Përsëritja 10 e Zotërimit Doktrinor

Vërini në Zbatim Fragmentet e Zotërimit Doktrinor

Illustration of young adults - teenagers of various ethnicity. There is a yellow band above them.

Një nga qëllimet e zotërimit doktrinor është të të ndihmojë të mësosh se si ta vësh në zbatim në situata nga jeta reale doktrinën e dhënë mësim në fragmentet e zotërimit doktrinor. Ky mësim do të të japë mundësi të ushtrosh zbatimin e disa prej fragmenteve që ke studiuar këtë vit.

Përgatitja e nxënësve: Ftojini nxënësit të përsërisin katër fragmente të zotërimit doktrinor që tregohen në tabelën më poshtë. Kërkojuni atyre të jenë të përgatitur për të treguar disa nga mënyrat specifike se si mund t’i zbatojnë të vërtetat në këto fragmente.

Veprimtari të Mundshme të të Mësuarit

Mund të jetë e nevojshme të jepet një mësim për fragmentet e zotërimit doktrinor në vend të këtij mësimi përsëritjeje. Referojuni programit të ecurisë të ofruar nga drejtori ose bashkërenduesi zonal apo rajonal për t’u siguruar që çdo mësim për fragmentin e zotërimit doktrinor të jepet gjatë zhvillimit të seminarit.

Doktrinë për jetën reale

Përsërit katër fragmentet e zotërimit doktrinor në tabelën vijuese. Teksa lexon skenarët vijues, përcakto se cili fragment i zotërimit doktrinor mund të ndihmojë në çdo skenar.

Referenca e Shkrimit të Shenjtë	Fraza Kyç e Shkrimit të Shenjtë
Mateu 22:36–39	“Duaje Zotin, Perëndinë tënde. … Duaje të afërmin tënd.”
Lluka 22:19–20	Jezu Krishti urdhëroi që të merrej sakramenti “në përkujtimin [e Tij]”.
Lluka 24:36–39	“Sepse një frymë nuk ka mish e eshtra, si po shihni se unë kam.”
Gjoni 17:3	“Dhe kjo është jeta e përjetshme, të të njohin ty, të vetmin Perëndi të vërtetë, dhe Jezu Krishtin.”

Paraqitini skenarët vijues në tabelë që nxënësit t’i shohin ndërsa hyjnë brenda. Nëse është e nevojshme, rregullojini skenarët për t’i bërë më të përshtatshme për nxënësit. Në varësi të kohës, nxënësit mund të bëjnë njërën ose të dyja veprimtaritë në këtë mësim.

Inkurajojini nxënësit të përdorin mendimet e tyre nga veprimtaria e përgatitjes së nxënësve këtu dhe gjatë gjithë pjesës së mbetur të mësimit.

1. Ervini ka një mik të një besimi tjetër të krishterë i cili shpreh bindjen e tij që Jezu Krishti është një shpirt dhe Ai nuk ka një trup fizik.

2. Jerina e sheh veten si përfshirëse, duke përfshirë pranimin e çdo sjelljeje për sa kohë që ajo është e sinqertë. Kjo e ka bërë atë ta vërë në dyshim doktrinën e Atit Qiellor për martesën dhe familjen. Për shkak të pyetjeve të saj, Jerina ka ndërprerë kohët e fundit vajtjen në kishë dhe zbatimin e urdhërimeve të tjera.

3. Laura pyet veten se si ne mund ta bëjmë marrjen e sakramentit një përvojë më domethënëse.

4. Eltoni ka ndaluar së kushtuari vëmendje në orët mësimore të seminarit dhe në mbledhjet e Shkollës të së Dielës për shkak se ai ndjen se di mjaftueshëm për Atin Qiellor dhe Jezu Krishtin.

Zgjidh një nga skenarët dhe mendo për fragmentin e zotërimit doktrinor që përputhet me të.

• Si zbatohet në këtë skenar fragmenti i zotërimit doktrinor që zgjodhe?

• Çfarë mund ta ndihmojë ky fragment personin në skenar të kuptojë rreth Atit Qiellor dhe Jezu Krishtit dhe dëshirave të Tyre për ne?

• Çfarë veprimesh mund të sugjerosh që ky person të ndërmarrë me qëllim që t’i zbatojë të vërtetat në fragmentin që zgjodhe? Përse?

Zbatimi i fragmenteve të zotërimit doktrinor në rrethanat vetjake

Në ditarin tënd të studimit, vizato figurën e një adoleshenti dhe shkruaj moshën, gjininë dhe situatën e tij familjare. Ky person mund të jetë i vërtetë ose imagjinar. Përfshi disa pyetje, probleme apo sfida specifike me të cilat po përballet aktualisht ky person.

Merreni parasysh t’i ftoni nxënësit ta bëjnë këtë në një copë letër dhe jo në ditarët e tyre të studimit. Ata mund t’i dorëzojnë letrat e tyre me një simbol në cepin e faqes për t’i ndihmuar ata të identifikojnë fletët e tyre, por të mos u zbulojnë të tjerëve se të kujt janë ato letra. Shpërndajuani letrat anëtarëve të tjerë të klasës në mënyrë që ata të mund t’u përgjigjen pyetjeve vijuese bazuar në situatën e dhënë. Përndryshe, nxënësit mund të përdorin skenarin në fletën e tyre.

Përsërit fragmentet e zotërimit doktrinor më poshtë (dhe ndonjë tjetër sipas zgjedhjes tënde) dhe përcakto se cilat fragmente mund të jenë të dobishme për skenarin.

Paraqitni tabelën e mëposhtme që nxënësit të mund t’i referohen gjatë gjithë mësimit. Nëse është e dobishme, merreni parasysh të përdorni fragmente të zotërimit doktrinor shtesë ose të ndryshme nga ato që theksohen në këtë mësim.

Doctrinal Master - Matthew - John

Referenca e Shkrimit të Shenjtë	Fraza Kyç e Shkrimit të Shenjtë
Lluka 2:10–12	“Sepse sot në qytetin e Davidit lindi për ju një Shpëtimtar, që është Krishti, Zoti.”
Gjoni 3:5	“Kush nuk ka lindur nga uji dhe nga Fryma, nuk mund të hyjë në mbretërinë e Perëndisë.”
Gjoni 3:16	“Sepse Perëndia e deshi aq botën, sa dha Birin e tij të vetëmlindurin.”
Mateu 5:14–16	“Ashtu le të shndritë drita juaj para njerëzve.”
Mateu 11:28–30	“Ejani tek unë, o ju të gjithë të munduar dhe të rënduar, dhe unë do t’ju jap çlodhje.”
Mateu 16:15–19	Jezusi tha: “Unë do të të jap çelësat e mbretërisë”.
Gjoni 7:17	“Në qoftë se dikush do të bëjë vullnetin e tij, do ta njohë … doktrinë[n].”
Mateu 22:36–39	“Duaje Zotin, Perëndinë tënde. … Duaje të afërmin tënd.”
Lluka 22:19–20	Jezu Krishti urdhëroi që të merrej sakramenti “në përkujtimin [e Tij]”.
Gjoni 17:3	“Dhe kjo është jeta e përjetshme, të të njohin ty, të vetmin Perëndi të vërtetë, dhe Jezu Krishtin.”
Lluka 24:36–39	“Sepse një frymë nuk ka mish e eshtra, si po shihni se unë kam.”

Shkruaj një shënim të shkurtër për adoleshentin në skenar. Përfshi sa vijon:

• Fragmentin e zotërimit doktrinor që ti ndien se mund të të ndihmojë më mirë të kuptosh dëshirat e Atit Qiellor dhe të Jezu Krishtit për të dhe përse.

• Një përvojë vetjake, histori nga shkrimet e shenjta ose shembull nga jeta e Shpëtimtarit që lidhet me atë që jepet mësim në fragment dhe që mund ta inkurajojë këtë person.

• Veprimet që ai mund të ndërmarrë për t’i zbatuar të vërtetat në fragmentin e zotërimit doktrinor që sugjerove. (Për shembull, nga vargjet te Lluka 22:19–20 ti mund të përfshish këshillë për të ftuar ndikimin e Frymës së Shenjtë dhe gjëra për të kujtuar rreth Shpëtimtarit gjatë sakramentit, ose nga vargu te Gjoni 7:17 ti mund të sugjerosh biseda që ata mund t’i lexojnë për të kuptuar më mirë Atin Qiellor dhe Jezu Krishtin.)

• Dëshminë tënde për Jezu Krishtin dhe të vërtetat e dhëna mësim në fragmentin e zgjedhur prej teje.

Nëse nxënësit e zhvilluan këtë veprimtari me skenarin e një personi tjetër, ftojini ata të shpërndajnë fletët në mënyrë që çdo nxënës të mund të marrë fletën e tij. Ftojini nxënësit të tregojnë atë që mësuan nga kjo përvojë. Merreni parasysh të tregoni një përvojë apo dëshmi vetjake të ngjashme.

Nëse e shkrove shënimin për një person të vërtetë, merre parasysh t’ia japësh atë atij ose të flasësh me të rreth shënimit tënd.