Лук 5:1–11
Их Эзэнийг дагаж, Тэнгэрлэг зорилгодоо хүрэх
Аврагч Симон, Петр, Андрей, Иаков, Иохан нарыг “[тороо] доошлуулах[ад]” (Лук 5:4, 6) урьсны дараа тэд гайхамшигтайгаар “маш олон загас” барьсан бөгөөд Аврагчийн тусламжтайгаар юу хийж чадахыг цухасхан харсан. Дараа нь энэ загасчид Есүс Христийг дагахын тулд бүхнээ орхихоор шийдсэн юм. Энэ хичээл нь Есүс Христийг дагах хүсэлтэй болоход танд туслах зорилготой бөгөөд ингэснээр Түүнгүйгээр хийж чадахгүй байх байсан зүйлийг хийж гүйцэтгэхэд Тэр танд туслах болно.
Суралцагчдад “[судруудыг] өөрсөдтэйгөө адилтгахыг” (1 Нифай 19:24) заа. Судрыг өөрсөдтэйгөө адилтгах гэдэг нь судруудыг өөрсдийн амьдралтай харьцуулж үзнэ гэсэн үг юм. Суралцагчдыг “Надад тохиолдсон ямар нөхцөл байдал судрын энэ хэсэгт өгүүлж буй нөхцөл байдалтай төстэй байна вэ?” эсвэл “Бидний судалж байгаа судар дээрх хүмүүстэй би ямар байдлаар адил байна вэ?” гэж асуухад урамшуул. Суралцагчид өөрсдийнх нь туршлага, судраас судалж буй үйл явдлууд хоорондоо ижил төстэйг харснаар сургаал, зарчмуудыг илүү сайн тодорхойлж, тэдгээрийг амьдралдаа илүү сайн хэрэгжүүлэх болно.
Суралцагчийн бэлтгэл: Бурханы амьдралд нь зориулсан зорилгыг мэдэхийн тулд залбирахад суралцагчдыг урь. Патриархын адислалаа авсан суралцагчид Бурхан тэдний амьдралын зорилгын талаар юу илчилсэн болохыг олж унших боломжтой. Заримд нь эцэг эхтэйгээ ярилцах эсвэл судруудаас ойлголт олж авах нь тустай байж болно.
Боломжит суралцах үйл ажиллагаа
Энэ хичээлийн гол зарчим Ирээд, Намайг дага—Хувь хүн, гэр бүлүүдэд зориулав: Шинэ Гэрээ 2023-ын Матай 4; Лук 4–5-ын тоймд онцолсон зарчимтай төстэй. Суралцагчдын гэртээ аль хэдийн ярилцсан байж болох зүйл дээр тулгуурлан, семинарт сурч мэдсэн зүйлээ гэр бүлийнхэнтэйгээ хуваалцахад урьж болох юм.Хичээлийн өөр санаануудыг “Нэмэлт суралцах үйл ажиллагаа” хэсэгт оруулсан.
Агуу зорилгод хүрэх
Бурхан зорилгоо ойлгоход нь тусалсан учраас агуу амжилтад хүрсэн зарим хүний талаар цаг гарган бод.
Сүмийн түүх эсвэл судруудаас суралцагчдын дурдсан хүмүүсийн зургийг үзүүлж болох юм. Энэ хүмүүсийг суралцагчдад сануулах хэд хэдэн зургийг үзүүлж болно. Суралцагчид Ребека ( Эхлэл 24:60 -ыг үзнэ үү), Мариа ( Лук 1:28–31 -ийг үзнэ үү), Симон Петр ( Матай 4:18–19 ; Лук 5:10 -ыг үзнэ үү) эсвэл Иосеф Смит ( Иосеф Смит—Түүх 1:33 -ыг үзнэ үү) зэрэг хүмүүсийг бодож болох юм.
-
Өөрсдийн агуу зорилгыг ойлгох нь яагаад хэн нэгэнд чухал байж болох вэ?
-
Бурханы өөрсдөд нь зориулсан зорилгыг ойлгодог, ойлгодоггүй хүмүүсийн амьдрал хоорондоо ямар ялгаатай байхыг та анзаарсан бэ?
Энэ хичээл Есүс Христ Симон Петрт (Петр гэх нэрээр нь сайн мэддэг) өөрт нь зориулсан илүү агуу зорилго байгаа гэдгийг олж мэдэхэд хэрхэн тусалсанд төвлөрнө. Судалж байхдаа та Есүс Христийг дагахаар сонгоход, Тэрээр бидэнд амьдралдаа агуу зорилготой гэдгээ ойлгож, зорилгодоо хүрэхэд тусалж чадна гэсэн зарчмын нотолгоог олж мэд.
Суралцагчдыг хичээлийн туршид энэ зарчмын нотолгоог хайж байх үед үүнийг нь сануулж туслахын тулд самбарт бичиж болох юм.
Есүс Христ Симон Петрийг Өөрийг нь дага хэмээн дуудав
Аврагч Симон Петрийн хадам эхийг эдгээсэн ( Лук 4:38–39 -ийг үзнэ үү) гэх мэт хэдэн гайхамшгийг Иудейд үйлдсэнийхээ дараа Геннесаретын нуурын (Галил тэнгисийн өөр нэр) эрэг рүү явсан. Тэрээр Симон Петрийн завин дээр гарч суугаад, эрэг дээрх ард олонд сургаалаа айлджээ ( Лук 5:1–3 -ыг үзнэ үү). Есүс зааж дуусаад, Симон Петрт нэгэн урилга өгдөг.
Хэрэв суралцагчид дараах шүлгүүдийг ангиараа унших бол нэг эсвэл хоёр шүлгийг уншиж дууссаных нь дараа түр зогсоож, өөрсдийгөө Симон Петр гэж төсөөлөхөд тэдэнд тусалж болох юм. Сурч мэдсэн зүйлээ илэрхийлэхэд тэднийг урь.
Лук 5:4–11 -ийг унш. Та уншиж байхдаа өөрийгөө туршлагатай загасчин Симон Петр гэж төсөөлөөрэй. Доошлуул гэдэг нь загас барих эсвэл загасчлах гэсэн утгатайг ойлгуулах нь тустай байж болох юм ( 4-р шүлэг , зүүлт тайлбар а-г үзнэ үү).
-
Энэ цэдгийн ямар үйл явдал танд чухал санагдаж байна вэ? Яагаад?
-
Та Петрийг юу бодож, мэдэрч байсан гэж бодож байна вэ?
Петрт зориулсан агуу зорилго Их Эзэнд байгааг ойлгоход нь Есүс Христ Петрт тусалсан аливаа нотолгоог цаг гарган олж мэд.
-
Петр Аврагчаас олж авсан энэ туршлагаасаа өөрийнхөө талаар юу мэдэж авсан байж болох вэ?
-
Яагаад Их Эзэн биднээс өөрсдийн хэн болох, юу хийж чадах талаарх алсын харааг өргөжүүлээсэй хэмээн хүсдэг гэж та бодож байна вэ?
Симон Петрийн туршлагыг өөрсдийнхтэйгөө адилтгах
Бид Симон Петрийн туршлагыг өөрсдийн авч болох туршлагатай харьцуулснаар илүү гүнзгий суралцаж болно. Энэхүү судраас суралцах ур чадвар нь Мормоны Номд “бүх судрыг [өөрсөдтэйгөө] адилтгасан” ( 1 Нифай 19:23) хэмээн Нифайн дурдсан тэр зүйл юм. Судруудыг өөрсдийн хувийн нөхцөл байдалтай адилтган үзэх нь бидэнд “Их Эзэн [өөрсдийн] Гэтэлгэгчид итгэхийг илүү бүрэн дүүрнээр ятга[хад]” тусалж, “бидэнд эрдэм болон тус” ( 1 Нифай 19:23) болж болно.Дараах зүйлийг гүйцэтгэж, өөрийн туршлагыг Петрийнхтэй харьцуулж үз.Судлах тэмдэглэлийнхээ нэг хуудсыг дундуур нь хуваагаад, нэг талд нь Петрийн туршлагыг дэлгэрэнгүй жагсаан бичиж, нөгөө талд нь өөрийнхөө нөхцөл байдлыг жагсаа. Шаардлагатай бол дараах асуултуудад хариулахад туслах судруудыг болон боломжтой судрын хэрэгслүүдийг ашигла (жишээлбэл, Библийн толь бичиг, “ Петр ,” Судруудын удирдамж, “ Петр ,” scriptures.ChurchofJesusChrist.org-ийг үзнэ үү).
Суралцагчдад дараах мэдээллийг тараах материал болгон өг эсвэл самбарын өмнө тавьж үзүүл. Петрийн тухай асуултуудад хариулахын тулд хамтран ажиллаж болох юм. Дараа нь хувийн туршлагаа дотроо эргэцүүлэн бодож, бичиж тэмдэглэхийг суралцагчдаас хүсэж болно.
Петрийн туршлагыг өөрсдийн амьдралтай адилтгах | |
Петр Есүстэй уулзахын өмнөх өөрийгөө хэрхэн дүрслэх байсан бэ? |
Би өөрийгөө хэрхэн дүрслэх вэ? |
Петр Есүс Христийг дагаж, загасчны амьдралаа орхиход бэлэн байсан (Лук 5:11-ийг үзнэ үү). Хэрэв Петр Аврагчийг дагахыг сонгоогүй байсан бол түүний амьдрал хэр өөр байх байсан гэж та төсөөлж байна вэ? |
Есүс Христийг дагахын тулд юунаас татгалзахыг надаас хүсэж болох вэ? Есүс Христийг дагахгүй байхыг сонговол энэ нь миний амьдралд хэрхэн нөлөөлж болох вэ? |
Петр Их Эзэний түүнд зориулсан агуу зорилгыг амьдралынхаа туршид хэрхэн гүйцэлдүүлсэн бэ? |
Судрууд, авралын төлөвлөгөө, санваарын адислалууд зэргийн тухай болон хэрэв авсан бол патриархын адислалынхаа тухай бод. Их Эзэний надад зориулсан агуу зорилгын талаар би юу мэдэх вэ? Зорилгын маань талаарх ямар ямар асуулт надад байдаг вэ? |
-
Судруудыг өөрсөдтэйгөө адилтган үзэх нь Есүс Христийн тухай илүү ихийг мэдэхэд эсвэл Түүнд улам итгэлтэй болоход танд хэрхэн тусалсан бэ?
-
Есүс Христийг дагахыг сонгосноор бид амьдралынхаа агуу зорилгод хүрч чадна гэсэн ямар нотолгоог та олсон бэ?
-
Зорилгоо ойлгох нь хэн нэгэнд эергээр нөлөөлж буйг та хэзээ ажиглаж байсан бэ?
-
Та өнөөдрийн мэдэрсэн, сурч мэдсэн зүйлийнхээ үр дүнд юу хийх вэ?
Тайлбар ба нөхцөл байдлын талаарх мэдээлэл
Лук 5:8 . Яагаад Петр өөрийгөө “нүгэлт хүн” гэсэн бэ?
Петр анх Аврагчтай уулзаж, Түүний гайхамшигт хүчийг өөрийн нүдээр хараад, өөрийгөө Аврагчийн гэтэлгэх хүч нэн даруй шаардлагатай “нүгэлт хүн” юм байна гэдгийг олж харжээ ( Лук 5:8). Бид Бурхантай ойртох тусам нүгэлт, зохисгүй байдлаа ухамсарлахын зэрэгцээ Түүнтэй илүү адил болохын тулд Түүний тусламжийг хүлээн авахыг хүсдэг гэдгийг Петрийн хэлсэн үг харуулдаг.
(Шинэ Гэрээний суралцагчийн гарын авлага [2018], ChurchofJesusChrist.org)
Түүнийг дагахад Их Эзэн бидэнд зориулан юу хийж чадах вэ?
Ерөнхийлөгч Эзра Тафт Бэнсон (1899–1994) ийн заасан.
ЗурагPhotograph of President Ezra Taft Benson. He is seated in a leather chair in front of a fireplace. His hands are clasped in front of him and he is wearing a large turquoise ring on one finger. Official portrait. 1986Амьдралаа Бурханд зориулдаг эрэгтэй, эмэгтэйчүүд Бурхан тэдний амьдралыг өөрсдөө бие дааж шийдвэрлэхээс хамаагүй илүү үр бүтээлтэй болгож чаддаг гэдгийг олж мэддэг. Тэрээр тэдний баяр баясгаланг нэмэгдүүлж, зөн билгийг өргөжүүлэн, оюун ухааныг хурцалж мөн булчинг чангаруулан, сэтгэл санааг өргөж, адислалуудыг олшруулж, түүнчлэн боломжуудыг нь өсгөн, бодгалийг нь тайтгаруулж, найзуудыг нь нэмж, амар амгаланг тэдэн дээр юүлэх болно. Бурханд үйлчлэхэд амь насаа зориулсан хэн боловч мөнх амьдралыг олж авах болно.
(Ezra Taft Benson, “Jesus Christ—Gifts and Expectations,” Ensign, Dec. 1988, 4)
Нэмэлт суралцах үйл ажиллагаа
Видео бичлэг: “Finding Your Purpose in Life: Does Faith Matter?”
ChurchofJesusChrist.org дээрх “Finding Your Purpose in Life: Does Faith Matter” видео бичлэгийг үзүүлж болох юм. Өөрсдийнхөө хэн болохыг мөн Аврагч Есүс Христийг дагаснаар хэн болж чадахыг ойлгохын ач холбогдлын талаар бодоход суралцагчдыг урь. Мөн чадавхдаа бүрэн хүрэхэд тулгарч болох саад бэрхшээлийн талаар бодох нь суралцагчдад тустай байж болох юм. Эдгээр бэрхшээлийг даван туулж, Аврагчийг итгэлтэй дагахын тулд ямар үйлдэл хийхээ бодохыг суралцагчдаас хүс.
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2Fdf%2Fe9%2Fdfe92ef8f4d9cfe758e79f1f7450fecbfe56ca88%2Fhow_can_i_overcome_doubt_with_faith_sunday_school.jpg/full/!250,/0/default)
Петр Аврагчийг дагахын тулд загасны тороо орхиж явдаг
Суралцагчдыг амьдралд нь чухал болох эд зүйлсийн талаар ярилцахад урь. Дараа нь бүх зүйлээс илүү Есүс Христийг дагахыг сонгохын ач холбогдлын талаар ярилцахад суралцагчдад тусал. Матай 4:18–22 -ыг уншаад, Петрт болон бусад загасчны хувьд Есүс Христийг дагахаар “тэр даруй тороо [орхиж]” ( 20-р шүлэг) явсан нь ямар утга учиртай болохыг авч хэлэлц.Арван хоёр Төлөөлөгчийн Чуулгын ахлагч Жозэф Б. Вөртлиний (1917–2008) дараах мэдэгдлийг ашигла. Энэ нь Есүс Христийг дагах урилгыг хүлээн авахад нь юу саад болж болохыг олж харахад суралцагчдад тусална.
ЗурагPhotograph of President Ezra Taft Benson. He is seated in a leather chair in front of a fireplace. His hands are clasped in front of him and he is wearing a large turquoise ring on one finger. Official portrait. 1986Бид амьд Бурханы Хүү Есүс Христийн дуудлагыг дагахаас биднийг уруу татах эсвэл саатуулах аливаа зүйлийг тор гэж тодорхойлж болно. Энэ утгаараа тор нь бидний ажил, хобби, таашаал авдаг зүйлс болон юуны өмнө уруу таталт, гэм нүглүүд байж болно. Товчоор хэлбэл, тор нь Тэнгэрлэг Эцэгтэй харьцахаас эсвэл Түүний сэргээгдсэн Сүмээс биднийг холдуулах ямар ч зүйл байж болно. Би орчин үеийн нэгэн жишээг хуваалцъя. Компьютер юугаар ч орлуулшгүй, хэрэгцээтэй хэрэгсэл байж болно. Гэхдээ бид өөрсдийн цаг завыг үр дүнгүй, ашиггүй, заримдаа бүр хор хөнөөлтэй зүйлд зарцуулахад ашиглах юм бол энэ нь орооцолдсон тор болдог.
(Joseph B. Wirthlin, “Follow Me,” Ensign, May 2002, 15)
Дараах асуултуудыг тунгаан бодож, авч хэлэлцэх замаар Есүс Христийг дагаснаар хүлээн авах адислалуудыг олж харахад суралцагчдад тусал.
-
Өөрийг нь дагах Түүний урилгаас бид Аврагчийн тухай юуг мэдэж авдаг вэ?
-
Та Есүс Христийг дагахыг сонгосноор хэрхэн адислагдаж байсан бэ?
Бид учир шалтгааныг нь бүрэн ойлгохгүй байсан ч Их Эзэний зарлигуудыг дагаснаар адислагддаг
Учир шалтгааныг нь бүрэн ойлголгүйгээр удирдамж зааврыг дагаж мөрдөхөд бэрхшээлтэй байдаг талаар ярилцахыг суралцагчдаас хүс. Дараа нь суралцагчдыг Лук 5:1–11 -ийг уншаад, Их Эзэн Петрээс юу хийхийг хүссэн мөн тэр үүнд хэрхэн хариулсан талаар олж мэдэхэд урь.Суралцагчид Хэрэв бид Их Эзэний зарлигуудын учир шалтгааныг сайн ойлгоогүй ч Түүний хүссэн зүйлийг хийвэл Тэр биднийг төсөөлж байснаас маань илүү ихээр адислах болно гэсэн зарчмыг тодорхойлж, ярилцаж болно.Энэ зарчим тэдний болон бусдын амьдралд хэрхэн хэрэгжиж байхыг харж байсан үеийн талаар ярилцахад суралцагчдыг урьж болох юм.Зарлигуудынх нь учир шалтгааныг сайн ойлгохгүй байсан ч Их Эзэнд дуулгавартай байсан өөр бусад жишээг хоёр багц ялтсыг хийх зарлигт өгсөн Нифайн хариултаас ( 1 Нифай 9:5–6 -г үзнэ үү) болон эдгээр ялтсыг Мормоны Номд оруулсан Мормоны жишээнээс ( Мормоны Үгс 1:6–7 -г үзнэ үү) олж харах боломжтой.