Матай 4:1–11, 2-р хэсэг
Уруу таталтыг эсэргүүцэх Аврагчийн үлгэр жишээг дагах
Энэ хичээлээр Аврагч хэрхэн уруу таталтыг эсэргүүцсэн талаар үргэлжлүүлэн судална. Энэ хичээл нь амьдралдаа уруу таталтыг эсэргүүцэхийн тулд Түүний үлгэр жишээг дагаж, судрын үнэнийг эргэн санахад тусалж чадна.
Gospel Library аппликэйшныг ашиглах Gospel Library аппликэйшны үйлдлүүдтэй сайтар танилцаж, тодруулан зурах, холбох, тааглах, хуваалцах, хайх, тэмдэглэл ашиглах маягаар судар судлахуйгаа сайжруулаарай. Ийн үйлдэх нь хичээлд бэлтгэх, аппликэйшн ашиглахад суралцагчдад хэрхэн тусалж болох талаар мэдэж авахад танд тусална.
Суралцагчийн бэлтгэл: Уруу таталтыг эсэргүүцэхэд тэдэнд туслах нэг эсвэл хоёр судрын хэсгийг хуваалцахаар бэлдэж ирэхэд суралцагчдыг урь. Хэрэв тэд олж чадахгүй бол эцэг эх, гэр бүлийн бусад гишүүнээс эсвэл Сүмийн удирдагчаасаа асуухад тэднийг урамшуул.
Боломжит суралцах үйл ажиллагаа
Уруу таталтыг эсэргүүцэх
Хэрэв Матай 4:1–11-ийн эхний хичээлийг энэ хичээл орохоос өмнө заагаагүй бол эргэн харж, энэ хичээлийг зохих ёсоор тохируулан өөрчлөх талаар бодож үз.
Хичээл эхлэхэд зориулсан өөр үйл ажиллагаа энэ хичээлийн “Нэмэлт суралцах үйл ажиллагаа” хэсэгт байгаа.
Дараах жишээг авч хэлэлцэхдээ, өөрсдөдөө тулгарч буй тодорхой уруу таталтын талаар ангийнхантайгаа хуваалцахгүй байхад суралцагчдыг урь.
Таны найз Иаков уруу таталтыг эсэргүүцэж чадахгүй байгаагаа танд хэлсэн гэж төсөөлье. Тэр эсэргүүцэхийг үнэхээр хүсдэг ч уруу таталттай тулгарах үедээ яг юу хийхээ мэдэхгүй байгаагаа тайлбарлав.
-
Та түүнтэй юуг мөн яагаад хуваалцах вэ?
Матай 4:1–11-д цэдэглэсэн, Сатаны уруу таталттай нүүр тулж, эсэргүүцсэн Аврагчийн туршлагыг сануул. Үүнийг үйлдсэн нэг арга зам бол Тэрээр судруудаас сурч мэдсэн үнэнийг эргэн санаж, амьдралдаа хэрэгжүүлэх нь уруу таталтыг эсэргүүцэхийн тулд Их Эзэний хүчинд тулгуурлахад бидэнд тусална гэсэн зарчмыг үлгэрлэн харуулсан. Maтай 4:1–11 -ийг судал. 4, 7, 10-р шүлгүүд дээр төвлөрөөд, Аврагч энэхүү зарчмыг хэрхэн хэрэгжүүлснийг олж мэд. Есүс “бичигдсэн байдаг” хэмээн хэлэхдээ, судруудад бичигдсэн үгсийг хэлснийг анхаар.
-
Аврагчийн эш татсан судрын хэсгүүд Түүний даван туулсан уруу таталттай хэрхэн холбогддог вэ?
Уруу таталтыг эсэргүүцэхэд яагаад тусламж хэрэгтэй болох талаар өөрийн бодлыг хэдэн минутад бич. Дараа нь дараах асуултуудад хариул. Үүнд:
Суралцагчид ангийнхантайгаа хуваалцахынхаа өмнө судлах тэмдэглэл дээрээ дараах асуултуудад хариулах нь ашиг тустай байж болох юм.
-
Та уруу таталтыг эсэргүүцэхэд тусламж авахын тулд судраар дамжуулан Их Эзэнд хэр ойр ойрхон ханддаг вэ? Яагаад?
-
Уруу таталтыг эсэргүүцэхэд тусламж авахын тулд судраар дамжуулан Их Эзэнд хандаж байсан ямар туршлага танд байгаа вэ?
Дараах дасгалуудыг ангиараа, хосоороо эсвэл жижиг бүлгээр ажиллаж, суралцагчдын хариултыг самбарт бичих талаар бодож үз. Хэрэв Матай 4:1–11-р хичээлийн 1-р хэсгийг аль хэдийн заасан бол тус хичээлийн үеэр тодорхойлсон уруу таталтаа судлах тэмдэглэлээ ашиглан эргэж санахад суралцагчдыг урьж болох юм.Суралцагчдыг хичээлд бэлтгэхдээ олж мэдсэн судрын хэсгүүдээ эргэцүүлэн бодож, эшлэл болгон ашиглахад урь.
-
Таны насны өсвөр үеийнхэнд түгээмэл тулгардаг уруу таталтуудыг тодорхойлж, жагсаан бич.
-
Эдгээр уруу таталт тус бүрд туслах судрын хэсгүүдийг тодорхойлохын зэрэгцээ хэсэг тус бүр хэрхэн тус болохыг товч тайлбартай нь хамт тодорхойлж, жагсаа.
Жишээлбэл, 3 Нифай 18:15 дээрх Аврагчийн үгс уруу таталтыг эсэргүүцэхийн тулд уруу таталт тулгарна гэдгийг үргэлж ухамсарлаж, хичээнгүйлэн залбирах ёстой гэдгийг ойлгоход танд тусалж болох юм.Хэрэв та тус болох судруудыг олж чадахгүй байвал төгс эзэмших сургаалын судрын хэсгүүдээс эсвэл Судруудын удирдамж дээрх “ Уруу таталт, уруу татах ,” “ Тэсвэрлэх ” зэрэг уруу таталт эсвэл тодорхой нэг уруу таталттай холбоотой сэдвийн доорх эшлэлүүдээс хайж олж болно.
Хэрэв суралцагчид цахим судар ашигладаг бол тааг хэрхэн үүсгэхийг ойлгуулан туслахын тулд дараахыг ашигла.
Эдгээр судрын хэсгийг ялгарахаар тэмдэглээд, өөрийн судар эсвэл судлах тэмдэглэл дээр амархан олдох газар жагсаалт гаргаж болно. Хэрэв та цахим судар ашигладаг бол тааг (тэмдэглэгээ) үүсгэн, үүн дээр судрын хэсгүүдийг нэмж болно. Үүнийг хийж сурах хэрэгтэй бол ChurchofJesusChrist.org дээрх Gospel Library-ийн хэрэглэгчийн гарын авлага (Android) эсвэл Gospel Library хэрэглэгчийн гарын авлага (iOS) руу орно уу. “Илүү ихийг сурч мэдэх” гарчгийн доорх Агуулгыг тэмдэглэх гэдгийг сонго.
Дараах үйл ажиллагаа, зааварчилгааг үзүүлээд, аль сонголт нь тэдний шаардлагад хамгийн сайн нийцэхийг тодорхойлоход тусал.
Энд Аврагчийн үлгэр жишээг дагаж, судруудаас хүч чадал хүлээн авч чадах янз бүрийн арга бий.Уруу таталтыг эсэргүүцэхийн тулд Аврагчийн үлгэр жишээг дагахад туслах A эсвэл Б үйл ажиллагааг гүйцэтгэхээр сонго. Аль үйл ажиллагаа танд хамгийн ашиг тустай болохыг шийдэхдээ Ариун Сүнсний өдөөлтийг эрэлхийл.
Үйл ажиллагаа А: Цээжлэх
Тодорхойлсон судрын эшлэлүүдээс нэгийг сонгоод, түлхүүр үг хэллэгийг нь эсвэл бүхэлд нь цээжил. Дараах арга барилууд тусалж болох юм. Үүнд:
-
Үүнийг дотроо хэд хэдэн удаа уншаад, унших бүрдээ судраас аль болох бага харах;
-
Судрын хэсэг эсвэл үг хэллэгийг бичиж тэмдэглэх; Цээжилсэн үгсээ арилгаж эсвэл баллаад, бүх үгийг арилгаж эсвэл баллах хүртэл буюу бүгдийг нь цээжээр уншиж чаддаг болтлоо давтах;
-
Судрыг Doctrinal Mastery аппликэйшн руу зөөж оруулаад, аппликэйшны цээжлэхэд туслах хэрэгслийг ашиглах зэрэг юм.
Үйл ажиллагаа Б: Тунгаан бодож, бичих
Тогтмол судраас суралцах нь амьдралд уруу таталтыг эсэргүүцэхэд хэрхэн туслахыг эсвэл ийн суралцах хүчин чармайлтаа нэмэгдүүлснээр хүртэх боломжтой адислалуудаа нэмэгдүүлэхийн тулд юуг өөрчилж болохыг тунгаан бод.Бусдын судраас суралцах хүсэл эрмэлзлийг нэмэгдүүлэхэд туслах постыг олон нийтийн медиа хэрэгсэл эсвэл блог дээр тавь. Тэдэнд уруу таталтыг эсэргүүцэхэд нь туслах Их Эзэний хүчийг эрэлхийлэхэд туслах арга замыг бич. Өнөөдөр тодорхойлсон ядаж нэг судрын эшлэлээ оруул. Мөн та уруу таталтын талаар ямар нэгэн мэдээлэл хуваалцахгүйгээр үүнийг эсэргүүцэх чадварыг тань сайжруулсан судартай холбоотой туршлагаа хуваалцаж болно.
Хангалттай цаг гаргаж өгсний дараа үйл ажиллагааныхаа үр дүнг хуваалцахад суралцагчдыг урьж болох юм. Дараа нь судлах тэмдэглэл дээрээ дараах асуултуудад хариулж бичихэд суралцагчдыг урь.
Хувийн эргэцүүлэл
Төгсгөлд нь, өнөөдөр юу сурч мэдсэнээ эргэцүүлээд, дараах асуултуудад өгөх хариултаа тунгаан бод.
-
Өнөөдрийн хийсэн зүйл (судруудаас суралцах, тэдгээрийг цээжлэх, эргэн санах) дээрээ суурилах нь Есүс Христтэй илүү адил болоход танд хэрхэн туслах вэ?
-
Та юу хийж эхлэх юм уу юу хийж болох эсвэл юуг үргэлжлүүлэн хийх талаар юу бодож байна вэ?
Тайлбар ба нөхцөл байдлын талаарх мэдээлэл
Судраас суралцах нь надад хэрхэн туслах вэ?
Мормоны Номоос тогтмол суралцах нь хэрхэн бидэнд уруу таталтыг эсэргүүцэх хүчийг өгдгийг ерөнхийлөгч Рассэлл М.Нэлсон ийн тайлбарласан.
Хайрт ах, эгч нар аа, та нар өдөр бүр Мормоны Номыг залбирч судалбал өдөр бүр илүү сайн шийдвэр гаргадаг болно гэдгийг би амлаж байна. Судалж байгаа зүйлийнхээ талаар эргэцүүлэн бодох үед тэнгэрийн цонх нээгдэн, та нар асуултуудынхаа хариултыг болон хувийнхаа амьдралд удирдамж хүлээн авах болно гэдгийг би амлая. Та нар өдөр болгон Мормоны Номд өөрсдийгөө эзэмдүүлбэл порнографын болон биднийг хэврэг болгох өөр бусад донтолтын салдаггүй тахлын эсрэг мөн тухайн өдрийн хилэнцийн эсрэг дархлаатай болох боломжтой гэдгийг би амлаж байна.
(Рассэлл М.Нэлсон, “Мормоны Ном: Үүнгүйгээр таны амьдрал ямар байх байсан бэ?,” Ensign, Nov. 2017, 62–63 эсвэл 2017 оны 10-р сарын Ерөнхий чуулган, 55–59)
Судруудыг цээжлэх нь надад хэрхэн туслах вэ?
Арван хоёр Төлөөлөгчийн Чуулгын ахлагч Ричард Г.Скотт (1928–2015) ийн заасан.
Технологийг амьдралынхаа хэсэг болгоход ухаалаг хандаарай. Электрон хэрэгсэл дээрээ чухал судруудыг тэмдэглэж, үе үе эргэн харж бай. Хэрэв залуус та нар олон удаа мессеж илгээдэг шигээ судрын аль нэг шүлгийг олон удаа дүгнэж харах юм бол та нар удахгүй судрын хэдэн зуун хэсгийг цээжилж чадна. Судрын эдгээр хэсэг нь хэрэгтэй цаг үед сүнслэг нөлөө болон Ариун Сүнсний удирдамжийн нэн хүчтэй эх сурвалж болж чадна.
(Ричард Г.Скотт, “Гэр орон дахь амар амгалангийн төлөө,” Ensign, May 2013, 30 эсвэл 2013 оны 4-р сарын Ерөнхий чуулган, 34)
Нэмэлт суралцах үйл ажиллагаа
Судрууд сайн найз шиг байж чадна
Судруудыг цээжилж, эргэн санах нь сайн найз нөхөдтэй байхтай юугаараа ижил төстэй болохыг олж харахад суралцагчдад туслах үүднээс дараах мэдэгдлийг ашиглан хичээлийг өөр арга замаар эхлүүлж болох юм.Арван хоёр Төлөөлөгчийн Чуулгын ахлагч Ричард Г. Скотт (1928–2015) ийн хэлсэн.
“[Судрууд] нь газар зүйгээр болон хуанлигаар хязгаарлагддаггүй үнэнч нөхөд болж чадна. Хэрэгцээтэй ямар ч үед тэд туслахад бэлэн байдаг. … Судруудыг судлах, тунгаан бодох, судруудаас эрж хайх болон цээжлэх нь дэлхий дээр хэзээ ч, хаана ч хандаж болох найз нөхөд, үнэт зүйлстэй болон үнэнүүдээр дүүргэсэн бичиг баримтын шүүгээтэй байхтай адил юм.”
(Ричард Ж.Скотт, “Судрын хүч,”Ensign, Nov. 2011, 6 эсвэл 2011 оны 10-р сарын Ерөнхий чуулган, 5, 6)
Мацаг барих нь уруу таталтыг эсэргүүцэхэд бидэнд тусална
Хэрэв суралцагчдад тустай гэж үзвэл, хичээл дээр мөн уруу таталтыг эсэргүүцэхэд туслах мацаг барихын хүч дээр төвлөрч болох юм. Дараах эх сурвалжуудыг ашиглаж болно. Үүнд:
-
Shayne M. Bowen, “Fasting with Power,” Ensign, Apr. 2009, 64–67
-
Carl B. Pratt, “The Blessings of a Proper Fast,” Ensign эсвэл Liahona, Nov. 2004, 47–49
-
Joseph B. Wirthlin, “The Law of the Fast,” Ensign, May 2001, 73–75
“Тунгаан бод”
“My Heart Pondereth Them Continually” видео бичлэгийг цагийн код 1:18-аас 2:54 хүртэл үзэхэд суралцагчдыг урь. Энэ видео бичлэг ChurchofJesusChrist.org дээр байгаа. Судруудаас сурч мэдсэн үнэнийг эргэн санаж, амьдралдаа хэрэгжүүлэх нь уруу таталтыг эсэргүүцэхдээ Их Эзэний хүчинд тулгуурлахад бидэнд тусална гэсэн үнэнийг амьдралдаа хэрэгжүүлэхэд суралцагчдад туслах Дуррант ахын санал болгосон санаануудыг ашигла.Хэрэв энэ нь суралцагчдад тус болохоор бол Дуррант ахын хэлсэн үгийнхээ төгсгөлд дурдсан зарим жишээг хуваалц.
