A woman lying on the ground as she reaches for the hem of the garment of Jesus Christ.
Jezusi shëroi një grua me fluks gjaku gjatë rrugës për të shëruar vajzën e Jairit. Qëllimi i këtij mësimi është të të ndihmojë të kuptosh se si të marrësh nga fuqia e Shpëtimtarit në jetën tënde duke ushtruar besimin tënd tek Ai.
Përdorimi i fjalëve të profetëve bashkëkohorë për të përcaktuar doktrinën dhe parimet. Profetët e ditëve të sotme shpesh japin mësim të vërtetat dhe parimet nga rrëfimet e shkrimeve të shenjta. Kërkoni mundësi për t’i ndihmuar nxënësit të përcaktojnë doktrinën dhe parimet duke përdorur fjalët e profetëve bashkëkohorë. Nxënësit do të bekohen ndërsa ndiejnë se Fryma e Shenjtë dëshmon për të vërtetat që jepen mësim si nga profetët e lashtë edhe ata bashkëkohorë.
Përgatitja e nxënësve: Ftojini nxënësit të reflektojnë mbi një rast kur i janë drejtuar Jezu Krishtit për ndihmë. Ata gjithashtu mund të mendojnë për përvojën e dikujt tjetër.
Veprimtari të Mundshme të të Mësuarit
Zgjatja shpirtërore
Merrni parasysh t’i ftoni nxënësit të ngrihen dhe të zgjaten. Një tjetër mundësi është t’i kërkoni një nxënësi të drejtojë të gjithë klasën në një ushtrim njëminutësh me zgjatje.
A ndjeve ndonjë ndryshim në trupin tënd?
Si mendon se mund të të ndihmojë zgjatja e rregullt fizike?
Zgjatja e trupit duke u tendosur ka përfitime të ndryshme. Kur atletët e zgjatin trupin duke e tendosur, ata veprojnë më mirë dhe kanë më pak gjasa të pësojnë lëndime. Po kështu, kur nxënësit i tendosin mendjet e tyre dhe shkojnë përtej shprehive të tyre të zakonshme të studimit, ata e rritin të mësuarit e tyre.
Çfarë do të thotë për ty të zgjatesh shpirtërisht?
Ngjashëm me përfitimet e zgjatjes fizike, shpirtshmëria jonë rritet ndërsa ushtrojmë besimin tonë te Shpëtimtari dhe marrim nga fuqia e Tij. Në mësimin e sotëm do të mësoni për një grua që kishte besim të jashtëzakonshëm te Jezu Krishti dhe zgjati dorën e saj drejt Shpëtimtarit dhe mori nga fuqia e Tij për t’u shëruar.Gjatë rrugës për të shëruar vajzën e një njeriu të quajtur Jair, Jezu Krishti u ndoq nga një turmë (shih Marku 5:22–24). Mes turmës ishte dhe një grua e sëmurë.
Lexo te Marku 5:25–26 , duke kërkuar sëmundjen dhe nevojat e gruas.
Shkrimet e shenjta nuk e përcaktojnë natyrën e “fluks[it të] gjaku[t]” të gruas ( Marku 5:25). Ne e dimë se kjo i sillte probleme në mënyra të ndryshme në jetën e saj. Ajo “shpenz[oi] gjithë pasurinë e vet” duke kërkuar një kurë nga mjekët ( Marku 5:26). Sipas ligjit të Moisiut, dikush me fluks gjaku konsiderohej i papastër për ritet (shih Levitiku 15:19–33). Kjo me gjasë nënkuptonte që gruaja qe e përjashtuar nga shoqëria në disa mënyra gjatë 12 viteve të sëmundjes së saj.
Ftojini nxënësit të reflektojnë në heshtje për pyetjen vijuese. Ata mund t’i mbajnë shënim përgjigjet në ditarët e tyre të studimit.
Për çfarë ndien se ke nevojë për ndihmën e Shpëtimtarit në jetën tënde?
Lexo te Marku 5:27–29 , për të parë se çfarë bëri kjo grua për të marrë ndihmën e Shpëtimtarit (shih edhe te Mateu 9:20–22). Fraza “u fut në turmë dhe pas shpinës” i referohet përpjekjes së saj për të çarë përmes turmës së njerëzve që të mund të prekte rrobën e Jezusit ( Marku 5:27).
Çfarë të bën përshtypje tek ajo që bëri kjo grua për të marrë nga fuqia e Shpëtimtarit?
Në këtë rrëfim gruaja vërtet e zgjati krahun për të prekur Shpëtimtarin. Cilat janë disa mënyra që ti mund të “zgjatesh” për të arritur te Shpëtimtari?
A beson se Shpëtimtari mund të të shërojë edhe pse nuk mund ta prekësh Atë fizikisht? Përse?
Lexo te Marku 5:30–34 , duke kërkuar përgjigjen e Shpëtimtarit ndaj aktit të besimit të kësaj gruaje.
Çfarë vure re rreth Shpëtimtarit në këto vargje?
Me gjithë nevojën e menjëhershme të Jairit për ta sjellë Jezusin në shtëpinë e tij për të shëruar vajzën, Jezusi ndaloi dhe e ndihmoi këtë grua.
Çfarë mëson nga kjo për Shpëtimtarin?
Në çfarë mënyrash ndikon kjo në dëshirën tënde për t’iu drejtuar Atij për ndihmë me nevojat e tua?
Presidenti Rasëll M. Nelson e zbatoi këtë rrëfim për jetën tonë. Mund të duash të shikosh materialin filmik “Marrja e Fuqisë së Jezu Krishtit në Jetën Tonë”, nga kodi kohor 11:30 deri në 13:20, ose të lexosh tekstin më poshtë. Teksa e bën, kërko parimet që dha mësim Presidenti Nelson për të marrë nga fuqia e Shpëtimtarit.
Pamja
Official portrait of President Russell M. Nelson taken January 2018
“A ju kujtohet tregimi biblik i gruas që vuajti për 12 vjet me një problem ligështues? [Shih Lluka 8: 43–44 ]. Ajo ushtroi besim të madh te Shpëtimtari, duke thirrur: ‘Nëse vetëm ia prek rroben e tij, do të shërohem’ [ Marku 5:28 ].
Kjo grua besnike dhe e përqendruar, duhej të zgjatej aq sa mundej për ta përdorur fuqinë e Tij. Zgjatja e saj fizike ishte simbol i zgjatjes së saj shpirtërore. …
Kur ju zgjateni për [ta marrë] fuqinë e Zotit në jetën tuaj me të njëjtin intensitet që ka një njeri që po mbytet, kur kapet dhe gulçon për ajër, fuqitë nga Jezu Krishti do të jenë tuajat. Kur Shpëtimtari e di se ju me të vërtetë doni të zgjateni drejt Tij – kur Ai mund ta ndiejë se dëshira më e madhe e zemrës suaj është që ta merrni fuqinë e Tij në jetën tuaj – ju do të udhëhiqeni nga Fryma e Shenjtë për të ditur saktësisht atë që duhet të bëni [shih Doktrina e Besëlidhje 88:63 ].
Kur ju zgjateni shpirtërisht përtej çdo gjëje që keni bërë ndonjëherë, atëherë fuqia e Tij do të vërshojë brenda jush.”
(Rasëll M. Nelson, “Marrja e Fuqisë së Jezu Krishtit në Jetën Tonë”, Ensign ose Liahona, maj 2017, f. 41–42.)
Merrni parasysh të paraqitni thënien e Presidentit Nelson dhe t’i ftoni nxënësit të tregojnë parimet që përcaktuan, si dhe fjalët që i ilustrojnë ato parime. Nxënësit mund t’i shkruajnë gjithashtu parimet e tyre në tabelë.
Cilat janë disa parime që ke përcaktuar nga thënia e Presidentit Nelson?
Në cilat mënyra mendon se këto parime mund të të ndihmojnë të zgjatesh shpirtërisht për të marrë nga fuqia e Shpëtimtarit?
Si i ke përjetuar këto parime në vetë jetën tënde?
Merrni parasysh të tregoni një përvojë personale të zgjatjes shpirtërore për të marrë nga fuqia e Shpëtimtarit. Pastaj paraqitini pyetjet vijuese dhe ftojini nxënësit t’u përgjigjen tri ose më shumë prej tyre në ditarët e tyre të studimit.
Çfarë mund të bësh për të treguar se marrja e ndihmës së Shpëtimtarit është dëshira jote më e madhe?
Si do të ishte jeta jote ndryshe po të merrje më shpesh nga fuqia e Jezu Krishtit?
Çfarë pengesash mund të të duhet të kapërcesh teksa zgjatesh për te Shpëtimtari me besim?
Çfarë mund të bësh për ta njohur udhëzimin nga Fryma e Shenjtë për t’u zgjatur drejt Shpëtimtarit?
Komente dhe Informacion për Rrethanat
Mateu 9:20. Cila është domethënia e veprimit të gruas që prek cepin e rrobës së Shpëtimtarit?
“Cepi [i] rrobes së tij” i referohet “një pjese të rëndësishme të veshjes së një izraeliti”. Thekët lidheshin me kordon blu, që simbolizonte qiellin (shih Numrat 15:38–40). Theku që varej mbi sup në pjesën e shpinës ishte ai që preku gruaja. Veprimi i saj që zgjatej për të prekur thekun përfaqëson një zgjatje për të marrë nga fuqia qiellore e Shpëtimtarit. Profeti Malakia profetizoi se Shpëtimtari do të “[ngrihej] me shërimin në krahët e tij” ( Malakia 4:2).
Si ta marr shërimin e Shpëtimtarit?
Presidentja Xhin B. Bingham, Presidente e Përgjithshme e Shoqatës së Ndihmës, tha:
Pamja
Official Portrait of Sister Jean B. Bingham. Photographed in 2017.
“Kur e studioni jetën dhe mësimet e Krishtit në një mori mënyrash, besimi juaj në Të do të rritet. Ju do të arrini të dini se Ai ju do individualisht dhe ju kupton përsosurish. …
Pavarësisht nga ajo që kemi vuajtur, Ai është burimi i shërimit. Atyre që kanë përjetuar ndonjë lloj dhune, humbje shkatërrimtare, sëmundje kronike apo vuajtje gjymtuese, akuza të pavërteta, përndjekje të egër ose dëmtim shpirtëror nga mëkati apo keqkuptimet, të gjitha mund të shërohen nëpërmjet Shëlbuesit të botës. Gjithsesi, Ai nuk do të hyjë pa u ftuar. Ne duhet të vijmë tek Ai dhe ta lejojmë Atë t’i kryejë mrekullitë e Tij.”
(Xhin B. Bingham, “Që Gëzimi Juaj të Jetë i Plotë”, Ensign ose Liahona, nëntor 2017, f. 86.)
Motra Reina I. Aburto, Këshilltare e Dytë në Presidencën e Përgjithshme të Shoqatës së Ndihmës, dha mësim:
Pamja
Official Portrait of Sister Reyna Aburto. Photographed in 2017.
“Gjatë shërbesës së Tij në vdekshmëri, Jezu Krishti i shëroi të sëmurët dhe të pikëlluarit, por çdo njeri duhej të ushtronte besim tek Ai dhe të vepronte me qëllim që të merrte shërimin e Tij. Disa ecën me kilometra të tëra, të tjerë e shtrinë dorën e tyre që ta preknin rrobën e Tij dhe të tjerë duhej të mbarteshin për t’u çuar tek Ai me qëllim që të shëroheshin. Kur vjen puna te shërimi, a nuk kemi të gjithë nevojë për Të me kaq ngulm?”
(Reina I. Aburto, “N’Qoft Shi a Diell, Zot, me Mua Rri!”, Ensign ose Liahona, nëntor 2019, f. 58.)
Veprimtari Plotësuese të të Mësuarit
Të Zgjatemi drejt Perëndisë me besim
Një shembull i zgjatjes shpirtërore
Merrni parasysh të shihni Plakun Nil L. Andersen, të Kuorumit të Dymbëdhjetë Apostujve, teksa tregon një nga mënyrat si u zgjat shpirtërisht Presidenti Rasëll M. Nelson para thirrjes së tij si President i Kishës. Shikoni materialin filmik “Ne Flasim për Krishtin” që ndodhet në https://www.churchofjesuschrist.org/study/general-conference/2020/10/45andersen?lang=alb, nga kodi kohor 03:10 deri në 05:06. Ftojini nxënësit të tregojnë atë që u ka bërë përshtypje rreth zgjatjes shpirtërore të Presidentit Nelson dhe se çfarë mund të bëjnë për ta ndjekur shembullin e tij.
