Maтай 25:14–46

Аврагчийг эргэн ирэхэд бэлтгэх

Resurrected Christ with arms outstretched stands above a throng of people of all races and times, some prone, some standing. The people on the right side of Christ are in the attitude of worship. The people on the left side of Christ are in anguish. Scenes of ruin are in the foreground and background. The Washington D.C. temple is pictured in the upper left corner.

Аврагч шавь нартаа Хоёр дахь ирэлтэд нь хэрхэн бэлдэх талаар олж мэдэхэд нь туслахын тулд талант, хонь ба ямааны тухай сургаалт зүйрлэлийг заасан. Энэ хичээл танд эдгээр сургаалт зүйрлэлээс үнэнүүдийг тодорхойлж, Аврагчийн Хоёр дахь ирэлтэд бэлтгэхэд тусална.

Суралцагчийн бэлтгэл: Суралцагчдыг талант ( Матай 25:14–30 -ийг үзнэ үү), хонь ба ямааны тухай ( Матай 25:31–46 -г үзнэ үү) сургаалт зүйрлэлийн аль нэгийг уншаад, судалсан зүйлсээсээ олж авсан сургамжаа хуваалцахад бэлтгэхэд урь.

Боломжит суралцах үйл ажиллагаа

Сургаалт зүйрлэлийг судалж байсан туршлагаа эргэн санахад нь суралцагчдад туслах үүднээс үр, зоос, сувд зэргийн зургийг үзүүл эсвэл боломжтой бол тэдгээрийг ангид авчир. Суралцагчдыг Шинэ Гэрээнээс аль хэдийн суралцсан сургаалт зүйрлэлээ эргэн санаад, утга агуулгыг нь товч тайлбарлахад урь. Түр зогсоод, суралцагчдад жишээг эргэн санах боломж олгон, хангалттай цаг гаргаж өгөх нь тустай байж болно. Шаардлагатай бол сургаалт зүйрлэлийг сануул ( Матай 13:3–8, 18–23 -аас үр, Лук 15:8–10 -аас зоос, Матай 13:45–46 -аас сувдтай холбоотой сургаалт зүйрлэлийг тус тус олох боломжтой).

Аврагчийн сургаалт зүйрлэлүүдээс хэдийг нь нэрлэ. Дараах зургууд танд энэ жил аль хэдийн судалсан зарим сургаалт зүйрлэлээ санахад тусална.

Mustard seeds

Stack of old silver coins.

shell sand pearl

• Та эдгээр сургаалт зүйрлэлээс ямар сургамжийг нь санаж байна вэ?

• Танд энэ жил сургаалт зүйрлэлээс олж авсан сургамжууд тань хэрхэн тусалсан бэ?

Хэрэв суралцагчид сургамж тэдэнд тусалсан тодорхой арга замуудын талаар бодож чадахгүй байвал хувийн туршлагаасаа хуваалцахыг бод.

• Та Аврагчийн өгсөн сургаалт зүйрлэлүүдээр дамжуулан Түүний талаар сурч мэдэх чадвартаа хэр итгэлтэй байна вэ?

Өмнөх асуултуудад өгсөн суралцагчдын хариултыг сонсоод, дараах материалыг тэдний хэрэгцээнд нийцүүлэн, тохируулан өөрчил.

Сургаалт зүйрлэлийг хэрхэн ойлгох талаар давтах

Сургаалт зүйрлэлийг хэрхэн ойлгох талаарх зөвлөмжүүдийг давтах нь тустай байж болно. Энэ хичээлийн жилийн эхэнд та сургаалт зүйрлэлийг ойлгох дөрвөн алхмыг судалсан. Хэрэв та тэдгээрийг судлаагүй эсвэл юу болохыг нь санахад тусламж хэрэгтэй бол “Матай 13” хичээлийг эргэн харах талаар бодож үз.

Судлах тэмдэглэлдээ дараах гарчгуудыг бич. Олж мэдсэн зүйл буюу ойлголтоо тэмдэглэх зайг гарчиг бүрийн хооронд үлдээ.

1. Чухал мэдээллийг олж харах

2. Сүнслэг харьцуулалт хийх

3. Үнэ цэнтэй сургамж олж авах

4. Хувийн амьдралдаа хэрхэн хэрэгжүүлэхээ тодорхойлох

Та энэ хичээлийг үргэлжлүүлэн заахдаа Матай 25:14–46 дээрх сургаалт зүйрлэлд эдгээр дөрвөн зарчмыг ашиглах болно.

Чухал мэдээллийг олж харах

Аврагч Хоёр дахь ирэлт болон Шүүлтийн талаар заахдаа, Түүнийг эргэн ирэхэд бэлтгэлтэй байхын тулд бидний юу хийж болохыг тодотгож өгөх үүднээс сургаалт зүйрлэлүүдийг хуваалцсан. Аврагчийн өгсөн дараах сургаалт зүйрлэлүүдийн нэгийг сонгон судлаад, чухал мэдээллийг нь хайж ол.