Roma 7–16

Vaaiga Aoao

I se tusi i le Au Paia i Roma, sa faamamafa atu ai e Paulo le taua o le lotogatasi i le avea ai ma tagata o le Ekalesia a le Faaola. Sa ia aoao mai foi e uiga i le faatoilaloina o faatosinaga faalelalolagi ma o tatou natura pa’u, e uiga i le alofa le masuia o le Atua, ma e uiga i faamanuiaga e mafai ona tatou maua e ala ia Iesu Keriso pe a tatou mulimuli ma le faamaoni ia te Ia ma savavali i le Agaga.

Sauni e Aoao Atu

O nei faamatalaga e tuuina atu ai mo faiaoga ni manatu mo ni mea e tatau ona saunia mamao atu ai mo lesona taitasi.

Roma 7–12

Faamoemoega o le lesona: O lenei lesona ua faamoemoe e fesoasoani i tamaiti aoga e faatino le faatuatua sili atu ia Iesu Keriso e faatoilalo ai o latou vaivaiga.

Sauniuniga a le tamaitiiti aoga: Valaaulia tamaiti aoga e faitau le Roma 7:14, 18–19, 24–25, faatasi ai ma le 2 Nifae 4:17–20, 26–32. Fai atu ia i latou e o mai saunia e faasoa mai pe na faapefea ona faaopoopo pe faamanino mai e lenei fuaitau o le Tusi a Mamona lo latou malamalama i mea o loo aoao mai i le Roma 7. Faamanatu i tamaiti aoga e aumai foi ni a latou lava kopi o le Tusi a Mamona i le vasega.

Siata: Faaali atu le siata o loo maua i le lesona o fuaitau o mau mai le Roma ma le Tusi a Mamona.

Roma 8:1–17

Faamoemoega o le lesona: O lenei lesona ua faamoemoe e fesoasoani i tamaiti aoga e faatupulaia ai lo latou naunau e mulimuli i le Agaga ma maua mea uma o loo i ai i le Tama Faalelagi.

Sauniuniga a le tamaitiiti aoga: Valaaulia tamaiti aoga e faitau le Mataupu Faavae ma Feagaiga 76:55–70 ma o mai saunia e faasoa mai pe aisea latou te mananao ai e maua faamanuiaga o loo faamatalaina i nei fuaiupu.

Faaali Atu: Sauni e faaali atu ata faataitai e tolu i le faaiuga o le lesona ma faatonuga o loo mulimuli mai i ata faataitai.

Fautuaga mo aoaoga i fesootaiga i vitio: Mafaufau e valaaulia tamaiti aoga e aumai se mea faitino po o se ata e faatusa i se meaalofa faaletino pe faaleagaga latou te faamoemoe e fai mo latou tofi. Valaaulia i latou e faasoa mai mea na latou aumaia ma pe aisea latou te mananao ai e fai mo latou tofi lena meaalofa.

Roma 8:18–39

Faamoemoega o le lesona: E mafai ona fesoasoani lenei lesona i tamaiti aoga ia lagona le faamoemoe ma le mafanafana e ala i le alofa o le Tama Faalelagi ma Iesu Keriso a o latou feagai ma tofotofoga ma le le mautonu.

Sauniuniga a le tamaitiiti aoga: Valaaulia tamaiti aoga e fai se mea mo se tagata o le aiga e faaalia ai lo latou alofa e ala i faatinoga nai lo upu ma ia saunia e faasoa mai mea sa latou aoaoina mai lenei aafiaga.

Anomea mo tamaiti aoga: Se tamai fasipepa laitiiti mo tamaiti aoga taitasi
Musika: “Na Ia Auina mai Lona Alo” (Tusipese a Tamaiti, 20–21)

Fautuaga mo aoaoga o fesootaiga i vitio: Mafaufau e faaali ata vitio o konafesi aoao o loo maua i le vaega o le lesona “Tala ma Faamatalaga o Talaaga”.

Roma 12–15

Faamoemoega o le lesona: O lenei lesona ua faamoemoe e fesoasoani i tamaiti aoga e saili ni auala e sili atu ai le lotogatasi ma tagata o le Ekalesia a le Faaola.

Sauniuniga a le tamaitiiti aoga: Valaaulia tamaiti aoga e faitau le Mataupu Faavae ma Feagaiga 38:27 ma mafaufau pe aisea e finagalo ai le Alii ia lotogatasi tagata o Lana Ekalesia.

Vitio: “A Friend to All” (4:01)

Iloiloga 18 o le Atamai i Aoaoga Faavae

Faamoemoega o le lesona: O lenei lesona o le a tuuina atu ai i tamaiti aoga avanoa e faataitai ai le faatatauina o nisi o fuaitau o le atamai i aoaoga faavae mai le Feagaiga Fou i o latou olaga.

Manatua: E ono manaomia ona aoaoina se lesona o le fuaitau o atamai i aoaoga faavae e suitulaga i lenei lesona toefaamanatu. Tagai i le kalena faasolosolo mo lau vasega ua saunia e le faatonu po o le taitai faamaopoopo o le eria po o le risone ina ia mautinoa o lesona o fuaitau o le atamai i aoaoga faavae taitasi o le a aoaoina a o faagasolo ia vasega seminare.

Sauniuniga a le tamaitiiti aoga: Valaaulia tamaiti aoga e fai atu i ni uo se toalua pe toatolu po o ni tagata o le aiga e faasoa mai ia i latou se fuaitau o le Feagaiga Fou latou te moomoo ia suesue ma faaaoga e talavou taitasi i le lalolagi i o latou olaga. Valaaulia tamaiti aoga e tusi i lalo mau faasino na faasoa mai e a latou uo ma aiga ona saunia lea e faasoa atu na mau faasino i le vasega.

Meafaitino: Selau limasefulu fasipepa laiti i totonu o se ipu po o se isi koneteina
Siata: Faaali atu se siata o loo aofia i le lesona o fuaitau o le atamai i aoaoga faavae ma o latou fasifuaitau autu o mau.

Fautuaga mo aoaoga o fesootaiga i vitio: Valaaulia tamaiti aoga e faaaoga le vaega o talatalanoaga e faasoa atu ai se fuaitau o le atamai i aoaoga faavae latou te lagona e mafai ona faamalosia ai lo latou sootaga ma le Tama Faalelagi ma Iesu Keriso. Ona filifili lea o nisi o tamaiti aoga e faamatala atu i le vasega pe aisea na latou filifilia ai le fuaitau na latou faasoaina atu.