Матай 26:26–30; Лук 22:19–20
Ариун ёслол
Дээд өрөө гэж нэрлэгддэг газарт Аврагч “арван хоёртойгоо тухлан суугаад” (Матай 26:20), мөнх бус амьдралдаа хамгийн сүүлчийн удаа Алгасал баярыг тэмдэглэжээ. Энэхүү Алгасал баярын сүүлчийн зоогийн үеэр Есүс Христ шавь нартаа Өөрийг нь дурсан санаж явах шинэ арга зам болгон ариун ёслолыг үндэслэсэн байна. Энэ хичээл танд уг ариун ёслолоос хүртэх явцдаа Аврагчийг дурсан санаж явахын ач холбогдлыг ойлгож, мэдрэхэд тусална.
Суралцагчдыг хуваалцахад урих. Суралцагчдыг туршлагаа хуваалцахад урих боломжуудыг хайж ол. Ойлголт болон холбогдох туршлагуудыг хуваалцах нь суралцагчдын сайн мэдээний сургаал, зарчмуудын талаарх ойлголтыг тодотгож өгнө. Суралцагчид ойлголт, туршлагаа хуваалцаж байхдаа ихэвчлэн Ариун Сүнсээр удирдуулж, илэрхийлж байгаа чухал үнэнийхээ талаар илүү гүнзгий гэрчлэлийг хүлээн авдаг. Ариун Сүнсний хүчээр дамжуулан тэдний үг үе тэнгийнхнийх нь зүрх сэтгэл, оюун бодолд чухал нөлөө үзүүлж чадна.
Суралцагчийн бэлтгэл: Энэ хичээлээр суралцагчдыг уг ариун ёслолоос хүртсэн туршлагаа үнэлэхэд урих болно гэдгийг хэлж өг. Суралцагчдыг уг ариун ёслолоос хүртсэн туршлагаа бодож, Аврагчийг дурсан санаж явахад тусалсан ямар зүйлсийг хийж, бодож эсвэл мэдэрч байснаа хуваалцах бэлтгэлтэй ирэхэд урь.
Боломжит суралцах үйл ажиллагаа
Ариун ёслолын ач холбогдол
Дараах үйл ажиллагаагаар суралцагчдыг хосоороо эсвэл жижиг бүлгээр хариулахад урих тухай бодож үз. Дараа нь тэднийг хариултаа ангийнхантайгаа хуваалцахад урь. Энэ жишээг жүжиглэн тоглоход суралцагчдыг урих нь мөн тустай байж болно.
Хэрэв хэн нэгэн танд дараах асуултыг тавьсан бол та юу гэж хариулах байсан бэ?
-
Есүс Христийн Хожмын Үеийн Гэгээнтнүүдийн Сүмийн гишүүд яагаад ням гараг бүр сүмд явдаг вэ?
Дараах мэдэгдлийг уншихаас гадна, Сүмд явахын нэг хэсэг болгож ариун ёслолын жаягийн гол үүргийг танин мэдэх талаарх хувийн туршлагаа хуваалцах тухай бодож үз.
Бидний сүмд явдаг нэг чухал шалтгаан бол ариун ёслолоос хүртэх юм. Хүүхдийн хэсгийн ерөнхий ерөнхийлөгчийн зөвлөлийн зөвлөх асан Шэрил A. Эсплин эгч 96 настай аав, түүний хүү хоёрын хооронд болсон явдлын талаар хуваалцжээ. Энэ нь Сүмд явахын нэг хэсэг болгож ариун ёслолоос хүртэхийн гол үүргийг илтгэн харуулсан байна.
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2Fb3%2Ffa%2Fb3fa3a7ffd8209ee1dd2bb8470e9e4a6e63fc07b%2Fb3fa3a7ffd8209ee1dd2bb8470e9e4a6e63fc07b.jpeg/full/!250,/0/default)
ЗурагFinal official portrait of Cheryl A. Esplin, second counselor in the Primary general presidency, 2011. Released as second counselor and sustained as first counselor at the April 2015 general conference. Released at the April 2016 general conference.Бид ариун ёслолын ач холбогдлыг тунгаан бодох тусам энэ нь бидний хувьд улам ариун нандин, утга учиртай болдог. 96 настай нэгэн аав хүүгийнхээ асуултад хариулахдаа энэ санааг илэрхийлсэн байна. Хүү нь “Аав аа, та яагаад сүмд очдог юм бэ? Та харж ч, сонсож ч чадахгүй, бас хөл муутай мөртлөө яагаад сүмд очдог юм бэ?” гэж асуухад аав нь “Шалтгаан нь ариун ёслол юм. Би ариун ёслолоос хүртэх гэж л очдог” гэж хариулжээ.
(Шэрил А. Эсплин, “Ариун ёслол бол бодгалийг шинэчлэгч,” Ensign эсвэл 2014 оны 10-р сарын Ерөнхий чуулган, 14)
-
Энэ хүн өөрт нь ариун ёслолыг маш чухал болгосон юуг мэдэрч мөн ойлгосон гэж та бодож байна вэ?
Суралцагчдыг дараах хувийн үнэлгээг хийж гүйцэтгэхдээ дотроо эргэцүүлэхэд урь. Тэдэнд судлах тэмдэглэл дээрээ хариултаа бичиж тэмдэглэх цаг гаргаж өгөх талаар бодож үз.
Сүмд явж, ариун ёслолд оролцсон туршлагаа үнэл. Нэгээс тав хүртэлх хэмжигдэхүүнээр дараах асуултуудад хариул. Нэг нь хамгийн бага, тав нь хамгийн их байна.
-
Сүмд явж, ариун ёслолоос хүртэх нь таны хувьд хэр эн тэргүүний ач холбогдолтой вэ?
-
Та ариун ёслолоос хүртэх үедээ Есүс Христийн талаар хэр их бодож, утга учиртай туршлагыг хэр их олж авч байна вэ?
Туршлагаа үнэлснийхээ дараа, өөртөө яагаад ийм оноо өгснөө нарийвчлан тунгаан бод. Энэ хичээлийг судлахдаа, ариун ёслолоос хүртсэнээр Аврагчийг дурсан санахын ач холбогдлын талаарх ойлголтоо хэрхэн гүнзгийрүүлэхээ олж мэдэхэд Их Эзэнээс тусламж эрэлхийл.
Есүс Христ Ариун ёслолыг үндэслэсэн
Есүс Христ Гетсеманид загалмай дээр тарчилж, амиа алдахаасаа өмнөхөн Алгасал баярын найрт оролцжээ. Энэ үйл явдлыг Сүүлчийн зоог гэдгээр нь мэдэх болсон юм. Аврагч төлөөлөгчидтэйгөө Алгасал баярын зоогоос хүртэх үедээ ариун ёслолыг танилцуулсан.
Хэрэв Алгасал баярын ёслол, үүний ариун ёслолтой холбогдох харилцаа холбоог гүнзгий ойлгож авах нь суралцагчдад тустай гэж үзвэл, энэ хичээлийн төгсгөл хэсэгт байгаа “Нэмэлт суралцах үйл ажиллагаа” хэсэг дээрх үйл ажиллагааг гүйцэтгэх талаар бодож үз.
Матай 26:26–30 , Лук 22:19–20 -ийг уншаад, Аврагч төлөөлөгчдөдөө ариун ёслолын зорилгын талаар юу гэж заасан болохыг олж мэд. Та чухал үг, хэллэгийн доогуур зурж болно.
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2Fd5%2F65%2Fd56544a56564e6bc4ccc2bd378ec42c860b7d867%2Fd56544a56564e6bc4ccc2bd378ec42c860b7d867.jpeg/full/!250,/0/default)
-
Аврагч ямар зорилгоор ариун ёслолыг үндэслэсэн бэ?
Бид эдгээр хэсгээс Есүс Христ Өөрийг нь дурсан санахад бидэнд туслахын тулд ариун ёслолыг үндэслэсэн гэсэн үнэнийг мэдэж авч чадна.Хэдийгээр Аврагч Өөрийн цагаатгагч золиосны зовлон зүдүүр, шаналлыг хараахан мэдрээгүй байсан ч төлөөлөгчдөдөө зааж байсанёслол болоод бэлгэдлүүд нь Өөрийг нь болон Өөрийнх нь Цагаатгалын бэлгийг дурсан санаж явахад тэдэнд туслах зорилготой байжээ.
-
Ямар судар эсвэл хувийн туршлагууд Аврагчийн таны төлөө гаргасан золиосны талаар эргэцүүлэн бодоход тань тусалсан бэ?
-
Эдгээр шүлгийг уншиж эсвэл эдгээр туршлагын талаар бодох үед танд Аврагчийн талаар ямар мэдрэмж төрдөг вэ?
Хэрэв суралцагчдад туршлага, мэдрэмжээ эргэн санахад нь тусламж хэрэгтэй бол хувийн туршлагаа хуваалцах мөн энэ хичээлийн “Тайлбар ба нөхцөл байдлын талаарх мэдээлэл” хэсэг дээрх Ланд ахын хэлсэн үг, Сургаал ба Гэрээ 19:16–19 , Алма 7:11–13 гэх зэрэг судрыг хуваалцах талаар бодож үз. Ирээдүйд заагдах хичээлээр, суралцагчид Гетсеманийн цэцэрлэгт Аврагчийн мэдэрсэн зовлон шаналал, туулсан туршлагын талаар ойлгож мэдэхийн нэг хэсэг болгож эдгээр хэсгийг илүү нарийвчлан судлах болно.
-
Ариун ёслолын бэлгэдлүүд нь Аврагчийн танд хийж өгсөн болон хийж өгч чадах зүйлсийн талаар илүү сайн ойлгоход хэрхэн туслах вэ?
Хичээлийг тоймлох
Гэрт тань удахгүй явагдах судрын ярилцлагын үеэр танаас ариун ёслолын талаар заахыг хүссэн гэж төсөөл. Саяын судалсан судруудыг болон өөрийн сонгосон бусад эх сурвалжийг (Ерөнхий чуулганы сүүлийн үеийн үгс гэх мэт) ашиглан ариун ёслолын ач холбогдлыг мэдэрч, ойлгоход нь бусдад туслахаар бэлтгэ.
Хичээлээ тоймлохдоо харахад нь зориулан суралцагчдад дараах зааварчилгааг үзүүл.
Таны хичээлийн тоймд дараах зүйлс багтсан байх ёстой. Үүнд: (1) судлах, эргэцүүлэн бодох ариун ёслолын талаарх Сүмийн удирдагчдын мэдэгдлүүд эсвэл нэг юм уу хэд хэдэн судар, (2) ойлголтоо гүнзгийрүүлэхийн тулд таны асууж болох дор хаяж хоёр асуулт, (3) таны ярилцаж буй үнэнийг хэрэгжүүлэх урилга. Тоймлохдоо удирдамж авахын тулд дараах асуултуудын заримыг эсвэл бүгдийг ашигла.
-
Ариун ёслол гэж юу вэ?
-
Ариун ёслол нь Аврагчийг болон Түүний Цагаатгалын талаар илүү сайн ойлгоход бидэнд хэрхэн туслах вэ?
-
Ариун ёслолоос хүртэхдээ утга учиртай туршлага олж авахад тань юу тусалсан бэ?
-
Хэрэв та Есүс Христийг илүү их дурсан санаж байсан бол таны амьдрал хэр өөр байх байсан бэ?
Ариун ёслолоос хүртэхдээ Аврагчийн талаар илүү их дурсан санахыг хичээхийг суралцагчдад уриал.
Тайлбар ба нөхцөл байдлын талаарх мэдээлэл
Ариун ёслол, Алгасал баяр хоёрын хоорондын холбоо юу вэ?
Яагаад бид ариун ёслолд дарсны оронд усыг ашигладаг вэ?
Сургаал ба Гэрээ 27:1–2 дээр ариун ёслолыг “[Христийн] алдар суугийн төлөө бүхнээ зориулснаар” ( шүлэг 2) үйлдсэн л бол юуг ашиглах нь хамаагүй гэж заасан байдаг. Өнөө үед Сүмийн удирдагчид ариун ёслолоос хүртэхдээ ус ашиглахыг биднээс хүсдэг.
Би ариун ёслолыг илүү утга учиртай болгохын тулд юу хийж чадах вэ?
Залуу эрэгтэйчүүдийн ерөнхий ерөнхийлөгч Стивэн Ж. Ланд ийн заажээ.
ЗурагOfficial portrait of Steven J. Lund. President, Young Men General Presidency. Sustained April 2020.Диконыг ариун ёслолын тавиурын бариулаас барих болгонд энэ нь Сүүлчийн зоогийн болон Гетсеманийн мөн Калварийн бас булшны цэцэрлэгийн ариун нандин түүхийг бидэнд сануулдаг. Аврагч төлөөлөгчдөдөө хандан, “Намайг дурсаж үүнийг үйлд” [Лук 22:19] хэмээн айлдахдаа маш олон үеийнхэнд, тэр тусмаа бидний хүн нэг бүрд хандан хэлсэн юм. Тэр ирээдүйн дикон, багш, пристүүдийн хувьд Түүний хүүхдүүдийг Аврагчийн бэлгэдлийг түгээн, хязгааргүй Цагаатгалын бэлгийг хүлээн авахад урих үедээ хангах тэрхүү гайхамшгийн талаар ярьж байсан билээ.
Ариун ёслолын бүх бэлгэдэл биднийг уг бэлэг рүү удирдан залдаг. Бид нэгэн цагт Их Эзэний хуваан бэлдсэн талхны тухай цэгнэн боддог байсан бол бидний өмнө зогсож байгаа пристүүд маань харин одоо талхыг хуваан бэлдэж байна. Залуу пристүүдийг ариун ёслолын залбирлын үгсийг хүндэтгэлтэй хэлэх үед тэдгээр үг бидний зүрхэнд төдийгүй тэнгэрт хүрч, биднийг Христийн авралын бодит хүчтэй холбодог гэрээнүүдийг шинэчилдэг ба бид тухайн цаг үед онцгойлон ариулсан, одоо ч онцгойлон ариулаад байгаа усны утга учрыг тунгаан боддог. Тэр үеэр бид, хэрэв Есүс тэнд байсан бол бидний хувийн ачааг өргөн, өвдөлтийг маань намжаахыг санал болгож, Өөрийнх нь зогсох байсан газарт зогсож байгаа диконуудаар дамжуулан ариун нандин бэлгэдлийг түгээж байгаа нь ямар утгатай талаар боддог байж болох юм.
(Стивэн Ж. Ланд, “Христ дотор баяр баясгаланг олох,” Ensign эсвэл 2020 оны 10-р сарын Ерөнхий чуулган, 38)
Тэргүүн Зөвлөлийн ерөнхийлөгч Даллин Х. Өүкс дараах зөвлөгөөг хуваалцжээ.
ЗурагOfficial Portrait of President Dallin H. Oaks taken March 2018.Ариун ёслолын цуглааны үед, ялангуяа ариун ёслолын үйлчлэлийн үед анхаарлаа зөвхөн шүтэн бишрэхэд төвлөрүүлж, бусад аливаа үйл ажиллагаанд, тэр тусмаа бусдын шүтэн бишрэхэд саад болох ёсгүй. Унтаж байгаа хүн бусдад саад болдоггүй шүү дээ. Ариун ёслолын цуглаан бол ном, сэтгүүл унших цаг биш. Залуучууд аа, ариун ёслол бол хоорондоо гар утсаараа ярих юм уу шивнэлдэх, өөр газар байгаа хүмүүст гар утсаараа мессеж явуулах цаг биш. Бид ариун ёслолоос хүртсэнээр Аврагчийг үргэлж санана хэмээн гэрээ байгуулдаг. Чухам ийм гэрээг байгуулдаг цуглаан дээр гэрээгээ илт зөрчиж байгаа хүмүүсийг харахад хэчнээн харамсалтай байдаг гээч.
(Даллин Х. Өүкс, “Ариун ёслолын цуглаан ба ариун ёслол,” Ensign эсвэл 2008 оны 10-р сарын Ерөнхий чуулган, 22)
Нэмэлт суралцах үйл ажиллагаа
Алгасал баярын найр
Алгасал баяр, ариун ёслол хоёрын хоорондох холбоог ойлгоход нь суралцагчдад туслах үүднээс Алгасал баярын зоогийн болон ариун ёслолын зургийг шинжин харахад суралцагчдыг урих эсвэл ширээний нэг талд хавтгай талх (эсвэл хатаасан талх), ширээний нөгөө талд ариун ёслолын цар тавих талаар бодож үз. Суралцагчдыг эрт үед Алгасал баярын найрыг хэрхэн тэмдэглэн өнгөрүүлдэг байсан талаарх мэддэг зүйлсээ хуваалцахад болон энэ нь өнөөдрийн бидний тэмдэглэн өнгөрүүлдэг ариун ёслолтой хэрхэн холбогдохыг хуваалцахад урь.
Ариун ёслолыг илүү утга учиртай болгох
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2Fa3%2F71%2Fa371d8ae1a0c225bf083c3ba93de3531cc781378%2Fa371d8ae1a0c225bf083c3ba93de3531cc781378.jpeg/full/!250,/0/default)