Mateo 13; Lucas 8; 13

Kinatibuk-ang Pagpasabot

Karong semanaha, makabaton ka og oportunidad aron tun-an ang pipila sa mga sambingay sa Manluluwas, lakip ang sambingay sa magpupugas ug ang sambingay sa trigo ug mga tare. Ang pagtuon sa mga sambingay sa Manluluwas makatabang kanimo sa pagkat-on sa mga espirituhanong kamatuoran ug makabaton og mas dakong gugma para kang Jesukristo.

Pangandam sa Pagtudlo

Ang mosunod nga impormasyon maghatag sa mga magtutudlo og mga ideya kon unsa ang lagmit nga kinahanglanon aron makaandam daan para sa kada leksiyon.

Mateo 13

Katuyoan sa pagtuon: Hatagan niini nga leksiyon ang mga estudyante og mga oportunidad aron tun-an ang mga sambingay, aron madiskobre ang ilang espirituhanong kahulogan, ug aron mangita og mga paagi aron mabuhat ang ilang nakat-onan.

Pag-andam sa estudyante: Awhaga ang mga estudyante nga susihon ang ilang abilidad sa pagsabot sa mga sambingay sa Ginoo. Mahimong basahon sa mga studyante ang Mateo 13:44–48 ug i-rate ang ilang kumpiyansa sa ilang abilidad sa pagkuha og mga espirituhanong leksiyon gikan niini nga mga mugbong sambingay.

Hulagway: Pag-andam sa pagpakita og litrato nga adunay mga nakatagong hulagway.

Mateo 13:3–8, 18–23

Katuyoan sa leksiyon: Makatabang kini nga leksiyon sa mga estudyante sa pag-andam sa ilang mga kasingkasing sa pagdawat ug pag-amuma sa pulong sa Dios.

Pag-andam sa estudyante: Awhaga ang mga estudyante nga pamalandongan ang pangutana nga naka-highlight sa Dali, Sunod Kanako karong semanaha: “Ngano nga ang ubang mga kasingkasing bukas sa kamatuoran samtang ang uban ingon og mobatok niini?” (Marso 20–26. Mateo 13; Lucas 8; 13: ‘Ang may mga Dalunggan nga Makadungog, Kinahanglan Siya Magpatalinghog,’” Dali, Sunod Kanako—Alang sa mga Indibidwal ug mga Pamilya: Bag-ong Tugon 2023).

Sugyot sa pagtudlo pinaagi sa videoconference: Ikonsiderar ang paghatag sa mga estudyante og oportunidad aron ipaambit ang ilang mga drowing ngadto sa ilang mga klasmeyt. Kini mahimong buhaton sa mga breakout room.

Mateo 13:24–30, 36–43

Katuyoan sa leksiyon: Makatabang kini nga leksiyon sa mga estudyante nga madugangan ang ilang tinguha nga mosalmot sa pagpundok sa Israel.

Pag-andam sa estudyante: Dapita ang mga estudyante nga moadto sa klase nga andam aron hisgotan kini nga mga pangutana: Kinsa ang usa sa unang mga tawo sa imong pamilya nga miapil sa Simbahan? Unsa ang imong nahibaloan mahitungod niini nga sugilanon? Mahimong hisgotan sa mga estudyante kini nga mga pangutana kauban ang usa ka sakop sa pamilya.

Video: “Ipatigbabaw ang Dios Labaw sa Tanan” (18:51; tan-awa gikan sa code sa oras nga 4:07 hangtod sa 5:48)

Sugyot sa pagtudlo pinaagi sa videoconference: Para sa mga pangutana sa sinugdanan sa leksiyon, ikonsiderar ang pagdapit sa mga estudyante nga gamiton ang chat feature aron ipaambit ang ilang mga tubag. Unya hatagi ang mga estudyante og panahon aron basahon ang mga tubag sa ilang mga kauban. Ang pipila ka estudyante lagmit nga magtuki og tubag nga gusto nilang makadungog pa og dugang.

Pagrebyo sa Doktrinal nga Kahanas 4 Katuyoan sa leksiyon: Hatagan niini nga leksiyon ang mga estudyante og mga oportunidad sa pagpraktis sa paggamit sa mga tudling sa kasulatan sa doktrinal nga kahanas ngadto sa mga sitwasyon nga pareho sa mga sitwasyon nga mahimo nilang masinati sa ilang kaugalingong mga kinabuhi.

Pahinumdom: Lagmit nga kinahanglang magtudlo og leksiyon sa tudling sa doktrinal nga kahanas isip puli niini nga leksiyon sa pagrebyo. Tan-awa ang eskedyul sa pacing nga gihatag sa direktor sa lugar o rehiyon o koordinitor aron masiguro nga matudlo ang kada leksiyon sa tudling sa doktrinal nga kahanas samtang anaa sa sesyon ang seminary.

Pag-andam sa estudyante: Dapita ang mga estudyante nga pamalandongan ang mga pamaagi nga ilang gigamit sa ilang mga kinabuhi ang bisan unsa sa mga kamatuorang gitudlo diha sa mga tudling sa kasulatan sa doktrinal nga kahanas nga ilang gitun-an karong tuiga.

Mga suplay: Isulat ang mga pakisayran sa kasulatan para sa mga tudling sa doktrinal nga kahanas nga gigamit niini nga leksiyon sa pipila ka papel (usa ka pakisayran sa kasulatan sa kada papel). Ibitay ang mga papel sa palibot sa klasehanan.

Susiha ang Imong Nakat-onan 3

Katuyoan sa leksiyon: Tinguha niini nga leksiyon nga tabangan ang mga estudyante sa pagsusi sa mga tumong nga ilang gitakda ug ang nakat-onan ug personal nga paglambo nga ilang nasinati gikan sa pagtuon sa Bag-ong Tugon karong tuiga.

Pag-andam sa estudyante: Dapita ang mga estudyante nga tun-an ang Mateo 11:16–19 ug mag-andam nga magpakita og kahanas sa pagtuon sa kasulatan nga mahimo nilang gamiton aron mas masabtan kini nga mga bersikulo. Lagmit nga makatabang kon maglista og pipila ka mga kahanas sama sa pag-link o pag-cross reference, paggamit sa mga tabang sa pagtuon, o pagsabot sa mga simbolo ug mga sambingay aron mahinumdoman og balik sa mga estudyante ang pipila sa mga kahanas nga gitudlo kanila.

Hulagway: Pag-andam nga ipakita ang diagram gikan sa leksiyon.

Sugyot sa pagtudlo pinaagi sa videoconference: Mahimong dapiton ang mga estudyante nga ipaambit ang ilang mga screen ug magpakita og pananglitan sa kon giunsa nila pagpatuman ang kahanas sa pagtuon sa kasulatan diha sa ilang mga digital nga kasulatan.