Seminelí
Mātiu 27; Maʻake 15; Luke 23; Sione 19

Mātiu 27; Maʻake 15; Luke 23; Sione 19

Vakai Fakalūkufuá

Hili hono puke pōpula mo fakamāuʻi hala ʻo Sīsū ʻi he ʻao ʻo e kau taki Siú, naʻe ʻoatu Ia ke fakamāuʻi ʻi he ʻao ʻo Pailató. Lolotonga ʻEne tofanga ʻi he faingataʻaʻia fakamamahi ʻo e tautau mei he kolosí, naʻe manukiʻi Ia ʻe he ngaahi filí mo pehē kiate Ia ke fakahaofi Ia mei he mamahí, ka naʻá Ne kātakiʻi ʻi he māʻoniʻoni. Hili ʻEne pekiá, naʻe feinga lahi ʻEne kau ākongá ke maʻu Hono sinó pea teuteuʻi fakalelei ia ki hono telió.

Teuteu ke Akoʻi

ʻOku ʻoatu ʻe he fakamatala ko ʻení ki he kau faiakó ha ngaahi fakakaukau ki he meʻa ʻe ala fie maʻu ke teuteuʻi kimuʻa ki he lēsoni takitaha.

John 18:33–40; Luke 23:8–11

Sione 18:33–40; Luke 23:8–11

Taumuʻa ʻo e lēsoní:

  • Teuteu ʻa e tokotaha akó: Fakaafeʻi e kau akó ke nau fakalaulauloto ki he ʻulungaanga ʻo Sīsū Kalaisí pea fakakaukau pe ko e fē ʻi Hono ngaahi ʻulungāngá te nau fie fakatupulaki kakató. Fakaafeʻi e kau akó ke nau haʻu mateuteu ki he kalasí ke vahevahe ha taha ʻo e ngaahi ʻulungaanga ʻo Sīsū Kalaisí pea mo e ʻuhinga ʻoku nau ongoʻi ai ʻe hoko ʻa e ʻulungaanga ko iá ko ha ʻulungaanga lelei ke te maʻú.

ʻE tokoni ʻa e lēsoni ko ʻení ki he kau akó ke nau ako lahi ange fekauʻaki mo e ʻulungaanga ʻo e Fakamoʻuí mo e founga te nau lava ai ʻo muimui ʻi Heʻene sīpingá.

  • Fokotuʻu ki hono akoʻi ʻi he konifelenisi fakavitioó: Ke fakapapauʻi pe ko e fē ʻa e talanoa ki he faingataʻaʻia ʻa e Fakamoʻuí ʻe lau ʻe he kau akó, fakaafeʻi kinautolu ke hiki hake ha foʻi tuhu ʻe taha ki he fā ʻi honau nimá pea fakaʻaliʻali ki he kalasí. Hili ia pea fakaʻaliʻali ʻa e ngaahi talanoa kehekehe ʻoku fakafika ʻo aʻu ki he faá. Fakaafeʻi e kau akó ke nau lau e talanoa ʻoku hoa mo e lahi ʻo e louhiʻi nima ne nau hiki haké.

Mātiu 27:24–66; Maʻake 15:15–38

Taumuʻa ʻo e lēsoní: ʻE lava ke tokoni ʻa e lēsoni ko ʻení ke mahino lelei ange ki he kau akó mo nau houngaʻia ange ʻi he mamahi mo e pekia ʻa e Fakamoʻuí ʻi he kolosí ko ha konga mahuʻinga ʻo ʻEne Fakaleleí.

  • Teuteu ʻa e tokotaha akó: Fakaafeʻi e kau akó ke nau lau ʻa e Mātiu 27:35–50 pe ko e lea ʻa Pīsope Sēleti Kōsei mei he lēsoni ko ʻení. Kole ange ke nau haʻu mateuteu ke vahevahe pe ko e hā e ʻuhinga kiate kinautolu e pekia ʻa e Fakamoʻuí maʻanautolu fakatāutahá.

  • Fokotuʻu ki hono akoʻi ʻi he konifelenisi fakavitioó: Fakakaukau ke fakaʻaliʻali ha ʻū ʻīmisi mo ha ngaahi fakamatala mo huluʻi ha ngaahi vitiō ke tokoni ki he kau ako ʻi he sió (visual learners) ke nau kau ʻi he lēsoní. ʻIkai ngata aí, ke ʻai e lēsoní ke toe lelei fakamītia angé, fakakaukau ke download ha himi fekauʻaki mo e Fakalelei ʻa e Fakamoʻuí mei he ChurchofJesusChrist.org pea tā ia lolotonga hono fai ʻe he kau akó ʻa e ʻekitivitī fakaʻosí.

Luke 23:33–46; John 19:26–30

Luke 23:33–46; Sione 19:26–30

Taumuʻa ʻo e lēsoní:

  • Teuteu ʻa e tokotaha akó: Fakaafeʻi e kau akó ke nau haʻu mateuteu ke vahevahe fekauʻaki mo ha taha ʻoku nau ʻilo kuó ne fakahaaʻi ha manavaʻofa pe ʻaloʻofa naʻa mo e taimi ʻokú ne tofanga ai ʻi ha ngaahi pole faingataʻá.

ʻOku fakataumuʻa ʻa e lēsoni ko ʻení ke tokoniʻi e kau akó ke nau fakakaukau ki he meʻa te nau lava ʻo ako mei he sīpinga ʻa e Fakamoʻuí lolotonga Hono Tutukí pea mo e founga ʻoku tākiekina ai ʻe he meʻá ni ʻenau ngaahi ongó mo e holi ke hangē ko Iá.

  • Ngaahi ʻata ke fakaʻaliʻalí: ʻŪ fakatātā ʻo e ngaahi meʻa kehekehe ne hoko ʻi he ʻaho fakaʻosi ʻo e moʻui fakamatelie ʻa e Fakamoʻuí—hangē ko ʻEne mamahi ʻi Ketisemaní, hopoʻi ʻe he kau taki Siú, hopoʻi ʻe Pailato mo Hēlotá, ko hono kauʻimaeaʻí, mo e Tutukí—ʻo ka fie maʻu

  • Vitioó: “Feʻofaʻaki ʻo Hangē ko ʻEne ʻOfa ʻIate Kitautolú” (9:43; mamata mei he taimi 3:22 ki he 7:54)

  • Fokotuʻu ki he faiako ʻi he konifelenisi fakavitioó: Fakakaukau ke vahevahe hoʻo monitoá ko ha palakipoe hinehina (whiteboard). ʻE lava ke taipeʻi ʻe he kau akó e ngaahi moʻoni ʻoku nau ako fekauʻaki mo Sīsū Kalaisi ʻi he kotoa ʻo e lēsoní ʻi he palakipoé. ʻI he konga kimui ʻo e lēsoní, te nau lava foki ʻo lisi ha ngaahi founga te nau lava ai ʻo hangē ko Sīsū Kalaisí.

Matthew 27:50–66; Mark 15:39–47; Luke 23:46–56; John 19:38–42

Mātiu 27:50–66; Luke 23:55–56; Sione 19:39–40

Taumuʻa ʻo e lēsoní:

  • Teuteu ʻa e tokotaha akó: Fakaafeʻi e kau akó ke fakalaulauloto ki he meʻa kuo fai ʻe he Fakamoʻuí maʻanautolú pea hiki ha lisi ʻo e ngaahi founga te nau lava ai ʻo fakahaaʻi ʻenau ʻofa kiate Iá.

ʻOku fakataumuʻa ʻa e lēsoni ko ʻení ke tokoni ke mahino mo fakakaukau e kau akó ki he meʻa kuo fakahoko ʻe Sīsū Kalaisi maʻanautolú pea mo e meʻa te nau lava ʻo fai ke fakahaaʻi ʻaki ʻenau fakaʻapaʻapa mo houngaʻia ʻiate Iá.

  • Naunau: Ko ha fakatātā ʻo ha ʻofaʻanga kuo pekia pe, kapau ʻoku maʻu, ko e fakamatala ki he pekiá pe ko ha polokalama mei he meʻafakaʻeikí

  • Ngaahi ʻatá: Ko ha fakatātā mahino ʻo e temipale Selusalemá ʻi he Fuakava Foʻoú ʻi he palakipoé; ngaahi ʻīmisi ʻo ha fonualoto, mula, mo ha ngaahi meʻa fakanamulelei

  • Fokotuʻu ki hono akoʻi ʻi he konifelenisi fakavitioó: Fakakaukau ke fakaafeʻi ha tokotaha ako pe toko ua ke na teuteu ke vahevahe ʻa e meʻa ʻokú na fie manatuʻi fekauʻaki mo ha ʻofaʻanga kuo pekia pea mo e anga ʻo ʻena ʻofa mo fakaʻapaʻapaʻi kinautolú.

Doctrinal Mastery Review 11

Toe Vakaiʻi Fakataukei Fakatokāteline 11

Taumuʻa ʻo e lēsoní:

  • Teuteu ʻa e tokotaha akó: Kapau ʻe lava, ʻoange ki he kau akó ha tatau ʻo e laʻipepa tufa ʻoku fakakau ʻi he lēsoni ko ʻení. Fakaafeʻi ke nau toe vakaiʻi e ngaahi fakamoʻoni fakafolofola ʻo e fakataukei fakatokāteliné mo e ngaahi kupuʻi lea mahuʻingá. Kole ange foki ke nau fakakaukau ki ha ngaahi tūkunga ʻe ala tokoni ai e ngaahi moʻoni ʻoku maʻu ʻi he ngaahi potufolofola fakataukei fakatokāteline ko ʻení.

ʻE tokoni ʻa e lēsoni ko ʻení ke toe vakaiʻi ʻe he kau akó ʻa e ngaahi moʻoni ʻoku maʻu ʻi he ngaahi potufolofola fakataukei fakatokāteliné pea ʻe tokoni ke nau ʻahiʻahi fakahoko ʻa e ngaahi moʻoni ko ʻení ʻi ha ngaahi tūkunga kehekehe.

  • Saati: Ko e saati fakataukei fakatokāteline ke fakaʻaliʻali ʻi he palakipoé pe tufá

  • Naunau maʻá e kau akó: Pepa ki he tohí

  • Fokotuʻu ki he faiako ʻi he konifelenisi fakavitioó: Hili hono hiki kotoa ʻe he kau akó ha tūkunga ʻi ha laʻipepa, fili ha tokotaha ako ʻe taha ke fakaʻaliʻali ia ki he kalasí. Mahalo ʻe tokoni ke fakaafeʻi ʻa e kalasí ke nau fili e speaker view ʻi heʻenau polokalama konifelenisi fakavitioó (kae ʻikai ko e gallery view) ke sio lelei ange ki he meʻa naʻe tohi ʻe he tokotaha akó. ʻE lava leva ke tali ʻa e kau akó ʻaki ʻa e potufolofola fakataukei fakatokāteline ʻe lava ʻo tokoni ki ha taha ʻi he tūkunga ko iá. Pea ʻe lava leva ʻe he tokotaha ako ko iá ʻo fili ha tokotaha ako kehe ke ne fakaʻaliʻali honau tūkungá, pea fai pehē atu ai pē.