Faaaliga 15–22

Vaaiga Aoao

Na valiina e Ioane le Talifaaaliga se ata manino o le faatafunaga ma le amioleaga o le a faatumulia ai le lalolagi i le taimi o aso e gata ai na valoia. I vaaiga faaiu o lana faaaliga maoae, sa ia vaaia ai “le lagi fou ma le lalolagi fou” ma se aai paia o alu ifo mai le lagi (tagai i le Faaaliga 21:1–2). Sa ia molimau e faapea o le Atua “o le a mau foi” ma tagata o lenei aai, “e fai foi i latou mona nuu” ( Faaaliga 21:3).

Saunia e Aoao Atu

O faamatalaga nei e tuuina atu ai i faiaoga ni manatu i mea e ono manaomia ona muai saunia mo lesona taitasi.

Faaaliga 15–19

Faamoemoega o le lesona: O lenei lesona ua faamoemoe e fesoasoani i tagata aoga ia faalagolago atili ia Iesu Keriso ma le mautinoa atili a o latou feagai ma luitau o aso e gata ai.

Sauniuniga a le tagata aoga: Valaaulia tagata aoga e mafaufau loloto i mea ua latou iloa e uiga i tofotofoga o aso e gata ai ma mafuaaga e mafai ona latou faalagolago ai ia Iesu Keriso.

Pepa e tufa atu: “O agelu ma mala,” “Amioleaga ma le mana o le Faaola,” ma le “Faaipoipoga a le Tamai Mamoe”

Faaaliga 20:11–15

Faamoemoega o le lesona: O lenei lesona ua faamoemoe e fesoasoani i tagata aoga ia malamalama atili ai i le Faamasinoga Mulimuli ma saunia ai ia maua se aafiaga matagofie e tu ai i luma o Iesu Keriso i lena aso.

Sauniuniga a le tagata aoga: Valaaulia tagata aoga e faitau le Faaaliga 20:12 ma o mai saunia i le vasega ma ni a latou fesili o i ai e uiga i le Faamasinoga Mulimuli.

Ata e faaali atu: O le ata o le Faamasinoga Mulimuli o loo maua i le pito i luga o le lesona

Anomea mo tagata aoga: Kopi o faamatalaga o loo i le vaega o “Tala Auiliili ma Faamatalaga o Talaaga” e ono mafai ona fesoasoani

Atamai i Aoaoga Faavae: Faaaliga 20:12

Faamoemoega o le lesona: O lenei lesona o le a fesoasoani i tagata aoga e tauloto le tusi faasino o le atamai i aoaoga faavae ma fasifuaitau autu o le mau mo le Faaaliga 20:12 , faamatala le aoaoga faavae, ma faaaoga mataupu faavae o le mauaina o le malamalama faaleagaga.

Sauniuniga a le tagata aoga: Valaaulia tagata aoga e toe faamanatu le Faaaliga 20:12 ma ia saunia e faasoa mai i le vasega mea ua latou aoaoina e uiga i le Faamasinoga Mulimuli ma pe mafai faapefea ona tatou saunia mo lena mea.

Anotusi e faaali atu: O fesili e lima o le a fesoasoani i tagata aoga e faamalamalama ai le aoaoga faavae
Faaaliga faatino a le tagata aoga: Mafaufau e fai atu i ni tagata aoga se toatolu a o lei amataina le vasega e toe faamanatu se tasi o mataupu faavae o le mauaina o le malamalama faaleagaga ma ia saunia e faasoa atu se aotelega puupuu o lena mataupu faavae e fai ma se vaega o le lesona.

Faaaliga 21–22

Faamoemoega o le lesona: O lenei lesona ua faamoemoe e fesoasoani i tagata aoga ia malamalama o le avanoa e nonofo faatasi ai ma le Tama Faalelagi ma Iesu Keriso i le malo selesitila e aoga uma i ai a latou taumafaiga.

Sauniuniga a le tagata aoga: Valaaulia tagata aoga e mafaufau loloto pe faape’i le malo selesitila ma pe aisea o le a latou mananao ai e fai mo latou tofi.

Pepa e Tufa Atu: “Aisea e aoga ai a tatou taumafaiga aupito sili ona lelei i le tausinio ai mo le malo selesitila”

Iloilo Lou Aoaoina 12

Faamoemoega o le lesona: O lenei lesona ua faamoemoe e fesoasoani i tagata aoga e iloilo ai sini na latou faatulagaina ma lo latou tuputupu a’e na latou maua i taimi o latou suesuega o le Feagaiga Fou.

Sauniuniga a le tagata aoga: A o faamaeaina e tagata aoga a latou suesuega o le Feagaiga Fou, valaaulia i latou e fai se lisi o fuaitau o mau e tolu i le lima e sili ona aoga sa latou suesueina i lenei tausaga.

Anotusi e faaali atu: O faatonuga mo gaoioiga A ma le E
Ata e faaali atu: O le ata o Paulo o loo molimau atu i luma o le Tupu o Akeripa