Seminare
Faaaliga 1–5

Faaaliga 1–5

Vaaiga Aoao

O a ni manatu e oo atu pe a e mafaufau i le tusi o Faaaliga? Na tautino mai e le Aposetolo o Ioane, o lē na tusia le tusi, “Amuia i latou o e faitau, ma i latou o e faalogo ma malamalama i upu o lenei valoaga” (Faaliliuga a Iosefa Samita, Faaaliga 1:3 [i le Bible appendix]). I le tusi o Faaaliga, o le a e maua ai faatusa ma faaataataga anoa o le a aoao ai oe e uiga ia Iesu Keriso, le fuafuaga a le Tama Faalelagi, ma le Afio Mai Faalua o le Faaola. O le a e vaaia foi le ala e manumalo ai Iesu Keriso ma Ona soo i luga ae o Satani ma malo o tagata. Na tusi atu i ekalesia e fitu i Asia i se taimi o sauaga ogaoga, o le tusi o Faaaliga e mafai ona fesoasoani ia te oe e faatoilalo ai ma le faamaoni faigata o aso e gata ai ma saunia ai mo le toe foi mai o le Faaola.

Sauni e Aoao Atu

O faamatalaga nei e tuuina atu ai i faiaoga ni manatu i mea e ono manaomia ona saunia mamao i ai mo lesona taitasi:

Faaaliga 1

Faamoemoega o le lesona: O lenei lesona ua faamoemoe e fesoasoani i tagata aoga ia malamalama i ni isi o faatusa i le tusi o Faaaliga ma mea e mafai ona aoao atu ai i latou e uiga ia Iesu Keriso.

  • Sauniuniga a le tagata aoga: Valaaulia tagata aoga e faitau le “ Faaaliga a Ioane ” i le Taiala i Tusitusiga Paia, o loo maua i le scriptures.ChurchofJesusChrist.org, ma o mai saunia e faasoa mai mea latou te fiafia e aoao e uiga i ai ma pe aisea foi.

  • Anotusi e faaali atu: O le ata o Iesu i moliga’o

  • Pepa e tufa atu: Ia saunia ia lava ni kopi o le pepa e tufa atu “O Faatusa i le Faaaliga a Ioane” mo tagata aoga.

Faaaliga 2–3, Vaega 1

Faamoemoega o le lesona: O lenei lesona e mafai ona uunaia ai tagata aoga e faalogo i le siufofoga o le Faaola o faailoa atu a latou galuega lelei ma tuuina atu ia i latou se faasa’oga manaomia.

  • Sauniuniga a le tagata aoga: Valaaulia tagata aoga e faailoa mai po o fea o vaega o o latou olaga ua latou lagona e ono fiafia i ai le Faaola. I le avea ai ma se vaega o lenei valaaulia, e mafai e tagata aoga ona tatalo ma ole atu i le Tama Faalelagi e fesoasoani ia latou iloa mea o loo lelei ona latou faia. E mafai foi ona latou fai atu i o latou matua e fesoasoani ia i latou.

  • Mea faitino po o le ata e faaali atu: Sauni e faaali atu le ata o Iesu i le Faitotoa (Tusi Ata o le Talalelei [2009], nu. 65) ma le faafanua o ekalesia e fitu.

  • Vitio: “Mrs. Patton—ua Toe Faaauau le Tala” (16:09; matamata mai le faailotaimi 15:08 i le 15:55)

Faaaliga 2–3, Vaega 2

Faamoemoega o le lesona: O lenei lesona e mafai ona fesoasoani i tagata aoga ia lagonaina se manao faateleina e faatoilalo luitau ma maua faamanuiaga ua folafola mai e le Faaola o le a tuuina mai.

  • Sauniuniga a le tagata aoga: Valaaulia tagata aoga e fai atu i se tagata o le aiga po o se uo faatuatuaina e faasoa mai se aafiaga i se taimi na latou faatoilaloina ai se faafitauli faatasi ma le fesoasoani a le Faaola.

  • Vitio: “E Mafai ona E Faapotopotoina Isaraelu!” (10:53; matamata mai le faailotaimi 4:48 seia oo i le 5:22)

  • Anotusi e faaali atu: Mafaufau e faaali atu le siata faatasi ma tusi faasino o mau ma faauigaga o loo lisi atu i lalo o le siata. E mafai foi ona fesoasoani le faaali atu o filifiliga o loo maua i le gaoioiga suesue e uiga i le faatoilalo mo tagata aoga e filifili mai ai.

Faaaliga 5

Faamoemoega o le lesona: O lenei lesona ua faamoemoe e fesoasoani i tagata aoga ia faateleina lo latou manao e tapuai i le Tama Faalelagi ma Iesu Keriso i le alofa ma le faamaoni sili atu.

  • Sauniuniga a le tagata aoga: Valaaulia tagata aoga e talanoa i se tagata o le aiga po o se taitai o le Ekalesia e faatatau i le uiga o le tapuai atu i le Tama Faalelagi ma Iesu Keriso.

  • Vitio: “O Faamanuiga o le Tapuai” (11:28;matamata mai le faailotaimi 3:34 i le 4:45 ma le 8:54 i le 11:14)

  • Anotusi e faaali atu: O le saunoaga a Epikopo Dean M. Davies, ma, pe afai e manaomia, o fesili e lima o loo lisi atu i le faaiuga o le lesona.

Toe Faamanatu 24 o le Atamai i Aoaoga Faavae

Faamoemoega o le lesona: O lenei lesona o le a tuuina atu ai i tagata aoga avanoa e faataitai ai le faaaogaina o ni isi o fuaitau o le atamai i aoaoga faavae i ni tulaga eseese o le olaga nei.

  • Sauniuniga a le tagata aoga: Valaaulia tagata aoga e faaaoga le polokalama o le Atamai i Aoaoga Faavae po o isi metotia e faataitai ai le taulotoina o mau faasino o le atamai i aoaoga faavae o le Feagaiga Fou ma fasifuaitau autu o mau. Fai atu ia i latou e o mai saunia i le vasega e faasoa mai se fuaitau se tasi na latou maua ni aafiaga i le faaaogaina.