Resurrected Christ with arms outstretched stands above a throng of people of all races and times, some prone, some standing. The people on the right side of Christ are in the attitude of worship. The people on the left side of Christ are in anguish. Scenes of ruin are in the foreground and background. The Washington D.C. temple is pictured in the upper left corner.
Ang Manluluwas mitudlo bahin sa sambingay sa mga talento ug sa sambingay sa karnero ug mga kanding aron matabangan ang Iyang mga tinun-an nga mahibalo unsaon nga maandam alang sa Iyang Ikaduhang Pag-anhi. Kini nga leksiyon makatabang ninyo sa pag-ila sa mga kamatuoran gikan niining mga sambingay ug makatabang ninyo nga maandam alang sa Ikaduhang Pag-anhi sa Manluluwas.
Pagpangandam sa estudyante: Dapita ang mga estudyante nga basahon ang bisan asa sa sambingay sa mga talento (tan-awa sa Mateo 25:14–30) o ang sambingay sa karnero ug mga kanding (tan-awa sa Mateo 25:31–46) ug pangandami ang pagpaambit og mga leksiyon nga ilang nakat-onan gikan sa ilang pagtuon.
Posible nga mga Kalihokan sa Pagkat-on
Aron matabangan ang mga estudyante nga mahinumdoman ang ilang nangaging mga kasinatian sa pagtuon sa mga sambingay, ipakita ang mga hulagway sa binhi, o sinsilyo, ug usa ka perlas, o, kon mahimo, pagdala og pipila ani nga mga butang ngadto sa klase. Dapita ang mga estudyante sa paghinumdom og usa ka sambingay nga ila nang nakat-on-an gikan sa Bag-ong Tugon ug sa daklit nga pagpasabot sa buot ipasabot niini. Tingali makatabang ang paghunong sa makadiyot aron mahatagan ang mga estudyante og igong panahon sa paghinumdom sa mga sanglitanan. Kon gikinahanglan, hatagi sila og pipila ka pahinumdom sa mga sambingay (usa ka sambingay nga naglakip og mga binhi nga makita diha sa Mateo 13:3–8, 18–23; usa ka sinsilyo diha sa Lucas 15:8–10 ; ug usa ka perlas diha sa Mateo 13:45–46).
Hinumdomi ang pipila ka sambingay sa Manluluwas. Ang mosunod nga mga hulagway makatabang ninyo sa paghinumdom sa pipila sa inyong natun-an karong tuiga.
Imahe
Mustard seeds
Imahe
Stack of old silver coins.
Imahe
shell sand pearl
Unsa nga mga pagtulon-an ang inyong mahinumdoman gikan niining mga sambingay?
Sa unsang paagi ang mga pagtulon-an nga inyong nakat-onan karong tuiga nakatabang kaninyo?
Kon ang mga estudyante dili makahunahuna og piho nga mga paagi sa natabang diha kanila sa maong mga pagtulon-an, ikonsiderar ang pagpaambit og personal nga sanglitanan.
Unsa kamo kamasaligon sa inyong abilidad nga makakat-on bahin sa Manluluwas pinaagi sa Iyang mga sambingay?
Paminawa ang mga tubag sa mga estudyante sa nag-unang mga pangutana, ug ipahiangay ang mosunod nga materyal sigon sa ilang mga panginahanglan.
Rebyoha kon unsaon pagsabot ang mga sambingay
Lagmit makatabang ang pagrebyo sa mga sugyot kon unsaon pagsabot sa mga sambingay. Sayo niining tuiga, inyong nakat-onan ang upat ka lakang sa pagsabot og mga sambingay. Kon kamo wala magtuon niini o nagkinahanglan og tabang sa paghinumdom kon unsa kini sila, ikonsiderar ang pagdangop ngadto sa leksiyon sa “Mateo 13.”
Kompletoha ang mosunod nga mga ulohan diha sa inyong journal sa pagtuon. Pagbilin og luna taliwala sa matag ulohan aron marekord ang mga nakaplagan ug mga panabot.
Mangita og importanteng mga detalye.
Pagbuhat og espirituhanong mga pagkompara.
Pagdiskobre og importante nga mga leksiyon.
Pagtino og personal nga paggamit.
Samtang magpadayon kamo niini nga leksiyon, inyong magamit kining upat ka baroganan gikan sa mga sambingay nga makita sa Mateo 25:14-46 .
Mangita og importanteng mga detalye
Dihang gitudlo sa Manluluwas ang mahitungod sa Ikaduhang Pag-anhi ug Paghukom, Siya mipaambit sa mga sambingay aron mapasabot og maayo unsa ang atong angay buhaton aron maandam sa Iyang pagbalik. Pagpili ug tun-i ang usa sa mosunod nga mga sambingay nga gihatag sa Manluluwas, nga mangita sa importanteng mga detalye.
Siguroha nga ikapakita o ikahatag ang mosunod nga mga handout aron magamit sa mga estudyante samtang sila magtuon. Ang mga handout nagsugyot nga ang mga estudyante magdrowing og litrato bahin sa mga sambingay. Mahimo kining buhaton sa mga estudyante diha sa luyo sa handout. Depende kon unsay pinakamaayo sa klase, ikonsiderar ang pagbahin sa klase ngadto sa duha ka grupo ug pagdapit sa matag grupo sa pag-andam alang sa pagdrama-drama sa sambingay nga ilang natun-an. Kon kini mahuman na, ikonsiderar ang paghatag og mga buluhaton sa mga estudyante (sama pananglitan, direktor, tigbasa, ug aktor) aron matabangan sila nga makaapil sa ilang grupo.
Ang mosunod nga impormasyon tingali makatabang ninyo sa inyong pagtuon, niini nga sambingay:
Ang “talento” nagpasabot og usa ka dako kaayong kantidad sa kwarta sa karaang kapanahonan. Niini nga sambingay, mahimo nga kini magsimbolo alang sa usa ka “butang nga dako og bili,” sama sa ebanghelyo o mga panalangin, mga gasa, mga abilidad, ug mga kahigayonan nga gihatag sa Ginoo alang kanato (tan-awa sa Ang Giya ngadto sa Mga Kasulatan, “ Talento ,” scriptures.ChurchofJesusChrist.org).
Ang pulong “pagpatubo” mahimong nagpasabot og yanong pagpatong sa utang o nagpasabot og taas kaayo nga tubo sa interes (tan-awa sa Bible Dictionary, “ Usury ”).
Ang ginoo nagsimbolo kang Jesukristo.
Ang mga sulugoon nagrepresentar sa matag usa kanato.
Pagdrowing og usa ka litrato nga naghulagway niini nga sambingay.
Ang mosunod nga impormasyon tingali makatabang nga mahibaloan samtang kamo magtuon niini nga sambingay:
Ang “tuo nga kamot”: Sa karaang panahon, ang paglingkod dapit sa tuong kamot sa hari, o sa tapad sa hari dapit sa tuo, maoy pinakamadungganong posisyon sa kombira.
Pagdrowing og usa ka litrato nga naghulagway niini nga sambingay.
Paghimo og espirituhanong mga pagtandi, ug pagdiskobre og bililhon nga mga leksiyon
Gamita ang mosunod nga mga pangutana aron matabangan kamo sa pag-ila sa mga leksiyon nga gitudlo sa Manluluwas pinaagi sa Iyang mga sambingay. Pagmahimo nga piho kutob sa mahimo.
Siguroha ang paghatag og igong panahon sa tunga-tunga sa matag mosunod nga mga pangutana alang sa mga estudyante nga makapalambo og mahunahunaong mga tubag.
Unsa nga mga kamatuoran o mga leksiyon ang inyong nakat-onan dihang gitun-an ninyo kini nga sambingay?
Mao kini ang pipila ka kamatuoran nga tingali maila sa mga estudyante: Kon kita matinud-anong mogamit sa mga gasa ug mga abilidad nga gihatag sa Ginoo kanato, mahimuot Siya sa atong mga paningkamot ug panalanginan kita og kalipay ug kinabuhing dayon. Makapakita kita sa atong gugma sa Ginoo sa paagi kon giunsa nato sa pagtagad ang uban.
Sa unsang paagi nga ang pagkahibalo ug pagsunod niining mga kamatuoran makatabang nato sa pag-andam sa Ikaduhang Pag-anhi sa Manluluwas? Ngano kaha nga gitudloan man kita sa Manluluwas niining mga kamatuoran?
Sa unsang mga paagi ang Ginoo maloloy-on ug makiangayon?
Unsaon ninyo sa pagkabatyag sa gugma sa Manluluwas diha sa mga kamatuoran nga Iyang gitudlo pinaagi niini nga sambingay?
Sa unsang paagi ang pagkahibalo niini nga mga kamatuoran makaapekto sa inyong tinguha sa paghimamat sa Manluluwas sa Iyang Ikaduhang Pag-anhi?
Itino ang personal nga paggamit
Tabangi ang mga estudyante sa paggamit unsay ilang nakat-onan gikan niini nga leksiyon diha sa personal makahuluganong mga paagi. Ang mosunod nga mga kalihokan mga sugyot. Gamita o ipahiangay kini nga mga kalihokan sumala sa mga panginahanglanon ug mga abilidad sa mga estudyante.
Kon inyong natun-an ang sambingay sa mga talento, paghimo og lista sa mga abilidad ug mga panalangin nga gihatag sa Ginoo nganha kaninyo. Kon mahimo, ilha ang pipila niadto nga mga panalangin pinaagi sa pag-adto sa mga tawo nga inyong nailhan o pinaagi sa pagbasa sa inyong patriyarkal nga panalangin, kon kamo aduna. Hunahunaa kon unsa kaha ang gusto sa Ginoo nga paagi sa paggamit sa inyong mga abilidad ug mga panalangin.
Kon inyong natun-an ang sambingay sa karnero ug mga kanding, hunahunaa kon unsa kahay ipasabot sa inyong kahimtang sa pagtanyag og pagkaon, pag-inom, panamit, ug pakig-uban sa uban. Hunahunaa ang mahitungod sa mga tawo nga pirmi ninyong makita, ug ilha ang usa ka tawo kinsa inyong gibati nga maoy gusto sa Ginoo nga inyong matabangan. Isulat kon sa unsang paagi ninyo matabangan ang maong tawo nga mahiduol ngadto Kaniya.
Ipaambit ang kamatuoran nga inyong nakat-onan dinhi sa leksiyon gikan sa mga sambingay sa Manluluwas, ug ipasabot unsaon ninyo sa pag-implementar ang maong baroganan sa inyong inadlaw-adlaw nga mga gibuhat.
Ikonsiderar ang pagdapit sa mga estudyante sa pagpaambit sa ilang mga hunahuna gikan sa kalihokan nga ilang nahuman.
Dapita ang mga estudyante sa pagpamatuod bahin sa mga baroganan nga ilang nailhan. Awhaga sila nga gamiton ang ilang mga gasa ug mga abilidad sa pag-alagad sa uban ug pagpangandam sa pakighimamat sa Manluluwas.
Komentaryo ug Background nga Impormasyon
Unsaon kaha kon adunay tawo nga makadawat og mas labaw o mas menos kaysa sa akong nadawat?
Si Elder Quentin L. Cook sa Korum sa Napulog Duha ka Apostoles miingon:
Imahe
Official portrait of Elder Quentin L. Cook. Called to the Quorum of the Twelve Apostles on 6 October 2007.
Ang paglambo sa kaugalingon natong mga talento maoy pinakamaayong sukod sa atong personal nga pag-uswag. … Ang pakigkompara sa mga panalangin makapaniguro nga magpalayas sa kalipay. Dili mahimong mapasalamaton ta unya sa samang panahon masinahon usab. Kon tinuoray kitang gusto nga makabaton sa Espiritu sa Ginoo ug masinati ang kamaya og kalipay, kinahanglan kitang magmaya sa kaugalingon natong mga panalangin ug magmapasalamaton.
(Quentin L. Cook, “Rejoice!,” Ensign, Nov. 1996, 29–30)
Unsay mga basihan sa paghukom kanato sa Manluluwas?
Si Elder Joseph B. Wirthlin (1917–2008) sa Korum sa Napulog Duha ka Apostoles miingon:
Imahe
Official portrait of Elder Quentin L. Cook. Called to the Quorum of the Twelve Apostles on 6 October 2007.
Sa katap[o]sang adlaw ang Manluluwas dili mangutana mahitungod sa kagikan sa atong mga pagtawag. Dili Siya mangutana mahitungod sa atong materyal nga mga kabtangan o kabantog. Mangutana siya kon kita nangalagad ba sa masakiton, mihatag og pagkaon ug tubig ngadto sa gigutom, mibisita niadtong anaa sa prisohan, o mihatag ba og tabang sa maluyahon [tan-awa sa Mateo 25:31–40 ]. Kon kita motabang sa labing gamay sa mga anak sa Langitnong Amahan, gibuhat nato kini ngadto Kaniya [tan-awa sa Mateo 25:40 ]. Ingon niana katah[o]m ang ebanghelyo ni Jesukristo.
(Joseph B. Wirthlin, “Ang Dakong Sugo,” Liahona, Nob. 2007, 30)
Unsa ang gilaoman sa Ginoo nga atong buhaton sa Iyang gihatag kanato?
Si Elder Stanley G. Ellis sa Korum sa Seventy mipaambit sa iyang mga panabot mahitungod sa sambingay sa mga talento:
Imahe
Official Portrait of Elder Stanley G. Ellis. Photographed in March 2017.
Ang sulugoon nga nakadawat og lima ug miuli og napulo, mao usab ang usa nga midawat og duha ug miuli og upat, nga giingon nga maayo ug masaligan nga mga sulugoon. Apan ang nakatawag sa akong pagtagad mao ang sulugoon nga nakadawat og usa, giampingan kini ug giuli nga wala maunsa ngadto sa iyang agalon. Ako nakugang sa gitubag sa agalon: “Ikaw da[o]tan ug taspokan nga sulugoon, … busa kuhaa ang talento gikan kaniya, … ug ilabay ninyo ang walay pulos nga sulugoon ngadto sa gawas nga mangitngit”! (Tan-awa sa Mateo 25:14–30.)
Kini ingon og sakit nga balos ngadto niadto kinsa ingon sa naninguha sa pag-amping sa gihatag ngadto kaniya. Apan ang espiritu nagtudlo kanako niini nga kamatuoran—ang Ginoo nagla[o]m og kalainan!
(Stanley G. Ellis, “Siya Misalig Kanato!,” Liahona, Nob. 2006, 52)
Si Elder Ellis misugyot nga makahimo kita niini nga “kalainan” sa atong mga kinabuhi pinaagi sa pagpabilin diha sa Ginoo (tan-awa sa Juan 15:5), pagbuhat sa atong espirituhanong mga tahas, ug pagsunod sa Espiritu ug sa atong mga lider sa Simbahan.
Dugang nga mga Kalihokan sa Pagkat-on
Usa ka ipuli nga ideya sa leksiyon: ang mga diyot sa balo
Kon ang mga estudyante makabenepisyo gikan sa pagkat-on kon unsa ang gibati sa Ginoo mahitungod sa atong gihalad Kaniya, ikonsiderar ang pagdapit sa mga estudyante sa pagkat-on gikan sa sugilanon sa mga diyot sa balo.
Pagdala og duha ka piraso nga salapi, ang usa nga gamay kaayo og kantidad ug ang usa adunay igo-igo nga kantidad. Hangyoa ang mga estudyante sa paghunahuna kon unsa kaha ang ilang mapalit sa maong matag salapi. Kon may duha ka tawo nga mohatag nila niining mga piraso sa salapi, asa sa gasa ang mas hatagan og bili sa mga estudyante? Ngano man?
Ang mga estudyante mahimong momarka sa Marcos 12:41-44 o Lucas 21:1-4, nga mangita kon unsaon sa pagtino sa Ginoo ang bili sa atong mga halad. Ang mga estudyante mahimong maglista og mga ehemplo sa mga halad nga ilang gihatag sa Ginoo (sama pananglit, paghatag og gamay apan eksakto nga ikapulo, pagbuhat og pagpangalagad sa hilom, o pagtudlo og leksiyon o paghatag og pakigpulong bisan pa og gikulbaan sila) ug hisgoti nganong ang Ginoo magpasalamat sa atong mga halad.
