղոթքին, սակայն ոչ ձեր կողմից սպասված ժամանակին կամ եղանակով:

Ժամանակակից օրինակ, երբ Աստված օգնում է մարդուն իրականացնել անհնարինը

Որպեսզի օգնեք ուսանողներին տեսնել այսօրվա մի օրինակ, որ Աստծո առաջ ոչ մի բան անկարելի չէ, կարող եք նրանց ցուցադրել «Աղոթքի քաղցր զորությունը» տեսանյութը (4:14-ից մինչև 8:38-ը) ChurchofJesusChrist.org կայքից: Այս տեսանյութում նախագահ Ռասսել Մ. Նելսոնը հիշում է մի փորձառություն, երբ վիրահատության ժամանակ Աստված հայտնեց, թե ինչպես կարելի է նորոգել հիվանդի սիրտը:

Sweet Power of Prayer