Joseph Smith—Mateo 1; Mateo 25; Marcos 12–13; Lucas 21

Kinatibuk-ang Pagpasabot

Sa usa ka pribadong panagsultihanay didto sa Bukid sa mga Olibo, si Jesukristo mitubag sa mga pangutana sa Iyang mga disipulo mahitungod sa Iyang Ikaduhang Pag-anhi. Siya misugo kanila nga, “tan-awa nga kamo dili masamok” (Joseph Smith–Mateo 1:23). Siya usab mitudlo unsaon sa pagpangandam alang sa Iyang pagbalik, nga nagpaambit sa mga sambingay sa napulo ka dalaga, sa mga talento, ug sa karnero ug sa mga kanding. Karong semanaha naglakip og usa ka pagrebyo sa doktrinal nga kahanas aron sa pagtabang kaninyo nga masabtan ug mapasabot ang mga kamatuoran nga makita diha sa mga tudling sa doktrinal nga kahanas.

Pangandam sa Pagtudlo

Ang mosunod nga impormasyon maghatag sa mga magtutudlo og mga ideya kon unsa ang lagmit nga kinahanglang andamon daan para sa kada leksiyon.

Joseph Smith—Mateo

Katuyoan sa leksiyon: Kini nga leksiyon makatabang sa mga estudyante nga makasabot unsa ang gitudlo sa Manluluwas mahitungod sa mga timailhan sa Iyang pag-abot ug magpaabot sa adlaw nga Siya mobalik sa kalibotan.

Pagpangandam sa estudyante: Dapita ang mga estudyante sa pagbasa sa Joseph Smith —Mateo 1:22–55 ug sa pagpamalandong diha sa ilang mga hunahuna ug mga pagbati mahitungod sa Ikaduhang Pag-anhi sa Manluluwas.

Mga Materyal: usa ka gamayng hulagway sa Ikaduhang Pag-anhi ni Jesukristo nga ikahatag ngadto sa matag estudyante, kon mahimo

Sugyot alang sa videocoference nga pagtudlo: Ikonsiderar nga hatagan ang mga estudyante og usa ka minuto aron pagsulat sa papel og pinakadaghang mga pulong o mga hugpong sa pulong kutob sa ilang mahunahunaan nga motubag sa nag-unang duha ka pangutana bahin sa leksiyon. Pagdapit og pipila kanila nga mopaambit og usa sa ilang mga pulong o mga hugpong sa pulong ug mopasabot nganong gisulat nila kini.

Joseph Smith—Mateo 1:21–37; Lucas 21:25–36

Katuyoan sa leksiyon: Kini nga leksiyon makatabang sa mga estudyante aron malikayan ang pagpanglingla ug mabuntog ang kahadlok mahitungod sa mga hitabo sa kataposang mga adlaw.

Pagpangandam sa estudyante: Dapita ang mga estudyante sa pagtimbang-timbang kon sa unsang paagi ang ilang mga tumong sa pagtuon sa kasulatan nakatabang kanila. Mahimo usab nga timbang-timbangon sa mga estudyante kon ugaling naglisod sila sa pagpadayon sa ilang mga tumong ug kon unsay gusto nila nga paagi sa pagpalambo.

Sugyot alang sa videoconference nga pagtudlo: Ikonsiderar nga ipakita ang mga pakisayran sa kasulatan gikan sa Lucas 21 ug ang katugma nga mga pamahayag diha sa slide. Basaha og kusog ang pakisayran, pangutan-a kon asa sa pamahayag ang maayo kaayong pagka-summarize, ug dapita ang mga estudyante sa pagtubag diha sa chat nga feature og a, b, o c.

Mateo 25:1–13

Katuyoan sa leksiyon: Kini nga leksiyon makatabang sa mga estudyante nga makasabot og makabatyag sa kaimportante sa pagpangandam sa ilang kaugalingon aron sa paghimamat sa Ginoo sa panahon kon Siya moanhi na pag-usab.

Pagpangandam sa estudyante: Dapita ang mga estudyante sa paggrado sa ilang kaugalingon sa sukod gikan 1 hangtod 10 (ang 1 nagpasabot nga wala kamo mouyon; ang 10 nagpasabot nga kamo miuyon) sa mosunod nga pamahayag: “Akong gibati nga andam ako sa Ikaduhang Pag-anhi ni Jesukristo.” Dapita sila sa pagpamalandong nganong gigradohan man nila ang ilang kaugalingon sa ingon niana.

Handout: Ang handout bahin sa mga suga

Sugyot alang sa videoconference nga pagtudlo: Human masulat sa mga estudyante ang ilang modernong-adlaw nga bersiyon sa sambingay sa napulo ka dalaga, ikonsiderar ang paghangyo og usa ka estudyante sa pagpili kon kinsang sambingay ang ilang gusto nga mapaminaw. O, kon gusto nila, mahimo ra silang motudlo pataas, paubos, sa wala, o sa tuo, ug ang tawo nga naa niana nga posisyon diha sa kompyuter sa magtutudlo maoy hangyoon nga mopaambit. (Timan-i: ang mga estudyante dili makita sa parehas nga pagkasunod sa tanang mga kompyuter.) Kon tinguhaon, kini nga kalihokan mahimong balikon.

Mateo 25:14–46

Katuyoan sa leksiyon: Kini nga leksiyon makatabang sa mga estudyante nga maila ang mga kamatuoran gikan sa sambingay sa mga talento ug sa sambingay sa karnero ug mga kanding. Makatabang usab kini sa mga estudyante aron maandam sa Ikaduhang Pag-anhi sa Manluluwas.

Pagpangandam sa estudyante: Dapita ang mga estudyante sa pagbasa sa sambingay man sa mga talento (tan-awa sa Mateo 25:14–30) o sa sambingay sa karnero ug mga kanding (tan-awa sa Mateo 25:31–46) ug mag-andam sa pagpaambit og mga leksiyon nga ilang nakat-onan gikan sa ilang pagtuon.

Handout: Ang handout mahitungod sa sambingay sa mga talento ug ang sambingay sa karnero ug mga kanding

Sugyot alang sa videoconference nga pagtudlo: Ikonsiderar nga bahinon ang mga estudyante ngadto sa mga grupo gamit ang breakout nga mga room aron tun-an ang duha sa mga sambingay. Dayon mobalik ang tanan sa klase aron hisgotan kini. Kon itugot sa teknolohiya sulayi og adto ang lahi nga mga grupo aron dasigon ug giyahan sila.

Rebyo sa Doktrinal nga Kahanas 9

Katuyoan sa leksiyon: Kini nga leksiyon makatabang sa mga estudyante sa pag-angkon og mas dakong panabot bahin sa mga kamatuoran nga makita diha sa mga tudling sa doktrinal nga kahanas. Makatabang usab kini sa mga estudyante nga mabansay sa pagpasabot niining mga kamatuoran ngadto sa uban.

Pahinumdom: Ang usa ka tudling sa doktrinal nga kahanas nga leksiyon tingali gikinahanglang itudlo isip puli niini nga leksiyon sa pagrebyo. Tan-awa ang eskedyul kon kanus-a itudlo ang leksiyon nga gihatag sa direktor sa lugar o rehiyon o koordinitor aron masiguro nga matudlo ang kada leksiyon sa tudling sa doktrinal nga kahanas samtang anaa sa sesyon ang seminary.

Pagpangandam sa estudyante: Dapita ang mga estudyante sa pagpili og usa ka tudling sa doktrinal nga kahanas nga bag-o nilang nakat-onan ug sa pagpasabot niini ngadto sa usa ka tawo.

Materyal: Ang pagtugma-tugma nga kalihokan sa doktrinal nga kahanas nga ipakita diha sa pisara

Sugyot alang sa videoconference nga pagtudlo: Sa dili pa ang klase, ikonsiderar ang pagdapit og upat ka estudyante aron maoy modala sa mga papel [role] sa mga higala atol sa pagpasabot nga kalihokan. Papulipuliha sila sa pagpangutana unsa ang kahulogan sa mga tudling sa doktrinal nga kahanas ug tugotan ang mga estudyante sa klase nga motubag.