Ndjekja e Zotit dhe Arritja e Qëllimeve Tona Hyjnore
Pamja
Christ standing on a seashore. He is beckoning to two men who stand near Him. The two men are holding a fishing net over a small fire. Fishing boats and fishermen are visible in the background. The painting depicts Christ calling some of His Apostles or disciples.
Kur Simon Pjetri, Andrea, Jakobi dhe Gjoni mrekullisht kapën “një sasi të madhe peshku”, pasi Shpëtimtari i ftoi të “hidhni[n] rrjetat [e tyre]” (Lluka 5:4, 6), ata rrokën një pjesëz të asaj që mund të arrinin me ndihmën e Shpëtimtarit. Këta peshkatarë pastaj zgjodhën të linin gjithçka për të ndjekur Jezu Krishtin. Ky mësim ka për qëllim të të ndihmojë të ndiesh dëshirën për ta ndjekur Jezu Krishtin në mënyrë që Ai të mund të të ndihmojë të arrish shumë më tepër sesa mund të arrish ndonjëherë pa Të.
Mësojini nxënësit t’i “përshtat[in] [shkrimet e shenjta] [me] vet[en]” (1 Nefi 19:24). Përshtatja e shkrimeve të shenjta me veten do të thotë që t’i krahasojmë shkrimet e shenjta me jetën tonë. Nxitini nxënësit të pyetin: “Cilat situata në jetën time janë si këto në këtë fragment të shkrimit të shenjtë?” ose “Ku ngjasoj unë me njerëzit që po i studiojmë në shkrimet e shenjta?” Ndërkohë që nxënësit shohin ngjashmëritë midis përvojave të tyre vetjake dhe ngjarjeve që studiojnë në shkrimet e shenjta, ata do të jenë më mirë në gjendje të përcaktojnë doktrinën dhe parimet dhe t’i zbatojnë ato në jetën e tyre.
Përgatitja e nxënësve: Ftojini nxënësit të luten për të ditur qëllimin e Perëndisë për jetën e tyre. Nxënësit që kanë një bekim patriarkal mund ta lexojnë duke kërkuar atë që ua ka zbuluar Perëndia për qëllimet e jetës së tyre. Të tjerët mund të përfitojnë nga biseda me prindërit e tyre ose të kërkojnë pikëpamje në shkrimet e shenjta.
Veprimtari të Mundshme të të Mësuarit
Parimi qendror në këtë mësim është i ngjashëm me atë që theksohet te përvijimi për Mateun 4; Lluka 4–5 tek Eja, Më Ndiq – Për Individët dhe Familjet: Dhiata e Re, 2023. Merreni parasysh të shtoni mbi atë që nxënësit mund të kenë diskutuar tashmë në shtëpi dhe t’i ftoni ata t’ia tregojnë familjes atë që kanë mësuar në seminar.Idetë alternative për mësimin përfshihen në pjesën e mësimit “Veprimtari Plotësuese të të Mësuarit”.
Arritja e një qëllimi më të madh
Gjeni një minutë për të menduar për disa njerëz që arritën gjëra të mëdha sepse Perëndia i ndihmoi ta kuptonin qëllimin e tyre.
Merreni parasysh paraqitjen e figurave të individëve që nxënësit përmendin nga historia e Kishës ose nga shkrimet e shenjta. Disa figura mund të paraqiten edhe për t’ua kujtuar nxënësve këta individë. Nxënësve mund t’u vijnë ndërmend njerëz si Rebeka (shih Zanafilla 24:60), Maria (shih Lluka 1:28–31), Simon Pjetri (shih Mateu 4:18–19 , Lluka 5:10) ose Jozef Smithi (shih Joseph Smith – Historia 1:33).
Pse mund të jetë e rëndësishme që dikush ta kuptojë qëllimin e vet më të madh?
Çfarë dallimesh ke vënë re në jetën e njerëzve që e kuptojnë qëllimin e Perëndisë për ta dhe ata që nuk e kuptojnë atë qëllim?
Ky mësim do të përqendrohet te mënyra se si Jezu Krishti e ndihmoi Simon Pjetrin (i njohur edhe si Pjetri) të zbulojë se kishte një qëllim më të madh për të. Ndërsa studion, kërko prova për parimin që kur zgjedhim ta ndjekim Jezu Krishtin, Ai mund të na ndihmojë ta kuptojmë qëllimin më të madh për jetën tonë dhe ta arrijmë atë.
Merreni parasysh ta shkruani këtë parim në tabelë për t’i ndihmuar nxënësit ta kujtojnë atë ndërsa kërkojnë provë për këtë parim gjatë gjithë mësimit.
Jezu Krishti e thërret Simon Pjetrin që ta ndjekë
Pasi Shpëtimtari kishte kryer disa mrekulli në Judë, përfshirë shërimin e vjehrrës së Simon Pjetrit (shih Lluka 4:38–39), Ai shkoi në brigjet e Liqenit Genesaret (një emër tjetër për Detin e Galilesë). Ai hipi në barkën e peshkimit të Simon Pjetrit dhe u ul për t’i dhënë mësim grupit të madh të njerëzve në breg (shih Lluka 5:1–3). Kur Jezusi e mbaroi mësimin, Ai i bëri një ftesë Simon Pjetrit.
Nëse nxënësit lexojnë vargjet e mëposhtme si klasë, merrni parasysh t’i ftoni të ndalojnë pas leximit të një apo dy vargje dhe t’i ndihmoni të përfytyrojnë sikur janë Simon Pjetri. Ftojini të shprehin atë që mësojnë.
Lexo te Lluka 5:4–11 . Ndërsa lexon, përpiquni të përfytyrosh sikur je Simon Pjetri, një peshkatar me përvojë. Mund të jetë e dobishme të kuptosh se fraza zënë peshk do të thotë të kapësh peshk (shih vargun 4 ).
Cilat janë disa hollësi që mendon se janë të rëndësishme në këtë rrëfim? Përse?
Si mendon, çfarë mund të ketë qenë duke menduar apo ndier Pjetri?
Gjej një çast për të kërkuar ndonjë provë në këtë rrëfim të Jezu Krishtit duke ndihmuar Pjetrin të kuptojë se Zoti kishte një qëllim më të madh për të.
Çfarë mund të ketë mësuar Pjetri për veten e tij nga kjo përvojë me Shpëtimtarin?
Si mendon, pse Zoti dëshiron ta zgjerojë largpamësinë tonë për faktin se kush jemi dhe çfarë mund të bëjmë?
Përshtatja e përvojave të Simon Pjetrit me tonat
Ne mund të mësojmë më thellësisht nga ky rrëfim duke e krahasuar përvojën e Simon Pjetrit me përvojat që mund të kemi vetë. Kjo aftësi e studimit të shkrimeve të shenjta është ajo që Nefi i referohet në Librin e Mormonit kur thotë se “i përshtat[i] të gjitha shkrimet e shenjta për [veten]” ( 1 Nefi 19:23). Përshtatja e shkrimeve të shenjta me situatat tona vetjake mund të na ndihmojë të jemi “[të] bind[ur] më plotësisht … të beso[jmë] në Zotin, Shëlbuesin [tonë]” dhe mund të “jenë për përfitimin dhe mësimin tonë” ( 1 Nefi 19:23).Gjej një çast për ta krahasuar përvojën tënde me atë të Pjetrit duke bërë sa më poshtë:Ndaje në gjysmë një faqe në ditarin tënd të studimit, në mënyrë që në njërën anë të mund të renditësh hollësitë rreth përvojës së Pjetrit dhe në anën tjetër të mund të shohësh situatën tënde. Nëse është e nevojshme, drejtoju shkrimeve të shenjta dhe çfarëdo mjeti nga shkrimet e shenjta në dispozicion (për shembull, shih Udhëzuesi për Shkrimet e Shenjta, “ Pjetër ”, scriptures.ChurchofJesusChrist.org) për të të ndihmuar t’u përgjigjesh pyetjeve të mëposhtme.
Jepuani nxënësve informacionin e mëposhtëm në një fletushkë ose paraqiteni përpara klasës. Merrni parasysh të punoni së bashku për t’u përgjigjur për pyetjet rreth Pjetrit. Nxënësve pastaj mund t’u kërkohet të reflektojnë në heshtje dhe të shkruajnë për përvojat e tyre vetjake.
Përshtatja e Përvojave të Pjetrit me Jetën Tonë
Si mund ta kishte përshkruar veten Pjetri para se të takohej me Jezusin?
Si e përshkruaj unë veten?
Pjetri ishte i gatshëm ta ndiqte Jezu Krishtin dhe të hiqte dorë nga profesioni i tij si peshkatar (shih Lluka 5:11). Si e përfytyron se do të ndryshonte jeta e Pjetrit nëse nuk do të kishte zgjedhur ta ndiqte Shpëtimtarin?
Nga çfarë mund të më kërkohet të heq dorë për ta ndjekur Jezu Krishtin?
Si mund të ndikohet jeta ime nëse zgjedh të mos e ndjek Jezu Krishtin?
Si i përmbushi Pjetri qëllimet më të mëdha të Zotit për të në jetën e vet?
Mendo për shkrimet e shenjta, planin e shpëtimit, bekimet e priftërisë dhe, nëse gjen zbatim, bekimin tënd patriarkal.
Çfarë di unë rreth qëllimeve më të mëdha të Zotit për mua?
“Kur Pjetri u takua në fillim me Shpëtimtarin dhe dëshmoi fuqinë e Tij mrekullibërëse, ai e kuptoi se ishte ‘njeri mëkatar’ në nevojë të madhe për fuqinë shëlbuese të Shpëtimtarit ( Lluka 5:8). Fjalët e Pjetrit ilustrojnë se ndërsa i afrohemi Perëndisë, bëhemi të vetëdijshëm për mëkatin e padenjësinë tonë dhe dëshirojmë ndihmën e Tij për t’u bërë më shumë si Ai.”
(New Testament Student Manual [2018], ChurchofJesusChrist.org)
Çfarë mund të bëjë Zoti për ne teksa e ndjekim Atë?
Presidenti Ezra Taft Benson (1899–1994) dha mësim:
Pamja
Photograph of President Ezra Taft Benson. He is seated in a leather chair in front of a fireplace. His hands are clasped in front of him and he is wearing a large turquoise ring on one finger. Official portrait. 1986
“[Ata] që e kthejnë jetën e tyre nga Perëndia do të zbulojnë se Ai mund të bëjë shumë më tepër sesa ata prej jetës së tyre. Ai do t’i thellojë gëzimet e tyre, do t’u zgjerojë shikimin, do t’u zhdërvjelltësojë mendjet, do të forcojë muskujt, do të lartësojë shpirtrat, do të shumëfishojë bekimet, do të rritë mundësitë, do të ngushëllojë shpirtrat, do të sigurojë miq dhe do të mbushë me paqe. Kushdo që do ta humbasë jetën në shërbim të Perëndisë do të gjejë jetë të përjetshme.”
(Ezra Taft Benson, “Jesus Christ—Gifts and Expectations”, Ensign, dhjetor 1988, f. 4; Mësime të Presidentëve të Kishës: Ezra Taft Benson, f. 46.)
Veprimtari Plotësuese të të Mësuarit
Ftojini nxënësit të mendojnë për rëndësinë e të kuptuarit se cilët janë dhe cilët mund të bëhen duke ndjekur Shpëtimtarin Jezu Krisht. Nxënësit gjithashtu mund të përfitojnë nga të menduarit për pengesat me të cilat mund të përballen për të arritur potencialin e tyre më të madh. Kërkojuni nxënësve të marrin parasysh se cilat veprime do të ndërmarrin për t’i kapërcyer këto pengesa dhe për ta ndjekur Shpëtimtarin me besim.
Pjetri i la rrjetat e tij të peshkimit për ta ndjekur Shpëtimtarin
Ftojini nxënësit të diskutojnë për pasuritë e rëndësishme në jetën e tyre. Pastaj ndihmojini nxënësit të diskutojnë për rëndësinë e zgjedhjes për të ndjekur Jezu Krishtin mbi të gjitha gjërat e tjera.Lexo te Mateu 4:18–22 dhe diskuto se çfarë domethënie do të kishte për Pjetrin dhe peshkatarët e tjerë t’i “[linin] menjëherë rrjetat” ( vargu 20) për të ndjekur Jezu Krishtin.Merrni parasysh të përdorni pohimin në vijim nga Plaku Jozef B. Uirthlin (1917–2008), i Kuorumit të Dymbëdhjetë Apostujve, për t’i ndihmuar nxënësit të kuptojnë se çfarë mund të na pengojë vallë që ta pranojmë ftesën për ta ndjekur Jezu Krishtin:
Pamja
Photograph of President Ezra Taft Benson. He is seated in a leather chair in front of a fireplace. His hands are clasped in front of him and he is wearing a large turquoise ring on one finger. Official portrait. 1986
“Ne mund ta përkufizojmë një rrjetë si çdo gjë që na josh ose na pengon nga ndjekja e thirrjes së Jezu Krishtit, Birit të Perëndisë së gjallë.Rrjetat në këtë kontekst mund të jenë puna jonë, aktivitetet e parapëlqyera, kënaqësitë tona dhe mbi të gjitha, tundimet dhe mëkatet tona. Me pak fjalë, një rrjetë mund të jetë gjithçka që na tërheq larg marrëdhënies sonë me Atin tonë Qiellor ose nga Kisha e Tij e rivendosur.Më lejoni t’ju jap një shembull modern. Një kompjuter mund të jetë një mjet i dobishëm dhe i domosdoshëm. Por nëse e lejojmë ta gllabërojë kohën tonë me interesa të kota, joproduktive dhe nganjëherë shkatërrimtare, bëhet një rrjetë e ngatërruar.”
(Joseph B. Wirthlin, “Follow Me”, Ensign, maj 2002, f. 15.)
Ndihmojini nxënësit t’i njohin bekimet e ndjekjes së Jezu Krishtit duke iu kërkuar të përsiatin dhe të diskutojnë për pyetje si në vijim:
Çfarë mësojmë për Shpëtimtarin nga ftesa e Tij për ta ndjekur Atë?
Si jeni bekuar ju nga zgjedhja për të ndjekur Jezu Krishtin?
Ne bekohemi kur u bindemi urdhërimeve të Zotit, edhe pa i kuptuar plotësisht arsyet e Tij
Kërkojuni nxënësve të diskutojnë për vështirësitë e ndjekjes së udhëzimeve pa i kuptuar plotësisht arsyet për to. Nxënësit më pas mund të ftohen për të lexuar te Lluka 5:1–11 , duke kërkuar atë që Zoti i kërkoi Pjetrit të bënte dhe si u përgjigj ai.Nxënësit mund të përcaktojnë dhe diskutojnë parimin e mëposhtëm: Nëse bëjmë atë që kërkon Zoti edhe kur nuk i kuptojmë arsyet për urdhërimet e Tij, Ai mund të na bekojë më shumë sesa mund ta kishim parashikuar.Merrni parasysh t’i ftoni nxënësit të diskutojnë për rastet kur e kanë parë këtë parim të demonstrohet në jetën e tyre apo në jetën e të tjerëve.Shembuj të tjerë të bindjes ndaj Zotit pa i kuptuar arsyet për urdhrat e Tij mund të gjenden në përgjigjen e Nefit ndaj urdhërimit për të bërë dy grupe fletësh (shih 1 Nefi 9:5–6) dhe përfshirjen nga Mormoni të këtyre fletëve në Librin e Mormonit (shih Fjalët e Mormonit 1:6–7).