Gitawag ug Gitudloan ni Jesukristo ang Napulog Duha ka Apostoles
Imahe
Christ has his hands placed on Peter’s head, the rest of the Twelve are standing with heads bowed in prayer on either side. Outtakes include Jesus instructing the Twelve with one of the disciples kneeling in front of him with Christ’s hand on his shoulder, Jesus ordaining John with the others on either side, close up profile shots of Jesus with some of the apostles in the background, Jesus ordaining other apostles and, close up of Jesus with his hands on Peter’s head.
Gitawag ug gitudloan ni Jesukristo ang Napulog Duha ka Apostoles ug gipadala sila aron sa pagsangyaw, pagpangalagad, ug pag-ayo sa masakiton. Kini nga leksiyon makatabang kanimo nga makasabot sa tawag [calling] ug tahas sa Apostoles isip mga representante ug mga saksi ni Jesukristo.
Maminaw sa mga pangutana sa mga estudyante. Tinguhaa nga makasabot sa mga estudyante pinaagi sa pagpaminaw og maayo ug pagpangutana og follow-up nga mga pangutana diha sa espiritu sa gugma ug impatiya. Pag-ampo alang sa abilidad sa pagbutang sa imong kaugalingon sa mga sitwasyon sa mga estudyante. Mahimong andam nga mopahiangay sa leksiyon ug mga kalihokan nga labing makatubag sa mga panginahanglanon sa mga estudyante ug sa ilang kasamtangang pagsabot.
Pagpangandam sa estudyante: Dapita ang mga estudyante nga pamalandongan ang ilang mga kasinatian sa mga Apostoles sa Dios pinaagi sa pagpangutana sa mosunod nga mga pangutana: Sa unsang paagi ka mas gipaduol sa Apostoles sa Manluluwas ngadto kang Jesukristo? Unsa ang nakapahingangha kanimo mahitungod kanila? Unsay imong mga pangutana mahitungod sa tahas sa Apostoles?
Pahinumdom: Usa ka alternatibong ideya sa pagpangandam sa estudyante gilakip diha sa “Dugang nga mga Kalihokan sa Pagkat-on” nga seksiyon.
Posible nga mga Kalihokan sa Pagkat-on
Ang imong mga pagbati ug pagsabot sa Apostoles ni Jesukristo
Pamalandong kon unsaon nimo pagtubag sa mosunod nga pangutana alang sa temple rekomend:
Imahe
Official portrait of President Russell M. Nelson taken January 2018
Ikaw ba mopaluyo sa mga sakop sa Unang Kapangulohan ug sa Korum sa Napulog Duha ka Apostoles isip mga propeta, mga manalagna, ug mga tigpadayag?
(Russell M. Nelson, “Panapos nga Pakigpulong,” Liahona, Nob. 2019, 121)
Unsa ang ipasabot sa pagpaluyo sa mga miyembro sa Unang Kapangulohan ug Korum sa Napulog Duha ka Apostoles?
Kita sa kasagaran naghunahuna nga ang pagpaluyo sa mga lider sa Simbahan mao ang pisikal nga buhat sa pagpataas sa atong mga kamot. Apan ang pagpaluyo kay labaw pa sa paghatag lamang og panggawas nga timaan. Ang pagpaluyo naglakip sa pagsuporta, pagdasig, pagsalig, ug pagsunod niadtong atong gipaluyohan tungod kay kita nagtuo nga sila gitawag sa Dios.
Ngano sa imong hunahuna nga ang usa sa mga gikinahanglan sa pagsulod sa templo mao ang pagkamay-kalabotan sa atong suporta ug mga pagbati ngadto sa Apostoles sa Manluluwas?
Gamita ang mosunod nga sukdanan aron mas matimbang-timbang ang imong personal nga mga pagbati ug mga kinaiya ngadto sa Apostoles ni Jesukristo. Dili ka hangyoon sa pagpaambit sa imong mga tubag ngadto sa uban.
Ikonsiderar ang pagpakita sa mosunod nga mga sukdanan. Mahimong makatabang ang pagbasa sa makusog sa matag usa sa mosunod nga mga pangutana aron pamalandongan sa mga estudyante, dayon dapita sila sa pagrekord sa ilang mga tubag sa ilang journal sa pagtuon.
Nagtuo ako nga ang Apostoles ni Jesukristo importante kaayo.
Gusto nako madungog unsa ang isulti sa Apostoles sa Manluluwas, ug maminaw ako pag-ayo kon aduna akoy kahigayonan sa pagpaminaw kanila.
Makapaambit ako og usa o duha ka mga butang nga bag-ong gitudlo sa Apostoles ni Jesukristo.
Paggahin og higayon sa pagpamalandong ug pagrekord og bisan unsang mga pangutana nga aduna ka mahitungod sa Apostoles ni Jesukristo. Diha sa imong pagtuon, pamalandong niining mga pangutana, nga mangita og mga tubag gikan sa Espiritu Santo.
Karaang Apostoles ni Jesukristo
Basaha ang Mateo 9:36–38 , nga mangita sa problema nga naila sa Manluluwas niini nga mga bersikulo.
Unsa ang maong problema, ug unsa ang gisulti sa Manluluwas nga maoy gikinahanglan?
Ikonsiderar ang pagdapit sa mga estudyante nga basahon ang mosunod nga mga kasulatan nga managpares o diha sa gagmay nga mga grupo.
Aron matabangan pagpangalagad ang mga tawo, si Jesukristo nagtawag og Apostoles. Ang pulong nga apostol naggikan sa pinulongang Griyego nga nagpasabot nga “usa ka tawo nga gipadala.” Sa una ang Apostoles gipadala lamang ngadto sa balay sa Israel. Sa wala madugay, ang nabanhaw nga Manluluwas misugo nga sila magsangyaw usab ngadto sa mga Hentil, o niadtong dili sakop sa balay sa Israel. Karon gisugo sila sa pagsangyaw sa tibuok kalibotan (tan-awa ang Mga Buhat10).
Unsa ang gimando sa Manluluwas nga buhaton sa Iyang Apostoles?
Unsa nga mga pagkasusama ang imong nabantayan tali sa mga gibuhat ni Jesus ug sa mga buhat nga gisugo Niyang buhaton sa Iyang Apostoles?
Unsa nga mga kamatuoran ang imong makat-onan gikan niining mga bersikulo bahin sa unsay gipabuhat ni Jesukristo sa Apostoles?
Modernong Apostoles ni Jesukristo
Kon posible, ipakita ang litrato sa kasamtangang Unang Kapangulohan ug sa Korum sa Napulog Duha ka Apostoles.
Usa ka kamatuoran nga atong nakat-onan gikan sa Mateo 10:1–8 ug Doktrina ug mga Pakigsaad 107:23 mao nga ang Ginoo nagtawag og Apostoles aron mahimong espesyal nga mga saksi sa ngalan ni Kristo sa tibuok kalibotan ug mobuhat sa Iyang mga buhat. Kini tinuod sa parehong Apostoles sa Manluluwas sa kaniadto ug sa kadtong Iyang gitawag isip Apostoles karon.
Basaha ang Mateo 10:40, nga mangita sa tambag sa Manluluwas alang niadtong midawat sa Iyang Apostoles.
Nganong ang pagdawat sa Apostoles sa Manluluwas sama ra sa pagdawat sa Manluluwas?
Mahimong ipakita ang dugang nga mga ehemplo kon giunsa sa modernong Apostoles pagpangalagad sama sa Manluluwas. Pipila ka mga ehemplo anaa nalakip sa “Komentaryo ug Background nga Impormasyon” nga seksiyon.
Sa unsang paagi nimo nakita ang Apostoles karon nga nangalagad ngadto sa uban sa susamang paagi nga gibuhat ni Jesukristo?
Tungod kay ang Unang Kapangulohan ug ang Korum sa Napulog Duha ka Apostoles nagrepresentar sa Manluluwas ug mao ang espesyal nga mga saksi Kaniya, ang pagtuon sa ilang mga pagtulun-an susama ra sa pagtuon sa mga pagtulun-an sa Manluluwas ug mao ang usa ka paagi sa pagkat-on mahitungod sa Manluluwas (tan-awa ang Doktrina ug mga Pakigsaad 1:38). Gamit ang usa sa mosunod nga mga kapanguhaan (anaa sa ChurchofJesusChrist.org), tun-i ang mga pagtulun-an sa modernong Apostoles, nga mangita sa unsa ang imong makat-onan mahitungod sa Langitnong Amahan ug kang Jesukristo.
Ilha unsang mga kapanguhaan ang labing makatabang sa mga estudyante, ug paghatag og mga paagi aron maka-access ang mga estudyante kanila.
Tugoti ang mga estudyante nga mopaambit sa ilang mga kasinatian sa pagkat-on gikan ug mahitungod kang Jesukristo pinaagi sa pagtuon sa mga pulong sa Iyang modernong Apostoles.
Unsa ang imong nakita sa imong pagtuon nga nakatabang kanimo nga makabati og paglambo sa panabot ug gugma alang sa Langitnong Amahan ug ni Jesukristo?
Kanus-a ka mibati ug miila nga ang usa ka Apostol sa Ginoo nirepresentar kang Jesukristo?
Sa unsang paagi nga ang imong nakat-onan karon makaimpluwensiya kon unsaon nimo pagpaluyo ug pagpaminaw ang modernong Apostoles sa Manluluwas?
Mahimong pahinumdoman ang mga estudyante sa pagpangandam sa kalihokan kon ila bang nakompleto kini. Dapita sila sa paggamit niana nga kasinatian alang sa mosunod nga kalihokan.
Mga pangutana nga angayang pamalandongan
Paghunahuna kon unsaon nimo paggamit ang imong nakat-onan karon, ug mainampoong magtinguha og direksiyon gikan sa Langitnong Amahan, nga maminaw pag-ayo sa bisan unsang mga pangaghat gikan sa Espiritu Santo. Pamalandong sa mosunod nga mga pangutana, ug mahimong irekord sa imong journal sa pagtuon ang bisan unsang mga impresyon nga imong nadawat ug unsaon lagmit nimo paglihok kanila.
Kumusta ka ug ang imong pamilya sa pagdawat ug pagsunod sa tambag sa Apostoles niini nga panahon?
Sa unsang mga paagi ka mas nahiduol kang Jesukristo tungod sa tambag ug mga pagtulun-an sa Apostoles sa Manluluwas?
Sa unsang paagi lagmit nga ang pagkaadunay pihong plano aron mas makaila ug makasunod sa Apostoles sa Manluluwas makapanalangin kanimo?
Natubag ba ang imong mga pangutana mahitungod sa Apostoles sa Manluluwas karon? Unsay imong nakat-onan? Unsa pa nga mga pangutana ang aduna ka, ug unsaon kaha nimo pagpangita og mga tubag niana?
Sa paghunahuna sa imong pamilya, mga higala, ug sa uban nga imong nahinabi o mahimong maimpluwensiyahan kinsa kaha ang lagmit makabenepisyo pinaagi sa pagkat-on ug paghisgot sa imong mga kasinatian karon? Unsaon kaha nimo pagpaambit niini ngadto kanila?
Tugoti ang mga estudyate nga buot mopaambit og bisan unsang mga impresyon nga ilang nadawat, pagpamatuod nga ilang naangkon, o mga lihok nga madasigon nilang nabating buhaton tungod sa ilang pagtuon.
Komentaryo ug Background nga Impormasyon
Mateo 10:14 . Unsay ipasabot sa “itaktak ang abog sa inyong tiil”?
Si Elder James E. Talmage naghatag niini nga panabot mahitungod sa mga panudlo sa Manluluwas kabahin sa pagtaktak sa abog sa tiil sa tawo:
Imahe
Portrait of James E. Talmage.
Ang ingon og seremonyas nga pagpanaktak sa abog gikan sa tiil sa usa ka tawo isip pagpamatuod batok sa lain gisabot sa mga Judio nga simbolo sa pagputol sa panaghigalaay ug ang pagbiya sa tanang responsibilidad alang sa mga sangpotanan nga mahimong mosunod. Nahimo kini nga balaod sa pagpasangil ug pagpamatuod pinaagi sa mga panudlo sa Ginoo ngadto sa Iyang mga apostoles ingon nga gipasabot diha sa [ Mateo 10:14 ]. Sa dispensasyon karon, ang Ginoo susama nga misugo sa Iyang may awtoridad nga mga sulugoon sa pagpamatuod gayod batok niadtong kinsa sa kabubut-on ug madumtanon nga paagi mibatok sa kamatuoran nga gipaila sa awtoridad nga paagi.
(James E. Talmage, Jesus the Christ [1916], 345; tan-awa usab sa Doktrina ug mga Pakigsaad 24:15; 75:18–22; 84:92–96).
Wala kini gibuhat sa atong mga misyonaryo karon, ug kini dili gayod gawas kon ang mga lider sa Simbahan naghatag og dugang nga direksiyon.
Nganong kinahanglan man nato ang Apostoles ni Jesukristo sa kalibotan karon?
Asa man ko dugang nga makakat-on mahitungod sa modernong Apostoles ni Jesukristo ug giunsa nila pagpangalagad susama sa Manluluwas?
Ang mosunod nga mga kapanguhaan (tanan anaa sa ChurchofJesusChrist.org) mahimong makatabang kanimo nga makat-on og dugang mahitungod sa mga modernong Apostoles ni Jesukristo.
Dugang nga bag-ong mga pakigpulong sa kinatibuk-ang komperensiya
Dugang nga mga Kalihokan sa Pagkat-on
Alternatibong pag-andam sa estudyante
Dapita ang mga estudyante nga motambong nga andam nga mopresentar og usa ka mubo kaayo nga talambuhay ug piniling mga pagtulun-an gikan sa usa sa kasamtangang mga miyembro sa Unang Kapangulohan o sa Korum sa Napulog Duha ka Apostoles. Dapita usab sila aron motambong nga andam nga mopaambit kon sa unsang paagi nga ang dugang nga pagkat-on mahitungod niini nga Apostol midirekta kanila ngadto kang Jesukristo. Mahimong sugdan ang klase pinaagi sa pagtugot sa mga estudyante nga andam mopaambit unsa ang ilang nakat-onan ngadto sa klase.
Tabangi ang mga estudyante sa pag-andam alang sa kinatibuk-ang komperensiya
Mahimong gamiton o ipahiangay ang mga bahin niini nga leksiyon aron matabangan ang mga estudyante nga maandam alang sa umaabot nga kinatibuk-ang komperensiya. Mahimong makabenepisyo ang paghatag og gibug-aton sa kahibalo sa mga estudyante sa mga propeta sa ulahing mga adlaw ug apostoles ug sa ilang mga panudlo kang Jesukristo (pananglitan, pinaagi sa pagmugna og usa ka pasulit base sa ilang kinabuhi, pinaagi sa paghimo og pasulit sa mga estudyante alang sa klase, pinaagi sa pagtuon og pipila sa ilang miaging mga pakigpulong ug mangita sa usa ka linya o parapo nga nagpamatuod kang Jesukristo ug sa Iyang misyon, ug uban pa). Mahimo usab nga makita sa mga estudyante nga makatabang ang paghisgot og mga paagi sa pagpangandam sa pagpaminaw ug pagprayoridad sa kinatibuk-ang komperensiya (sama sa pagtangtang sa mga makabalda, paghawan sa mga iskedyul, pagtambong nga adunay pangutana sa hunahuna, ug uban pa).
