Faaaliga 1

“O Le Faaaliga a Iesu Keriso”

Actor portraying Jesus Christ is standing on a hillside as the sun rises over the horizon.

Ona o lona faaaogaina o faatusa, o le tusi o Faaaliga e mafai i ni isi taimi ona pei e ese pe fenumiai. E moni o le tusi o Faaaliga e tumu i faatusa e faigata ona malamalama ai i ni isi ona vaega. Peitai, o le tele o savali i le tusi o Faaaliga o ni upumoni faigofie e uiga i mea e pei o matafaioi a Iesu Keriso, o mea na tutupu o loo siomia ai le Afio Mai Faalua, ma le manumalo mulimuli o le lelei i le leaga.O le tusi na tusia e Ioane le Aposetolo ma ua tuuina atu i aulotu e fitu o le Ekalesia i Asia Minor (o Take i ona po nei).E pei o le toatele i aso nei, o nei soo faamaoni o Iesu Keriso na puapuagatia ona o lo latou talitonuga ia Iesu Keriso ma sa faamafanafanaina i savali ma faaataataga na tusia e Ioane. O lenei lesona ua faamoemoe e fesoasoani e te malamalama ai i ni isi o faatusa i le tusi o Faaaliga ma mea e mafai ona aoao atu ia te oe e uiga ia Iesu Keriso. 

O le malamalama i faatusa. O faatusa e masani ona faaaoga i tusitusiga paia e aoao mai ai upumoni anoa faaleagaga. Faaalu se taimi e fesoasoani ai i tagata aoga e faaaoga metotia eseese o le faauigaina o nei faatusa. O le faia faapena o le a fesoasoani latou te malamalama lelei ai i le tusi atoa o Faaaliga.

Sauniuniga a le tagata aoga: Valaaulia tagata aoga e faitau le “ Faaaliga a Ioane ” i le Taiala i Tusitusiga Paia, o loo maua i le scriptures.ChurchofJesusChrist.org, ma o mai saunia e faasoa mai mea latou te fiafia e aoao e uiga i ai ma pe aisea foi.

Gaoioiga E Ono Mafai Ona Aoao Ai

Faaaliga [vaaia] a Ioane

Faaali atu le ata lenei ma valaaulia tagata aoga e talanoaina mea latou te vaai o tutupu ai i totonu ma soo se fesili o ia i latou e uiga i ai.

I se isi faiga, mafaufau e amata le lesona faapenei: A o lei amataina le vasega, tuu se mea faitino i luga o se laulau po o se nofoa i luma o le vasega. Ufiufi le mea faitino ina ia aua ne’i iloa e tagata aoga po o le a. A amata loa le vasega, valaaulia tagata aoga e mate po o le a lea mea faitino. A uma ni nai mate, valaaulia se tagata aoga e sau i luma o le vasega ma fai atu ia te ia e susue se pito o le ufiufi ina ia na’o ia lava e mafai ona vaai i le mea faitino. Fai atu i lenei tagata aoga e faamatala le mea faitino i le vasega e aunoa ma le fai atu po o le a lea mea. Fai i le tagata aoga e nofo i lalo. Mafaufau e fai atu le fesili lenei:

O le a se auala e ono faatusa ai le tagata aoga na faamatalaina le mea faitino i se matafaioi se tasi a perofeta ma aposetolo?

I le avea ai o le “Faaaliga a Iesu Keriso” ( Faaaliga 1:1), o le tusi o Faaaliga ua ta’ua i isi taimi o le “Apocalypse,” o le uiga i le faa-Eleni o le, “faaalia mai, po o le faailoa mai” (tagai i le Bible Dictionary, “ Revelation of John ”).

O lenei tusi ua faaalia ai le Alii o Iesu Keriso ma Lana pule, mana, ma [Lana] matafaioi tulaga ese i le ata o le faaolataga a le Tama. Ua faaalia foi e le tusi le tele o faamatalaga taua e uiga i mea e tutupu e tau atu i le Afio Mai Faalua ma le Mileniuma.

O le Aposetolo o Ioane, le soo pele o Iesu Keriso, o le tusitala lea o lenei tusi. O le tusi na tusia e Ioane mai le motu o Patamo i se vaitaimi na feagai ai le au Kerisiano ma aoaoga pepelo, faatalale, ma sauaga matuia (tagai i le Faaaliga 1:9 ; 2:4, 10, 14–15 ; 3:16 ; 6:9).

Ua faamautu mai e le Tusi a Mamona, sa muai faauuina Ioane e tusi ia mea ua faamaumauina i le tusi o Faaaliga (tagai i le 1 Nifae 14:18–27 ; Eteru 4:16).

Atonu o se taimi lelei lea e valaaulia ai tagata aoga e faasoa mai o latou manatu mai le gaoioiga sauniuni a le tagata aoga.

Faitau le Faaaliga 1:1–3 ma maitau le mea na aoao mai e Ioane e uiga i le faaaliga na ia mauaina. (Manatua i le Faaliliuga a Iosefa Samita o loo ta’ua ai, “Amuia i latou o e faitau ma i latou o e faalogo ma malamalama i upu o lenei valoaga.”)

O le a se mea sa tumatila ia te oe mai nei fuaiupu?
O le a le mea na fai mai Ioane e tatau i se tagata ona fai ina ia faamanuiaina ai i le anotusi o le tusi o Faaaliga?

Faitau le Faaliliuga a Iosefa Samita o le Faaaliga 1:4–8 ma vaavaai mo mea na manao Ioane i nei Au Paia latou te iloa ma lagona e uiga ia Iesu Keriso.

Tagai i le vaega o “Tala Auiliili ma Faamatalaga o Talaaga” mo malamalamaaga i “tupu ma faitaulaga” ma le “Alefa ma le Omeka.”

O le a se mea na e maua i le Faaaliga 1:4–8 na manao Ioane i le Au Paia ia iloa ma lagona e uiga ia Iesu Keriso?
O fea o nei upumoni e uiga ia Iesu Keriso o le a fesoasoani i nei Au Paia o e sa mafatia i sauaga?

Mafaufau e tusi i luga o le laupapa ia upumoni na maua e tagata aoga.

E ono mafai faapefea ona fesoasoani nei upumoni ia te oe a o e feagai ma luitau i le olaga?

Faaaliga vaaia faafaatusa a Ioane

I lana faaaliga, na faalogo ai Ioane i le siufofoga o Keriso (tagai i le Faaaliga 1:10–11). Ina ua ia liliu atu agai i le siufofoga o le Faaola, sa ia vaaia faaataataga faafaatusa e talitutusa ma le ata o loo faaalia i le amataga o le lesona.

I tusitusiga paia atoa, sa faaaoga ai e perofeta faatusa e faaloloto ai le malamalama e uiga ia Iesu Keriso ma Lana talalelei. O faatusa e mafai ona avea o se meafaigaluega lelei faafaiaoga aua e mafai ona malamalama i ai tagata o gagana, aganuu, ma auga tupulaga eseese. E mafai foi e faatusa ona tauina atu ni isi o savali eseese. I le ma lenei, o faatusa e mafai ona faatamaoaigaina ai le malamalama e ala i manatu ma lagona musuia ia e faigata ona taulogoina mai i le faaaogaina ai tau lava o ni upu.

O le a lou mautinoa i lou gafatia e malamalama ai i le uiga o faatusa i tusitusiga paia?
Mafaufau i ni isi o faatusa o loo faaaoga i le Feagaiga Fou e faamatala ai Iesu Keriso (e pei o le tamai mamoe, areto, vai, papa, ma le leoleo mamoe). E faapefea ona fesoasoani nei faatusa e te malamalama lelei ai ia te Ia?

Faitau le Faaaliga 1:12–18 ma vaavaai mo faamatalaga faaopoopo ma faatusa i le faaaliga a Ioane ia Iesu Keriso.

I le siata lenei o le a e vaai ai i ni isi o faatusa o loo ta’ua i le faaaliga a Ioane. O se tasi o auala taua e malamalama ai i faatusa i mau o le faaaoga lea o isi mau.

O malamalamaaga e uiga i faatusa faaopoopo e le o maua i le siata e mafai ona maua i le vaega o “Tala Auiliili ma Faamatalaga o Talaaga”.

O Faatusa i le Faaaliga Vaaia a Ioane

Faatusa	Uiga e ono faatatau i ai
1. Tuugalamepa auro e fitu ( Faaaliga 1:12)	1. Tagai i le Faaaliga 1:20 ; 3 Nifae 18:24
2. O le aao taumatau o le Faaola ( Faaaliga 1:16–17)	2. Tagai i le Esoto 15:16 ; Isaia 41:10
3. Fetu e fitu ( Faaaliga 1:16)	3. Tagai Faaaliga 1:20 ; Faaliliuga a Iosefa Samita, Faaaliga 1:20 (i le  Faaaliga 1:20 , vaefaamatalaga e)
4. O se pelu e faataumaai ona itu ( Faaaliga 1:16)	4.Tagai i le Eperu 4:12 ; Helamana 3:29–30
5. O ki o le oti ma seoli ( Faaaliga 1:18)	5. Tagai i le 2 Nifae 9:10–13

New Testament Seminary Teacher Manaul - 2023

Tuu atu i tagata aoga e faasoa mai mea na latou maua ma soo se fesili atonu o ia i latou.

I le mafaufau ai i le mamalu o Iesu ma uiga faamoemoeina o faatusa i le faaaliga a Ioane, toe tepa i tua i le ata o loo faaalia i le amataga o le lesona.

E faapefea ona e faamatalaina mea o faatusa mai e le ata?
O a upumoni e mafai ona tatou aoaoina e uiga i le sootaga i le va o Iesu Keriso ma Ona soo faamaoni?

O le upumoni e tasi e mafai ona tatou aoao mai nei faatusa e faapea, E leoleo ma tausia e Iesu Keriso Ona soo faamaoni.

Mata na faapefea ona avea lenei upumoni ma nei faatusa o se faamanuiaga i le Au Paia o ekalesia e fitu?
O a tulaga e ono avea ai lenei upumoni po o le ata faafaatusa o Keriso o se punavai o le faamafanafanaga i se talavou i aso nei?
Na faapefea ona fesoasoani le faatusa o lenei mataupu ia te oe e malamalama lelei ai po o ai le Faaola ma pe faape’i o Ia?
O le a se mea na e aoaoina e uiga i faatusa e mafai ona fesoasoani ia te oe a o faaauau ona e suesue i le tusi o Faaaliga?

Mafaufau e faasoa atu lau molimau i mea na e lagonaina e uiga ia Iesu Keriso ma le ala na Ia leoleo ai ma tausia Ona soo faamaoni. E mafai ona valaaulia tagata aoga ia faapena foi ona latou faia.

Tala Auiliili ma Faamatalaga o Talaaga

Gaoioiga Faaopoopo e Aoao Ai

O le faatatauga o le tusi o Faaaliga

Ina ia folasia atu le faatatauga o le tusi o Faaaliga, mafaufau e fatu se suega puupuu e fesili ai po o ai tagata na faamoemoe iai, ma pe aisea na tusia ai lenei tusi. E mafai e tagata aoga ona faitau le Faaaliga 1:4, 9 e sue ai tali.

O le faaaliga vaaia a Ioane ma le Tusi a Mamona

O fuaiupu nei e mafai ona faaaoga e faaalia ai e faapea sa lava le taua o le faaaliga a Ioane na afua ai ona aoao atu ai e perofeta o le Tusi a Mamona. Valaaulia tagata aoga e faitau le 1 Nifae 14:18–29 ma vaavaai mo mea na vaai i ai Nifae ma pe aisea na ia le tusia ai e uiga i vaega o lana faaaliga vaaia. E mafai foi e tagata aoga ona faitau le Eteru 4:16 e vaavaai mo mea na fetalai ai le Alii e uiga i le faataunuuina o le faaaliga a Ioane.