Christ praying in the Garden of Gethsemane Christus im Getsemani-Garten betend
Në Kopshtin e Gjetsemanit Jezu Krishti përjetoi vuajtje të papërfytyrueshme si pjesë e Shlyerjes së Tij. Kjo është pjesa e parë e një mësimi me dy pjesë rreth vuajtjes së Shpëtimtarit në Gjetseman dhe domethënies së saj doktrinore. Qëllimi i këtij mësimi është të të ndihmojë të kuptosh më mirë se çfarë ndodhi në Kopshtin e Gjetsemanit dhe mënyrën se si ishte një akt dashurie për ty. Në mësimin e ardhshëm ti do të studiosh doktrinën e Shlyerjes së Jezu Krishtit dhe do të mësosh se si mund të marrësh forcë dhe ndihmë nga Shpëtimtari.
Nderim për temat e shenjta. Mundohuni të krijoni një atmosferë nderimi, respekti dhe qëllimi për çdo orë mësimore. Kur ngrihet një temë veçanërisht e shenjtë, përpiquni fort t’i ndihmoni nxënësit të mbajnë një qëndrim nderimi. Merreni parasysh të luani muzikë dhe të paraqitni figura që do të kontribuojnë në ndjenjën e nderimit. Mund të jetë gjithashtu e dobishme t’i përshëndetni nxënësit kur hyjnë dhe t’u kujtoni atyre shenjtërinë e temës që po diskutohet.
Përgatitja e nxënësve: Ftojini nxënësit të bëjnë diçka që i ndihmon ata të përsiatin për Jezu Krishtin dhe Shlyerjen e Tij. Shembuj mund të jenë përsëritja e një himni, reflektimi mbi një figurë të Jezu Krishtit, leximi i një fragmenti të shkrimit të shenjtë ose diçka tjetër.
Veprimtari të Mundshme të të Mësuarit
Ky mësim është i pari nga dy mësimet rreth vuajtjes së Jezu Krishtit në Kopshtin e Gjetsemanit. Nëse ka kohë që të jepni mësim vetëm këtë përmbajtje në një orë mësimore, referojuni mësimit të ardhshëm (“Mateu 26:36–46; Lluka 22:39–46, Pjesa2”) për ide që mund të duhet të përfshihen në këtë mësim.
Çfarë ka bërë Jezu Krishti për ne?
Presidenti Dallin H. Ouks tregoi një pjesë të bashkëbisedimit që pati me një anëtare të Kishës. Shih materialin filmik “Çfarë Ka Bërë Shpëtimtari Ynë për Ne?” nga kodi kohor 00:00 deri në 00:34. Ky material filmik ndodhet në ChurchofJesusChrist.org [https://www.churchofjesuschrist.org/study/general-conference/2021/04/35oaks?lang=alb].
Pamja
Official Portrait of President Dallin H. Oaks taken March 2018.
“Shumë vjet më parë … takova një grua që tha se shoqet e saj i kishin kërkuar të kthehej në kishë pas shumë vitesh që nuk ishte aktive, por ajo nuk mund të mendonte për ndonjë arsye pse duhej të kthehej. Për ta inkurajuar, unë thashë: ‘Kur merr parasysh të gjitha gjërat që Shpëtimtari ka bërë për ty, ti ke shumë arsye që të kthehesh për ta adhuruar Atë dhe për t’i shërbyer Atij’. U çudita kur ajo u përgjigj: ‘Ç’ka bërë Ai për mua?’”
A twisted olive tree in the Garden of Gethsamane in Israel. the eastern wall of the old city of Jerusalem is in the background. Biblical/Historical info: The present site identified as the Garden of Gethsamane is maintained by Franciscans. Ancient Olive tress grow in the garden. Gethsamane was across the Kidron valley from Jerusalem. (See John 18:1) Jesus atoned in the Garden of Gethsamane. (See Matthew 26:36-56 ; Mark 14:32-39 ; Luke 22:39-53 ; D&C 19:15-19 ; 3 Nephi 11:11) Jesus was betrayed and arrested at the Garden just after the Atonement. (See Matthew 26:47-56 ; John 18:1-13)
Pasi Shpëtimtari mbaroi darkën e Pashkës, themeloi sakramentin dhe shkoi në Malin e Ullinjve për t’iu dhënë Apostujve të Tij mësimet e Tij të fundit, Ai përshkoi me Pjetrin, Jakobin dhe Gjonin një distancë të shkurtër për në Kopshtin e Gjetsemanit. Fjala Gjetseman do të thotë “presë e ullinjve”. Disa elemente shumë domethënëse të Shlyerjes së Jezu Krishtit ndodhën në Gjetseman. Teksa i studion këto ngjarje, mendo rreth mënyrës se si të kuptuarit e Shlyerjes së Jezu Krishtit mund të të ndihmojë të dallosh dhe të ndiesh dashurinë e Perëndisë për ty.
Fragmentet vijuese të shkrimeve të shenjta përshkruajnë disa nga ngjarjet kryesore që ndodhën si pjesë e vuajtjes së Shpëtimtarit në Kopshtin e Gjetsemanit. Merre parasysh të kopjosh tabelën vijuese në ditarin tënd të studimit dhe ta plotësosh atë teksa i studion vargjet. Merre parasysh gjithashtu të nënvizosh fjalë dhe fraza domethënëse nga këto vargje në shkrimet e tua të shenjta.
Pamja
A twisted olive tree in the Garden of Gethsamane in Israel. the eastern wall of the old city of Jerusalem is in the background. Biblical/Historical info: The present site identified as the Garden of Gethsamane is maintained by Franciscans. Ancient Olive tress grow in the garden. Gethsamane was across the Kidron valley from Jerusalem. (See John 18:1) Jesus atoned in the Garden of Gethsamane. (See Matthew 26:36-56 ; Mark 14:32-39 ; Luke 22:39-53 ; D&C 19:15-19 ; 3 Nephi 11:11) Jesus was betrayed and arrested at the Garden just after the Atonement. (See Matthew 26:47-56 ; John 18:1-13)
Merreni parasysh ta paraqitni tabelën e mëposhtme në dërrasë dhe t’u kërkoni nxënësve ta kopjojnë atë në ditarët e tyre të studimit. Në varësi të nevojave dhe aftësive të nxënësve, përcaktoni nëse do të ishte më mirë që nxënësit ta plotësojnë tabelën në mënyrë individuale, së bashku si klasë, ose me një shok ose shoqe apo grup të vogël.
Mund të jetë gjithashtu e dobishme të luani muzikë nderuese dhe të paraqitni figura të Jezu Krishtit teksa nxënësit studiojnë.
Lexoji fragmentet e shkrimeve të shenjta në vijim.
Çfarë mësove apo ndjeve për Jezu Krishtin nga këto vargje?
Pasi nxënësit të kenë pasur kohë të mjaftueshme për t’i studiuar vargjet dhe për ta plotësuar tabelën, ftojini ata të tregojnë atë që mësuan apo ndjenë. Jepuni disa nxënësve mundësinë të japin mendimet, ndjenjat dhe mbresat e tyre. Mund të jetë e dobishme të bëni pyetjet e mëposhtme si pjesë e diskutimit.
Çfarë mendimesh, ndjenjash apo mbresash pate teksa i studiove këto vargje?
Cilat ishin disa fjalë apo fraza specifike nga këto vargje që të bënë më shumë përshtypje? Përse?
Çfarë të ndihmuan këto vargje të ndiesh rreth dashurisë së Atit Qiellor dhe Jezu Krishtit për ty?
Çmimi i dashurisë së çmuar të Perëndisë
Plaku D. Tod Kristoferson, i Kuorumit të Dymbëdhjetë Apostujve, tregoi mënyrën se si vuajtja e Shpëtimtarit në Gjetseman demonstron dashurinë e Tij të pafundme për ne. Shih materialin filmik “Qëndroni në Dashurinë Time” nga kodi kohor 11:33 deri në 14:02. Ky material filmik është në dispozicion në ChurchofJesusChrist.org [https://www.churchofjesuschrist.org/study/general-conference/2016/10/abide-in-my-love?lang=alb].
Pamja
A twisted olive tree in the Garden of Gethsamane in Israel. the eastern wall of the old city of Jerusalem is in the background. Biblical/Historical info: The present site identified as the Garden of Gethsamane is maintained by Franciscans. Ancient Olive tress grow in the garden. Gethsamane was across the Kidron valley from Jerusalem. (See John 18:1) Jesus atoned in the Garden of Gethsamane. (See Matthew 26:36-56 ; Mark 14:32-39 ; Luke 22:39-53 ; D&C 19:15-19 ; 3 Nephi 11:11) Jesus was betrayed and arrested at the Garden just after the Atonement. (See Matthew 26:47-56 ; John 18:1-13)
Pamja
Portrait of Elder D. Todd Christofferson. Photographed in March 2020.
Le ta marrim parasysh çmimin e dashurisë së paçmuar të Perëndisë. “Jezusi zbuloi se që të shlyente për mëkatet tona dhe që të na shëlbonte nga vdekja, si ajo fizike dhe shpirtërore, vuajtja e Tij bëri që Ai vetë, ‘madje Perëndi, më i madhi i të gjithëve, të dridhe[j] për shkak të dhembjes e [t’i dilte] gjak nga çdo por të vua[nte] si në trup e në shpirt – dhe të dëshiro[nte] që [Ai] të mos e pi[nte] kupën e hidhur e të mpake[j]’ [ Doktrina e Besëlidhje 19:18] . Agonia e Tij në Gjetseman dhe në kryq ishte më e madhe nga ç’mund ta duronte çdo njeri i vdekshëm. Sidoqoftë, për shkak të dashurisë së Tij për Atin e Tij dhe për ne, Ai duroi dhe, si rrjedhojë, Ai mund të na ofrojë si pavdekësinë, ashtu edhe jetën e përjetshme.
Është thellësisht simbolike që ‘gjaku [doli] nga çdo por’ [ Mosia 3:7 ] kur Jezusi vuajti në Gjetseman, në vendin e presës së ullinjve. Në kohën e Shpëtimtarit, që të prodhohej vaji i ullirit, ullinjtë fillimisht shtypeshin duke rrotulluar një gur të madh mbi ta. ‘Pureja’ e fituar vendosej në shporta të buta, të thurura lirshëm, të cilat vendoseshin njëra mbi tjetrën. Pesha e tyre shtrydhte vajin e parë dhe më të mirin. Më pas ushtrohej shtypje e shtuar duke vendosur një tra ose kërcu të madh mbi shportat e vëna njëra mbi tjetrën, duke prodhuar më shumë vaj. Më së fundi, për të nxjerrë edhe pikat më të fundit, traut i shtoheshin nga njëra anë gurë si pesha për të krijuar shtypjen më të madhe dërrmuese. Dhe po, vaji është i kuq si gjaku kur del jashtë fillimisht.
Mendoj rreth tregimit të Mateut për Shpëtimtarin teksa Ai hyri në Gjetseman atë natë vendimtare – që Ai ‘filloi të ndjej[ë] trishtim dhe ankth të madh. …
Dhe, si shkoi pak përpara, ra me fytyrë për tokë dhe lutej duke thënë: “Ati im, në qoftë se është e mundur, largoje prej meje këtë kupë; megjithatë, jo si dua unë, por si do ti’” [ Mateu 26:37,39 ].
Më pas, teksa përfytyroj mundimin që u bë edhe më i rëndë, Ai u përgjërua një herë të dytë për lehtësim dhe, më së fundi, ndoshta në kulmin e vuajtjes së Tij, një herë të tretë. Ai e duroi agoninë gjersa drejtësia u kënaq deri në pikën më të fundit. Këtë Ai e bëri që të na shëlbonte ju dhe mua.
Cilat fjalë ose fraza të këtij pohimi të bënë përshtypje?
Si e demonstron vuajtja e Shpëtimtarit në Gjetseman dashurinë e Tij të madhe për ty personalisht?
Presidenti Ezra Taft Benson (1899–1994) dëshmoi se vuajtja e Shpëtimtarit në Kopshtin e Gjetsemanit dhe më pas në Kalvari, “ishte akti i vetëm më i madh i dashurisë në historinë e shënuar” (Mësime të Presidentëve të Kishës: Ezra Taft Benson [2014], f. 100).
Ftojini nxënësit të japin përgjigjet e tyre për pyetjen vijuese dhe çdo mendim apo ndjenjë tjetër që duan të tregojnë rreth Jezu Krishtit. Vërini në dijeni nxënësit se ata do të kenë mundësi t’i zgjerojnë përgjigjet e tyre në javët e ardhshme teksa studiojnë ngjarjet e tjera që lidhen me Shlyerjen e Jezu Krishtit. Dëshmoni për të vërtetat që janë diskutuar në këtë mësim.
Çfarë ka bërë Jezu Krishti për mua?
Komente dhe Informacion për Rrethanat
Cila është domethënia e Gjetsemanit?
Pamja
lever type olive press close up_0184
Presidenti Rasëll M. Nelson dha mësim:
Pamja
Official portrait of President Russell M. Nelson taken January 2018
“Fjala Gjetseman vjen nga dy rrënjë hebraisht: gath, që do të thotë ‘presë’, dhe shemen, që do të thotë ‘vaj’, veçanërisht të atij të ullirit.
Atje ullinjtë i shtypnin nën peshën e rrotave të mëdha prej guri që ta shtrydhnin prej tyre vajin e çmuar. Kështu, Krishti në Kopshtin e Gjetsemanit njëmend u shtyp nën peshën e mëkateve të botës. Ai nxori pika të mëdha gjaku – ‘vajin’ e jetës së Tij – që i dolën nga çdo por. …
… Kujtoni, ashtu si trupi i ullinjve i cili u shtyp për vajin që bënte dritë, ashtu u shtyp edhe Shpëtimtari. Nga çdo por rrodhi lëngu jetësor i Shëlbuesit tonë. Gjatë gjithë ditëve të gëzueshme të misionit tuaj, kur kupa e gëzimit tuaj gufon, kujtoni kupën e Tij të hidhërimit që e bëri këtë të mundur. Dhe kur hallet t’ju pushtojnë, kujtoni Gjetsemanin.”
(Russell M. Nelson, “Why This Holy Land?”, Ensign, dhjetor 1989, f. 17–18.)
Çfarë ka bërë Shpëtimtari ynë për ne?
Presidenti Dallin H. Ouks, i Presidencës së Parë, tha:
Pamja
lever type olive press close up_0184
Pamja
Official Portrait of President Dallin H. Oaks taken March 2018.
“Nën planin e Atit tonë Qiellor, [Jezu Krishti] ‘krijoi qiejt dhe tokën’ ( Doktrina e Besëlidhje 14:9) që secili prej nesh të mund të kishte përvojën në vdekshmëri, të nevojshme për ta kërkuar fatin tonë hyjnor. Si pjesë e planit të Atit, Ringjallja e Jezu Krishtit e mposhti vdekjen për t’i siguruar secilit prej nesh pavdekësinë. Flijimi shlyes i Jezu Krishtit i jep secilit prej nesh mundësinë që të pendohet për mëkatet e veta dhe të kthehet i/e pastruar në shtëpinë e vet qiellore. Urdhërimet dhe besëlidhjet e Tij na tregojnë udhën dhe priftëria e Tij na jep autoritetin për të kryer ordinancat që janë thelbësore për ta arritur atë fat dhe Shpëtimtari ynë me gatishmëri i përjetoi të gjitha dhembjet dhe dobësitë e vdekshmërisë, që Ai të dinte se si të na forconte në hidhërimet tona.
Jezu Krishti e bëri të gjithë këtë, sepse Ai i do të gjithë fëmijët e Perëndisë. Dashuria është shtysa për gjithë këtë dhe ishte kështu që nga fillimi fare.”