Jesus turning over a table of a money changer in the temple. Outtakes include images of Christ alone and with the crowd of merchants and buyers fleeing, people buying goods, and people looking.
Samtang didto sa Jerusalem panahon sa kataposang semana sa Iyang kinabuhi, gihinloan ni Jesus ang templo sa ikaduhang higayon ug giayo kadtong mga miduol Kaniya. Kini nga leksiyon makatabang ninyo nga mobati og dugang nga tinguha sa pagtagad sa templo isip balaan nga dapit diin mabatyagan ninyo ang gugma sa Manluluwas ug malig-on ang inyong hugot nga pagtuo Kaniya.
Pagtabang sa mga estudyante nga matuman ang ilang tahas. Sa imong pagpangandam sa matag leksiyon, tutoki ang imong tahas ngadto sa mga estudyante sa ilang kaugalingon nga pagkat-on. Kaysa sa mangutana lamang og, “Unsa ang akong buhaton sa klase karon?” o, “Unsa ang akong itudlo sa akong mga estudyante?” mahimo usab nimong pangutan-on ang imong kaugalingon sama sa “Unsa ang mabuhat sa mga estudyante aron mas maduol sa Manluluwas?” ug “Unsay buhaton sa mga estudyante sa leksiyon karon aron madapit ang Espiritu Santo nga motudlo kanila?”
Pagpangandam sa estudyante: Dapita ang mga estudyante nga pamalandongan ang ilang pinakabag-o nga pagbisita sa templo. Kon wala pa sila sukad makaadto sa templo, dapita sila nga pamalandongan unsa sa ilang hunahuna ang pagbati mahitungod sa pag-adto sa templo.
Posible nga mga Kalihokan sa Pagkat-on
Gihinloan ni Jesus ang templo
Atol sa debosyonal, ikonsiderar ang pagkanta sa usa ka awit mahitungod sa templo, sama sa “Gusto Ko nga Makita ang Templo” (Songbook sa mga Bata, 99). Ikonsiderar ang pagpakita og usa ka litrato sa templo sa inyong dapit ug pagdapit sa mga estudyante sa pagpaambit sa ilang mga pagbati mahitungod sa templo. Ang mga hulagway sa templo anaa makita satemples.ChurchofJesusChrist.org.
Miadto si Jesus sa Jerusalem aron sa pagsaulog sa Pagsaylo ug pagbisita sa templo. Ang mga tigsimba nga nangadto sa Jerusalem kinahanglan nga magpailis sa ilang salapi ngadto sa kwarta nga magamit sa templo aron ipalit og mga hayop nga ighahalad nga buhaton alang kanila pinaagi sa mga pari. Bisan tuod og kini nga negosyo gikinahanglan ug naghatag og maayong katuyoan, ang pagbuhat niini diha sa templo usa ka walay pagrespeto ug walay balaang pagtahod. Si Jesus misanong sa unsay Iyang naobserbahan didto sa templo sa duha ka nagkalahi nga okasyon: kausa duol sa sinugdanan sa Iyang pagpangalagad (tan-awa sa Juan 2:13–16) ug kausa panahon sa kataposang semana sa Iyang kinabuhi (tan-awa sa Mateo 21:12–13).
Basaha ang usa o ang duha sa mosunod nga mga tudling sa kasulatan, nga mangita kon giunsa sa Manluluwas sa pagsanong ang unsay Iyang nakita sa templo.
Unsa ang inyong nakat-onan gikan sa pagbasa niining duha ka asoy mahitungod sa unsay gibati sa Manluluwas mahitungod sa templo?
Ngano kaha nga ang Manluluwas misanong man og sama niadto nga Iyang gihimo bahin sa unsay nanghitabo didto sa templo?
Unsa nga mga kamatuoran ang inyong nakat-onan gikan sa mga pulong sa Manluluwas ug mga gipangbuhat didto sa templo?
Dapita ang mga estudyante sa pagsulat diha sa pisara og usa ka kamatuoran nga ilang nakit-an. Tingali nakakita sila og kamatuoran sama sa mosunod: Ang templo mao ang balay sa Dios ug usa ka balaang dapit.
Si Presidente Russell M. Nelson mitudlo mahitungod sa sagrado nga matang sa balay sa Ginoo:
Imahe
Official portrait of President Russell M. Nelson taken January 2018
Ang templo mao ang balay sa Ginoo. Ang basehan sa matag ordinansa ug pakigsaad sa templo—ang sentro sa plano sa kaluwasan—mao ang Pag-ula ni Jesukristo. Matag kalihokan, matag leksiyon, tanan nga atong gibuhat sa Simbahan, nagpunting sa Ginoo ug sa Iyang balaang balay. …
… Ang atong Manluluwas nagkinahanglan nga ang Iyang mga templo mapanalipdan gikan sa pagpasipala. Walay mahugaw nga butang ang mahimong mosulod sa Iyang gibalaan nga balay. Apan ang tanan nga nangandam og maayo pasudlon.
(Russell M. Nelson, “Personal Preparation for Temple Blessings,” Ensign, Mayo 2001, 32–33)
Sa unsang paagi ang pamahayag ni Presidente Nelson nagtabang nato nga mas makasabot sa kinaiya sa Manluluwas bahin sa templo?
Ngano kaha nga ang Ginoo nagkinahanglan nga kita takos nga mosulod sa templo?
Pagpaambit og personal nga kasinatian mahitungod sa sagrado nga matang sa templo. Pagdapit og pipila ka estudyante nga mopaambit sa ilang mga kasinatian. Pahinumdomi ang mga estudyante nga dili ipakigbahin ang mga kasinatian nga personal o pribado ra kaayo.
Hunahunaa ang mosunod nga pamahayag ni Elder David A. Bednar sa Korum sa Napulog Duha ka Apostoles, ug pamalandongi unsa ang ipabuhat kaninyo sa Ginoo.
Imahe
Elder David A. Bednar, Quorum of the Twelve Apostles official portrait. 2020.
Ang mga templo mao ang pinakabalaan sa tanang dapit sa pagsimba. Ang templo literal nga balay sa Ginoo, usa ka sagrado nga luna nga piho nga gilahi alang sa pagsimba sa Dios ug sa pagdawat ug paghinumdom sa Iyang dagko ug bililhong mga saad.
… Ang labing mahinungdanong tumong sa pagsimba sa templo mao ang pag-apil sa mga ordinansa ug pagkat-on, pagdawat, ug paghinumdom sa mga pakigsaad. Lahi ang atong panghunahuna, linih[o]kan, ug sininaan diha sa templo kay sa ubang dapit nga kanunay natong adtoan.
Usa ka mahinungdanong katuyoan sa templo mao ang pag-isa sa atong panan-aw gikan sa mga butang sa kalib[o]tan ngadto sa mga panalangin sa kahangt[o]ran.
Ikonsiderar ang pagdapit sa mga estudyante sa pagpamalandong sa ilang mga tubag sa mosunod nga pangutana ug gani sa pagrekord og pipila sa ilang mga hunahuna diha sa ilang mga journal.
Unsa ang inyong gibati nga gusto sa Ginoo nga inyong mahibaloan, bation o buhaton tungod sa unsay inyong nakat-onan niini nga leksiyon mahitungod sa sagrado nga matang sa templo?
Giayo ni Jesus ang buta ug ang bakol
Basaha ang Mateo 21:14 , nga mangita sa unsay gibuhat sa Manluluwas diha sa templo human kini hinloi sa ikaduhang higayon. Ang mga pulong nga “ang bakol” nagpasabot og mga indibidwal nga nabakol o adunay pipila ka matang sa pagkabaldado.
Hibaloi kon giunsa sa Manluluwas sa pag-ayo sa pisikal nga paagi ang pipila sa Iyang mga matinud-anong mga sumusunod sa duol sa templo.
Unsa pay laing mga matang sa pagpang-ayo ang atong masinati pinaagi sa atong paggamit og hugot nga pagtuo Kaniya ug sa atong pagbuhat sa buhat sa templo?
Si Elder Dale G. Renlund sa Korum sa Napulog Duha ka Apostoles mipasabot sa pagkaayo nga atong madawat kon kita moapil sa buhat sa templo ug family history.
Imahe
Official portrait of Elder Dale G. Renlund of the Quorum of the Twelve Apostles, January 2016.
Apan, kon moapil kita karon sa buhat sa family history ug sa templo, kita sarang usab nga makaangkon sa “makaayo” nga mga panalangin nga gisaad sa mga propeta ug mga apostoles. Makatingala usab kaayo kini nga mga panalangin tungod sa gilapdon, pagkapiho, ug sa sangp[o]tanan sa mortalidad.
Ikonsiderar ang pagpaambit og personal nga kasinatian nga may kalabotan sa pagtinguha og pagkaayo diha sa templo.
Sa unsang paagi kaha ang pagsimba sa templo makatabang kanato nga mamaayo gikan sa atong espirituhanon ug emosyonal nga mga samad?
Komentaryo ug Background nga Impormasyon
Mateo 21:13. Nganong miingon man si Jesus nga ang katawhan mihimo sa templo nga “tagoanan sa mga tulisan”?
Ang hugpong sa pulong “tagoanan sa mga tulisan” nagsugyot nga ang mga tigkambyo og kwarta ug ang mga namaligya mas interesado nga makaganansiya kay sa pagsimba sa Dios ug sa pagtabang sa uban aron makasimba.
Nasuko ba si Jesus diha nga Iyang gihinloan ang templo?
Si Presidente Gordon B. Hinckley (1910–2008) mitudlo mahitungod sa paghinlo sa Manluluwas sa templo.
Imahe
Frontal half-length portrait of President Gordon B. Hinckley. President Hinckley’s hands are resting on the back of a chair. The image is the official Church portrait of President Hinckley as of 1995. This was President Hinckley’s last official portrait. President Hinckley died 27 January 2008.
Ang kasuko mahimong mapangatar[o]ngan sa ubang mga sitwasyon. Ang mga kasulatan nagsulti kanato nga si Jesus mipapahawa sa mga tigpang-ilis og kwarta gikan sa templo nga nag-ingon, “Ang akong balay pagatawagon nga balay alampoanan; apan gihimo ninyo kini nga langub sa mga tulisan” ( Mateo 21:13). Apan bisan kini mas giingon nga pagbadlong kaysa usa ka pagbuto sa usa ka wala mapugngi nga kasuko.
(Gordon B. Hinckley, “Hinay nga Masuko,” Liahona, Nob. 2007, 66)
Dugang nga mga Kalihokan sa Pagkat-on
Virtual nga pag-tour sa templo
Kini nga kalihokan mahimong ikapuli nga sinugdanan sa leksiyon.
Pagkaayo pinaagi sa templo ug buhat sa family history
Ikonsiderar ang pagpaambit og mga kinutlo gikan sa artikulo nga “Mga Milagro sa Pagkaayo Pinaagi sa mga Ordinansa sa Templo” (Liahona, Sept. 2020, 43–47), ni Sister Reyna I. Aburto sa Kinatibuk-ang Kapangulohan sa Relief Society.
Paghinlo sa atong kaugalingong mga templo
Si Apostol Pablo nagtandi sa atong pisikal nga mga lawas ngadto sa “ang templo sa Espiritu Santo” (tan-awa sa 1Corinto 6:19). Ang mga estudyante mahimong maghunahuna kon unsaon nila sa paghinlo ang ilang kaugalingong mga templo, buot ipasabot sa ilang mga lawas uban sa samang pagtahod ug pagdinalian ni Jesus sa dihang Iyang gihinloan ang templo sa Jerusalem. Ang mga estudyante mahimong morebyo sa Alang sa Kalig-on sa mga Kabatan-onan nga booklet ug mokonsiderar kon unsa kaha ang ilang gikinahanglan nga isalikway sa ilang kinabuhi aron mahimo nga mas balaan ug makatagamtam sa kanunayng pakig-uban sa Espiritu Santo. Ang mga estudyante mahimo usab nga awhagon sa paghimo og espirituhanong tumong isip kabahin sa Kabataan ug Kabatan-onan nga programa nga makatabang nila sa “paghimaya sa Dios sa [ilang] lawas” ( 1Corinto 6:20).
Dapita ang mga estudyante sa pagbisita niini nga website aron makakita og mga tubag sa ilang mga pangutana mahitungod sa templo. Kini nga kalihokan mahimong gamiton dapit sa kataposan sa leksiyon. Ang mga estudyante mahimo usab nga dapiton sa pagbisita sa website nga sila ra. Siguroha nga masulat ang link ngadto sa pisara.
