Jesus talking to Pharisees in Jerusalem. Movie still from The Life of Jesus Christ Bible Videos.
Sa panahon sa kataposang semana sa mortal nga pangalagad sa Manluluwas, Iyang gihimaraot ang pagpakaaron-ingnon sa mga eskriba ug mga Pariseo. Kini nga leksiyon makatabang ninyo nga makalikay sa pagpakaaron-ingnon ug mamahimong mapaubsanon nga sumusunod ni Jesukristo.
Pagsabot sa konteksto sa mga kasulatan. Ang pagkat-on mahitungod sa kultura ug mga kostumbre sa kapanahonan sa Bag-ong Tugon makatabang sa mga estudyante nga makasabot sa Bag-ong Tugon. Ang pagsabot sa konteksto sa mga kasulatan makaandam sa mga estudyante sa pag-ila sa mga mensahe sa dinasig nga mga tagsulat niini.
Pagpangandam sa estudyante: Dapita ang mga estudyante sa paghunahuna og mga tawo nga naningkamot sa pagsunod sa Manluluwas uban sa kasinsero ug tiunay nga katuyoan samtang sila nagserbisyo sa uban.
Posible nga mga Kalihokan sa Pagkat-on
Kon ang mga estudyante mas makabenepisyo sa pagkat-on mahitungod sa pagpanalipod nga gitanyag sa Manluluwas kanato kay sa mahitungod sa pagpakaaron-ingnon, ikonsiderar ang pagtudlo sa kalihokan nga anaa sa Mateo 23:37 diha sa “Dugang nga mga Kalihokan sa Pagkat-on” nga seksiyon.
Unsa man ang pagpakaaron-ingnon?
Pag-andam og tulo ka dili sihag nga mga tasa. Butangi og hugaw ang gawas sa una nga tasa ug ang sulod sa ikaduha nga tasa, ug pasagdi nga limpyo ang ikatulong tasa. Ipakita ang mga tasa, ug pangutan-a ang klase kon hain niana ang gusto nilang imnan. Dapita ang usa ka estudyante sa pagsusi sa mga sulod sa mga tasa ug ipasabot kon hain nga tasa ang gusto niyang imnan ug ngano man.
Imahe
Photo of three cups. One that is dirty on the inside, one that is dirty on the outside, and one that is clean
Sa unsang mga paagi nga ang hugaw nga mga tasa nagrepresentar sa pagpakaaron-ingnon?
Samtang maghisgot ang mga estudyante sa pagpakaaron-ingnon, angay nilang tan-awon ang sulod ug magpokus sa ilang kaugalingon. Likayi nga ang mga estudyante motumbok ngadto sa uban nga tigpakaaron-ingnon.
Ang pulong nga tigpakaaron-ingnon gihubad gikan sa Gresyanhon nga pulong nga nangahulogan og “aktor” ug nag-refer ngadto sa tawo nga tigpatuo-tuo, nagpasulabi sa usa ka bahin, o malimbongon sa iyang mga lihok nga mapaling-palingon. Kini “sa kinatibuk-an nagpasabot sa tawo nga nagpakaaron-ingnon nga relihiy[o]so apan dili diay siya tinuod nga relihiy[o]so” (Bible Dictionary, “ Hypocrite ”). Kini mahimo usab nga magpasabot ngadto sa usa ka tawo kinsa magpaila nga dili relihiyoso nga sa tinuoray siya relihiyoso diay.
Sa inyong pagkat-on sa Mateo23 , pangita og mga kamatuoran nga makatabang ninyo nga malikay sa pagpakaaron-ingnon ug mahimong mas susama ni Jesukristo.
Isip kabahin sa kataposang mensahe sa Manluluwas sulod sa kataposang semana sa Iyang mortal nga pagpangalagad, Iyang gihimaraot ang pagpakaaron-ingnon sa mga eskriba ug sa mga Pariseo. Iyang gipasabot og maayo nga ang mga eskriba ug mga Pariseo “[milingkod] sa lingkoranan ni Moises” ( Mateo 23:2), diin nagpasabot nga sila nag-okupar og posisyon sa awtoridad aron magtudlo sa doktrina ug maghubad ug mangalagad sa balaod. Ilang gikonsiderar ang ilang mga kaugalingon nga mas takos kay ni bisan kinsa didto sa sinagoga.
Basaha ang Mateo 23:3–7 , nga mangita kon unsay gisulti sa Manluluwas mahitungod kon sa unsang paagi nga ang mga eskriba ug mga Pariseo tigpakaaron-ingnon. Sa dili pa mo mobasa, tingali makatabang ang pagkahibalo unsa ang “mga pilakterya [gisudlan sa mga sinulat]” ( bersikulo5) mao ang gagmay nga mga kahon nga gihigot sa mga Judeo sa ilang agtang ug wala nga bukton. Sulod sa mga pilakterya mao ang gagmayng linukot nga papel nga naglangkob og piho nga mga bersikulo sa kasulatan gikan sa Daang Tugon. Ang mga Judeo nagsul-ob og mga pilakterya aron makatabang nila sa pagpahinumdom sa pagsunod sa mga sugo sa Dios.
Imahe
Combined image of two men wearing phylacteries and an image of the wailing wall in Jerusalem
Imahe
Combined image of two men wearing phylacteries and an image of the wailing wall in Jerusalem
Sumala sa bersikulo5 nganong gipadak-an man sa mga eskriba ug mga Pariseo ang ilang mga pilakterya ug “ang mga borlas sa ilang mga kupo”?
Wala ipanghimaraot sa Ginoo kadtong nagsul-ob og mga pilakterya, apan Iyang gihimaraot kadtong migamit niini sa pagpakaaron-ingnon nga paagi o mipadako niini aron mamatikdan sila sa uban o aron makita ang ilang mga kaugalingon nga mas importante.
Unsa ang pipila ka mga peligro sa pagsimba sa Dios dala ang panggawas nga mga linihokan tungod kay gusto kamo nga mamatikdan sa uban?
Ngano kahang gusto man sa Ginoo nga mosimba kamo Kaniya nga may pagkamatinuoron ug adunay matarong nga katuyoan?
Agig dugang sa mga pagpasidaan sa mga tawo aron dili mosunod sa kinaiya sa mga eskriba ug mga Pariseo, ang Manluluwas namulong usab direkta ngadto sa mga eskriba ug mga Pariseo. Gilitok Niya ang daghan nga mga kaalaotan nga moabot kanila tungod sa ilang pagpakaaron-ingnon (tan-awa sa Mateo 23:13–33). Ang Alaot nagpasabot sa usa ka kahimtang sa kamakalolooy, kalisdanan, ug kasubo.
Basaha ang Mateo 23:23–28 , nga mangita sa unsay gisulti sa Manluluwas ngadto sa mga eskriba ug sa mga Pariseo.
Sa unsang paagi kini nga mga bersikulo nagdugang sa inyong pagsabot sa pagpakaaron ingnon?
Tabangi ang mga estudyante sa pagsabot nga ang usa sa mga problema sa pagpakaaron-ingnon mao nga kini nagpugong kanato aron mahimong tinuod nga susama sa Langitnong Amahan ug ni Jesukristo. Sa panahon nga kita nagpakaaron-ingnon, mas napokus kita sa unsay makita sa uban ngari nato kaysa sa kang kinsa kita tinuod nga mahisama.
Unsa ang inyong isulti sa usa ka tawo nga nabalaka mahitungod sa pagkahimong tigpakaaron-ingnon kon siya masayop sa iyang tinguha sa pagpuyo sa ebanghelyo?
Kon ang mga estudyante manginahanglan og tabang sa pangutana nga naa sa ibabaw, ipaambit ang pamahayag gikan ni Elder Jeffrey R Holland diha sa “Komentaryo ug Background nga Impormasyon” nga seksiyon.
Unsaon man nato paglikay ug pagbuntog ang pagpakaaron-ingnon
Sukwahi sa mga eskriba ug mga Pariseo, ang Manluluwas wala gayod magbuhat og pagpakaaron-ingnon. Iyang gitudloan ang mga tawo nga dili maghunahuna sa ilang kaugalingon nga mas labaw sa uban, tungod kay silang tanan mga anak sa Dios, managsama sa Iyang panan-aw. Siya nagpamatuod nga ang Langitnong Amahan mao ang atong Magbubuhat ug nga Siya, si Kristo, gipadala sa Amahan ug mao ang atong tinuod nga Agalon kinsa naghatag sa atong kinabuhi (tan-awa sa Hubad ni Joseph Smith, Mateo 23:6 [diha sa Mateo 23:9 ], Mateo 23:8–10).
Basaha ang Mateo 23:11–12 , ug pangitaa ang mga pagtulon-an nga mahimong makatabang nato sa pagbuntog ug paglikay sa pagpakaaron-ingnon. Sa bersikulo12 , ang pulong nga magpataas nagpasabot og pag-isa, ug ang magpaubos nagpasabot og gipaubos, pagkahiubos o menos nga pagtahod.
Unsa kaha nga baroganan ang sa inyong hunahuna maoy gitudlo ni Jesukristo kanato niini nga mga bersikulo?
Ang Manluluwas nagtudlo nga kon kita magpaubos ug moalagad sa uban, ang Dios mopahitaas kanato. Iya kitang tabangan aron mahimong sama Kaniya, ug ang pagsunod sa Iyang mga sugo ug tinuod nga paghinulsol ang Ginoo maoy maghatag kanato og kahimayaan ngadto sa celestial nga gingharian.
Giunsa ni Jesukristo pagkahimong sanglitanan sa pagkamapaubsanon, pag-alagad sa uban, ug paglikay sa pagpakaaron-ingnon?
Unsaon nga ang pagkamapaubsanon ug pag-alagad sa uban makatabang kaninyo nga malikay sa pagpakaaron-ingnon ug mahimong mas mahisama sa Manluluwas?
Ipakita ang mosunod nga mga pamahayag, ug dapita ang mga estudyante sa pagpamalandong kon asa niini ang ilang makita sa kanunay. Dapita ang mga estudyante sa pagtinguha og giya sa Espiritu samtang sila mamalandong. Pahinumdomi sila nga ang Langitnong Amahan ug si Jesukristo nahigugma kanila ug gustong motabang kanila aron mabuntog ang pagpakaaron-ingnon. Ang mga estudyante mahimong morekord sa ilang mga hunahuna diha sa journal sa pagtuon.
Nagpakaaron-ingnon ko nga ako dili ako.
Naghimo ako og maayo aron mamatikdan ko sa uban.
Kanunay kong naghunahuna nga mas labaw ko kaysa uban.
Bisan ako makahimo og mga sayop, ako tinuoray nga naningkamot nga magsunod sa ebanghelyo.
Naningkamot ko sa pag-alagad sa uban ug naghimo og maayo nga wala magtinguha og pasidungog.
Ako naningkamot sa pagpaubos ug wala nako tan-awa ang akong kaugalingon nga mas labaw kay sa uban.
Tinguhaa ang giya sa Espiritu Santo samtang magtino kamo og mga dapit diin kamo molambo. Hinumdomi nga ang Langitnong Amahan ug si Jesukristo nahigugma kaninyo ug miila sa bisan unsang sinsero nga paningkamot sa pagsunod sa ebanghelyo. Kon mangayo kamo og tabang sa Langitnong Amahan, Siya motabang kaninyo aron mabuntog ang bisan unsang kahuyang o pagpakaaron-ingnon.
Komentaryo ug Background nga Impormasyon
Giunsa sa Manluluwas sa pagtan-aw ang tigpakaaron-ingnon nga mga eskriba ug mga Pariseo?
Sa iyang paghisgot sa “Ang Tingog sa Pagpasidaan,” si Elder D. Todd Christofferson sa Korum sa Napulog Duha ka Apostoles nagtudlo mahitungod sa kon giunsa ni Jesus paghimaraot ang pagpakaaron-ingnon sa mga eskriba ug mga Pariseo (Liahona, Mayo 2017, 108–11).
Ako ba usa ka tigpakaaron-ingnon kon ako makabuhat ug mga kasaypanan sa akong paningkamot nga makasunod sa ebanghelyo?
Si Elder Jeffrey R. Holland sa Korum sa Napulog Duha ka Apostoles mitudlo:
Imahe
Official Portrait of Elder Jeffrey R. Holland. Photographed January 2018.
Mga kaigsoonan, ang matag usa kanato nagtinguha og mas Kristohanon nga kinabuhi kay sa kasagaran natong makab-[o]t sa pagpuyo. Kon matinuoron kitang moangkon niana ug naningkamot nga molambo, dili kita mga hipokrito; kita tawhanon.
Usa ka alternatibong paagi sa pagsugod sa leksiyon
Tabangi ang mga estudyante sa pagtimbang-timbang sa malagmit nga problema sa matag usa niining mosunod nga mga kahimtang. (Kon mahimo, ikonsiderar ang pag-usab sa mga kahimtang aron mapakita ang lokal nga mga kustombre ug mga tradisyon nga mas mohaom sa mga estudyante.)
Usa ka tawo nga nagtambong og mga miting sa simbahan apan mas naghunahuna nga makit-an sa uban kay sa pagsimba sa Dios
Usa ka miyembro nga nangangkon nga nagpaluyo sa mga lider sa Simbahan ug dayon manaway sa ilang mga desisyon
Usa ka tawo nga nag-post og materyal diha sa social media nga gipasobrahan ang ilang mga hiyas
Human matimbang-timbang sa mga estudyante kini nga mga kahimtang, ipasabot kon unsa ang pagpakaaron-ingnon, ug tan-awa kon ang mga estudyante makahulagway ba kon sa unsang paagi kini nga mga senaryo nahimong mga sanglitanan sa pagpakaaron-ingnon. Dayon sugdi ang pagtuon sa Mateo23 .
Mga balangay sa Potemkin ug pagpakaaron-ingnon
Ang mga estudyante mahimong mopaambit sa unsa ang ilang nakat-onan mahitungod sa pagpakaaron-ingnon ug giunsa nila paglikay niini.
Mateo 23:37 . “Sama sa usa ka himungaan nga nagtigom sa iyang mga piso ilalom sa iyang mga pako”
Sa Mateo 23:34–39 ang Manluluwas nagpasidaan sa mga lumulupyo sa Jerusalem nga tungod kay ilang gisalikway ang mga propeta, sila magpabiling biniyaan.
Imahe
A mother hen and her baby chicks.
Ikonsiderar ang pagpakita og usa ka litrato sa manok nga himungaan ug sa iyang mga piso ug mangutana, “Giunsa sa himungaan pagpanalipod sa iyang mga piso?”
Awhaga ang mga estudyante sa pagbasa sa Mateo 23:37–39 , nga mangita kon sa unsang paagi ang katawhan sa Jerusalem misanong sa paningkamot ni Jesus sa pagtigom kanila sama sa himungaan nga mitigom sa iyang mga piso.
Gihatagan ni Jesus ang katawhan sa Basahon ni Mormon og susama nga mensahe. Kadtong mga misalikway sa mga propeta nangamatay tungod sa kalaglagan nga misunod sa Iyang pagkamatay (tan-awa sa 3Nephi 9:1–12). Ang Manluluwas dayon mipaabot og usa ka pagdapit ngadto niadtong mga naluwas.
Awhaga ang mga estudyante sa pagbasa sa 3Nephi 9:13–14 ; 10:4–6 , nga mangita sa pagdapit sa Manluluwas.
Ikonsiderar ang pagpangutana sama sa mosunod:
Unsa ang gitudlo niini nga mga bersikulo diha ninyo mahitungod sa Manluluwas?
Unsa ang pipila ka mga paagi nga ang Manluluwas makatigom, makapanalipod, ug makaluwas kanato?
Sa unsang paagi kaha nga ang pagsunod sa mga propeta usa ka paagi aron kita makadawat sa panalipod sa Manluluwas?
Unsay inyong buhaton sa pagpundok ngadto sa Manluluwas aron kamo makapadayon sa pagdawat sa Iyang pag-amuma ug panalipod?
Sa unsang paagi kini nga mga bersikulo nakaapekto sa inyong pagbati mahitungod kang Jesukristo?
