Pagbansay sa Pagsabot ug Pagpasabot sa mga Kamatuoran
Imahe
Two young men are talking to each other. They are seated outside.
Ang mga tudling sa kasulatan sa doktrinal nga kahanas naglakip og importanteng mga kamatuoran mahitungod kang Jesukristo ug sa Iyang ebanghelyo. Kini nga leksiyon makatabang aron madugangan ang inyong pagsabot niining mga kamatuoran ug makatabang usab ninyo nga mabansay sa pagpasabot niini ngadto sa uban.
Pagbansay sa pagpasabot. Ang paghatag sa mga estudyante og mga kahigayonan aron mabansay sa pagpasabot sa mga kamatuoran nga gitudlo sa Manluluwas makatabang nila nga maila unsa ang ilang nahibal-an mahitungod sa usa ka kamatuoran ug madugangan ang ilang kamasaligon sa pagpaambit sa ilang kahibalo ngadto sa uban.
Pagpangandam sa estudyante: Dapita ang mga estudyante sa pagpili og usa ka tudling sa kasulatan sa doktrinal nga kahanas nga ilang bag-o lang nga nakat-onan ug ipasabot kini ngadto sa usa ka tawo.
Posible nga mga Kalihokan sa Pagkat-on
Ang tudling sa doktrinal nga kahanas nga leksiyon kinahanglang matudlo isip puli niini nga leksiyon sa pagrebyo. Tan-awa ang eskedyul kon kanus-a itudlo ang leksiyon nga gihatag sa direktor sa lugar o rehiyon o koordinitor aron masiguro nga matudlo ang kada leksiyon sa tudling sa doktrinal nga kahanas samtang anaa sa sesyon ang seminary.
Ikonsiderar ang pagdapit og usa ka estudyante sa pagpasundayag og kahanas nga nagkinahanglan og pagbansay aron molambo, sama sa pagtugtog og instrumento o pagkanta.
Pagpalambo og kahanas
Unsa may usa ka butang diin kamo maayo kaayo?
Giunsa man ninyo sa paghimong maayo niini?
Si Elder Gary E. Stevenson sa Korum sa Napulog Duha ka Apostoles naghisgot mahitungod kon unsaon sa pagpalambo og usa ka kahanas.
Imahe
Official portrait of Elder Gary E. Stevenson of the Quorum of the Twelve Apostles, 2015.
Alang sa usa ka tawo aron mahimong maayo kaayo sa bisan unsa, nanginahanglan kini, agig dugang sa natural nga talento, og labihan nga disiplina, sakripisyo, ug dili maihap nga mga oras sa pagbansay ug pagpraktis.
(Gary E. Stevenson, “Basahon sa mga taktika ug mga angayang buhaton [Playbook] sa Imong Pagkapari,” Liahona, Mayo 2019, 47)
Sa unsang paagi kaha kini magamit sa inyong pagtuon sa mga kasulatan?
Unsa kadako ang inyong pagsalig sa inyong abilidad sa pagpasabot sa mga pagtulon-an sa Manluluwas ngadto sa uban?
Batia ang kagawasnon sa pagpili og laing mga tudling sa doktrinal nga kahanas alang sa mosunod nga mga kalihokan.
Karong adlawa inyong gamiton ang mga tudling sa kasulatan sa doktrinal nga kahanas aron sa pagpalawom sa inyong pagsabot sa mga kamatuoran nga gitudlo sa Manluluwas, ug inyong bansayon ang pagpasabot niining mga kamatuoran ngadto sa uban. Una, tingali makatabang ang pagrebyo sa mga tudling sa doktrinal nga kahanas nga bag-o ninyong natun-an. Sulayi sa pagtugma ang pakisayran sa kasulatan nganha sa doktrinal nga kahanas ngadto sa insakto nga mahinungdanon nga hugpong sa pulong sa kasulatan.
Batia ang kagawasnon sa pagpili og laing mga tudling sa doktrinal nga kahanas alang sa mosunod nga mga kalihokan. Ang mga tubag sa pagtugma-tugma nga kalihokan mao ang 1-C, 2-B, 3-A, 4-D.
D. “Higugmaa ang Ginoo nga imong Dios. … Higugmaa ang imong isigkatawo.”
Pagsabot sa tudling
Ikonsiderar ang paghimo sa mosunod nga kalihokan sa tibuok klase. Pagsulat og usa ka tudling sa kasulatan sa doktrinal nga kahanas ngadto sa pisara (sa dili pa magsugod ang klase, kon mahimo). Ipaambit ang mosunod nga mga panudlo ug dapita ang mga estudyante sa pagsulat sa ilang mga pangutana ngadto sa pisara.
Isulat ang pinakadaghang mga pangutana kutob sa inyong masulat mahitungod sa tudling sa doktrinal nga kahanas. (Ang mga sanglitanan sa mga pangutana nga mahimo ninyong ipangutana maglakip sa mosunod: Unsa ang gipasabot niini nga hugpong sa pulong? Kinsa man ang gisultian sa Manluluwas, ug ngano? Unsa nga kamatuoran ang gitudlo sa Manluluwas ug ngano? Kanus-a kini nga pagtulon-an makatabang kanako?)Pangita og tubag sa inyong mga pangutana gamit ang mga kapanguhaan sama sa ubang mga tudling sa kasulatan, pag-ampo, mga tabang sa pagtuon sa ebanghelyo, ug mga tawo nga inyong gisaligan. I-rekord ang inyong mga tubag nga makit-an.
Importante nga mahinumdoman nga dili tanang mga tubag makit-an dayon. Ang uban nanginahanglan og dugang nga oras, dugang nga pagtuon, ug personal nga pagpadayag. Hinoon, ang pagbansay sa pagpangutana ug pagpangitag mga tubag mahimong makapalig-on sa inyong relasyon sa inyong Amahan sa Langit ug makatabang ninyo aron molambo ang inyong abilidad nga mahimong mapaningkamoton sa kaugalinon sa espirituhanong paagi.
Dapita ang mga estudyante sa pagpakigbahin sa unsay ilang nakaplagan. Dayon dapita sila nga mobuhat sa susamang kalihokan diha sa ilang kaugalingon gamit ang lain nga tudling. O tingali makabenepisyo ang pag-assign sa matag estudyante og usa sa mga tudling sa kasulatan sa doktrinal nga kahanas nga girebyo ug dayon bahinon ang mga estudyante ngadto sa mga grupo, nga i-assign ang matag estudyante og lain nga tudling sa kasulatan.
Pagpasabot sa kamatuoran
Ikonsiderar ang pagpahiangay sa mosunod nga kalihokan pinaagi sa pagbutang og mga sobre palibot sa kwarto nga adunay tagsa ka tudling sa doktrinal nga kahanas sulod sa matag sobre. I-assign ang matag estudyante sa pagrebyo sa usa sa mga tudling sa kasulatan. Bahina ang mga estudyante ngadto sa mga grupo, sigurohon nga ang matag estudyante sa kada grupo na-assign og managlahi nga tudling. Dapita ang mga grupo nga adtoon ang tagsa ka sobre. Human nila kini ablihi, papilia ang usa ka estudyante sa grupo kinsa nakatuon sa tudling sa doktrinal nga kahanas diha sa sobre sa pagpasabot sa iyang grupo sa kahulogan sa maong tudling ug unsa ang ilang nakat-onan mahitungod niini.
Hunahunaa nga ang usa ka higala mibasa sa maong tudling sa kasulatan sa doktrinal nga kahanas nga inyong natun-an apan naglisod pagsabot niini ug unsa ang kalabotan niini sa iyang kinabuhi. Sila nangutana kaninyo mahitungod niini.
Pagsulat og usa ka pagpasabot bahin sa tudling sa kasulatan sa doktrinal nga kahanas ngadto sa inyong higala. Siguroha nga inyong maila ang importanteng mga kamatuoran ug mapasabot nganong importante kini alang kaninyo.
Pag-follow up sa pagbansay
Pamalandongi kini nga kasinatian sa pagpangita og mas halawom nga pagsabot ug pagpasabot sa mga kamatuoran nga makita diha sa mga tudling sa kasulatan sa doktrinal nga kahanas.
Sa unsang paagi ang pagpalawom sa inyong panabot nakaapekto sa inyong abilidad sa pagpasabot sa mga kamatuoran sa ebanghelyo?
Unsa ang inyong mabuhat sa umaabot aron maandam sa pagpasabot ngadto sa uban sa mga kamatuoran nga makita diha sa mga tudling sa doktrinal nga kahanas ug sa uban pang mga tudling sa kasulatan?