Mataio 28; Mareko 16; Luka 24; Ioane 20–21

Vaaiga Aoao

Ina ua mavae le falelauasiga o le Faaola, sa maua e soo faamaoni se tuugamau avanoa. Na tautino mai e agelu ua toetu le Alii. Na faaali atu Iesu Keriso i le toatele o tagata taitoatasi ma vaega ina ua mavae Lona Toetu. I le matafaga o le Sami o Tiperia (Kalilaia), sa taumamafa faatasi ai o ia ma Ona soo ma valaaulia ai Peteru e faaali atu lona alofa mo Ia e ala i le fafagaina o Ana mamoe.

Saunia e Aoao Atu

O faamatalaga nei e tuuina atu ai i faiaoga ni manatu i mea e ono manaomia ona muai saunia mo lesona taitasi.

Luka 24:1–12, 36–48

Faamoemoega o le lesona: O lenei lesona o le a fesoasoani i tagata aoga e faateleina ai lo latou malamalama i le aoaoga faavae o le Toetu o le Faaola ma le ala e aafia ai o latou olaga.

Sauniuniga a le tagata aoga: Valaaulia tagata aoga e manatunatu ma mafaufau e lisi mea ua latou iloa e uiga i le toetu ma pe aisea e taua ai le Toetu o le Faaola ia i latou lava ia.

Anotusi e faaali atu: O se ata o le tuugamau avanoa o le Faaola toetu
Vitio: “O le Alii Toetu ua Faaali atu i AposetoloThe Risen Lord Appears to the Apostles” (2:19); “O le Toetu Mai o Iesu KerisoThe Resurrection of Jesus Christ” (15:41; matamata mai le taimi 9:06 i le 12:01); “O loo Soifua o IaHe Lives—Ia Faailogaina le Eseta ona ua Soifua Iesu KerisoCelebrate Easter Because Jesus Christ Lives” (2:26)

Fautuaga faafaiaoga o fesootaiga faavitio:E mafai e tagata aoga ona faaaoga le vaega o talanoaga e tali ai fesili eseese. Mo se faataitaiga, e mafai e tagata aoga ona faasoa mai mea ua latou iloa e uiga i le toetu pe aisea foi e taua ai le Toetu o le Faaola ia i latou.

Atamai i Aoaoga Faavae: Luka 24:36–39

Faamoemoega o le lesona: O le lesona lenei e maua ai le avanoa e faateleina ai le malamalamaga o tagata aoga i lenei aoaoga faavae e uiga i le toetu e ala lea i le taulotoina o mau faasino ma fuaitau o aoaoga faavae o tusitusiga paia, faamatalaina o le aoaoga faavae, ma le faaaogaina o mataupu faavae o le mauaina o le malamalama faaleagaga i tulaga moni o le olaga.

Sauniuniga a le tagata aoga: Valaaulia le vasega e mafaufau i mea sa latou aoaoina ma lagonaina a o latou suesueina le Toetu o le Faaola i le Luka 24:1–9, 36–48 .

Fautuaga faafaiaoga o fesootaiga faavitio:Mafaufau e fai paga tagata aoga i totonu o potu e taape i ai ina ia mafai ona latou talanoaina pe na faapefea ona fesoasoani mataupu faavae o le mauaina o le malamalama faaleagaga ia i latou i o latou olaga.

Mataio 28; Luka 24; Ioane 20

Faamoemoega o le lesona: O lenei lesona e mafai ona fesoasoani e faamalosia ai molimau a tagata aoga o loo soifua le Faaola.

Sauniuniga a le tagata aoga: Valaaulia tagata aoga e faitau le Eteru 12:5–9 ma mafaufau i le fesili lenei: E mafai faapefea ona e iloa o loo soifua Iesu Keriso e aunoa ma le vaai atu ia te Ia?

Anotusi e faaali atu: Se ata o le Iesu Keriso toetu
Vitio: “Come unto Me” (17:36; matamata mai le taimi 16:18 i le 16:47); “The Only True God and Jesus Christ Whom He Has Sent” (2:26)

Fautuaga faafaiaoga o fesootaiga faavitio: Mafaufau e valaaulia ni tagata eseese e auai mai i le vasega o tasi o molimau o loo faamatalaina i le lesona. E mafai ona latou faasoa mai o latou aafiaga i le vasega e pei o i latou o se tasi o tagata i le tala. O le a le talafeagai mo se tagata ona faatino le Faaola.

Ioane 21:1–17

Faamoemoega o le lesona: O lenei lesona e mafai ona fesoasoani i tagata aoga e faaalia ai lo latou alolofa mo le Faaola a o latou taumafai e auauna atu i isi e pei ona sa Ia faia.

Sauniuniga a le tagata aoga: Valaaulia tagata aoga e faitau le Ioane 21:15–17 i le fale ma tagata o le aiga po o uo ma talanoa i le uiga o le fafaga o mamoe a le Alii.

Fautuaga faafaiaoga o fesootaiga faavitio:Mafaufau e faaaoga le vaega o talanoaga ma tagata aoga e avea o se vaega o lenei lesona. Mo se faataitaiga, e mafai ona valaaulia tagata aoga e tuu i luga ni auala eseese e fafaga ai mamoe a le Alii.

Iloilo Lou Aoaoina 6

Faamoemoega o le lesona: O lenei lesona ua faamoemoe e fesoasoani i tagata aoga e iloilo ai sini na latou faatutuina ma le tuputupu ae o le tagata lava ia na latou maua mai i a latou suesuega o le Feagaiga Fou.

Sauniuniga a le tagata aoga: Valaaulia tagata aoga e mafaufau i o latou aafiaga i le suesueina o le afa muamua o le Feagaiga Fou ma le galuega a Iesu Keriso. Faamalosiau i tagata aoga e o mai saunia ma se mea na latou aoaoina pe lagonaina maiEvagelia e fa (Mataio, Mareko, Luka, ma Ioane) e taua ia i latou.

Anotusi e faaali atu: O se auivi o se fatu na tusia i luga o le laupapa mo le gaoioiga muamua o le iloiloga; o le fasifuaitau “Ona o Ia…” e tusia i luga o le laupapa mo le gaoioiga lona lua o le iloiloga
Vitio: “Because of Him—Easter Video” (2:36)

Fautuaga faafaiaoga o fesootaiga faavitio:Mo le gaoioiga muamua o le iloiloga, mafaufau e valaaulia tagata aoga taitasi e tusi a latou lava auivi o le fatu ma lisi ni mea latou te fiafia i ai e uiga i le Faaola. Ona valaaulia lea o ni nai tagata aoga i se taimi e tuu a latou pepa i luga i le meapueata ia vaai uma atu i ai tagata. Mo le gaoioiga lona tolu o le faavasegaga, mafaufau e valaaulia tagata aoga e o mai i le vasega ua uma ona faamaeaina a latou tusiga i luga o ala o faasalalauga faaagafesootai. E mafai ona faaalu le taimi o le vasega e uunaia ai tagata aoga e faasoa mai mea na latou tusia ma tuu i luga ma tuuina mai a latou molimau.