Pagrebyo sa Doktrinal nga Kahanas 2
Imemorya ang mga Pakisayran [References] ug mga Importanteng Hugpong sa mga Pulong sa Kasulatan [Phrases]
Ang paghinumdom sa mga tudling sa kasulatan ug kon unsa ang gitudlo niini makatabang kanimo sa daghang mga paagi. Tinguha niini nga leksiyon nga tabangan ka sa pagmemorya sa mga pakisayran sa kasulatan ug mga importanteng hugpong sa mga pulong sa kasulatan para sa pipila ka tudling sa doktrinal nga kahanas sa Bag-ong Tugon.
Pag-andam sa estudyante: Awhaga ang mga estudyante nga pamalandongan kon sa unsang paagi ang pagkahibalo sa mga pakisayran sa kasulatan ug kon unsa ang gitudlo niini makatabang kanila sa ilang mga kinabuhi.
Mga Posible nga Kalihokan sa Pagkat-on
Lagmit nga kinahanglang magtudlo og leksiyon sa usa ka tudling sa doktrinal nga kahanas isip puli niini nga leksiyon sa pagrebyo. Tan-awa ang iskedyul sa gipaspason nga gihatag sa direktor sa lugar o rehiyon o koordinitor aron masiguro nga matudlo ang matag leksiyon sa tudling sa doktrinal nga kahanas samtang anaa sa sesyon ang seminary.
Paggamit sa mga kasulatan aron ipaambit ang ebanghelyo
Awhaga ang mga estudyante nga magpaambit og mga hunahuna gikan sa kalihokan sa pag-andam sa estudyante niini nga bahin sa leksiyon.
Hunahunaa nga naghisgot ka og mga pangrelihiyosong pagtuo sa imong higala nga si Sylvia. Mitambong siya sa usa ka lokal nga simbahan sa Kristiyano ug nagtuon pag-ayo ug nagkat-on gikan sa Biblia. Gipangutana ka ni Sylvia mahitungod sa imong mga pagtuo mahitungod ni Jesukristo, bunyag, ug sa pagkapari.
-
Unsa ka kamasaligon sa pagtubag sa mga pangutana ni Sylvia? Ngano man?
-
Sa unsang paagi lagmit nga makatabang niini nga sitwasyon ang pagkahibalo sa mga tudling sa doktrinal nga kahanas ug sa mga importanteng hugpong sa mga pulong niini?
-
Unsa ang pipila ka sitwasyon nga imong nasinati diin mapuslanon unta ang pagkahibalo pag-ayo sa mga tudling sa kasulatan aron magamit kini?
Matabangan ka niini nga leksiyon sa pag-andam alang sa mga sitwasyon nga sama niini ug mapamalandongan ang mga kamatuoran nga gitudlo sa mga mosunod nga tudling sa kasulatan sa doktrinal nga kahanas. Ikonsiderar ang pagmarka niini nga mga tudling ug ang mga importanteng hugpong sa mga pulong niini kung wala pa nimo kini nabuhat.
Ikonsiderar ang mga panginahanglan sa mga estudyante sa pagtino kon pila ka tudling sa doktrinal nga kahanas ang hatagan og gibug-aton niini nga leksiyon. Ipakita ang mosunod nga tsart aron matan-aw kini sa mga estudyante hangtod nga makompleto nila ang ilang mga kard.
Pakisayran sa Kasulatan |
Importanteng Hugpong sa mga Pulong sa Kasulatan |
“Kay karong gabhiona, natawo sa lungsod ni David ang inyong Manluluwas, ang [K]risto nga Ginoo!” | |
“Walay makasulod sa Gingharian sa Dios gawas kon matawo siya pinaagi sa tubig ug sa Espiritu.” | |
“Kay gihigugma pag-ayo sa Dios ang kalibotan ug tungod niini gihatag niya ang iyang bugtong Anak.” | |
“Ipadan-ag ang inyong kahayag atubangan sa mga tawo.” | |
“Duol kamo kanako, kamong tanan nga gikapuyan ug gibug-atan sa inyong gipas-an ug papahulayon ko kamo.” | |
Si Jesus miingon, “Ihatag ko kanimo ang mga yawi sa Gingharian sa langit.” | |
“Ang buot magbuhat sa gisugo sa Dios mahibalo kon ang akong gitudlo gikan ba sa Dios o nagsulti ba lamang ako sa kaugalingon kong pagbuot.” | |
“Higugmaa ang Ginoo nga imong Dios. … Higugmaa ang imong silingan.” | |
Si Jesukristo nagsugo, ambit sa sakramento “sa paghandom kanako.” | |
“Kini mao ang kinabuhing dayon: nga ang mga tawo moila kanimo nga mao ang bugtong matuod nga Dios ug kang [Jesukristo].” | |
“Kay ang espiritu walay unod ug mga bukog sama sa nakita ninyo nga ania kanako.” |
Mga Kard sa memorya
Ipahiangay ang mga mosunod nga panudlo base sa kon unsang mga tudling sa doktrinal nga kahanas ang tun-an sa leksiyon. Ang mga estudyante nga adunay akses sa mga elektronikong device mahimong mogamit og app o program aron himuon ang mga kard sa ilang mga device. Kon dili man, paghatag og usa ka papel sa kada estudyante para niini nga kalihokan.
Gibase ang mosunod nga mga panudlo sa imong pagpili nga makat-onan ang unom ka pakisayran ug ang mga importanteng hugpong sa mga pulong niini. Kung pilion nimo nga makahibalo og dugang, mahimo nimong ipahiangay ang kalihokan sa paagi nga magtugot kanimo sa paghimo og igong gidaghanon sa mga kard.
Gamit ang tibuok nga bahin sa usa ka papel, pagdrowing og duha ka kolum nga adunay tulo ka kahon nga pareho ang gidak-on sa kada kolum. Baliha ang papel ug buhata usab kini niana nga bahin. Pagpili og usa sa mosunod nga mga paagi aron maghimo og mga kard sa memorya nga makatabang kanimo sa pagmemorya niini nga mga pakisayran sa kasulatan ug mga importanteng hugpong sa mga pulong.
Opsiyon A: Mga Hulagway nga kard sa memorya
-
Sa usa ka bahin sa papel, pagsulat og pakisayran sa kasulatan nga imong gipili sa usa ka kahon.
-
Baliha ang papel. Sa parehong kahon sa pikas nga bahin, pagdrowing og simpleng hulagway aron tabangan ka sa paghinumdom sa importanteng hugpong sa mga pulong sa kasulatan para sa pakisayran. Pananglitan, para sa Mateo 5:14–16 mahimo kang magdrowing og butang nga sama sa mosunod aron tabangan kang mahinumdoman ang importanteng hugpong sa mga pulong nga “Ipadan-ag ang inyong kahayag atubangan sa mga tawo.”
ImaheIllustration of people with a lightbulb. One person is alone representing letting your light shine.Balika kini nga mga lakang alang sa matag usa sa mga tudling sa doktrinal nga kahanas nga imong gipili para niini nga leksiyon.
Opsiyon B: Mga kard sa memorya sa pakisayran ug importanteng hugpong sa pulong
Sa imong journal sa pagtuon, isulat pag-usab ang kada tudling sa doktrinal nga kahanas nga imong gipili sa paagi nga makatabang kanimo nga mas masabtan ang mensahe sa tudling. Pananglitan, mahimo nimong isulat pag-usab ang Juan 3:5 sigon sa mosunod “Gipasabot ni Jesus nga dili ka makasulod sa gingharian sa langit kon dili ka mabunyagan ug madawat ang gasa sa Espiritu Santo.”
-
Sa usa ka bahin sa papel, pagsulat og pakisayran sa kasulatan sa kada kahon.
-
Baliha ang papel, ug isulat ang importanteng hugpong sa mga pulong sa kasulatan (gipakita sa tsart) sa kahon nga adunay saktong pakisayran sa pikas nga bahin. Buhata kini para sa matag kahon.
Guntinga ang matag seksyon nga mahimong mga kard, ug gamita kini aron imemorya kini nga mga pakisayran sa kasulatan ug mga importanteng hugpong sa mga pulong. Ikonsiderar ang pagpangayo og tabang gikan sa mga miyembro sa pamilya ug mga higala sa imong pagmemorya.
Bahina ang mga estudyante sa mga magkapares aron sugdan ang pagmemorya sa mga tudling ug mga hugpong sa mga pulong gamit ang mga kard. Hatagi ang mga estudyante og igong panahon para niini nga kalihokan. Ikonsiderar ang pag-awhag sa mga estudyante nga magbaylo og pares sa kada pipila ka minuto. Pahinumdomi sila sa sitwasyon ni Sylvia, ug hatagi sila og panahon aron motubag sa mosunod nga mga pangutana.
-
Unsa nga mga tudling ug mga importanteng hugpong sa pulong ang gibati nimo nga pinakamapuslanon kang Sylvia, ug ngano man?
-
Unsa nga mga kamatuoran mahitungod sa Manluluwas ang imong mapaambit kaniya gamit kini nga mga tudling?
-
Unsa ang pipila ka paagi nga matabangan ka sa pagmemorya sa mga pakisayran ug mga kamatuoran gikan sa mga kasulatan?