Mateo 13

Si Jesukristo Nagtudlo Gamit ang mga Sambingay

While on a ship, Jesus teaches parables to listeners on shore.

Mga magpupugas ug mga mangangani, mga liso sa mustasa ug patubo, mga bahandi ug mga perlas—kini mao ang pipila sa mga simbolo nga gigamit ni Jesukristo samtang nagtudlo Siya gamit ang mga sambingay. “Busa kon aduna kamoy dalunggan, pamati” (Mateo 13:9, 43), nagdapit ang Manluluwas. Hatagan ka niini nga leksiyon og mga oportunidad aron tun-an ang mga sambingay, aron madiskobrehan ang espirituhanong kahulogan niini, ug aron mangita og mga paagi aron mabuhat ang imong nakat-onan.

Paghatag og kahulogan ug paggamit sa mga sambingay. Samtang nagtuon ang mga estudyante sa mga sambingay ni Jesus, hinumdomi nga isip dugang sa pagsabot sa kahulogan niini sa orihinal nga konteksto niini, importante nga magtinguha sa pagpadayag gikan sa Espiritu Santo aron tabangan kita sa paghatag og kahulogan ug paggamit sa mga sambingay para sa atong kaugalingong kinabuhi.

Pag-andam sa estudyante: Dapita ang mga estudyante nga susihon ang ilang abilidad sa pagsabot sa mga sambingay sa Ginoo. Mahimong basahon sa mga estudyante ang Mateo 13:44–48 ug susihon ang ilang pagsalig sa ilang abilidad sa pagkuha og espirituhanong mga leksiyon gikan niining mubo nga mga sambingay.

Posible nga mga Kalihokan sa Pagkat-on

Pagpangita og kahulogan

Ikonsiderar ang pagpakita sa mga estudyante og hulagway nga adunay nakatagong mga aytem. Dapita ang mga estudyante nga pangitaon ang mga aytem ug hisgotan kon unsa nga paningkamot ang kinahanglan nilang buhaton aron makita kini.

Pagtagana og panahon aron mangita og mga nakatagong aytem sa mosunod nga hulagway.

Unsa nga mga aytem ang sayon nimong nakita? Unsa ang nanginahanglan og dugang pa nga paningkamot?

Sama sa pagpangita og mga aytem niini nga hulagway, ang pagpangita sa kahulogan sa mga kasulatan sa kasagaran nagkinahanglan nga makat-onan nato kon unsaon pagpangita ug pagtuon niini. Kon dapiton nato ang Espiritu Santo aron tabangan kita sa pagtuon sa atong gibasa, makakita kita og dugang pang kahulogan nga sa una lagmit nga nakatago.

Kanus-a ka nakakita og kahulogan diha sa mga kasulatan nga sa una lagmit nga nakatago kanimo?
Unsa ang nakatabang kanimo nga mahimong malamposon sa pagpangita og espirituhanong mga leksiyon o kahulogan gikan sa mga kasulatan?

Kini mahimong usa ka maayong lugar sa leksiyon aron dapiton ang mga estudyante nga i-report ang ilang pag-andam para sa klase.

Niini nga leksiyon, makabaton ka og oportunidad nga ipraktis ang pagpangita og mas lawom nga kahulogan diha sa mga kasulatan, ilabi na ang mga sambingay sa Ginoo. Sulayi sa pagdiskobre ug pagpatuman og bag-ong mga paagi aron tabangan ka sa pagtuon sa mga kasulatan.

Si Jesukristo nagtudlo gamit ang mga sambingay

Sa kasagaran si Jesukristo nagtudlo pinaagi sa paggamit og mga simpleng sugilanon nga nailhan isip mga sambingay. Niini nga mga sambingay, gikompara ni Jesus ang pamilyar nga mga butang o sitwasyon ngadto sa espirituhanong mga kamatuoran (tan-awa sa Giya ngadto sa mga Kasulatan, “ Sambingay ,” scriptures.ChurchofJesusChrist.org). Nangutana ang mga disipulo ni Jesus Kaniya kon nganong nagtudlo Siya gamit ang mga sambingay (tan-awa sa Mateo 13:10).

Basaha ang Mateo 13:11–13, 16 , nga mangita kon nganong miingon ang Manluluwas nga magtudlo siya gamit ang mga sambingay.

Unsa ang natabang niini nga mga bersikulo kanimo sa pagsabot kon nganong nagtudlo ang Manluluwas gamit ang mga sambingay?
Ngano kaha nga ang pipila ka tawo nakakita, nakadungog, ug nakasabot sa mga mensahe sa Ginoo ug ang ubang tawo wala?

Tukion sa sunod nga mga leksiyon ang pipila ka mas taas nga mga sambingay, sama sa sambingay sa magpupugas ug ang sambingay sa trigo ug mga sagbot.

Matabangan ka sa mosunod nga proseso nga mas masabtan ang mga sambingay sa Manluluwas ug makat-onan ang importante nga espirituhanong mga leksiyon gikan niini. Irekord kini nga mga lakang diha sa imong journal sa pagtuon.

Pangitaa ang importante nga mga detalye.
Pagbuhat og espirituhanong mga pagkompara.
Pagdiskobre og importante nga mga leksiyon.
Pagtuki og personal nga paggamit.

Ipraktis ang kada usa niini nga mga lakang samtang nagtan-aw og mubo nga sambingay.

Ang mosunod usa ka pananglitan sa paggamit niining upat ka lakang samtang gitun-an ang Mateo 13:44 . Ayaw pagduhaduha sa paggamit niini nga pananglitan o sa uban pa aron tabangan ang mga estudyante nga makakat-on kon unsaon pagpangita ang mga leksiyon ug paggamit gikan sa mga sambingay sa mga paagi nga makatabang gayod kanila.

Pangitaa ang importante nga mga detalyeIpraktis ang unang lakang niini nga proseso pinaagi sa pagbasa sa Mateo 13:44 ug sa pagpangita sa importante nga mga detalye. Kini nga mga detalye mahimong maglakip sa mga tawo, mga lugar, mga butang, mga aksiyon, o mga panghitabo. Mahimo nimong markahan kon unsay imong madiskobre diha sa imong mga kasulatan.

Unsa ang importante nga mga detalye ang imong nakit-an?

Ang mga detalyeng lagmit nga imong namatikdan naglakip sa bahandi, ang tawo nga nakakita niini, ug ang kamatuoran nga gibaligya niya ang tanan nga anaa kaniya aron maangkon kini.Pagbuhat og espirituhanong mga pagkomparaAng pagbuhat og espirituhanong mga pagkompara lagmit nga natural nga mahitabo samtang makadiskobre ka og importante nga mga detalye, pero lagmit usab nga manginahanglan kini og dugang pang paningkamot. Ayaw kahadlok nga pamalandongan ang mga detalye ug mangita og mga panultol, gamit ang mga tabang sa kasulatan nga anaa kanimo.

Ikonsiderar ang pagpakita og pipila ka kasagarang butang nga magamit sa mga estudyante aron ipraktis ang pagbuhat og espirituhanong mga pagkompara, sigon sa gihulagway sa mosunod nga parapo.

Aron ipraktis kini nga kahanas, pagtagana og panahon aron ikompara ang pipila ka butang nga pisikal ngadto sa mga butang nga espirituhanon. Pananglitan, mahimo kang magkompara og borador [eraser] diha sa doktrina sa paghinulsol.

Unsa nga mga pagkompara ang imong gihunahuna?

Sa sambingay sa Mateo 13:44 , gitabangan kita sa Manluluwas sa pagbuhat og dili mominos sa usa ka koneksiyon sa dihang miingon Siya nga, “ang gingharian sa langit sama sa bahandi” ( Mateo 13:44).

Unsa nga espirituhanong mga pagkompara ang imong mabuhat gamit ang uban pang mga detalye niini nga sambingay?

Pagdiskobre og importante nga mga leksiyonAron makadiskobre og importante nga mga leksiyon, makatabang kon magsukna og mga pangutana mahitungod sa mga detalye nga imong namatikdan ug espirituhanong mga pagkompara nga imong gibuhat.

Kon nakahibalo kita nga “Ang Simbahan ni Jesukristo sa mga Santos sa Ulahing mga Adlaw mao ang gingharian sa Dios dinhi sa yuta” (Giya ngadto sa mga Kasulatan, “ Gingharian sa Dios o Gingharian sa Langit ,” scriptures.ChurchofJesusChrist.org), nan unsa man nga mga leksiyon ang lagmit nga gusto sa Manluluwas nga atong masabtan gikan sa Iyang sambingay?

Ang usa ka leksiyon nga lagmit nga atong makat-onan gikan niini nga sambingay mao nga kon nakit-an nato ang Simbahan sa Manluluwas ug miila sa bili niini, malipayon natong isalikway ang tanang uban pang mga butang aron madawat ang mga panalangin sa pag-apil sa gingharian sa Dios. Ikonsiderar ang pagrekord sa importante nga mga leksiyon nga imong nakat-onan diha sa imong Mga Note sa ChurchofJesusChrist.org o sa imong mga kasulatan.Pagtuki og personal nga paggamitPagtuki og personal nga paggamit pinaagi sa pagpangutana sa imong kaugalingon kon unsa ang kinahanglan nimong buhaton sa imong kaugalingong kinabuhi aron magamit ang mga leksiyon nga imong nadiskobre.

Kauban sa daghang paagi sa paggamit niini nga kamatuoran, lagmit nga atong ikonsiderar ang pagpasalig nga mas matinud-anong mangalagad sa usa ka calling sa Simbahan o pagsalikway sa mga butang sa atong kinabuhi nga nagpugong kanato gikan sa hingpit nga pagtagamtam sa mga panalangin sa ebanghelyo ni Jesukristo.

Sa unsang paagi nga ang pagsunod niini nga sundanan sa pagtuon nakatabang kanimo sa pagpangita sa kahulogan niining mubo nga sambingay?

Awhaga ang mga estudyante nga maghatag og paningkamot ug dili mawad-an og kadasig kon lisod para kanila ang pagsabot sa mga sambingay.

Pagpili og usa sa mosunod nga mga pakisayran sa kasulatan, ug sunda ang kada usa sa upat ka lakang nga gihulagway sa ibabaw. (Kon mahuman na ka, mahimo nimong sulayan ang usa o labaw pa sa uban pang mga pakisayran.)

Unsa ang imong nadiskobre samtang nagtuon ka sa sambingay gamit ang upat ka lakang?
Unsa kaha ang makat-onan nato mahitungod sa Manluluwas pinaagi sa Iyang pagpili nga mogamit og mga sambingay aron magtudlo og importante nga mga leksiyon?

Komentaryo ug Background nga Impormasyon

Nganong nagtudlo si Jesukristo gamit ang mga sambingay?

“Ang sambingay nagpasabot ngadto sa naminaw sa relihiyosong kamatuoran nga katugbang gayod sa iyang pagtuo ug salabutan; ngadto sa dili kamao ug dili dinasig usa lamang kini ka istorya, ‘magatutok, dili man sila makakita,’ samtang ngadto sa natudloan ug sa espirituhanon nagpadayag kini sa mga misteryo o mga sikreto sa gingharian sa langit. Sa ingon ang sambingay nagpakita sa kahimtang sa tanang tinuod nga kahibalo. Siya lamang nga nagpangita ang makakaplag” (Bible Dictionary, “ Parables ”).

Nganong importante man nga pangitaon ang kahulogan sa mga sambingay ug sa atong mga kasinatian?

Si Elder David A. Bednar sa Korum sa Napulog Duha ka Apostoles mitudlo:

Ang matag usa nato kinahanglang mangita sa mga leksiyon ug mga pasidaan nga makita sa simpleng mga panghitabo sa inadlaw-adlawng pagpakabuhi. Samtang kita mangita alang sa hunahuna ug kasingkasing nga bukas aron sa pagdawat sa langitnong paggiya pinaagi sa gahum sa Espiritu Santo, niana ang pipila sa kinadak-ang mga panudlo nga atong madawat ug daghan sa labing gamhanan nga mga pasidaan nga makapanalipod nato magagikan sa atong kaugalingong ordinaryo nga mga kasinatian. Ang gamhanang mga sambingay makita diha sa mga kasulatan ug sa atong adlaw-adlaw nga kinabuhi.

(David A. Bednar, “Magmabinantayon ngadto sa Pag-ampo Kanunay,” Liahona, Nob. 2019, 34)

Unsa ang gitudlo kanato sa mga sambingay gikan sa Mateo 13 mahitungod sa ulahing mga adlaw?

Gitudlo ni Propeta Joseph Smith (1805–44) nga ang mga sambingay sa Manluluwas sa Mateo 13 makatabang kanato sa pagsabot sa pagpundok sa katawhan ngadto sa Simbahan atol sa mga panahon sa Bag-ong Tugon ug sa ulahing mga adlaw usab: “Ang mga panultihon sa Manluluwas, nga nakarekord sa ika-13 nga kapitulo sa Iyang Ebanghelyo sigon ni San Mateo, … sa akong hunahuna, naghatag kanato og klarong pagsabot sa importante nga hilisgotan bahin sa pagpundok sama sa bisan unsang nakarekord sa Biblia” (“To the Elders of the Church of the Latter Day Saints,” Latter Day Saints’ Messenger and Advocate, Dis. 1835, 2:225; gihimong moderno ang spelling, capitalization, ug punctuation).