Përsëritje 3 e Zotërimit Doktrinor

Kupto dhe Shpjego

Kuptimi i fragmenteve specifike të shkrimeve të shenjta dhe aftësia për të shpjeguar të vërtetat që japin mësim është thelbësore për arritjen e zotërimit doktrinor. Ky mësim ka për qëllim të të ndihmojë të kuptosh më mirë dhe të ushtrosh shpjegimin e doktrinës që jepet mësim në fragmentet e mëposhtme të zotërimit doktrinor: Mateu 5:14–16; Lluka 2:10–12; Gjoni 3:5; Gjoni 3:16.

Përdorimi i një larmie metodash dhe përqasjesh. Përdorimi i një larmie metodash mund të ndihmojë në përfshirjen e nxënësve që mësojnë në mënyra të ndryshme.

Përgatitja e nxënësve: Përzgjidhni një fragment kuptimplotë të zotërimit doktrinor nga Dhiata e Re. Përgatituni për t’i treguar klasës se pse ky fragment është kuptimplotë për ju.

Veprimtari të Mundshme të të Mësuarit

Mund të jetë e nevojshme të jepet një mësim për fragmentin e zotërimit doktrinor në vend të këtij mësimi përsëritjeje. Referojuni programit të ecurisë të siguruar nga drejtori ose bashkërenduesi i zonës për t’u siguruar që çdo mësim për fragmentin e zotërimit doktrinor do të jepet gjatë zhvillimit të seminarit.

Si mësoni më së miri?

Ka shumë mënyra për të mësuar dhe ne të gjithë mësojmë dhe e ruajmë ndryshe informacionin.

Merrni parasysh ta paraqitni listën vijuese. Ftojini nxënësit t’i lexojnë këto stile të të mësuarit dhe t’i vlerësojnë në ditarët e tyre të studimit nga 1 deri në 4, ku 1 është ai me të cilin identifikohen më shumë dhe 4 ai me të cilin identifikohen më pak.

• Përfytyrimi: Mësoj duke parë dhe përfytyruar. Vizatimi, ngjyrosja, tabelat, grafikët dhe mjetet pamore më ndihmojnë të mësoj dhe ta ruaj informacionin.

• Ndarja me të tjerët: Shkrimi dhe të folurit me të tjerët më ndihmon të përpunoj dhe të mësoj më thellë.

• Studimi i pavarur: Më pëlqen të studioj më vete, dhe ndihem i/e sigurt duke i zbuluar gjërat në mënyrë të pavarur.

• Mësimi praktik: Mësoj më së miri duke përdorur një larmi shqisash, si p.sh. prekjen, nuhatjen, dëgjimin dhe lëvizjen e trupit.

Mendo se si Shpëtimtari e përshtati mësimin e Tij sipas nevojave të atyre që Ai u dha mësim.

• Si mendon, pse Shpëtimtari përdori një larmi stilesh për t’u dhënë mësim të tjerëve? Çfarë të mëson kjo për Të?

Përshtateni ushtrimin e mëposhtëm në varësi të numrit dhe atyre fragmenteve që nxënësit do të përfitonin nga përsëritja.

Zbatimi i stilit tënd të të mësuarit për zotërimin doktrinor

Gjej një çast për të lexuar referencat e mëposhtme të zotërimit doktrinor të Dhiatës së Re. Shih a e mban mend frazën përkatëse kyç të shkrimeve të shenjta.

• Mateu 5:14–16

• Lluka 2:10–12

• Gjoni 3:5

• Gjoni 3:16

Nëse nxënësit e përfunduan përgatitjen e tyre për këtë mësim, merrni parasysh t’i ftoni të tregojnë se cilat fragmente kanë qenë kuptimplota për ta dhe pse.

• Cilat nga këto fragmente mendon se i kupton mirë? Çfarë do të dëshiroje të kuptoje më mirë?

Kryej veprimtarinë A, B, C ose D duke përdorur njërin nga fragmentet e mëparshme të zotërimit doktrinor (ose një fragment tjetër të zotërimit doktrinor nga Dhiata e Re) që dëshiron ta kuptosh më mirë. Nëse e lejon koha, kryej disa veprimtari me fragmente të ndryshme të zotërimit doktrinor.

A: Përfytyrimi

Krijo një vizatim, kolazh, meme, art me fjalë, grup fjalësh ose paraqitje tjetër pamore që pasqyron atë që mëson nga fragmenti yt. Kliko te këto hallka lidhëse për disa shembuj:

Art me fjalëMeme

B: Ndarja me të tjerët

Krijo një plan për të dhënë mësim fragmentin tënd. Mendo për pyetjet që do të bëje për t’i ndihmuar ata të cilëve po u jep mësim që ta kuptojnë fragmentin, krijo një material filmik që shpjegon kuptimin e fjalëve dhe frazave kyç, ose përdor muzikë për t’u dhënë mësim të tjerëve.

C: Studimi i pavarur

Zgjidh fjalët kyç nga fragmenti që do të studiosh. Shënoji përkufizimet, referencat kryq ose thëniet nga udhëheqësit e Kishës që e thellojnë të kuptuarin tënd.

D: Mësimi praktik

Krijo ose identifiko sende apo motive të prekshme që mund të përfaqësojnë fragmentin ose fjalët apo fraza specifike nga fragmenti. Për shembull, për vargjet te Mateu 5:14–16 , mund të përdorësh burime të ndryshme drite për të ilustruar ftesën e Krishtit “ashtu le të shndritë drita juaj”.

Merrni parasysh t’i ftoni nxënësit ta diskutojnë të mësuarit e tyre në dyshe ose në grupe të vogla. Pastaj paraqiteni shkallën dhe pyetjet e mëposhtme që nxënësit të reflektojnë mbi përvojën e tyre të të mësuarit.

(A) Jam dakord (B) Disi dakord (C) As dakord, as jo dakord (D) Nuk jam dakord

1. E/I kuptoj më mirë fragmentin/et që zgjedh.

2. Tani ndihem më i/e sigurt në aftësinë time për t’ia shpjeguar dikujt tjetër fragmentin/et që zgjedh, nëse do të më duhej.

3. Besoj se përdorimi i një metode të ngjashme për të mësuar dhe përsëritur fragmentet e tjera të zotërimit doktrinor do të ishte i dobishëm për mua.

Lejojini nxënësit t’i diskutojnë përgjigjet e tyre për pyetjet e mëparshme. Ndihmojini të kuptojnë se rritja e tyre vjen nëpërmjet Jezu Krishtit dhe ndihmës së Tij hyjnore. Ftojini nxënësit t’i drejtohen Atit Qiellor për ndihmë të përshtatur për secilin prej tyre në të gjitha studimet e tyre.