Матай 8; Лук 7:11–17

Есүс Христийн гайхамшигт хүч

Оршуулгын даавуунд ороолгуулан, дамнуурган дээр сууж буй залуу эрэгтэй. Есүс мөрөн дээр нь мутраа тавьсан ба Түүний шавь нар цаана нь харагдана.

Есүсийн гайхамшигтайгаар эдгээж, Өөрийн хүчийг харуулсан аргуудын нэг нь бэлэвсэн эмэгтэйн хүүг үхэгсдээс амилуулсан явдал байсан юм. Энэ хичээл бидний өнөөгийн цаг үед болон таны амьдралд Есүс Христийн хүчинд итгэх итгэлийг хүчирхэгжүүлэх зорилготой.

Сургалтын хөтөлбөрийг ашиглах. Та хичээл бүрд бэлтгэн, судрын хэсгүүдийг уншихдаа сургалтын хөтөлбөрийг залбирч байгаад нягталж хар. Ингэснээр Ариун Сүнс танд суралцагчдынхаа хэрэгцээнд тохируулан хичээлээ заахад тусална. Та судрын хэсэгт зориулсан заах зөвлөмжүүдийн заримыг эсвэл бүгдийг ашиглахаар сонгох юм уу ангийнхаа хэрэгцээ, нөхцөл байдалд тохируулан санал болгосон санаануудыг өөрчилж болох юм.

Суралцагчийн бэлтгэл: Суралцагчдыг гэр бүлийн гишүүд эсвэл найзуудаасаа амьдралдаа болон Сүм дээр тохиолдсон ямар үйл явдлыг гайхамшиг гэж үзэж буй талаар асуухад урь. Зарим гайхамшиг үнэхээр сэтгэл хөдөлгөм байдаг бол зарим нь энгийн байдаг гэдгийг суралцагчдад сануул.

Боломжит суралцах үйл ажиллагаа

Гайхамшгууд

Дараах тодорхойлолтыг самбарт бичээд, судрууд дээрх зарим гайхамшигт үйл явдлын зургийг харуулахыг бод (дагалдах зургуудыг харна уу).

Есүс нэгэн эрийг өршөөж, эдгээсэн нь.

Есүс хараагүй хүнийг эдгээж буй зураглал. Мормон сувгийн хэрэглээнд зориулав.

Гайхамшиг гэдэг нь “Бурханы хүчээр бий болдог ер бусын үйл явдал юм. … Гайхамшгууд тохиоход итгэл зайлшгүй шаардлагатай” (Судруудын удирдамж, “Гайхамшиг”,” scriptures.ChurchofJesusChrist.org).

• Судруудад цэдэглэгдсэн гайхамшгууд дундаас танд ямар ямар гайхамшиг хамгийн их таалагддаг вэ? Яагаад?

• Бид эдгээр гайхамшгаас Есүс Христийн талаар юу мэдэж авч болох вэ?

Хэрэв нөхцөл байдал боломжтой бол хичээлээс өмнө бэлтгэлээ хангаагүй суралцагчдыг гэр бүлийн гишүүд эсвэл найзуудаасаа ямар үйл явдлыг гайхамшиг гэж үзэж буй талаар асуухаар зурвас илгээхэд урьж болох юм. Суралцагчид хариултаа хичээлийн төгсгөлд хуваалцаж болно.

Аврагч амьдралынхаа турш маш олон гайхамшгийг бүтээсэн. Та эдгээрийн заримыг энэ хичээлээр болон долоо хоногийн турш судлахдаа дараах асуултуудад хэрхэн хариулахаа тунгаан бод.

• Та гайхамшгуудыг юу гэж ойлгодог вэ?

• Тэдгээрийн талаар ямар асуултууд танд байгаа вэ?

• Та Бурханыг таны амьдралд ямар гайхамшгийг бүтээнэ гэж найдаж байна вэ?

Та хариултаа судлах тэмдэглэл дээрээ бичихийг хүсэж магадгүй юм. Та энэ долоо хоногт Есүс Христийн бүтээсэн гайхамшгуудыг судлах явцдаа асуултууддаа хариулт олж аваарай.

Гайхамшгууд Есүс Христийн талаар бидэнд юу заадаг вэ?

Есүс Христийг мэддэг болоход тань туслах судраас судлах нэг чадвар бол Түүний бүтээсэн зүйлсээс цаадхыг харж, Түүний үйлдлүүд зан чанарыг нь хэрхэн илчилж буйг залбирч байгаад эргэцүүлэх явдал юм. Та унших зуураа “Би Аврагчийн хийж, хэлж буй зүйлсээс Түүний сэдэл, эн тэргүүнд тавьдаг зүйлс болон зан чанаруудын талаар юуг сурч мэдэж чадах вэ?” гэх мэтчилэн асуух талаар бод.

Лук 7:11–17-г уншаад, танд Есүс Христийн тухай заадаг дэлгэрэнгүй мэдээллийг уг түүхээс олж мэд. Жишээлбэл: Тэрээр яагаад энэ гайхамшгийг бүтээсэн талаар 13-р шүлэг танд юуг ойлгоход тусалж байгаад анхаарлаа хандуул.  

• Та Аврагчийн энэхүү гайхамшгийг бүтээх үедээ хэлсэн эсвэл хийсэн зүйлсээс сэдэл, эн тэргүүнд тавьдаг зүйлс болон зан чанаруудынх нь талаар юу олж мэдсэн бэ?

• Таны олж мэдсэн зүйл яг одоо таны амьдралд хэрхэн туслах вэ?

Есүс Христ олон гайхамшиг үйлдсэн

Дараах гайхамшгуудын нэгийг эсвэл илүү олныг сонгоод судлаарай. Та эдгээр хүүрнэлээс Аврагчийн тухай юу олж мэдэж буйд анхаарлаа үргэлжлүүлэн хандуул.

Дараах зургууд болон судрын эшлэлүүдийг харуулахыг бод. Зураг тус бүрийг заагаад, түүн дээрх товч тайлбарыг чанга унш. Дараа нь ангийг гурван бүлэгт хуваа. Бүлэг тус бүрээс нэг нэг гишүүнд өөр өөр судлах түүх оноож өгөөд, суралцагчдыг өөрсдийн уншсан түүхийн нарийн ширийн зүйлсийг бүлгийнхэнтэйгээ хуваалцахад урь.

Матай 1–4; Марк 1:40–42; Есүс уяман өвчтэй хүнийг эдгээв.Уяман өвчин нь маш зовуурьтай, халдвартай өвчин бөгөөд зарим тохиолдолд үхлийн аюулд хүргэдэг тул уяман өвчтэй хүнийг нийгмээс тусгаарладаг байв. Ихэнх хүн түүнд ойртох эсвэл хүрэхээс цэрвэдэг байжээ.

Есүс Христийн Хожмын Үеийн Гэгээнтнүүдийн Сүмийн гишүүдийн хувьд бид Аврагчтай маш дотно хувийн харилцаатай байх явдалд итгэдэг. Шинэ Гэрээ болон Мормоны Номыг уншиж байхдаа Аврагч өөрт нь хүрэхийг мэдэрч, Түүний ариун журмаар дамжуулан эдгэрэлтийг хүлээн авах ямар байсан бол гэж би олон удаа бодож байсан. Энэхүү зураг нь Шинэ Гэрээний Матай 8-д өгүүлдэг түүхийг дүрсэлдэг. Есүст ойртож очсон уяман өвчтэй хүн хэрэв Аврагч хүсвэл түүнийг ариусгаж чадна гэдэгт итгэлтэй байсан. “Цэвэрш” хэмээх энгийн үгээр түүний амьдрал цөхрөл гутралаас итгэл найдвараар солигдсон. Энэ мөч ямар байсан бол? Саяхан цэвэр болсон хүн дэлхийн Аврагчийн нүүр царай руу ширтэн харж байна.

Матай 8:5–8, 13 Есүс зуутын даргын зарцыг эдгээв.Зуутын дарга гэдэг нь Ромын армийн 100 орчим хүнийг удирддаг ахлагч юм. Есүсийн үед олон еврей хүн Ромын цэргүүдийг үзэн яддаг байсан нь шашны ялгаатай болон тэд өөрсдийг нь эзлэн түрэмгийлсэн улс үндэстнийг төлөөлдөгтэй холбоотой байлаа.

Ромын цэрэг тулаанд бэлтгэж байна.

Марк 5:1–13, 18–20 Есүс булшин дунд амьдардаг хүнээс чөтгөрүүдийг зайлуулав.Тэрээр булшин дунд амьдарч, орилж, өөрийгөө балбах аж. Тэр хавийн хүмүүс түүнийг гинжилж эс чадах тул түүнээс зайлж, түүнийг булшнуудын дунд ганцааранг үлдээжээ.

Цэвэр бус сүнстэй хүн - ch.25-1

Зөвхөн гайхамшигт үйл явдалд бус, Аврагчид илүү төвлөрөхөд туслах дараахтай адил асуултуудыг бүлгээрээ ярилцахад суралцагчдыг урь. Есүс Христийн гайхамшгууд бидэнд өгсөн Түүний хайр, энэрлийг харуулдаг болохыг суралцагчдад ойлгуул.

• Та Аврагчийн энэхүү гайхамшгийг бүтээх үедээ хэлсэн эсвэл хийсэн зүйлсээс сэдэл, эн тэргүүнд тавьдаг зүйлс болон зан чанаруудынх нь талаар юу олж мэдсэн бэ?

• Таны олж мэдсэн зүйл яг одоо таны амьдралд хэрхэн туслах вэ?

• Танд Аврагчийн тусламж хэрэгтэй санагдах үед та юу хийж чадах вэ?

Өнөөгийн гайхамшгууд

Танд Аврагч өнөөдөр ч гэсэн гайхамшгийг бүтээсээр байгаа гэж бодож байсан үе бий юу? Хэдийгээр ихэнх хүнд Улаан Тэнгисийг хуваасан эсвэл үхэгсдийг амилуулсан зэрэг үнэхээр сэтгэл хөдөлгөм гайхамшгууд тохиолддоггүй ч өнөөдөр ч гэсэн гайхамшгууд тохиолдсоор байгаа гэдгийг санаж явах нь чухал. Аврагч “Би бол гайхамшгуудын Бурхан; мөн энэ дэлхийд би өчигдөр, өнөөдөр, мөн үүрд адил гэдгийг би үзүүлэх болно” (2 Нифай 27:23) хэмээн тунхаглажээ.

Тэргүүн зөвлөлийн ерөнхийлөгч Даллин Х.Өүкс ийн заасан.

Ерөнхийлөгч Даллин Х.Өүксийн 2018 оны 3-р сард авхуулсан албан ёсны хөрөг зураг.

Манай Сүмд, гишүүдийн маань амьдралд өдөр бүр олон гайхамшиг тохиодог. Та нарын ихэнх нь төсөөлснөөсөө ч илүү олон гайхамшгийг гэрчилж байсан байж магадгүй.

(Dallin H. Oaks, “Miracles,” Ensign, June 2001, 6)

• Танд ерөнхийлөгч Өүксийн энэхүү үгээс ямар бодол эсвэл асуултууд төрж байна вэ?

Дараах асуултуудыг тавихын өмнө суралцагчдад суралцагчийн бэлтгэлээс санал болгож буй зүйлийг сануулах эсвэл хичээлийн эхэнд зурвас илгээсэн гэр бүлийн гишүүд эсвэл найзуудаасаа хариу ирсэн эсэхийг шалгахад урихыг бодоорой. Тэдэнд хэт хувийн чанартай эсвэл нэн ариун нандин байж болох зүйлсийг хуваалцах хэрэггүй гэдгийг сануул.

• Аврагчийн Сэргээлтийн нэг хэсэг болгож мөн Өөрийн Сүмийн ажлаар дамжуулан бүтээсэн зарим гайхамшиг юу вэ?

• Та эсвэл таны хайртай хүмүүс амьдралдаа ямар гайхамшгуудыг харсан бэ?

• Эдгээр хувийн гайхамшиг Тэнгэрлэг Эцэг, Есүс Христ хоёрын талаар юу илчилдэг вэ?

Энэ хичээлийн үеэр гайхамшгийн талаарх ойлголт нь хэрхэн нэмэгдсэн тухай бодоход суралцагчдыг урих талаар бод. Түүнчлэн суралцагчдыг өөрсдийн амьдрал дахь Их Эзэний гайхамшигт нөлөөнд анхаарлаа хандуулахад урь. Тэднийг гайхамшгийн талаар өөрт нь байсаар байгаа асуултууддаа хариулт олохын тулд Ариун Сүнснээс урам зориг эрэлхийлэхэд уриал.

Тайлбар ба нөхцөл байдлын тухай мэдээлэл

Хамгийн агуу гайхамшиг юу вэ?

Тэргүүн зөвлөлийн ерөнхийлөгч Даллин Х.Өүкс ийн заасан.

Ерөнхийлөгч Даллин Х.Өүксийн 2018 оны 3-р сард авхуулсан албан ёсны хөрөг зураг.

Зарим гайхамшиг олон хүнд нөлөөлдөг. Ийм нэг гайхамшиг бол Есүс Христийн Цагаатгал буюу Түүний бүх хүн төрөлхтний төлөө бие махбод, сүнслэг байдлын үхлийг ялан дийлсэн ялалт юм. Үүнээс илүү гайхамшигтай эсвэл гүн утга агуулгатай өөр ямар ч гайхамшиг үгүй билээ.

(Dallin H. Oaks, “Miracles,” Ensign, June 2001, 9)

Судар дээр цэдэглэгдсэн, анхаарал татахуйц гайхамшгууд өнөө үед тохиодог уу?

Орчин цагийн тэмдэглүүштэй гайхамшгийн нэг жишээг ерөнхийлөгч Гордон Б.Хинкли (1910–2008) хуваалцжээ.

Ерөнхийлөгч Гордон Б.Хинклигийн хөрөг зураг. Ерөнхийлөгч Хинкли гараа сандалны түшлэг дээр тавьсан байна. Ерөнхийлөгч Хинклигийн 1995 онд авхуулсан Сүмийн албан ёсны хөрөг зураг. Энэ бол түүний хамгийн сүүлд авхуулсан албан ёсны хөрөг зураг юм. Ерөнхийлөгч Хинкли 2008 оны 1-р сарын 27-нд таалал төгссөн.

Надаас эмч нар нь удахгүй долоо хоногийн дотор сохорно гэж хэлсэн нэгэн эмэгтэйг эмнэлэгт эргэж очихыг хүссэн юм. Тэр биднээс өөрт нь туслахыг хүссэн бөгөөд бид ч тусалсан. Ингэхэд тэр гайхамшигтайгаар эдгэрлээ гэж хэлж билээ. … Би түүнд “Би таныг хараа оруулаагүй. Мэдээж Их Эзэн таныг хараа оруулсан. Түүнд баярлаж, талархаж яв” гэж хэлсэн.

(Teachings of Gordon B. Hinckley [1997], 343)

Хүмүүс яагаад Есүс Христэд итгэх итгэлээр эрэлхийлсэн гайхамшиг бүрээ хүлээж авдаггүй вэ?

Тэргүүн зөвлөлийн ерөнхийлөгч Даллин Х.Өүкс ийн хэлжээ.

Ерөнхийлөгч Даллин Х.Өүксийн 2018 оны 3-р сард авхуулсан албан ёсны хөрөг зураг.

Хүссэн төдийхнөөр гайхамшгуудыг хүртэх боломжгүй. … Их Эзэний хүсэл үргэлж тэргүүн зэрэгт тавигддаг. Их Эзэний санваарыг Их Эзэний хүслийн эсрэг гайхамшгийг бүтээхэд ашиглах боломжгүй. Бид мөн гайхамшиг тохиох үед ч гэсэн энэ нь бидний хүссэн хуваариар тохиодоггүй болохыг санах ёстой. Эдгээр илчлэлт “түүний өөрийнх нь цагт, мөн түүний өөрийнх нь замаар” (С ба Г 88:68) тохиолдсон гайхамшигт тохиолдлуудын талаар зааж сургадаг.

(Dallin H. Oaks, “Miracles,” Ensign, June 2001, 9)

Марк 5:11–13-т гардаг чөтгөрүүд яагаад гахай руу орохыг хүссэн бэ?

Бошиглогч Иосеф Смит (1805–1844) ийн тайлбарлажээ.

Бошиглогч Иосеф Смитийн хөрөг зураг, Бага Иосефын царайны дөрөвний гурвыг харж болохуйц, баруун гараараа ташаагаа тулсан, зүүн гартаа цаас барьсан байна. Түүнийг хар хүрэн костюм, цагаан цамц өмсөж, зангиа зүүсэн байгаагаар дүрсэлсэн байдаг.

Бид бие махбодтой болж, түүнийхээ цэвэр ариун байдлыг селестиел хаант улсад Бурханы өмнө үзүүлэхээр дэлхийд ирсэн. Аз жаргалын агуу зарчим нь бие махбодтой болоход оршино. Чөтгөрт бие махбод байдаггүй. Энэ нь түүнд оногдуулсан шийтгэл юм. Тэрээр хүний асрыг олж авахдаа баяртай байдаг бөгөөд Аврагчаар хөөгдөхдөө сүрэг гахайнд оруулахыг түүнээс гуйсан нь огт биегүй байснаас дээр гэж үзсэнийг нь харуулдаг. Биет бүхэн биегүйн дээр ноёрхох хүчтэй.

(Сүмийн ерөнхийлөгчдийн сургаалаас: Иосеф Смит [2007], 239)

Аврагчийг эргэн ирэхээс өмнө олон гайхамшиг тохиох уу?

Ерөнхийлөгч Рассэлл М.Нэлсон ийн гэрчилсэн.

Ерөнхийлөгч Рассэлл М.Нэлсоны 2018 оны 1-р сард авхуулсан албан ёсны хөрөг зураг.

Бидний Аврагч, Гэтэлгэгч Есүс Христ гайхамшигт үйлсийнхээ заримыг одоо төдийгүй Өөрөө дахин ирэх хүртлээ үйлдэх болно. Бурхан Эцэг, Түүний Хайрт Хүү хоёрын энэ дэлхийг сүр жавхлан, алдар суугаараа удирддагийг илтгэх ер бусын шинж тэмдгүүдийг бид олж харна.

(Рассэлл М.Нэлсон, “Сүмд болон бидний амьдралд зориулсан илчлэлт,” 2018 оны 4-р сарын Ерөнхий чуулган, 119)

Нэмэлт суралцах үйл ажиллагаа

Есүс Христ гайхамшгийн Бурхан бөгөөд ийн байсаар байх болно

Суралцагчдад гайхамшгууд одоо ч тохиосоор байгаа гэдгийг олж харахад нь туслах үүднээс тэднийг Мормон 9:11–21-ийг судлахад урьж болно. Тэднийг дараах асуултуудад хариулт олоход урь.

• Моронайн эдгээр шүлэгт тодорхойлсон Есүс Христийн гайхамшгуудын зарим нь юу вэ?

• Гайхамшигт итгэдэггүй хүмүүст Моронай ямар зөвлөгөө өгч байна вэ?

• Бурхан ямар үед Өөрийн хүмүүсийн дунд гайхамшгийг бүтээхээ болих вэ?

Ёс бус сүнснүүдийг хөөн зайлуулсан нь

Аврагчийг ёс бусын сүнснүүдийг зайлуулах хүчтэй болохыг олж мэдсэнийхээ дараа суралцагчид Мозая 3:5–6 дээрх Хаан Бенжамины бошиглолыг уншиж болно. Аврагч “хүмүүний үрсийн зүрх сэтгэлд орших ёс бусын сүнснүүдийг, өөрөөр хэлбэл чөтгөрүүдийг зайлуул[ж]” (6-р шүлэг) чадна гэдэг нь юу гэсэн утгатай болох талаар ярилцахад тэднийг урь. Зүрх сэтгэлээсээ үлдэн хөөхийг хүсэж байгаа, сүнслэг байдлын хувьд хойш чангааж буй ямар нэг зүйл байгаа эсэхийг тунгаан бодоход тэднийг урь. Биднийг Аврагчид итгэлтэйгээр хандахад бидний зүрх сэтгэлээс ёсон бусын хүслүүдийг үлдэн хөөх Түүний чадварыг гэрчил.