Սեմինարիա
Մատթեոս 1.18–25, Ղուկաս 1.26-35

Մատթեոս 1.18–25, Ղուկաս 1.26-35

Հիսուս Քրիստոս. Աստծո և Մարիամի Որդին

Frontal head and shoulders portrait of Jesus Christ. Christ is depicted wearing a pale red robe with a white and blue shawl over one shoulder. Light emanates from His face.

Գաբրիել հրեշտակն ասաց Մարիամին, որ երեխան, ում նա լույս աշխարհ կբերի, կլինի «Բարձրեալի Որդին» (Ղուկաս 1.32): Այս դասը կարող է օգնել ձեզ հասկանալ, թե մահկանացու մորից և անմահ Հորից ժառանգած հատկանիշներն ինչպես են Հիսուսին առանձնապես կարողունակ դարձնում օգնելու մեզ հաղթահարել մահկանացու կյանքի բոլոր մարտահրավերները:

Անկեղծ վկայություն բերեք Հիսուս Քրիստոսի մասին Հնարավորություններ փնտրեք՝ Հիսուս Քրիստոսի մասին անկեղծ և հզոր վկայություն բերելու համար: Ուսանողների համար Հիսուս Քրիստոսի մասին դասարանում վկայելու հնարավորություններ ստեղծեք: Ուսանողները կարող են վկայել գրավոր առաջադրանքների, փոքր խմբերով վարժությունների կամ դասարանային քննարկումների միջոցով: Չմոռանաք նաև ընդգծել Հիսուս Քրիստոսի մասին վկայությունները, որոնք տրված են սուրբ գրություններում և վերջին օրերի մարգարեների խոսքերում:

Ուսանողի պատրաստում. Խնդրեք ուսանողներին մտածել, թե իրենց տարիքի մարդիկ ինչպիսի մարտահրավերների են սովորաբար հանդիպում:

Հնարավոր ուսումնական վարժություններ

Հաղթահարել մարտահրավերները

Ցուցադրեք հետևյալ նկարը: Կարող եք առաջարկել ուսանողներին գրատախտակին գրել իրենց պատասխանն առաջին հարցին.

A stick figure being confused.

  • Ձեր կարծիքով, ամենից հաճախ ի՞նչ մարտահրավերների են հանդիպում ձեր տարիքի մարդիկ:

  • Երիտասարդներն ինչի՞ն են ապավինում՝ այդ մարտահրավերները հաղթահարելու համար:

Տասներկու Առաքյալների Քվորումից երեց Ռոնալդ Ա. Ռասբանդը կիսվել է Հիսուս Քրիստոսի մասին հետևյալ վկայությամբ․

Official Portrait (as of June 2016) of Elder Ronald A. Rasband of the Quorum of the Twelve Apostles.

Միշտ էլ Հիսուս Քրիստոսն է պատասխանը։ Հասկանալով Նրա առաքելությունը և Նրա ավետարանը, մեր սերը Նրա հանդեպ և Նրա հանդեպ մեր հավատքն ու վստահությունը, մենք ուժ ենք ստանում։

(Ռոնալդ Ա. Ռասբանդ, «Հիսուս Քրիստոսն է պատասխանը» [երեկո Բարձրագույն Իշխանության հետ, փետրվարի 8, 2019թ․], broadcasts.ChurchofJesusChrist.org)

«Միշտ էլ Հիսուս Քրիստոսն է պատասխանը» նախադասությունը գրեք գրատախտակին՝ պատկերված նկարի կողքին: Նկարի սլաքները ուղղեք դեպի այդ նախադասությունը:

  • Ինչո՞ւ եք կարծում, որ միշտ էլ Հիսուս Քրիստոսն է պատասխանը, երբ մեր կյանքում հանդիպում ենք մարտահրավերների կամ խնդիրների:

Մի պահ մտածեք Հիսուս Քրիստոսի հանդեպ ձեր հավատքի և վստահության մասին: Հաճա՞խ եք դիմում Նրան, երբ ձեզ ուժ և աջակցություն է պետք:Այսօր ուսումնասիրելիս փորձեք Սուրբ Հոգուց ոգեշնչում ստանալ, որպեսզի կարողանաք սովորել Հիսուս Քրիստոսի մասին այն ճշմարտությունները, որոնք կամրապնդեն ձեր հավատքը Նրա հանդեպ և կխրախուսեն ձեզ ավելի հաճախ դիմել Նրան՝ խաղաղություն և ուժ ստանալու համար:

Հիսուս Քրիստոսի ծնողները

Հիսուս Քրիստոսն Իր բացառիկ առանձնահատկությամբ կարողունակ է օգնել մեզ հաղթահարել մահկանացու կյանքի դժվարություններն ու խնդիրները՝ մասամբ Իր ծնողներից ժառանգած հատկանիշների շնորհիվ:

Ուսումնասիրեք հետևյալ սուրբ գրությունները՝ փնտրելով այն ուսմունքները, որոնք պատմում են, թե ովքեր են եղել Փրկիչի ծնողները.

  • Ի՞նչ սովորեցիք Հիսուս Քրիստոսի Հոր և մոր մասին:

Այս հատվածներից սովորած ճշմարտություններից մեկն այն է, որ Հիսուս Քրիստոսը Հայր Աստծո և Մարիամի աստվածային Որդին է:

Եթե ուսանողները Փրկիչի ծագման մասին բացատրությունների կարիք ունենան, դասի վերջում կարող եք կիսվել մի քանի հայտարարությամբ «Բացատրական և պատմական տեղեկություն» բաժնից:

Գրատախտակին նկարեք հետևյալ սխեման կամ ցուցադրեք պատկերը:

Diagram with the words Mary and Heavenly Father and arrows pointing to the words Jesus Christ.

Կարդացեք նախագահ Ռասսել Մ. Նելսոնի հետևյալ հայտարարությունը՝ փնտրելով, թե Հիսուս Քրիստոսը ինչ հատկանիշներ էր ժառանգել Երկնային Հորից և Մարիամից:

Official portrait of President Russell M. Nelson taken January 2018

Իր անմահ Հորից Հիսուսը ժառանգել էր հավերժ ապրելու զորությունը: Իր մահկանացու մորից Նա ժառանգել էր ֆիզիկական մահվան ճակատագիրը:Այդ առանձնահատկությունները կարևոր էին ողջ մարդկության մեղքերը քավելու Իր առաքելության համար: Այսպես, Հիսուս Քրիստոսը ծնվել էր մահանալու համար (տես 3 Նեփի 27.13-15): Նա մահացավ, որ մենք կարողանանք ապրել: Նա ծնվեց, որ ողջ մարդկությունը կարողանա ապրել մահից հետո:

(Ռասսել Մ․ Նելսոն, «Քրիստոս Փրկիչը ծնվեց», New Era, դեկտեմբեր 2006, 5)

  • Մենք ի՞նչ ենք սովորում Հիսուս Քրիստոսի մասին այս հայտարարությունից:

Եթե սխեման նկարված է գրատախտակին, օգտակար կլինի գրանցել ուսանողների պատասխանները «Հիսուս Քրիստոս» անվան տակ:

Իր մորից՝ Մարիամից, ով մահկանացու կին էր, Հիսուսը ժառանգեց մահկանացությունը, ինչը ենթադրում է ֆիզիկական մահ: Աստծուց՝ մեր Երկնային Հորից, Հիսուսը ժառանգեց անմահությունը՝ հարության միջոցով հավերժ ապրելու կարողությունը: Նա նույնպես ընդունակ էր զգալ մահկանացության հետ կապված ցավեր, գայթակղություններ ու վշտեր, բայց կարողացավ տանել Քավության այնպիսի ցավ ու տանջանք, որ ոչ մի մահկանացու չէր կարող տանել (տես Մոսիա 3.7):

Կարդացեք Մոսիա 7.33-ը ՝ փնտրելով գաղափարներ այն մասին, թե մենք ինչպես կարող ենք ստանալ Փրկիչի օգնությունն ընդդեմ մեր մահկանացու մարտահրավերների:

  • Ի՞նչ սովորեցիք այս հատվածից այն մասին, թե մենք ինչպես կարող ենք ստանալ Փրկիչի օգնությունը:

Առաջարկեք ուսանողներին սուրբ գրություններում փնտրել մի օրինակ, երբ որևէ անձ կամ մարդկանց խումբ խնդրել է Տիրոջը իրենց օգնել որևէ խնդիր լուծելու գործում: Ուսանողները կարող են փնտրել, թե ինչն օգնեց այդ մարդուն կամ մարդկանց՝ դիմել Քրիստոսին, և ինչպես Նա օգնեց: Նրանք կարող են փնտրել նաև Փրկիչի այն առաձնահատկությունները, որոնք օրինակ են բերվում իրենց կողմից ուսումնասիրվող պատմության մեջ: Առաջարկեք ուսանողներին դասարանի կամ այլ ուսանողի հետ կիսվել գտած օրինակներով:

Կարող եք ուսանողներին ժամանակ տալ՝ գրանցելու հետևյալ հարցերի պատասխաններն իրենց ուսումնասիրության օրագրերում: Երբ ավարտեն, առաջարկեք նրանց իրենց պատասխաններով կիսվել դասընկերոջ կամ դասարանի հետ:

Նրա շնորհիվ

Դիտեք «Նրա շնորհիվ» տեսաֆիլմը (2:36)՝ փնտրելով, թե Փրկիչն ինչ էր ընդունակ կատարել՝ երկիր գալու, մահկանացու կյանք ապրելու և բոլոր դժվարությունները հաղթահարելու շնորհիվ: Այս տեսաֆիլմը մատչելի է ChurchofJesusChrist.org կայքում:

2:36

Because of Him—Easter Video

Կարող եք ուսանողներին տրամադրել գունավոր մատիտներ և թուղթ՝ այս վարժությունն ավարտելու համար:

Ստեղծեք Փրկիչի մասին ձեր սեփական ուղերձը, որը կսկսվի «Նրա շնորհիվ» խոսքերով: Դուք կարող եք լրացնել այս արտահայտությունը մեկ կամ մի քանի նախադասությամբ այն մասին, թե Փրկիչի որ առանձնահատուկ կարողություններն են օգնում կամ օգնել ձեզ կյանքում: Ժամանակի և նյութերի առկայության դեպքում կարող եք օգտագործել արվեստի պարագաներ՝ ձեր ստեղծագործությունն ավելի արտահայտիչ դարձնելու համար:

Երբ ուսանողներն ավարտեն, առաջարկեք նրանց ցուցադրել իրենց ուղերձները, որպեսզի բոլորը կարողանան տեսնել դրանք: Խնդրեք մի քանի ուսանողի բացատրել, թե ինչ են գրել: Խնդրեք երեխաներին տանը կամ եկեղեցում իրենց հայտարարություններով կիսվել ուրիշների հետ:

Կարող եք կիսվել անձնական վկայությամբ, թե ինչպես է Քրիստոսն օգնում մեզ հաղթահարել մահկանացու կյանքի մարտահրավերները:

Բացատրական և պատմական տեղեկություն

Մատթեոս 1.18

: Ի՞նչ է նշանակում, որ Մարիամը «Սուրբ Հոգիիցը յղացած գտնուեցաւ»:

Նախագահ Էզրա Թավտ Բենսոնն (1899–1994) ուսուցանել է.

Photograph of President Ezra Taft Benson. He is seated in a leather chair in front of a fireplace. His hands are clasped in front of him and he is wearing a large turquoise ring on one finger. Official portrait. 1986

Նշանակված վկաների վկայությունները միանշանակ են Հիսուս Քրիստոսի ծագման վերաբերյալ: Աստված Նրա մարմնական խորանի Հայրն էր, իսկ Մարիամը՝ մահկանացու կինը, Նրա մայրն էր: …

… Նա Հովսեփի որդին չէր, ոչ էլ Սուրբ Հոգուց ծնված: Նա հավերժական Հոր Որդին է:

(Էզրա Թավտ Բենսոն, Հիսուս Քրիստոսի աստվածայնության հինգ նշանները, Ensign, դեկտեմբեր 2001, 10, 11)

Նախագահ Հարոլդ Բ. Լին (1899–1973) զգուշացրել է նրանց, ովքեր փորձում են բացատրել Փրկիչի հրաշալի ծնունդի բոլոր մանրամասները:

Head and shoulders portrait of LDS Church President Harold B. Lee.

Եթե ուսուցիչներն իմաստուն լինեին [Հիսուս Քրիստոսի արարման մասին] խոսելիս, որի մասին Տերը շատ քիչ բան է ասել, նրանք կավարտեին իրենց քննարկումը այս թեմայի վերաբերյալ միայն Ղուկաս 1.34-35 հատվածներում այս թեմայի մասին գրված բառերով: … Եկեք թույլ տանք Տիրոջն ավարտել Իր այս պատմությունն այս հայտարարությամբ և սպասենք, մինչև Նա հարկ համարի մեզ ավելին ասել:

(Հարոլդ Բ. Լիի ուսմունքները, խմբագրված՝ Քլայդ Ջ. Ուիլիամսի կողմից [1996], 14)

Հիսուսն ի՞նչ կարողացավ անել ծնողներից ժառանգած Իր հատկանիշների շնորհիվ

Նախագահ Էզրա Թավտ Բենսոնն (1899–1994) ուսուցանել է.

Photograph of President Ezra Taft Benson. He is seated in a leather chair in front of a fireplace. His hands are clasped in front of him and he is wearing a large turquoise ring on one finger. Official portrait. 1986

Երբ Տիեզերքի Մեծ Աստվածը բարեհաճեց ծնվել մահկանացու կնոջից, Նա Իրեն հանձնեց մահկանացության թուլություններին և «տարավ փորձություններ և մարմնի ցավ, քաղց, ծարավ և հոգնածություն, նույնիսկ ավելին, քան մարդ կարող է տանել և չմահանալ» ( Մոսիա 3.7): Այդ թուլությունները Նա ժառանգել էր Իր մահկանացու մորից: Բայց քանի որ Նրա հայրն Աստված էր, Հիսուս Քրիստոսն ուներ այնպիսի զորություն, որ ոչ մի մարդ երբևէ չէր ունեցել ու երբեք չի ունենա: Նա մարմնի մեջ ապրող Աստված էր. ավելին՝ նա Աստծո Որդին էր: Այդ զորությունը Նրան հնարավորություն տվեց հրաշքներ գործել, մեծ Քավություն միջով անցնել և Հարություն առնել: Եվ դրանք բոլորը Նրա աստվածայնության լրացուցիչ նշաններն են:

(Էզրա Թավտ Բենսոն, Հիսուս Քրիստոսի աստվածայնության հինգ նշանները, Ensign, դեկտեմբեր 2001, 10)

Մատթեոս 1.25

: Ի՞նչ է նշանակում, թե Հովսեփը «չգիտեր նրան [Մարիամին]»

Աստվածաշնչում իմանալ կամ ճանաչել եզրույթը կարող է վերաբերել սեռական հարաբերությանը (տես Ծննդոց 4.1): Հիսուսի ծնվելուց առաջ Հովսեփը սեռական հարաբերություն չէր ունեցել Մարիամի հետ: Այդ հանգամանքը ապացուցում է այն փաստը, որ նա չէր կարող լինել Հիսուսի հայրը, և որ Հիսուսի ծնունդը հրաշք էր:

Օժանդակ ուսումնական վարժություններ

Փրկիչի տիտղոսները

Կարող եք ուսումնասիրել Մատթեոս 1 և Ղուկաս 1 գլուխներում նշված Փրկիչի անուններն ու տիտղոսները: (Տեղեկությունների համար տես Աստվածաշնչի բառարանը, Թեմաների ուղեցույցը կամ Սուրբ գրքերի ուղեցույցը:) Ի՞նչ կարող ենք իմանալ Հիսուս Քրիստոսի մասին այս տիտղոսներից:Հիսուս ( Մատթեոս 1.21 , Ղուկաս 1.31)Էմմանուել ( Մատթեոս 1․23)Բարձրյալի Որդի ( Ղուկաս 1.32)Աստծո Որդի ( Ղուկաս 1.35)

Հովսեփի հնազանդությունը

Կարող եք ուսումնասիրել Հովսեփի մտորումներն այն բանից հետո, երբ նա իմացավ, որ Մարիամը հղի է: Հովսեփը Տիրոջ խորհրդին հավատքով հետևելու լավ օրինակ է (տես Մատթեոս 1.18-24):Ուսանողները կարող են դիտել «Առաջին Սուրբ ծնունդի ոգին» տեսաֆիլմը (6:41)՝ փնտրելով, թե Հովսեփը ինչ կարող էր զգալ՝ իմանալով, որ մեծացնելու է Աստծո Որդուն: Այս տեսաֆիլմը մատչելի է ChurchofJesusChrist.org կայքում:

6:41

The First Christmas Spirit