ម៉ាកុស ២:១

ព្រះគម្ពីរសញ្ញាថ្មី សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា ( ឆ្នាំ ២០២៣ )

មាតិកា
ទំព័រចំណងជើង
សេចក្តីផ្តើម ព្រះគម្ពីរសញ្ញាថ្មី សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា
ឯកសារណែនាំ
ម៉ាថាយ ១; លូកា ១
ទិដ្ឋភាពទូទៅនៃ ម៉ាថាយ ២; លូកា ២
យ៉ូហាន ១
ម៉ាថាយ ៣; ម៉ាកុស ១; លូកា ៣
ម៉ាថាយ ៤; លូកា ៤–៥
យ៉ូហាន ២–៤
ម៉ាថាយ ៥; លូកា ៦
ម៉ាថាយ ៦–៧
ម៉ាថាយ ៨; ម៉ាកុស ២–៤; លូកា ៧
ម៉ាថាយ ៩–១០; ម៉ាកុស ៥; លូកា ៩
ម៉ាថាយ ១១–១២; លូកា ១១
ម៉ាថាយ ១៣; លូកា ៨, ១៣
ម៉ាថាយ ១៤; ម៉ាកុស ៦; យ៉ូហាន ៥–៦
ម៉ាថាយ ១៥–១៧; ម៉ាកុស ៧–៩
ម៉ាថាយ ១៨; លូកា ១០
យ៉ូហាន ៧–១០
លូកា ១២–១៧, យ៉ូហាន ១១
ម៉ាថាយ ១៩–២០; ម៉ាកុស ១០; លូកា ១៨
ម៉ាថាយ ២១–២៣; ម៉ាកុស ១១; លូកា ១៩–២០; យ៉ូហាន ១២
យ៉ូសែប ស្ម៊ីធ—ម៉ាថាយ ១; ម៉ាថាយ ២៥; ម៉ាកុស ១២–១៣; លូកា ២១
ម៉ាថាយ ២៦; ម៉ាកុស ១៤; យ៉ូហាន ១៣
យ៉ូហាន ១៤–១៧
លូកា ២២; យ៉ូហាន ១៨
ម៉ាថាយ ២៧; ម៉ាកុស ១៥; លូកា ២៣; យ៉ូហាន ១៩
ម៉ាថាយ ២៨; ម៉ាកុស ១៦; លូកា ២៤; យ៉ូហាន ២០–២១
កិច្ចការ ១–៥
កិច្ចការ ៦–៩
កិច្ចការ ១០–១៥
កិច្ចការ ១៦–២១
កិច្ចការ ២២–២៨
រ៉ូម ១–៦
រ៉ូម ៧–១៦
កូរិនថូស ទី១ ១–៧
កូរិនថូស ទី១ ៨–១៣
កូរិនថូស ទី១ ១៤–១៦
កូរិនថូស ទី២ ១–៧
កូរិនថូស ទី២ ៨–១៣
កាឡាទី
អេភេសូរ
ភីលីព; កូល៉ុស
ថែស្សាឡូនីច ទី១–២
ធីម៉ូថេ ទី១–ទី២, ទីតុស, ភីលេម៉ូន
ហេព្រើរ ១–៦
ហេព្រើរ ៧–១៣
យ៉ាកុប
ពេត្រុសទី ១–២
យ៉ូហាន ទី១–ទី៣; យូដាស
វិវរណៈ ១–៥
វិវរណៈ ៦–១៤
វិវរណៈ ១៥–២២
ឧបសម្ព័ន្ធ

ម៉ាកុស ២:១–១២

ព្រះយេស៊ូវប្រោសមនុស្សខ្វិនម្នាក់ឲ្យជា

ព្រះអង្គសង្គ្រោះកំពុងទតមើលបុរសម្នាក់ដែលកំពុងដេកនៅលើដីនៅចំពោះទ្រង់ ។ បុរសរូបនោះរុំក្រណាត់ ហើយមានជំងឺស្លាប់ដៃជើង ។ មិត្តភក្តិរបស់បុរសដែលឈឺនេះបានទម្លាក់គាត់តាមប្រហោងដំបូលផ្ទះដោយសង្ឃឹមថាបានជាសះស្បើយ ។ ព្រះគ្រីស្ទត្រូវបានពិពណ៌នាថាបានលើកព្រះហស្ដរបស់ទ្រង់ទៅកាន់បុរសនោះ ។ មានពួកសាវក ឬពួកសិស្សជាច្រើនផ្សេងទៀតនៅជាមួយព្រះគ្រីស្ទ ។

ព្រះយេស៊ូវបានបង្ហាញពីសមត្ថភាពរបស់ទ្រង់ក្នុងការប្រោសមនុស្សខាងរូបកាយ និងខាងវិញ្ញាណឲ្យជា តាមរយៈការព្យាបាលមនុស្សខ្វិនម្នាក់ ( រោគខ្វិនដៃជើង ) ហើយអត់ទោសឲ្យអំពើបាបរបស់គាត់ ។ មេរៀននេះអាចជួយបង្កើនការយល់ដឹងរបស់អ្នកថា ព្រះអង្គសង្គ្រោះអាចព្យាបាលជំងឺគ្រប់ប្រភេទ ។

ការរៀបចំសិស្ស ៖ សូមអញ្ជើញសិស្សឲ្យគិតពីគ្រាមួយ កាលបុគ្គលម្នាក់ដែលពួកគេស្គាល់បានទទួលពរជ័យដ៏ចាំបាច់មួយមកពីព្រះ ។ តើពរជ័យរបស់បុគ្គលនេះជះឥទ្ធិពលលើមនុស្សផ្សេងទៀត ដូចជាមិត្តភក្តិ និងសមាជិកគ្រួសារយ៉ាងដូចម្តេច ? សូមឲ្យសិស្សពិចារណាពីអ្វីដែលពួកគេបានរៀន តាមរយៈការមើលឃើញនូវអ្វីដែលព្រះអង្គសង្គ្រោះបានធ្វើសម្រាប់បុគ្គលរូបនោះ ។

សកម្មភាពរៀនសូត្រដែលអាចមាន

តើអ្នកនឹងស្ម័គ្រចិត្តធ្វើអ្វីខ្លះ ?

សម្រាប់ស្ថានភាពខាងក្រោមនេះ សូមពិចារណាបន្ថែមសេចក្តីលម្អិតជាក់លាក់នានា ដើម្បីឲ្យសិស្សចូលរួមបានកាន់តែប្រសើរ ។ សេចក្តីលម្អិតទាំងនេះអាចរួមមាន តើជំងឺនោះគឺជាអ្វី តើវាត្រូវការការព្យាបាលលឿនប៉ុណ្ណាដែរ ឬថាតើវាត្រូវការអ្វីខ្លះសម្រាប់ការព្យាបាល ។

សូមស្រមៃថា មនុស្សម្នាក់ដែលអ្នកស្រឡាញ់កំពុងរងការឈឺចាប់ខ្លោកផ្សារដោយសារជំងឺមួយ ដែលគំរាមកំហែងដល់អាយុជីវិតដែលត្រូវការការព្យាបាលពីផ្នែកឯកទេស ហើយមានតែវេជ្ជបណ្ឌិតម្នាក់គត់ដែលអាចជួយសង្គ្រោះនាងបាន ។ តើអ្នកនឹងធ្វើអ្វីដើម្បីទទួលបានជំនួយ ? តើអ្នកនឹងធ្វើអ្វី ប្រសិនបើកាលវិភាគរបស់វេជ្ជបណ្ឌិតរូបនេះពេញ ឬប្រសិនបើវេជ្ជបណ្ឌិតនេះរស់នៅក្រៅប្រទេសនោះ ?

មនុស្សអាចនឹងស្ម័គ្រចិត្តធ្វើអ្វីៗគ្រប់យ៉ាង ដើម្បីទទួលបានការព្យាបាលសម្រាប់ខ្លួនឯង ឬសម្រាប់មនុស្សជាទីស្រឡាញ់របស់ពួកគេ ។ ខណៈដែលមានជំងឺផ្នែករាងកាយ ជាញឹកញាប់អាចត្រូវបានព្យាបាលដោយអ្នកជំនាញអាជីពក្ដី ក៏មានភាពទន់ខ្សោយខាងវិញ្ញាណខ្លះ ដែលមានតែព្រះយេស៊ូវគ្រីស្ទប៉ុណ្ណោះទើបអាចព្យាបាលបាន ។ សូមសរសេរនៅក្នុងសៀវភៅកំណត់ហេតុការសិក្សារបស់អ្នកនូវភាពទន់ខ្សោយទាំងនោះដែលអ្នកជឿថាមាន ។

នៅពេលអ្នកសិក្សាមេរៀននេះ សូមពិចារណាពីអ្វីដែលអ្នកអាចធ្វើបាន ដើម្បីជួយមនុស្សជាទីស្រឡាញ់ និងខ្លួនអ្នកឲ្យមករកព្រះគ្រីស្ទ ដើម្បីទទួលបានជំនួយដែលមានតែព្រះអង្គប៉ុណ្ណោះទើបអាចប្រទានឲ្យបាន ។

« មនុស្សស្លាប់ដៃស្លាប់ជើងម្នាក់ »

ជំនាញមួយដែលអាចជួយអ្នកឲ្យរៀនបានកាន់តែច្រើន នៅពេលអ្នកសិក្សាដំណើររឿងបទគម្ពីរ គឺការអានពីទស្សនៈវិស័យរបស់តួអង្គផ្សេងៗនៅក្នុងដំណើររឿងនោះ ។ នៅពេលអ្នកធ្វើដូច្នេះ សូមផ្អាកជាញឹកញាប់ដើម្បីព្យាយាមស្រមៃមើលថា តើបុគ្គលនោះអាចមានអារម្មណ៍ ឬគិតអ្វីនៅចំណុចខុសៗគ្នានៅក្នុងដំណើររឿងនោះ ។

ដើម្បីអនុវត្តជំនាញសិក្សានេះ សូមជ្រើសរើសបុគ្គលខាងក្រោមនេះម្នាក់មកផ្តោតអារម្មណ៍លើ នៅពេលអ្នកសិក្សាពីដំណើររឿងនេះ ចេញពីការបង្រៀនរបស់ព្រះយេស៊ូវនៅ កាពើណិម ៖

ដើម្បីជួយសិស្សឲ្យរៀនពីទស្សនៈជាច្រើន សូមពិចារណាបែងចែកពួកគេជាក្រុមដែលមានគ្នាបីនាក់ ហើយសុំឲ្យសិស្សម្នាក់ៗក្នុងក្រុមផ្តោតលើបុគ្គលផ្សេងគ្នានៅក្នុងដំណើររឿងនេះ ។

បុរសខ្វិនម្នាក់ ( « មានរោគខ្វិនដៃជើង » ដូចបានប្រើនៅក្នុងដំណើររឿងនេះមានន័យថា គាត់ពិការដៃជើង )
ម្នាក់ក្នុងចំណោមមនុស្សបួននាក់ដែលបានសែងបុរសខ្វិននោះ
មនុស្សម្នាក់ក្នុងចំណោមមនុស្សនៅក្នុងផ្ទះនោះស្តាប់តាមព្រះយេស៊ូវ

សូមអាន ម៉ាកុស ២:១–៣ ដោយស្រមៃថា អ្នកជាមនុស្សម្នាក់ដែលអ្នកបានជ្រើសរើសផ្តោតអារម្មណ៍លើ ។

សូមពិចារណាអញ្ជើញសិស្សឲ្យឆ្លើយសំណួរខាងក្រោមនៅក្នុងក្រុមដែលមានគ្នាបីនាក់របស់ពួកគេ ។

តើមានបញ្ហាប្រឈមអ្វីខ្លះ ប្រសិនបើមាន ដែលអ្នកគិតថាបុគ្គលនេះអាចនឹងជួបប្រទះ ?
តើអ្នកស្រមៃថា បុគ្គលនេះកំពុងមើលឃើញ កំពុងស្ដាប់ឮ កំពុងគិត និងកំពុងមានអារម្មណ៍យ៉ាងដូចម្តេច ?
តើបុគ្គលនេះប្រហែលជាសង្ឃឹមនឹងទទួលអ្វីខ្លះ ចេញពីពេលវេលារបស់ពួកគេជាមួយព្រះយេស៊ូវគ្រីស្ទ ?

សូមអាន ម៉ាកុស ២:៤ ដោយរកមើលអ្វីដែលអស់អ្នកដែលសែងបុរសនោះបានធ្វើ ដើម្បីឲ្យគាត់បាននៅជិតព្រះយេស៊ូវគ្រីស្ទ ។ អ្នកក៏ប្រហែលជាចង់មើលវីដេអូ « Jesus Forgives Sins and Heals a Man Stricken with Palsy » ដែលមាននៅលើគេហទំព័រ ChurchofJesusChrist.org ចាប់ពីនាទីទី ០:០០ ដល់នាទីទី ១:០៧ ។

2:57

សូមអញ្ជើញសិស្សយ៉ាងតិចបីនាក់ ដែលសិស្សម្នាក់សម្រាប់បុគ្គលម្នាក់នៅក្នុងដំណើររឿងនេះ ឲ្យឆ្លើយសំណួរខាងក្រោមឮៗ ។

តើអ្នកស្រមៃថា បុគ្គលដែលអ្នកបានជ្រើសរើសកំពុងគិត និងមានអារម្មណ៍យ៉ាងណានៅក្នុងដំណើររឿងនេះ ? ហេតុអ្វី ?
តើអ្នកគិតថា ពួកគេរំពឹងថា ព្រះយេស៊ូវនឹងធ្វើអ្វីខ្លះ ឬមានបន្ទូលអ្វីខ្លះ ?

សូមអាន ម៉ាកុស ២:៥ ដើម្បីរកមើលអ្វីដែលព្រះយេស៊ូវបានមានព្រះបន្ទូលទៅកាន់បុរសនោះ ។

សូមអញ្ជើញសិស្សឲ្យឆ្លើយសំណួរខាងក្រោមនេះនៅក្នុងក្រុមដែលមានគ្នាបីនាក់របស់ពួកគេ ។

ហេតុអ្វីព្រះបន្ទូលរបស់ព្រះអង្គសង្គ្រោះនៅក្នុង ខទី ៥ អាចធ្វើឲ្យភ្ញាក់ផ្អើលដល់បុគ្គលដែលអ្នកផ្តោតលើ ?

មនុស្សមួយចំនួនដែលមានវត្ដមាននៅក្នុងព្រឹត្តិការណ៍នេះ បានចោទសួរពីសិទ្ធិអំណាចរបស់ព្រះអង្គសង្គ្រោះក្នុងការអត់ទោសឲ្យអំពើបាប ។ សូមអាន ម៉ាកុស ២:៦–១២ ដោយស្វែងរកអ្វីដែលព្រះអង្គសង្គ្រោះបានធ្វើ ដើម្បីបង្ហាញពីសិទ្ធិអំណាចរបស់ទ្រង់ក្នុងការអត់ទោស ។ ឃ្លា « កូនមនុស្ស » នៅក្នុង ខទី ១០ សំដៅទៅលើព្រះយេស៊ូវគ្រីស្ទ ដែលជាព្រះរាជបុត្រានៃ « មនុស្សនៃភាពបរិសុទ្ធ » ដែលជាព្រះវរបិតា ( សូមមើល ម៉ូសេ ៦:៥៧ ) ។ អ្នកប្រហែលជាចង់បន្តមើលវីដេអូ « Jesus Forgives Sins and Heals a Man Stricken with Palsy » ចាប់ពីនាទីទី ១:០៧ ដល់នាទីទី ២:៥៧ ។

2:57

សូមគិតអំពីបុគ្គលដែលអ្នកផ្តោតលើនៅក្នុងដំណើររឿងនេះ ។ តើអ្នកស្រមៃថា បុគ្គលនេះមានប្រតិកម្មយ៉ាងណា ចំពោះអ្វីដែលព្រះអង្គសង្គ្រោះបានមានបន្ទូល និងធ្វើ ?
តើអ្នកបានរៀនអ្វីខ្លះអំពីព្រះអង្គសង្គ្រោះ នៅពេលអ្នកផ្តោតលើនរណាម្នាក់ជាក់លាក់នៅក្នុងដំណើររឿងនេះ ?

ព្រះចេស្តារបស់ព្រះគ្រីស្ទដើម្បីព្យាបាល

សេចក្ដីពិតមួយដែលអ្នកប្រហែលជាបានរកឃើញ នៅពេលអ្នកសិក្សាពីដំណើររឿងនេះគឺថា ព្រះយេស៊ូវគ្រីស្ទមានព្រះចេស្ដាដើម្បីព្យាបាលយើងទាំងខាងរូបកាយ និងខាងវិញ្ញាណ ។

ប្រធាន ឌៀថើរ អេហ្វ អុជដូហ្វ ដែលកាលនោះនៅក្នុងគណៈប្រធានទីមួយ បានថ្លែងទីបន្ទាល់អំពីព្រះចេស្ដារបស់ព្រះអង្គសង្គ្រោះដើម្បីព្យាបាលជំងឺខាងវិញ្ញាណ ។

ពេលខ្លះជំងឺខាងវិញ្ញាណកើតមកពីលទ្ធផលនៃអំពើបាប ឬរបួសខាងសតិអារម្មណ៍ ។ …

ទោះជារបួសខាងវិញ្ញាណមានជម្រៅជ្រៅបំផុតក្ដី—មែនហើយទោះជាវាមើលទៅពុំអាចព្យាបាលបានក្ដី—គឺវាអាចព្យាបាលបាន ។

មិត្តជាទីស្រឡាញ់ ព្រះចេស្ដានៃការព្យាបាលរបស់ព្រះយេស៊ូវគ្រីស្ទ គឺពុំអវត្តមានក្នុងជំនាន់របស់យើងទេ ។

ការពាល់ដើម្បីព្យាបាលរបស់ព្រះអង្គសង្គ្រោះ អាចផ្លាស់ប្រែជីវិតក្នុងជំនាន់របស់យើងដូចជានៅជំនាន់ទ្រង់ដែរ ។ ប្រសិនបើយើងគ្រាន់តែមានជំនឿ នោះទ្រង់អាចដឹកដៃយើង បំពេញក្នុងព្រលឹងរបស់យើងដោយពន្លឺសួគ៌ា ហើយព្យាបាលយើង ព្រមទាំងមានបន្ទូលប្រទានពរយើងថា « ចូរក្រោកឡើង យកគ្រែអ្នកដើរទៅ » [ យ៉ូហាន ៥:៨ ] ។

( ឌៀថើរ អេហ្វ អុជដូហ្វ « Bearers of Heavenly Light » Ensign ឬ Liahona ខែ វិច្ឆិកា ឆ្នាំ ២០១៧ ទំព័រ ៧៨ )

តើឧទាហរណ៍អ្វីខ្លះអំពីរបួសខាងវិញ្ញាណ ដែលព្រះអង្គសង្គ្រោះអាចព្យាបាលបាន ?

សូមពិចារណាសរសេរឃ្លា មានតែព្រះយេស៊ូវគ្រីស្ទប៉ុណ្ណោះ ដែលអាចព្យាបាលទាំងស្រុងនូវ ________នៅលើក្តារខៀន ហើយអញ្ជើញសិស្សឲ្យបំពេញនៅក្នុងចន្លោះនេះ ។

តើការដឹងថា ទ្រង់អាចព្យាបាលរបួសខាងវិញ្ញាណបានផ្តល់ពរដល់ជីវិតរបស់អ្នកយ៉ាងដូចម្តេច ?

សូមសញ្ជឹងគិតពីសំណួរខាងក្រោមដែលទាក់ទងនឹងសេចក្តីពិតនេះ ។ សូមពិចារណាកត់ត្រាទុកគំនិតរបស់អ្នកនៅក្នុងសៀវភៅកំណត់ហេតុការសិក្សារបស់អ្នក ។

តើមានរបួសខាងវិញ្ញាណណានៅក្នុងជីវិតរបស់អ្នក ដែលត្រូវការការព្យាបាលដែរឬទេ ?
តើអ្នកអាចស្វែងរកព្រះចេស្ដានៃការប្រោសឲ្យជារបស់ព្រះយេស៊ូវគ្រីស្ទតាមរបៀបណា ?
តើអ្នកស្គាល់នរណាម្នាក់ផ្សេងទៀត ដែលត្រូវការព្រះចេស្ដានៃការប្រោសឲ្យជារបស់ព្រះយេស៊ូវគ្រីស្ទដែរទេ ? តើអ្នកអាចធ្វើអ្វីខ្លះដើម្បីជួយពួកគេឲ្យទទួលបានវា ?

សូមថ្លែងទីបន្ទាល់អំពីសេចក្ដីស្រឡាញ់ ដែលព្រះយេស៊ូវគ្រីស្ទមានចំពោះយើងម្នាក់ៗ និងព្រះចេស្ដារបស់ទ្រង់ដើម្បីព្យាបាលយើង ។

ចែកចាយអ្វីដែលអ្នកបានរៀន

នៅពេលអ្នកសិក្សាដំណើររឿងផ្សេងទៀតនៅក្នុងព្រះគម្ពីរនៅឆ្នាំនេះ សូមពិចារណាប្រើជំនាញនៃការផ្តោតលើបុគ្គលជាក់លាក់ ។ វាអាចមានគុណប្រយោជន៍ ដើម្បីអានវគ្គបទគម្ពីរជាច្រើនដង ហើយសញ្ជឹងគិតរាល់ពេលថា តើបុគ្គលផ្សេងទៀតនៅក្នុងដំណើររឿងនេះបានរៀនអ្វីខ្លះ ។

សូមស្រមៃថា បុគ្គលដែលអ្នកបានផ្តោតអារម្មណ៍លើ នៅពេលអ្នកសិក្សាពីដំណើររឿងនេះ ចង់ពិពណ៌នាប្រាប់មិត្តម្នាក់នូវអ្វីដែលពួកគេបានឃើញ និងទទួលអារម្មណ៍នៅថ្ងៃនោះ ។ សូមចំណាយពេលខ្លះដើម្បីសរសេរនៅក្នុងសៀវភៅកំណត់ហេតុការសិក្សារបស់អ្នក ពីរបៀបដែលអ្នកស្រមៃថា ពួកគេកំពុងពិពណ៌នាអំពីបទពិសោធន៍នោះយ៉ាងលម្អិត ។ សូមរួមបញ្ចូលអ្វីដែលអ្នកគិតថា ពួកគេបានរៀន និងទទួលអារម្មណ៍អំពីព្រះយេស៊ូវគ្រីស្ទ ។

វិចារណកថា និង ព័ត៌មានសាច់រឿង

តើសេចក្តីជំនឿរបស់ខ្ញុំអាចជះឥទ្ធិពលលើមនុស្សជាទីស្រឡាញ់របស់ខ្ញុំដែរឬទេ ?

អែលឌើរ ឈី ហុង ( សាំ ) វុង ក្នុងពួកចិតសិបនាក់បានបង្រៀន ៖

ខ្ញុំសូមចែកចាយរឿងដ៏មានតម្លៃមួយទៀតដែលបានលាក់ទុកក្នុងដំណើររឿងនៃព្រះគម្ពីរនេះជាមួយនឹងអ្នក ។ វាមាននៅខទី ៥ ៖ « ព្រះយេស៊ូវក៏ឃើញសេចក្ដីជំនឿ របស់អ្នកទាំងនោះ » ( បានគូសបញ្ជាក់បន្ថែម ) ។ ពីមុន ខ្ញុំមិនបានកត់សម្គាល់ទេនៅពាក្យថា—សេចក្ដីជំនឿរបស់អ្នកទាំងនោះ ។ សេចក្ដីជំនឿរួមគ្នារបស់យើងក៏នឹងជះឥទ្ធិពលដល់សុខុមាលភាពរបស់អ្នកដទៃដែរ ។

តើនរណាទៅជាមនុស្សដែលព្រះយេស៊ូវបានលើកឡើង ? ពួកគេជាអ្នកទាំងបួនដែលសែងបុរសមានជំងឺស្លាប់ដៃជើងនោះ បុរសនោះផ្ទាល់ ជាមនុស្សដែលបានអធិស្ឋានឲ្យគាត់ និងជនដែលនៅទីនោះស្ដាប់ការបង្រៀនរបស់ព្រះយេស៊ូវ ហើយអបអរដោយស្ងៀមស្ងាត់ ក្នុងចិត្តពួកគេសម្រាប់អព្ភូតហេតុដែលនឹងកើតមានក្នុងពេលឆាប់ៗ ។ ពួកគេក៏អាចជាស្វាមី ឬភរិយា ឪពុក ឬម្ដាយ កូនប្រុស ឬកូនស្រី អ្នកផ្សព្វផ្សាយសាសនា ប្រធានកូរ៉ុម ប្រធានសមាគមសង្គ្រោះ ប៊ីស្សព និងមិត្តម្នាក់ដែលនៅឆ្ងាយផងដែរ ។ យើងទាំងអស់គ្នាអាចជួយគ្នាទៅវិញទៅមកបាន ។ យើងគួរមានចិត្តចង់ចូលរួមក្នុងការស្វែងរកជួយសង្គ្រោះដល់ជនដែលខ្វះខាតជានិច្ច ។

( ឈី ហុង [ សាំ ] វុង « Rescue in Unity » Ensign ឬ Liahona ខែ វិច្ឆិកា ឆ្នាំ ២០១៤ ទំព័រ ១៦ )

តើព្រះយេស៊ូវបានបង្ហាញអ្វីខ្លះដល់ពួកអាចារ្យដោយការព្យាបាលរូបកាយរបស់ពួកគេ ?

អែលឌើរ ប្រ៊ូស អ័រ ម៉ាក់ខន់ឃី ( ឆ្នាំ ១៩១៥–១៩៨៥ ) ក្នុងកូរ៉ុមនៃពួកសាវកដប់ពីរនាក់បានពន្យល់ ៖

« អ្នកដែលមានវត្តមាននៅទីនោះបានដឹងថា ព្រះយេស៊ូវ និង « អ្នកប្រាជ្ញច្បាប់ » គឺគ្មាននរណាក្រៅពីព្រះទេ ដែលអាចអត់ទោសឲ្យអំពើបាបបាន ។ ដូច្នោះហើយ ក្នុងនាមជាសាក្សីចង្អុលបង្ហាញ និងដ៏អស្ចារ្យដែលថា ព្រះចេស្ដារបស់ព្រះស្ថិតនៅក្នុងទ្រង់ … នោះព្រះយេស៊ូវបានធ្វើអ្វីដែលគ្មានមនុស្សណាអាចធ្វើបាន—ទ្រង់បានបង្ហាញពីព្រះចេស្ដាដ៏ទេវភាពរបស់ទ្រង់ តាមរយៈការព្យាបាលបុរសដែលបានអត់ទោសឲ្យ ។ ទ្រង់សួរសំណួរថា « តើវាតម្រូវឲ្យមានព្រះចេស្ដាច្រើនដើម្បីអត់ទោសឲ្យអំពើបាប ជាជាងធ្វើឲ្យអ្នកឈឺក្រោកដើរឡើងទៅឬអី ? » នោះអាចជាចម្លើយតែមួយគត់ ! អ្នកទាំងនោះគឺជាមនុស្សតែមួយ អ្នកណាដែលអាចធ្វើអ្វីមួយបាន ក៏អាចធ្វើអ្វីផ្សេងទៀតបានដែរ ។

( ប្រ៊ូស អ័រ ម៉ាក់ខន់ឃី Doctrinal New Testament Commentary [ ឆ្នាំ ១៩៧៣ ] ១:១៧៧–១៧៨ )

សកម្មភាពរៀនសូត្របន្ថែម

ការនាំអ្នកដទៃមករកព្រះអង្គសង្រ្គោះ

សូមពិចារណាអញ្ជើញសិស្សឲ្យធ្វើតាមគំរូរបស់មនុស្សបួននាក់ ដែលបានប្តេជ្ញាចិត្តនាំបុរសខ្វិននោះមករកព្រះគ្រីស្ទ ។ សូមអញ្ជើញពួកគេឲ្យគិតអំពីមនុស្សជាទីស្រឡាញ់ជាក់លាក់មួយចំនួន ដែលត្រូវការជំនួយដើម្បីមករកព្រះអង្គសង្គ្រោះ និងធ្វើផែនការដើម្បីជួយដល់ពួកគេ ។ ពួកគេអាចពិចារណារាប់បញ្ចូលអ្នកផ្សេងទៀតក្នុងផែនការរបស់ពួកគេផងដែរ គឺដូចជាបុរសដែលខ្វិននោះត្រូវបានគេជួយដោយមនុស្សច្រើនជាងម្នាក់ដែរ ។ សេចក្តីថ្លែងការណ៍របស់អែលឌើរ វុង នៅក្នុងផ្នែក « វិចារណកថា និង ព័ត៌មានសាច់រឿង » នៃមេរៀននេះ ( ឬសុន្ទរកថាទាំងមូលរបស់លោក ) អាចជួយសិស្សឲ្យយល់ពីសារៈសំខាន់នៃការបង្រួបបង្រួមសេចក្ដីជំនឿរបស់ពួកគេជាមួយនឹងសេចក្ដីជំនឿរបស់អ្នកដទៃ ។