Faaaliga 5

“Ua Tatau Lava Le Tamai Mamoe”

Painting of Jesus Christ in America, greeting Nephites.

O le a sou manatu i le uiga o le tapuai i le Tama Faalelagi ma Iesu Keriso? Aisea e te manatu ai tatou te tapuai atu ia i La’ua? Na vaai Ioane i le nofoalii o le Atua ma tagata faamamaluina eseese o loo vivii ma tapuai atu ia te Ia. O lenei lesona e mafai ona fesoasoani ia te oe e faateleina ai lou manao e tapuai i le Tama Faalelagi ma Iesu Keriso ma le alofa ma le faamaoni sili atu.

O le faamalosia o lo tatou sootaga ma le Tama Faalelagi ma Iesu Keriso. O tagata aoga o e alolofa i le Tama Faalelagi ma Iesu Keriso ma iloa lo La alolofa mo i latou e lagonaina se manao moni ia latalata atu ia i Laua. Faamanatu i tagata aoga e mafai ona fesoasoani le seminare ia i latou ia lagona le alofa o le Atua mo i latou.

Sauniuniga a le tagata aoga: Valaaulia tagata aoga e talanoa i se tagata o le aiga po o se taitai o le Ekalesia e faatatau i le uiga o le tapuai atu i le Tama Faalelagi ma Iesu Keriso.

Gaoioiga E Ono Mafai Ona Aoao Ai

O le nofoalii o le Atua

Mafaufau e amata le vasega i le usuina o se viiga e vivii atu ai i le Atua, e pei o le “Glory to God on High” po o le “All Creatures of Our God and King” (Hymns, nu. 67, 62). Valaaulia tagata aoga e maitau le uiga o le tapuai atu i viiga.

O le isi filifiliga o le tuu atu lea i tagata aoga e mafaufau i se tasi latou te alolofa i ai ma pe faapefea ona latou faaali atu i lena tagata latou te alolofa ia te ia. Valaaulia tagata aoga e mafaufau pe faapefea ona latou faaalia le alofa i le Atua.

Valaaulia tagata aoga e lisi i luga o le laupapa a latou tali i le fesili lenei.

O le a se mea ua e iloa e uiga i le Tama Faalelagi ma Iesu Keriso lea e faaosofia ai i totonu o lou loto se manao moni e tapuai atu ia i La’ua?

A tatou tapuai atu i le Tama Faalelagi ma Iesu Keriso, tatou te tuuina atu ia i la’ua lo tatou alofa, migao, ma le auauna atu (tagai i le Autu o Talalelei, “Tapuai,” topics.ChurchofJesusChrist.org). O le tapuai atu i le Tama Faalelagi ma Iesu Keriso e mafai ona i ai se aafiaga taua i o tatou olaga ma fesoasoani tatou te lagona ai le latalata atu ia i La’ua.

O a ni avanoa o ia te oe e te tapuai atu ai i le Tama ma le Alo?

Faaavanoa sina taimi e te mafaufau ai pe faafia ona e tapuai faamaoni i le Tama Faalelagi ma Iesu Keriso. Mafaufau pe o le a faapefea ona suia lou olaga pe afai e te tapuai soo ma le anoa ia i laua. Saili le faatosinaga a le Agaga Paia a o e suesue i le Faaaliga 5 ia iloa ai pe mafai faapefea ona e tapuai faamaoni atili i le Tama Faalelagi ma Iesu Keriso.

Ua tatau lava le Tamai Mamoe

A modern replica of an ancient papyrus scroll, folded and sealed with multiple clay seals. Sealing an ancient document in this way identified its owner and his authority, made the document legally binding, and protected it from unauthorized disclosure. Jesus Christ’s role as the only person worthy to open and read the sealed book in Revelation 5 highlights His authority as the executor of God’s plan of salvation.

I lana faaaliga, na vaai ai Ioane i le nofoalii o le Atua i le malo selesitila. Sa siomia ai le nofoalii e ni tagata faamamaluina ma ni manu feai eseese o loo vivii atu ma tapuai i le Atua (tagai i le Faaaliga 4:1–11). Sa ia vaai i le Tama Faalelagi o nofo i Lona nofoalii, o uuina se tusi ua faamaufaailogaina i faamaufaailoga e fitu (tagai i le Faaaliga 5:1). O le tusi sa i ai le finagalo o le Atua, mealilo, ma galuega i le aluga o tausaga e 7,000 o le olaga faaletino o le lalolagi (tagai i le Mataupu Faavae ma Feagaiga 77:6–7).

Faitau le Faaaliga 5:2–4 , ma vaavaai mo le tali a Ioane.

O a ni mea sa e maitauina?
Talu ai o le tusi o loo i ai faamaufaailoga e faatusaina i le talafaasolopito faaletino o le lalolagi, atonu na popole Ioane afai e leai se tagata e agavaa e tatalaina, o lona uiga o le a le faataunuuina le faamoemoega o le Atua i le foafoaina o le lalolagi. O le a se mea o le a tupu i fanau a le Tama Faalelagi pe afai o Lana fuafuaga mo lo latou faaolataga o le a le faataunuuina.?

Faitau le Faaaliga 5:5–7 , ma vaavaai pe aisea na le manaomia ai ona tagi Ioane. Ia manatua i le Faaliliuga a Iosefa Samita o le fuaiupu e 6 , o le numera fitu sa suia i le sefulu ma le lua (i le Faaaliga 5:6 , vaefaamatalaga e).

E mafai ona valaaulia tagata aoga e faasoa mai o latou lagona mo le Faaola ma pe aisea latou te faafetai ai mo Ia. A o suesue tagata aoga, tuu atu ia i latou ni avanoa e faasoa mai ai mea sa latou mauaina ma faia ni fesili. Fesoasoani ia i latou e sue tali i tusitusiga paia. Mafaufau e talanoaina mea ua latou aoaoina e uiga i le Faaola mai Ona suafa ma auala ua faamatalaina ai o Ia.

O malamalamaaga faaopoopo mo le Faaaliga 5:5–6 o loo i le vaega o “Tala Auiliili ma Faamatalaga o Talaaga”.

Faitau le Faaaliga 5:8–14 , ma vaavaai pe na faapefea ona tali atu tagata faamamaluina eseese ina ua mafai e Iesu Keriso ona aveese le tusi mai le aao o le Tama Faalelagi. E mafai foi ona e faitau pe na faapefea ona faamatala e Iosefa Samita ia tagata o loo siomia le nofoalii o le Atua i le Mataupu Faavae ma Feagaiga 76:20–21 .

Aisea e te manatu na tali atu ai faapea ia tagata faamamaluina?
Vaai faalemafaufau e faapea na e i ai iina. O le a sou manatu o le a faape’i ni ou lagona? O le a se mea e te faia?
O le a se mea e mafai ona tatou aoao mai i le ala na tapuai ai tagata faamamaluina i le Tama Faalelagi ma Iesu Keriso?

O se tasi o upumoni tatou te aoaoina e faapea, a o tatou iloaina ma lagonaina le lotofaafetai mo le Tama Faalelagi ma Iesu Keriso, tatou te mananao e tapuai ma vivii ia i Laua.

Tapuai

Mafaufau e faaali atu le faamatalaga lenei.

Na aoao Epikopo Dean M. Davies (1951–2021) o le Au Epikopo Pulefaamalumalu e uiga i tapuaiga. E mafai ona e faitauina le faamatalaga o loo i lalo pe matamata i le “O Faamanuiaga o le Tapuai” (mai le faailotaimi 3:34 i le 4:45 ma le 8:54 i le 11:14), e maua i le ChurchofJesusChrist.org.

11:28

A tatou tapuai atu i le Atua, tatou te faalatalata atu ia te Ia ma le alofa migao, lotomaualalo, ma le faaaloalogia. Tatou te faailoa atu ma talia o Ia o lo tatou Tupu silsili, o Lē Foafoa o le atulaulau, o lo tatou Tama pele ma e le mavae lona alofa .

Tatou te faaaloalo ma faamamalu ia te Ia.

Tatou te tuuina atu i tatou lava ia te Ia.

Tatou te vivii ae i o tatou loto i le tatalo faatauanau, faapelepele i Ana afioga, olioli i Lona alofa tunoa, ma tautino atu e mulimuli ia te Ia ma le tuuto faamaoni. …

Pe a tatou tapuai, e faamatuu atu o tatou loto i viiga i lo tatou Atua agalelei i le taeao, aoauli, ma le po.

Tatou te faapaia ma faamamaluina o Ia e le aunoa—i o tatou faletapuai, aiga, malumalu, ma a tatou galuega uma.

A tatou tapuai, tatou te tatala atu o tatou loto i le mana faamalolo o le Togiola a Iesu Keriso.

E avea o tatou olaga ma faailoga ma faatinoga o la tatou tapuaiga.

(Dean M. Davies, “O Faamanuiaga o le Tapuai,” Ensign po o le Liahona, Nov. 2016, 94–95)

O le a se mea ua e aoao mai lenei faamatalaga e uiga i le tapuai?

Ina ia iloilo le malamalama o tagata aoga e uiga i le tapuai, valaaulia i latou e faamatala le manatu faavae o le tapuai atu i le Atua i se tasi tagata o le vasega. Faalogo ma le toto’a i a latou tali, ma ofo atu se malamalamaaga faaopoopo pe a manaomia.

E faapefea ona e manatu o le tapuai faamaoni i le Tama Faalelagi ma Iesu Keriso o le a faamanuiaina ai lou olaga?
O anafea na e lagona ai le latalata atu i le Tama Faalelagi po o Iesu Keriso e ala i le tapuai faamaoni?
E mafai faapefea e lau tapuaiga ona atagia lelei atili ai ou lagona mo le Tama Faalelagi ma Iesu Keriso?
Filifili se tasi pe sili atu o faatinoga nei, ma mafaufau loloto pe mafai faapefea e le tapuai faamaoni ona fesoasoani [i nei faatinoga] ia anoa atili: tatalo, suesue i tusitusiga paia, taumamafa i le faamanatuga, faamamaluina o le Sapati, anapogi, auai i le malumalu.
O le a se mea ua uunaia oe e faaleleia pe suia e uiga i le ala e te tapuai ai?

Atonu e talafeagai le faasoa atu o se aafiaga patino o le tapuai atu ai i le Tama Faalelagi ma Iesu Keriso.