Seminary
Mateo 9–10; Marcos 5; Lucas 9

Mateo 9–10; Marcos 5; Lucas 9

Kinatibuk-ang Pagpasabot

Samtang nangalagad si Jesus sa Galilea, ang usa ka babaye nga adunay problema sa dugo naayo pinaagi sa paghikap sa Iyang sinina. Gibanhaw sa Ginoo ang anak nga babaye ni Jairo gikan sa pagkamatay. Gitawag ug gitudloan ni Jesukristo ang Napulog Duha ka Apostoles ug gisugo sila sa pagsangyaw, pangalagad, ug pag-ayo sa masakiton.

Pangandam sa Pagtudlo

Ang mosunod nga impormasyon maghatag sa mga magtutudlo og mga ideya sa kon unsa ang lagmit nga kinahanglanon aron makaandam daan para sa matag leksiyon.

Marcos 5:24–34;

Mateo 9:20–22

Katuyoan sa leksiyon: Ang katuyoan niini nga leksiyon mao ang pagtabang sa mga estudyante nga masabtan kon unsaon pagdawat ang gahom sa Manluluwas sa ilang mga kinabuhi pinaagi sa paggamit og hugot nga pagtuo diha Kaniya.

  • Pag-andam sa estudyante: Awhaga ang mga estudyante nga mamalandong sa panahon nga miduol sila kang Jesukristo aron mangayo og tabang. Mahimo usab silang maghunahuna sa kasinatian sa laing tawo.

  • Kon tugotan kini sa software nga imong gigamit, ikonsiderar ang pag-awhag sa mga estudyante nga magtambayayong diha sa mga breakout room aron hisgotan kini nga mga pangutana: Unsa ang imong mabuhat aron ipakita nga ang pagdawat sa tabang sa Manluluwas mao ang imong pinakadakong gusto? Unsa kaha ang kalainan sa imong kinabuhi kon mas sagunson nimong madawat ang gahom ni Jesukristo?

Marcos 5:21–24, 35–43

Katuyoan sa leksiyon: Ang katuyoan niini nga leksiyon mao ang pagtabang sa mga estudyante sa paggamit og hugot nga pagtuo ug pagsalig kang Kristo sa mga panahon sa kahadlok ug walay kasigurohan.

  • Pag-andam sa estudyante: Dasiga ang mga estudyante nga imemorya ang hugpong sa pulong nga “Ayaw kahadlok! Salig lang” ( Marcos 5:36). Awhaga sila nga pamalandongan kon sa unsang paagi makatabang kanila kini nga hugpong sa mga pulong sa mga panahon sa pagsulay.

  • Mga materyal para sa mga estudyante: Kon posible, pagdala og mga supply sa sining aron magamit sa mga estudyante sa paghimo og hulagway gamit ang hugpong sa pulong nga “Ayaw kahadlok, salig lamang.”

  • Sugyot sa pagtudlo pinaagi sa videoconference:Awhaga ang mga estudyante nga ipaambit sa chat ang mga kasulatan o mga pamahayag gikan sa kinatibuk-ang komperensiya mahitungod sa dili pagkahadlok. Mahimong magdapit og partikular nga mga estudyante nga magpaambit og kasulatan nga ilang nakita pinaagi sa pagpakigbahin sa ilang screen ug pagpakita sa kasulatan gikan sa Gospel Library online o Gospel Library app.

Mateo 9:36–38; Mateo 10

Katuyoan sa leksiyon: Motabang kini nga leksiyon sa mga estudyante sa pagsabot sa tinguha ug katuyoan sa mga Apostoles isip mga representante ug mga saksi ni Jesukristo.

  • Pag-andam sa estudyante: Awhaga ang mga estudyante nga pamalandongan ang ilang mga kasinatian sa mga Apostoles sa Dios pinaagi sa pagsukna sa mosunod nga mga pangutana: Sa unsang paagi ka gipaduol sa mga Apostoles sa Manluluwas ngadto kang Jesukristo? Unsa ang nakapahingangha kanimo mahitungod kanila? Unsay imong mga pangutana mahitungod sa tahas sa Apostoles? Ikonsiderar ang alternatibong ideya sa pag-andam sa estudyante nga gipaambit sa seksyon nga “Dugang nga mga Kalihokan sa Pagkat-on”.

  • Content nga ipakita: Pag-andam nga ipakita, o ihatag isip handout, ang pamahayag ni Presidente Nelson ug ang mga pangutana aron susihon sa mga estudyante ang ilang mga pamati ug mga kinaiya ngadto sa mga Apostoles ni Jesukristo.

  • Mga kapanguhaan para sa mga estudyante: Ikonsiderar kon gikan sa unsang mga kapanguhaan ug mahitungod sa mga Apostoles sa bag-ong panahon ang imong ihatag sa imong mga estudyante.

Lucas 9:24–26, 57–62

Katuyoan sa leksiyon: Tabangan niini nga leksiyon ang mga estudyante sa pag-ila og mga paagi nga mahimong usa ka tinuod nga disipulo ni Jesukristo.

  • Pag-andam sa estudyante: Awhaga ang mga estudyante nga maghuna-huna og mga paagi nga gisulayan nila sa pagsunod si Jesukristo.

  • Sugyot sa pagtudlo pinaagi sa videoconference: Aron tabangan ang mga estudyante sa pagtaho sa ilang gitun-an, ikonsiderar ang paggamit sa whiteboard o parehong feature. Mahimong kumpletohon sa mga estudyante ang hugpong sa mga pulong nga “Aron mahimong tinuod nga disipulo ni Jesukristo, kami makahimo sa …”

Pagrebyo sa Doktrinal nga Kahanas 3

Katuyoan sa leksiyon: Tabangan niini nga leksiyon ang mga estudyante nga madugangan ang ilang pagsabot sa ug tugotan sila nga mapraktis ang pagpasabot sa doktrina nga gitudlo sa mosunod nga mga tudling sa doktrinal nga kahanas: Mateo 5:14–16 ; Lucas 2:10–12 ; John 3:5 ; ug John 3:16 .

Pahinumdom: Lagmit nga kinahanglang magtudlo og leksiyon sa usa ka tudling sa doktrinal nga kahanas isip puli niini nga leksiyon sa pagrebyo. Tan-awa ang iskedyul sa gipaspason nga gihatag sa direktor sa lugar o rehiyon o koordinitor aron masiguro nga matudlo ang matag leksiyon sa tudling sa doktrinal nga kahanas samtang anaa sa sesyon ang seminary.

  • Pag-andam sa estudyante: Awhaga ang mga estudyante nga magpili og usa sa mga tudling sa doktrinal nga kahanas gikan sa Mateo, Lucas, o Juan nga makahulugan kanila. Hangyoa nga maghuna-huna sila kon nganong makahulogan kanila kini nga tudling ug motambong sa klase nga andam sa pagpaambit sa ilang mga huna-huna.

  • Content nga ipakita: Ikonsiderar ang pagpakita sa listahan sa mga estilo sa pagkat-on nga gamiton sa mga estudyante sa pagsusi kon unsang mga pamaagi ang labing makatabang kanila sa pagkat-on.

  • Mga Butang: Rebyoha ang mga kalihokan nga naghatag og importansiya sa lain-laing mga estilo sa pagkat-on, ug tinoa ang mga supply nga lagmit nga gikinahanglan sa imong mga estudyante aron malamposong makompleto ang kalihokan nga ilang pilion.

  • Sugyot sa pagtudlo pinaagi sa videoconference: Ikonsiderar ang paghatag sa mga estudyante og mga ideya sa mga butang ug mga gamit gikan sa ilang mga panimalay nga magamit nila samtang ilang gikompleto ang kalihokan sa estilo sa pagkat-on. Dapita ang mga estudyante sa pagpakigbahin sa ilang mga butang diha sa klase.

Iprinta